30 May evening bodo news ~ Bodoinfo.com

UPSC आ 2021 मायथाई नि आनजाद नि फिथाय खौ फोसावनानै होबाय, फोसावनाय फिथाय आव बे बार आव श्रुति शर्मा या गिबि जायगा मोननो हादों, नैथि नम्बर आव अंकिता आगरवाल आरो 3 थि नम्बर आव गामिनि सिंलाई आ दं। बे बोसोर नि नो 17 मार्च आव मेईन्स आनजाद नि रिजाल्ट खौ फोसावदोंमोन। बे बोसोर आव गासै 685 मासि नि साख्रि थिसनगोन, जेराव 244 आ आनरिजार्भ, 73 आ रांखान्थियारिबादियै उन जानाय, 203 आ अबिसि, 105 या एससि आरो 60 टा या एसटि नि थाखाय लाखिनायमोन। खौरां मोननाय बादिब्ला आसामनिफ्राय बो सानै आ सायखजादों, आसामनि शिल्पा खनिकर आरो देबज्योति बर्मन आ गावनि रोंगौथि नि गेजेरजों उथ्रिसार जानो हायो। सिल्पा या 506 आरो देबज्योति आ 639 थि नम्बर आव दं। मखजाथावदि ईउपिएससि नि गेजेरजों भारत सोरखार नि सिङाव आईएएस, आईपिएस, आईएफएस आरो गुबुन थाखो नि अफिसार जानो हायो. गिबि आनजाद, गाहाय आनजाद आरो मोखांजों मोखां लानाय आनजाद नि गेजेरजों सायखनाय जायो।

उदांश्रि नि 75 बोसोर नि उनाव बिटिआर नि सिंनि भारत भुटान सिमना नि मोनसे ओनसोल आ लोंनाय दै नि सुबिदा मोनबाय। रायजोफोरा गोजोननाय मोननायखौ फोरमायदों। बिटिसि नि ईएम रन्जित बसुमतारि उरफे बि आर फेरेंगा बिथाङा दिनै बे लोंग्रा दै खौ बेखेवनानै होयो। चिरां जिला नि भारत भुटान सिमना नि टुक्रि बस्ति आव बेखेवनानै होयो, बे ओनसोल आव बर आरो नेपालि हारि नि सुबुंफोर दं। 17 बोसोर सोरखार सालायनायनि उनावबो बिपिएफ नि सोरखार आ बे सुबिदा खौ खालामना होनो हायाखैमोन होनना बुंनायजों लोगोसे बेनि बियाब निफ्राय नो देरहानाय खाम्फा बरगयारि बिथाङा ईएम जानानैबो जेबो खालामाखैमोन होनना बुङो। गाहाय जेंना या दै नि मोन, दायो मोब्लिब नि बो जेंना दं आरो लामा फोरा बो मोजां नङा, बेफोरबो थाबैनो मोजां जालांगोन होनना बुङो।

गोदान फरायसा आफाद BONSU नि गिदिर ख'हा। सासे गाहाय बिबानगिरि आ बनसु निप्राय ओंखारबाय होनना खौरां मोनदों। BONSU नि बुंथिगिरि रंगुल बर'आ लामानि हरखाब जाब्रथाय जानायनि जाहोनाव आयथिं फारसे नोरजिया जादों होनना मिथिना मोनदों, जायनि थाखाय रंगुल बर'आ BONSU निफ्रायबो गावनि बिबानखौ ह'गारबाय। रंगुल बर'आ GMCH आव फाहामथाय लागासिनो दं, आयथें नि अपारेशन खालामनो गोनां जादों, अपारेशन आ खननै जाबाय। ससियेल मिदिया नि गेजेरजों मिथिनाय बादिब्ला बिथांनि फारसे आयथेंआ आबुंङै नोरजिया जाबाय मिथिनो मोननाय जादों ।

मोनसे सोमोनांथाव जाथाय। सानाव नो फरायसालि नि मोखां निफ्राय सासे फरायसुलि खौ किदनेप खालामनोनागिरनाय जाथाय। किदनेप खालामनो हायि नि फरायसुलि खौ गाज्रियै बुदों लांनो नागिरनाय दोलो आ। दुलियाजान नि चेन्तजेभियार जौसिन फरायसालि आव जादों, थाखो 4 नि सासे फरायसुलि खौ सम्बारखालि फुङाव फरायसालि नि मोखांनिफ्राय नो लांनो नागिरदोंमोन सा 4-5 नि दोलो आ। गंनै गारि आव फैदोंमोन, मिथिना मोननाय बादिब्ला बे गारि आव हिनजावसा मानसि बो दंमोन आरो गासैनिबो खुगा याव हि खाथेनायमोन, लांनो हायि आव बुना गालांनाय आव गाज्रियै जोखोम जायो फरायसुलि आ, दायो दुलियाजान नि अईल ईन्दिया देहाफाहामसालि आव फाहामथाय होगासिनो दं, दुलियाजान पुलिस आ नायबिजिरगासिनो दं होनना मिथिना मोनदों।

साननैसो सिगाङाव नगांव जिला नि बटद्रबा याव पुलिस थाना खौ सावना होनाय जाथाय जादोंमोन, बेनि गुबै दायनिगिरि जों लोगोसे गोबांखौनो हमदोंमोन पुलिस आ। बे जाथाय नि मास्तारमाईन्द आशिकुल ईश्लाम नि जिउ गोमाबाय होनना मिथिना मोनदों। नगांव पुलिस नि आखाय निफ्राय खारखुमानो नागिरनाय आव नो उनथिंनिफ्राय फैनाय गारि नि सौख्रांनाय आव जिउ गोमायो। बे दायनिगिरि खौ लानानै जुरिया नि सनाईबारि नि न आव नागिरनानै फैनायनि उनाव लामा याव रायदङिया याव पुलिस नि गारि निफ्राय बारक्लायदोंमोन, नाथाय उन उन फैनाय गारि आव सो सौग्रावो, बे दायनिगिरि नि न निफ्राय गंसे .22 आरो गंसे 7.65 पिस्तलजों लोगोसे गोबां गुलि मोनदोंमोन। जाथाय जानाय सानखालि गोजा गाब नि गस्ला गाननाय बे दायनिगिरि आ थाना खौ सावनो थाखाय गुबुनफोरखौ बुंदोंमोन।