Bodo news 23 may 2022 ~ Bodoinfo.com

गुवाहाति नि बरबरि नि होखारजानाय सुबुंफोरनि थाखाय दिनै कृषक मुक्टि संग्राम समिटि आ धर्ना हाबाफारि लादोंमोन, बे हाबाफारि आव बाहागो लायो सिबसागर नि एमएलए अखिल गगै बिथाङा, सोरखार खौ गोख्रों राव जों सोंखारिदों। बे जायगा निफ्राय होखारजानाय सुबुंफोरनो फिन थांना थानायनि राहा खालामनायजों लोगोसे खहा सुफुंनायनि दाबि जों धर्ना हाबाफारि खौ बांसिन गोरा खालामो, एमएलए अखिल गगै बिथाङा बुंदों बे धर्ना हाबाफारि आ होखारजानाय नखरनो थांना थानायनि राहा आरो खहा सुफुंना होआगौमानि थाबायनो थागोन होनना। गुबुनफारसे कंग्रेस नि दैदेनगिरि गर्जन मुसाहारि बिथाङा दिनै खौरांमेल नि गेजेरजों दिनै दुखु नि समाव मानो एमसिएलए, ईएम, एमएलए, मन्थ्रि, एमपि, सिईएम आ सिरि दं होनना सोंनायजों लोगोसे बेबायदि मोनसे नि उनाव मोनसे गाज्रि जाथाय जाबाय थानाय आ आरोबाव जाबावगोन होननो बो बुंबावो। बरफोरनिखौ ल मानो नुखो, गुबुन गुबुन गिदिर गिदिर सुबुंफोरनि आ मानो बेयावनो थाबाय थाखो। गोदोनि दिन आव बर फोरखौ नायनो बानानै हस्तेल फोराव थाहोयि, दै लोंहोयि बायदिनिख्रुय आरो गाज्रिसिनसो जाबाय माथो होनना बुंदों।

22 नं कक्लाबारि बियाब आव जानो गोनां उफ्रा बिसायखथि नि थाखाय थियारि ईउपिपिएल आरो बिपिएफ दोलो आ। दिनै ईउपिपिएल दोलो नि बिजाथि मन्तु बर आरो बिपिएफ नि शंकर बसुमतारि बिथांमोना बिजाथिलाय गथायो। दिनै बिजाथिलाय गथायनाय हाबाफारि आव बाहागो लानानै बिपिएफ नि गाहाय हाग्रामा महिलारि बिथाङा बेरफ्रुसार बिबुंथि होदों- थाबैनो बिटिसि आव बिपिएफ आ सोरखार दागोन, दायो खोनाबाय थानाय खौरांफोरा गासैबो थार, दासिम जोंनाव सा 11 एमसिएलए दं, कक्लाबारि नि खौ देरहायोब्ला सा 12 जागोन, आरो गोदान सा 12 आ जोंजों लोगोसे जानो थियारि, गोबां एमसिएलए ईएम बिथांमोना कन्टेक खालामगासिनो, जों सा 12 खौ सायख सायख सो लादों होनना बो बुङो। दानि सोरखार खौ आउत खालामनानै सोरखार दागोन आ 100 जौखोन्दो रोखा होनना बो बुंबावो। गुबुनफारसे ईउपिपिएल नि बिजाथिनि नमिनेशनलाय गथायनाय हाबाफारि आव दानि बिटिसि नि गाहाय प्रमद बर बिथाङा बाहागो लानानै गावनि दोलो नि बिजाथि आ गोबां भट जों देरहागोन होनना बुंदों।

हौवा गोदान नि खर आव खानाय गैयि नि थाखाय नो हाबा नि मन्दब आव हाबा खौ सिफायो खैना या। जाथायखौ लानानै मोननैबो नखर नि गेजेराव दावराव जायो। उनाव पुलिस फैनानै थासारि खौ गावनि सिङाव लाबोयो। जाथाय आ उत्तरप्रदेश नि, सुक्रबारखालि हर आव दिल्लि निफ्राय उन्नाउनि सुफिपुर आव हाबा खालामनो फैदोंमोन पंकज मुंनि सुबुं आ। खैना नि न आव मोजां रंजा खुसि हाबाफारि खुंदोंमोन, माला गानहोनो हाईद्रलिक प्लेटफर्म बानायदोंमोन, आरो बेयावनो थाङो खैना आरो हौवा गोदान आ, माला गानहोनायनि उनाव बेनिफ्राय ओंखारनाय समावनो हर्खाब बेहोस जानायबायदि जायो हौवा या। बेयावनो दावराव दावसि जायो। हिनजाव आ दै सारना होदोंमोन, बेबायदि नो खर आव बो आखाय होदोंमोन, खर आव आखाय होनाय लोगो लोगो नो नंखाय खानाय आ हिनजावसा नि आखाय आव फैफायो, बे जाथायखौ मानिना लानो हायासै खैना या। लोगो लोगो हाबा खौ सिफायनो होस्रिखावो, खैना नि साईद आ बुङो हाबा नि सिगां बे बाथ्रा खौ लाखोमादोंमोन होनना, उनाव पुलिसफोरा फैयो, बुजायदोंमोनबो, नाथाय खैना या मानियासै, जेबो गुबुन राहा गैयि आव हर गेजेरावनो हौवासा या थांफिननांगौ जायो।

सौदि आरब सोरखार आ भारत जों लोगोसे गासै 16 टा हादरफोर दावबायनायखौ बेन खालामना होदों। कभिद नि गोसारनाय आ बारा जानायनि थाखायनो बेन खालामदों होनना फोसावनानै होदों। कभिद नि गोसारनाय आ गावनि हादर आव नो बारा जादों, लोगोसे दायो गुबुन मोनसे बेराम मांकि भाईरास नि मोनसेबो केस मोनाखै होनना रोखा खालामना होदों। खौरां मोननाय बादिब्ला वर्ल्द हेल्थ अर्गेनाईजेशन आ 11 टा हादर आव 80 टा केस मोनदों बे बेराम नि।