थांनाय 13 मे, 2022 अक्ट'आव गुवाहाटी नोगोरमानि VIP Road साखाथियाव थानाय चचल ओनसोलनि चिलसाकु बिलआव न' लुनानै अरायथायै रायजो जानाय सुबुंफोरखौ दिसपुर रिभिनिउ सार्कल, गुवाहाटी नोगोरमायारि जौगाखां खुंथाय आफाद आरो कामरुप जिला खुंथाय आफादनि जथाय बान्जायनायाव न' बां सिफायनानै होखार हरनाय दुखुनांथाव जाथायखौ अल आसाम च्राईबेल संघ आऱो दुलाराय बर' फरायसा आफाद आ दुखु मोननाय फोरमायदों। ट्राईबेल संघ नि जानानै बिबानगिरि आदित्य खाख्लारि बिथाङा प्रेसमित नि गेजेरजों सोरखार आ बे हा नि फिसाफोरखौ होखारालासै एबा हाग्रा आयेन नि सिङाव हा नि पत्ता होगोन होनना समाय लादोंमोन, नाथाय सिलसाको बिल आव होखारनाय आव सोरखार आ उल्था थिरांथा लानायसो नुबाय, सोरखार आ जेबो रोखोमनि नटिस होआलासै नो गाज्रियै जनताति सुबुंफोरखौ होखारबाय। दायो थाबैनो होखारजानायफोरनि खहा सुफुंनो दाबि दैखांदों, गुबुनफारसे एसटिफोरनो थाखो 9, 10, 11 आरो 12 नि फरायसाफोरखौ मावखुलि आव थाङालासैनो कास्ट चार्तिफिकेत होनायखौ बरायदों होनना फोरमायो। लोगोसे 2009 नि सिगां नंखाय एसटि पोरा नो बेले बेजे खालामनानै एसटि चार्तिफिकेत लादोंमोन आरो गोबां सुबिदा लादोंमोन होनना फोरमायदों, बेनि थाखाय नो बेनि नायबिजिरनाय आ जानांगौ होनना दाबि दैखांदों बिथाङा। गुबुनफारसे एबसु नि जानानै मानिनां आफादगिरि मुस्री दिपेन बर' बिथाङा नायगिदिं हैयो मैया आरो जाथायनि सायाव दुखुथिया सुबुंफोरजों लोगो हमनानै गोथौयै सावरायनाय जायो आरो बे दुखुनांथाव जाथायनि सायाव आसाम सोरखारजों सावरायनानै थाबैनो राहा लामा दिहुननो थाखाय एबसुनिफ्राइ सोरखारखौ गोख्रोंयै नारसिननाय जागोन होन्नानै आफादगिरि बिथाङा बुंथियो। बे चिलसाकु बिलखौ दैबानानिफ्राय बारग'नाय राहा महरै बेयावहाय दैखौ जमा खालामनानै दोनथुमनो दोनथुमखुलि महरै जिला बेंगिरिया बे ओनसोलखौ रैखाथि होनानै दोनदों आरो बेवहाय 100 मिटार जानथायसिम सोरखारि हायाव रावबो आइन बेरेखायै न' - बां लुनो मोना होन्नानै जिला बेंगिरिया रोखा खालामनानै दोनखानाय दं। बे असिलायैनो थांनाय 13 मे, 2022 अक्ट'आव आइन बेरेखायै रायजो जानाय सुबुंफोरखौ होखार हरनाय जायो आरो बेनि गेजेराव गं 40 दुखुथिया बर' नख'राबो दुखुनांथावै होखार हरजायो। बे दुखुनांथाव जाथायखौ एबसुनि मानिनां आफादगिरि मुस्री दिपेन बर' बिथाङा जोबोद गोथौयै दुखु फोरमायो आरो दुखुथिया नख'रनि सोद्रोमाफोरजों लोगो हमलायनानै जाथायनि सायाव आबुं सावरायनाय जायो आरो थाबैनो बेनि नंगुबै राहा लामा लाहोनायनि थाखाय एबसुनिफ्राय जिला सामलायगिरि आरो आसाम सोरखारखौ गोख्रोंयै नारसिनाय जागोन होन्नानै बुंथियो। दुखुथिया नख'रफोरनि रैखाथि आरो न्याय मोननांगौनि थाखाय एबसुआ अराय खामानि मावगोन होन्नानै बिथाङा बुंथियो। गुवाहाटी जिला एबसुनि आफादगिरि आरो गाहाइ नेहाथारिजों लोगोसे मोनसे गोख्रों हान्जायाबो आफादगिरि बिथांखौ मदद होफायो।
गिथावना जानाय फारसे दैबाना नि थासारि आ NEEPCO आ खुलिना होबाय रङानदि आरो दिक्रं बान्दो नि दै खौ, लभिमपुर जिला प्रसासन नो मोनसे खौरां हरदों, खाथि नि सुबुंफोरखौ सांग्रां जानो खावलायहरदों, हगारना होनाय दै आ साहा आसाम आव गोबां खहा खालामनो हागौ, दै नि बिबां आ बारा जानायनि थाखाय नो गेत खौ खुलिना होनायनि थिरांथा, मखजाथावदि साननैसो सिगांनिफ्राय हाबाय थानाय अखा नि थाखाय रायजो आव दैबाना या गिथावना महर लागासिनो। कामपुर आव हरखाब नो फैनाय बाना याव बुखारलांजाबाय सानै गथफोरा, दै बारा जानायखौ नायनो थांदोंमोन, सासे खौ रायजोफोरा बासायनो हायो नाथाय गुबुन सासे खौ बासायनो हायासै। बाक्सा नि कक्लाबारि परिषद नि बियाब आरो सापागुरि बिधानसभा बियाब नि सिंनि खोला दुबा याव कालदिया दैसा या हा खुरखानाय आव रायजोफोरनि गेजेराव गिखांनाय सोमजिदों, आगोलावबो बे जायगा नि 20 सो नखर आ गारना खारनो गोनां जादोंमोन गावनि न खौ नो खुरखानायनि थाखाय, दायो बे बोसोर आव फिन खनसेबाव एखे थासारि आ नो सोमजिदों, थाबैनो प्रसासन आ बेबस्था लायाब्ला गोबां खहा जानो हागौ होनना साननाय जादों। अदालगुरि जिल्लानि भेरगावनि सिङाव गोबां गामिफोरा खहा जानांदों৷ गारनो रोङै जुब जुब अखा हानायाव भुटान गंगार हाजोनिफ्राय बोहैबोनाय गोबां दैमाजों लोगोसे फिसा फिसा दैसाफोराबो दैजों उसिफावना गोबां दुब्लि फोथार,बारि ,न’खर गासैखौबो लोमस्राव होयो आरो राइजो राजफोरा गोबां खहाआव गोग्लैनो गोनां जादों৷ भेरगावनि जाबांगा फोथार, बगरिबारि, जाबांगाहाबि, बुदुराहाबि, टोट’लापारा, बाबरिखाट बाखोरबारि, घोगापारा, खैराबारिनि शुक्लाइपारा, सेनियालपारा, कालजुरि बायदि गामि जायगाफोरखौ लोमस्रावनानै आबादारिफोरनि गोबां खहा खालामदों ৷ मख’जायोदि, बै दुब्लि फोथारफोराव आबादारि राइजो राजाफोरा मायनि गायनो खोथिया फोर जोलै खालामदोंमोनब्लाबो दैनि सिङाव थानांनायनि थाखाय नष्ट जायो होन्ना फोरमायदों आबादारि राइजोफोरा ৷
मेघालय नि गोदान दिजिपि थिसननाय खौरां। आईपिएस एलआरबिष्णोई बिथांखौ मेघालय नि गोदान दिजिपि नि बिबान होबाय, 1991 मायथाई नि आईपिएस बिथाङा, बेनि सिगां आसाम पुलिस नि स्पेशियेल दिजिपि मोन बिथाङा।
बर'नि बिर सिखोना जोहोलावनि मुसुखा बानायनाय आ जाफुंसार जानायनि उनाव बेखौ दिनै फुंनि 11 रिंगायाव बेखेवना होगोन बि टि आर नि गाहाइ मावफुं सोद्रोमा प्रमद बर'आ। खौरां मोननाय बादिब्ला क'क्राझार जिल्लानि झारबारि आव बेखेवगोन। सिखोना जोहोलावनि मुसुखाखौ स'नानि गाबजों बानायनाय जादों। गासै गोजौआ 19 फुट जागोन।
40 मिनित नि मोनसे नाटक, आखाय आव मोनसे थफ्ला लानानै नाला याव हाबबाय सासे सेंग्रा या। मैया फुंनि 10 बाजि सो आव जादोंमोन मोनसे जाथाय, हरखाब गुवाहाति नि अनिल नगर आव दावराव, दैबाना नि थाखाय नङा, मोनसे सोमोनांथाव जाथायनि थाखाय सो। गिबि आव नो भरलु दैसा याव बारसोमदोंमोन, बे खौरां खौ मोननायनि उनाव नो पुलिस आरो एसदिआरएफ नि दोलो आ जाथआयसालि आव थाङो, बासायनो नाजायो, भरलु आव बारसोमनायनि उनाव अनिल नगर नि नाला जों स्लेप नि सिं सिं जों खारखुमानो नागिरो सेंग्रा या, बेयावनो सिखाव होनना सन्देह खालामो बिखौ, आखाय आव मोनसे थफ्ला लानानै खारखुमानो नागिरनाय सेंग्रा खौ पुलिसफोरा हमनो थाखाय मोनसे नि उनाव मोनसे स्लेप खौ बोखांना नागिरो, नाथाय गावखौ बासायनो बारासिनसो गोसा थाङो बे सेंग्रा या, 40 मिनित सो नाजानायनि उनाव सो पुलिसफोरा हमनो हायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon