दानिया राजालामा याव गारि मथर
सालायनाय आव सांग्रां जा, मानोना मैया राजालामा याव गारि मथर सालायनायनि गोनांथार
थिरांथाफोर लादों, गोसा सालायनानै जानाय जाब्रबथायखौ होबथानो थाखाय नो बांसिन सा 8
जिरायना थांनो हानाय गावनि प्राईभेट गारि आ 4 लेन लामा, गुबुन महारियारि राजालामा
आरो रायजोआरि लामा आरो नोगोरनि सिङाव फारियै 100 किमि, 70 किमि आरो 60 किमि
गोसासिन सालायनो हागोन, बेबायदि सा 4 जिरायनो हानाय कमार्सियेल एबा फालांगियारि
गारि आ 4 लेन लामा, गुबुन महारियारि राजालामा आरो रायजोआरि लामा आरो नोगोरनि सिङाव
फारियै 80 किमि, 70 आरो 60 किमि नि बारनो मोननय नङा गोसा या। फालांगियारि आव सा9
नङाब्ला सा 9 नि बारा जिरायना थांनो हानाय गारि आव 4 लेन आव 80, माहारियारि आरो रायजोआरि
राजालामा आव 70 आरो नोगोर आव 60 किमि गोसा सालायनो हागोन। मथर साईखेल नि आव 4 लेन
लामा, गुबुन महारियारि राजालामा आरो रायजोआरि लामा आरो नोगोरनि सिङाव फारियै 80
किमि, 60 आरो 50 किमि, साखा खब 3 नि आ 4 लेन लामा, गुबुन महारियारि राजालामा आरो
रायजोआरि लामा आरो नोगोरनि सिङाव फारियै 50 किमि, 50 किमि आरो 40 किमि। मालबाहि
गारि नि आव 4 लेन लामा, गुबुन महारियारि राजालामा आरो रायजोआरि लामा आरो नोगोरनि
सिङाव फारियै 70, 60 आरो 40 किमि। बेफोरनि बारोब्ला जरिमाना जागोन, गोसा
सालायनायखौ नायनो थाखाय मेशिन थाखागोन, बेनि गेजेरजों नो हमजागोन।
बर हारि नि
गेजेराव दिनैसिमबो शांति गैया, आसामनि गिबि मन्थ्रि भारत नि गाहाय मन्थ्रि आ शांति
फैबाय होनना बुंदों, नाथाय बेफोरबायदि होखारजानाय बुथारजानायफोरखौ नुनानै गोबां
शांति फैबावनो दंबावो होनना साननानै बुंदों लैहोर लैहोर गयारि बिथाङा। बर हारि आ
दायो राजखान्थि नि बाथ्रा लानानै सोरबा बिपिएफ सोरबा ईउपिपिएल बिजेपि जानानै
नांलायनानै धंस नि लामा याव थाङाब्लाबो थांगोन खौ नुहरदों होनना बुंदों। बेनि
होखारजानायफोरनि खौरां लानो फैनांगौ, आरो खौरां लानो फैयाब्ला जोंनि दैदेनगिरिफोरा
बायजाबाय होनना सानगोन होनना बो बुंबावो बिथाङा, दासिम फंसेबो आसामनि गिबि मन्थ्रि
नि बेरेखा बुङा, दिनै बुंनांगौमोन जोंनि बर हारि नि खहा जागासिनो। बर हारिखौ रैखा
होनो बिटिसि नि गाहाय प्रमद बर खौ खावलायदों बिथाङा। गुबुनफारसे केबिनेट
थिरांथा बादियै दिनै बर' हारिनि माहारियारि आफाद एबसु आरो CCTOA इभिकसन खालामजाग्रा आरो सरकारनि जों
गुवाहाटीयाव जानाय इभिकसननि सायाव बेलासिनि 1 रिंगायाव गेजेराव सावरायलायगोन । मख'थावनादि मिरु
एबसुनि आफादगिरि दिपेन बर'आ बे सावरायनाय हाबाफारियाव बाहागो लागोन आरो आसाम सरकारनिफ्राय ड० रनुज
पेगु आरो इउ. जि ब्रह्म थाफागोन होनना खौरां मोननाय जादों ।
रासिया आरो ईउक्रेईन नि दावहा
नि उनाव दायो आरो मोनसे दावहा नुगोन नामा, बे खनसे नि आ एसिया याव जानो हागौ।
टाईवान खौ दखल खालामनायनि गिदिर थांखि चिन नि। खौरां मोननाय बादिब्ला मोनसे अदिय
क्लिप खौ मोनसे चेनेल आ फोसावना होनायनि उनाव नो बेनि सायाव प्लेन खालामनायखौ
मिथिदों, चिन नि कमिउनिस्त पार्ति नि सासे दैदेनगिरि आ बेखौ भाईरेल खालामदों होनना
साननाय जादों, गुवांदं प्रदेश नि गवर्नर, कमिउनिस्त पार्ति नि दैदेनगिरि आरो पिएलए
नि मेजर जेनेरेल थाको नि कामान्दार नि रायलायनाय आव टाईवान दखल खालामनायनि
सोमोन्दै मिथिदों होनना फोरमायो, द्रोन आरो नेभि फोरखौ थियारि खालामनायजों लोगोसे
टाईवान नि सायाव नोजोर होनायनि सोमोन्दै बो बुङो, बे अदिय भाईरेल जानायनि उनाव नो
सम्बारखालि टकिअ आव कुवाद गोजौ थाखो नि सावरायनाय आव आमेरिका नि हादरगिरि ज बाईदेन
आ बुंदों- चिन आ गाग्लोबोब्ला आमेरिका या टाईवानखौ रैखा खालामगोन होनना, बे
सावरायलायनाय आव भारत नि, जापान नि आरो अष्ट्रेलिया नि गाहाय मन्थ्रि आ दंमोन।
टाईवानखौ गोबाव सान निफ्रायनो चिन आ सिगिगासिनो दं, चिन नि बाहागो होनना आगोलनिप्रायनो
बुंगासिनो दं। बेनि गेजेरावनो रासिया नि मोनसे खौरां मोनदों, रासिया या ज बाईदेन,
कमला हेरिस, मर्गान फ्रिमेन जों लोगोसे गोबां सुबुंफोरखौ गावनि हादर आव थांनायखौ
बेन खालामबाय। रासिया ईउक्रेईन दावहा नि उनाव नो ईउक्रेईन खौ आमेरिका या मदद
होबोगासिनोमोन, रा,या नि गोबां फालांगिरिफोरखौ आमेरिका या बेन बो खालामदोंमोन,
दायो बेनि बेरेखा नो रासिया या बो 163 आमेरिकान नोगोरारिफोरनि सायाव बेन खालामना
होदों, आमेरिका नि हादरगिरि, लेङाय हादरगिरि जों लोगोसे गोबां हलिउद नि फावखुंगुर,
पावखुंग्रिफोरखौ बेन खालामदों।
उफ्रा बिसायखथि नि उनाव नो
बिटिसि आव हाग्रामा या सोरखार दागोन, बिजेपि, ईउपिपिएल नि सा 12 एमसिएलए फोरा मदद
होगोन होनना बुंदों बिपिएफ नि गाहाय हाग्रामा महिलारि बिथाङा, बे बेरफ्रुसार
बिबुंथि खौ मैया मुशलपुर आव होदोंमोन बिथाङा। बिपिएफ नि बिजाथि नि नमिनेशनलाय
गथायनाय समाव बुंदों। मखजाथावदि 22 नं कक्लाबारि बियाब आव पैगो 8 जुन आव उफ्रा
बिसायखथि आ जागोन।
अदालगुरि
जिल्लानि भेरगावआव थानाय सेरिकालसार एमफौ फिसिग्रा बिफानाव बिटिआरनि इ एम दावबायसा
बर’आ गावनि बिफानारि पुजिनिफ्राय एम्फौ फिग्रा सुबुंफोरनो साफायाव 10 रोजा
रांनि अनसुंथाय होदों। बे जि रोजानि सेक रान्नाय हाबाफारिआव सेरिकालसार बिफाननि
डाइरेक्टरनि OSD जोगेस्बर देउरि, इउपिपिएल
भेरगाव जिल्ला आफादनि आफादगिरि निर्मल बर’ ,गाहाय
नेहाथारि एन्थनि बसुमतारि ,जोहोलाउ बर’,देरहासाद बर’ ,बिनोद बर’जों लोगोसे गोबां दैदेनगिरि आरो मुलाम्फायारीफोरा
बाहागो लायो।
कार्बि आंलं
जिल्लानि सिङाव थानाय लांहिनि बिभा भ'भनआव मैया 23 मे, 2022 खालाराव
कार्बि आंलं जिल्लानि दुलाराय बर' फरायसा आफादनि बानजायनायाव मेलेमजिबि, कार्बि आंलं जिल्लानि समाज सिबियारी आरो रायजो-राजाखौ लानानै गुबुन गुबुन
जेंना आरो आयदानि सायाव गुवारै सावरायनाय जायो। हाबाफारियाव दुलाराय बर' फरायसा आफादनि आफादगिरि मानगोनां मुस्री दिपेन बर'आ बाहागो लाहैयो आरो गावनि बिबुंथिआव कार्बि आंलं जिल्लायाव रायजो जानाय
साफ्रोमबो बर' सुबुंफोरखौ
जेब्लायबो खौसेथिनि गेजेरजों बर' हारि जौगानायनि
खामानि मावनो खावलायो। कार्बि आंलं
जिल्लायाव रायजो जानाय बर'फोरनि थाखाय आसाम सरकार आरो भारत सरकारा बि.टि.चि गोरोबथानि गेजेरजों
हाजोआरी मोन्थाइ (ST Hills
Status) मावफुंनानै होनायनि खोथा होसेयावबो मावफुंनायखौ नुनो मोन्नाय जायाखै जायनि
थाखाय कार्बि आंलं जिल्लायाव रायजो जानाय बर'फोरा गोबां सरकारनि मोन्नो गोनां
सुबिदाफोरनिप्राय जानगाराव थाबोनो गोनां जादों बिनिखाइनो गोलाव समनि जेंनाखौ
सुस्रांना होनो थाखाय भारत सरकार आरो आसाम सरकारआ सोमावसारारि आफादफोरनि दाबि
खालामनायबादि बि.टि.आर. गोरोबथानि MOs आव रोखायै कार्बि आंलं जिल्लायाव रायजो जानाय
सुबुंफोरनो हाजोआरी मोन्थाइ ( ST Hills) खौ होनायनि
खोथा होदों। दुलाराय बर' फरायसा
आफादआबो कार्बि आंलं जिल्लायाव थानाय बर'फोरनि थाखाय थाद'आलासे खामानि
मावबोगासिनो आरो जेखि थासारियावनो कार्बि आंलं जिल्लानि बर'फोरजों एबसुआ
थाबाय थागोन होननानै एबसुनि आफादगिरि मुस्री दिपेन बर' बिथाङा गावनि
बिबुंथिआव बुङो मानोना एबसुआबो मोनफ्रोमबो जेंनाजों मोगामोगि जाबोदों आरो
माब्लाबाबो बर' हारिया खहा
जानाय खामानि मावनाय नङा होन्नानैबो बिथाङा बुंबावयो।हाबाफारियावनो
एबसुनि लोगो आफादगिरि मानगोनां मुस्री खोरोमदाव वारी, नेहाथारि
मुस्री आनान्द दैमारि, गेलेमु नेहाथारि गनेश बसुमतारी, लोगो सोलोंथाइ नेहाथारि र'मिअ बसुमतारी, बागसा जिल्ला
एबसुनि आफादगिरि मुस्री उमेस दैमारीजों लोगोसेनो कार्बि आंलं जिल्लानि सानसुमै, समाज सिबियारी
आरो रायजो राजाफोरा बाहागो लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon