मा प्रमद मा हाग्रामा बेलाय ज जानो हाया नामा सासे बर बिमा नि नो फिसा जानानै ~ Bodoinfo.com

रायजो आव फिन बारा जाबाय गेस सिलिन्दार नि बेसेन आ। साधारन सुबुंफोरनि सायाव फिन बेसेन बारा जानायखौ जाबसिनना होनाय जाबाय, ननि गेस सिलिन्दार नि बेसेन खौ 3 रां 50 फैसा बारायदों, आरो फालांगियारि गेस सिलिन्दार नि बेसेन खौ 8 रां बारा खालामदों, हादोरनि गासैबोफ्राम रायजो आव नो सिलिन्दार नि बेसेन आ 1 रोजा नि बारा जादों, दिनै फुङावनो पेट्रलियाम कम्पानि आ बेबायदि बेसेन बारायनायखौ फोसावनानै होयो। ननि बाहायनाय आ 14.2 केजि नि जायो, फालांगिरि नि आ 19 केजि जायो। 19 केजि नि आ दिल्लि आव 2354 रां। जायगा लानानै जायगा बेनि बेसेन आ बो गुबुन गुबुन जायो।

गुवाहाति आव बर नखरफोरा दुखुनांथावै होखारजानायनि खौरां लाहैदों बनसु आ। आफादगिरि बनजित मन्जिल बसुमतारि बिथांजों लोगोसे गोबां दैदेनगिरि बिथांमोना थांनानै खौरां लाहैदों। मखजाथावदि साननै सिगां आव मुंदांखा फावखुंग्रि रिया ब्रह्म आरो बिथांनि नखर आ 1.1 लाख रां नि मदद हैदोंमोन, गेमश्रि दैमारि बिथाङा बो थांनानै मदद हैदों, बेफोरनि अनगायैबो मिरु एबसु आ बो थांनानै खौरां लाहैनायजों लोगोसे मदद बो खालामदों, डाँ अन्जालि दैमारि बिथाङा बो थांनानै खौरां लाहैदोंमोन, बिथाङा सोंदोंमोन गिबि मन्थ्रि आ बुङो आसाम आव ट्राईबेल नि हा याव सो बिसोर दं, ट्राईबेल फोरखौ एभिकशन खालामनो हाया होनना, अब्ला माबोरै बरबरि नि हा खौ हर्खाब एभिकशन खालामनो हाखो होनना। बेबायदि नो गोबां बर सुबुंफोरा थांनानै खौरां लाहैनाय आरो मदद खा लामनाय आ बाख्नायजाथाव। जाथाय आ थांनाय 13 मे आव नो जादोंमोन, मोन3 बिफान आ बे होखारनाय हाबाफारिखौ खालामदोंमोन, जेराव गोबां नखर आ नो आलाय सिलाय जानांदों।

रायजो आव बोसोरनि गिबि दैबाना नि खहा या बारा निफ्राय बारा जालंगासिनो, दासिम गासैबोफ्राम जिला याव नो बेनि गोहोम गोग्लैनायखौ नुनो मोनदों। 6.62 लाख सो सुबुंफोरा गोहोम गोग्लैदों। आसाम आ दानो अखा निफ्राय उदां जानायनि सम्भावना या ईसे खम दं, मानोना रायजो आव आरो सान 4 सो अखा हाबाय थानो हागौ होनना बोतोर बिगियान आ सांग्रां खालामना होदों, राययजो नि 1400 सो गामिफोरा दै जों लोमजोबदों, आगोलाव दैबाना जायोमोनब्लाबो बे बोसोरनि बायदिद्राय जायामोन, थांनाय बोसोरनिप्राय रायजो आव बारा निफ्राय बारा जालांनाय बायदि नुगासिनो। गोबां जायगा याव नो हा खुरखानाय, न लांजानाय, गुबुन गुबुन आबाद नष्ट जानाय जों लोगोसे गोबां सुबुंफोरनि जिउ गोमानायनि बो खौरां मोनदों। सोरखारि खौरां बादिब्ला सा 8 नि जिउ गोमादों, नाथाय थैनायनि अनजिमा या बारा बो जानो हागौ, मानोना गोबां जायगायावनो मोब्लिबनि बेबस्था गैलिया, कानेकश्न गैयि नि थाखाय खौरां मोना बो जानो हागौ।

बार गुबुंले नि गोहोम आव थैनायनि फारिलाय आव भारत आ गिबि नम्बर आव दं। बोसोरफ्रोमबो 24 लाख सुबुंफोरनि जिउ गोमादों। बार गुबुंले नि फारिलाय आव नैथि नम्बर आव थानाय चिन आव 22 लाख सो सुबुंफोर थैबाय थायो बोसोरफ्रोमबो, मोनसे ईन्टारनेशनेल सारभे आव बेखौ मिथिनाय जादों, गासै बुहुमनि खौ नायोब्ला 90 लाख सो सुबुंफोरा थैयो, बेनि फारिलाय आव 7 थि नम्बर आव दं आमेरिका या, 1 लाख 12 रोजा सो सुबुंफोरा थैयो बे हादर आव। 2000 निफ्राय उननि मोननै जौथाय आव बार गुबुंले नि थाखाय थैनायनि अनजिमा या 55 जौखोन्दो बारा जादों।

गुवाहाति आव होखारजानाय सुबुंफोर, जेराव गोबां बरफोर दं, बिथांमोनखौ लाफानानै दिसपुर खौ सोमावग्लुंनो थियारि एमएलए अखिल गगै आरो दोलो आ। मैया बिथाङा थांनानै थासारि नि सायाव सावरायलायो आरो बेयावनो बेबायदि एभिकशन खालामनायखौ बन्ध खालाम आरो होखारजानाय नखरनो रिहेबिलिटेशन नि थाखाय दाबि दैखाङो, सोरखार-प्रसासन नि अननाय गैयि बेबायदि खालामनायखौ माब्लाबाबो गनायना लानो हाया होनना बुंदों, सोरखारनिसिम सोंलु- गोरिब नखरफोरखौ होखारहरनानै बिर बायदि दिनथिनाय सोरखार आ सिलसाकु बिल नि हा याव बानायनाय हिम्मत सिंका नि गोजौ बिल्दिं, जिन्जर होतेल, बदरुददिन आजमल फाउन्देशन बायदि फोरखौ मानो बोखारनो हायाखै, जुदि हाया अब्ला बेबायदि खिलन्जिया फोरखौ बो होखारनो नाङा होनना बुंदों। फैगो 23 मे आव होखारजानाय नखरखौ लानानै दिसपुर आव गिदिर आन्दोलन खालामनायनि सोमोन्दै खौरांगिरिफोरनि सिगाङाव फोरमायदों।

बर अमेन जास्तिस फराम आ बो बेबायदि सुबुं बेरेखा खामानि मावनायखौ निन्दा खालामदों, गुबुन नि बिल्दिंफोरखौ जेबो खालामाखै मानो, सोरखार आ बेबायदि खालामनायखौ बन्ध खालामनो नांगौ, होखारनायनि सिगां नटिस होग्रोनो नांगौमोन, खुगाजों ल सो ट्राईबेल सुबुंफोरखौ अननाय दिन्थियो, गासै कामरुप आ नो बर नि मोन, ट्राईबेल बेल्ट एन्द ब्लक नि हा खौ गुबुनफोरनो बो बायनो हानाय खालामना होबाय, आरो गासैबो होखारजानाय नखर नो हा होनानै खहा सुफुंनो नांथारगौ होनना बद अमेन जास्तिस फराम नि जानानै अन्जालि दैमारि बिथाङा बुंदों।

गुबुनफारसे मैया आसामनि गिबि मन्थ्रि आ होखारजानाय नखर खौ सोरखार आ मदद खालमगोन होनना बुंदों, होखारजानायफोरनो हा होगोन आरो गोरिब नखर फोरनो रां बो होगोन होनना फोसावना होयो, सोरखारखौ खावलायोब्ला नो मोनगोन, बेयाव थानाय देदनगिरि फालांगिरि नि न आव बो सोलिगोन सोरखारि बुलदजार, दैबाना खौ होबथानो थाखाय बे होखारनाय खामानि खौ मावदों, दै थआंनाय लामा याव थायोब्ला होखारजागोन आ रोखा, बेयाव सोरबा दैदेनगिरि आ नो जा सोरबा फालांगिरि आ नो जा गासैनिआबो थांगोन होनना बुंदों, होखारजानायफोरा हा बियोब्ला होनो थाखाय थियारि होनना रोखा खालामना होदों।

मा हाग्रामा मा प्रमद बेलाय, गासैबो फाराग खौ गारनो नांगौ, जों गासैबो सासे बर बिमा नि नो फिसा, मा ज जानो हायि नि बेराम बेलाय, मानि एना एनि ल बेलाय। बेखौ बुंदों बिकेदाब्लिउएसि नि गाहाय मिहिनिस्वर बसुमतारि बिथाङा। खौसे जानो नांगौ हाग्रामा प्रमद, गासै बर नि दैदेनगिरिफोरा ज जानानै सावरायनानै मोनसे बिथांखि आव जों फैनो हानो नांगौ आरो खामानि मावनो हानो नांगौ आरो अब्ला नो बर नि दिनै नासयजानाय, फोरोंगिरि नि आंखाल जानाय, साख्रि मोनि जों लोगोसे गुबुन खाबु फोरखौ सेनानै लागासिनो, दाखालि 9 रोजा टेट पास जानायफोरनि गेजेराव सा 66 बर आ ल मोननो हादो, बेयाव 500-1000 सो बर फोरा मोननो नांगौमोन, मानो मोनासै. बेबायदि नासयजानायनि गुदिआवनो जों खौसे जायि नि थाखायनो बेबायदि खालामजादों, गुबुन हारि आ गासैबो सुबिदा लाखायो। थाबैनो बर दैदेनगिरिफोरा सावरायालायनो नांगौ, थाबैनो बेखौ जागायनो नांगौ। जोंनि बर फोरा बिटिसि नि बाहेरनि बो 29 बियाब आव बर फोरा ज जानानै थायोब्ला दिसायदिं फेक्टर जानो हायो, ज जानानै भट होयोब्ला सोरबा सासे आ देरहागोन, भट होआब्ला नो देरहाया। लोगोसे जायोब्ला बर फोरनि खाथियाव फैनो नांगौ जागोन बिसायखति नि समाव दैदेनगिरिफोरा, बर नि भट नांगौ जाओ, अब्ला बर फोरा ज जायोब्ला माबायदि जागोन नाय होनना बुंबावो।

गुबुनफारसे सानसुमा खुंगुर बैसुमुथियारि बिथाङा मैया खौरांमेल नि गेजेरजों होस्रांजानाय बरफोरनि जानानै बुंदों, थांनाय गोजां बोथोरनि समाव बो होखारदोंमोन आरो दायो अखा बोथोरनि समाव बो होखारनाय खामानि मावनाय आ दुखुनांथाव, बे होखारजानाय फोरनि थाखाय थाबैनो बे जायगायावनो जिउ जोबजासिम थानो मोननायनि बेबस्था खालामनो आरो खहा जानायखौ सुफुंनो बो खावलायदों। बिथाङा लोगोसे बर फरायसालिफोराव फोरोंगिरि नि आंखाल नि सायाव बो बुंदों, थांनाय 3-4 बोसोर थिसननाय जायाखै, फरायसालिपोरनि हालोद आ गाज्रि, प्रमद बर नि सोरखार खौ बो सोंखारिदों, 250 ना 300 कौटि रां खौ बाहायनो रोङि नि थाखाय मिरु आव थांफिनदों होनना गिदिर अजद होदों। नागालेन्द आव ज जाना सोरखार दानो हायोब्ला बिटिसि आव बिपिएफ आरो ईउपिपिएल आ ज जानानै मानो सोरखार दानो हाया होनना सोंदों।

बोसोरनि गिबि बाना आव नो गोबां खहा रायजो नि, मिथिंगा नि गिथावना महर आव आसामनि सुईजारलेन्द मुं जों मिथिजानाय हाफ्लं सोहोर आव थासारि आ गाज्रि थार, दासिम रायजो नि 26 जिला या बाना याव खहा जादों, मैया खौरांमेल नि गेजेरजों आसामनि गिबि मन्थ्रि आ हाफ्लं सिम 12 मेट्रिकटन जाग्रा आदार बिरखं नि गेजेरजों दैथायहरनाय जागोन होनना बुंदों, बराक भेलि आव 22 रोजा मेट्रिक टन आदार जमा दं, बेयो सप्तासे नि थाखाय जागोन, दासिम रायजो आव सा 8 नि जिउ गोमाबाय, थैनायनि नखर नो 4 लाख रां यै होगोन होननना फोसावना होखाबाय। बाना जों जुजिनो थाखाय मिरु आ रायजो सोरखार खौ 1000 कौटि रां खरसा खालामनायनि गनायथि होदों, होनना बो फोरमायो। सिलचर-गुवाहाति नि गेजेराव स्पेशियेल बिरखं नि सारभिस, बराक आव नांथाना थानाय सुबुंफोरनि थाखाय स्पेशियेल बिरखं नि सारभिस। टिकेत नि बेसेन आ 3 रोजा रां।

मैया केबिनेत आव लानाय मोननैसो थिरांथा फोरा जाबाय-- एमप्लयमेन्त एक्सेन्ज आव मुं रेजिस्तार खालामनाय आव आधार कार्द नाङा, आधार गैयाब्लाबो रेजिस्तार खालामनो हागोन, रायजो आव सानफ्रोमबो 10 लाख लिटार गायखेर दिहुननायनि थांखि लानाय जादों, मोब्लिब बायनो थाखाय उत्तर प्रदेश नि नेईभेलि जों सुक्टि, गासै 494 मेगावात मोब्लिब बायगोन सोरखार आ।

काछार आव मोनसे रोखोमनि लकदाउन, दैबाना नि थासारि आ गाज्रिथार जाना दं, दैबाना नि मदद आरो बासायनाय खामानि आव जाहाथे जेबो रोखोमनि जेंना सोमजिया बेनि थाखायनो जिला याव गारि मथर सालायनायनि सायाव बेन खालामनानै होदों। मैया मोनाबिलिनि समाव जिला मेजिस्त्रेत किर्ति जल्लि आ मोनसे फोसावलायनि गेजेरजों फिसा गारि सालायनायनि सायाव बेन खालामो। गोनांथार नङाब्ला बाईक, ई रिक्सा, अट, साखा खब 4 नि गारि फोरखौ सालायनो मोना, दिनैनि फुंनि 6 जि निप्राय जागायाबाय बे नेम आ।, काछार आव साननै नि थाखाय गासैबो फरायसालिफोरखौबो बन्ध खालामबाय।

भारत नि बारग गाहाय मन्थ्रि राजिब गान्धि खौ बुथारनाय दायनिगिरि खौ जौसिन बिजिरसालि आ दिनै उदां खालामना होबाय। मखजाथावदि थांनाय 31 बोसोर जेल आव नो थानांदोंमोन बुथारनाय दायनिगिरि एजि पेरारिवालन खौ हगारना होनो बिथोन होदों। बे गसर नि सायाव राज्यपाल आरो हादरगिरि नि सियाव गोबांबार आरजलाई होबाय थादोंमोन, जोबनाय आव जौसिन बिजिरसालि आ बे दायनिगिरि खौ हगारना होनो बिथोन होदों।

बिषगोनां मैखुन जानानै गोबां सुबुंपोरनि जिउ गोमानायनि खौरां मोनबायनो थागासिनो रायजो आव। कक्राझार आव मैखुन जानानै सा 4 सुबुंफोरनि देहा नि हालोद आ गाज्रि, सा 4 खौ बो फकिराग्राम देहाफाहामसालि आव सोनाय जादोंमोन, सा 4 नि मुङा मनाकोसा गामि नि सनाथि ब्रह्म, बानु ब्रह्म, अलंबार ब्रह्म आरो जदुमनि गामि नि धजेन रय होनना मिथिना मोनदों। हाग्रा निफ्राय लाबोनाय बे मैखुनखौ जानानैनो जायो, उनाव सा 4 खौ मोजां फाहामथायनि थाखाय कक्राझार सोरखारि देहाफाहामसालि आव लांनाय जायो होनना मिथिना मोनदों।