7 May bodo news 2022 ~ Bodoinfo.com

रां खौ सानै सानै फोजोबनो नो हायाखै, आईएएस अफिसार पुजा शिंघल नि सोमोन्दो नि दाबसे जायगा याव अपारेशन खालामनानै एनफर्समेन्ट दायरेक्टरेत आ मैया 25 कौटि नि बारा नोगोद रां जब्द खालामनो हादों, अफिसार आ बे रायजो नि गिबि मन्थ्रि जों मोजां सोमोन्दो नि मोन होनना गोबां सुबुंफोरा नो बुंदों, बे अपारेशन नि सायाव बिजेपि नि एम पि निशिकान्त दुबे आ त्वित खालामना बुंनाय बादिब्ला ईदि आ रांशि, राजस्थान, दिल्लि आरो मुम्बाई नि 20 टा सो जायगा याव नागिरदोंमोन, मखजाथावदि झारखान्दो गोजौ बिजिरसालि आ 2022 नि फेब्रुवारि आव बिनि बेरेखा नायबिजिरनायनि बिथोन होदोंमोन।

सिब्रुबारि, भांग्रिखुसि, दारागाव बायदि नि हा हु नि जेंना या मे आरो जुन दान नि गेजेरावनो सुस्रांजागोन, मैया एफआरसि नि बान्जायनाय आव हा मोनथाय आयेन 2006 नि सायाव सावरायलायनाय जादोंमोन, बेयावनो बाहागो लानानै ईएम रन्जित बसुमतारि बिथाङा खौरांगिरिफोरनि सिगाङाव फोरमायनानै होदों। बिटिआर नि गाहाय प्रमद बर बिथाङा ईएम बिथांखौ दिहिरा खौ नायनो बिबान होनाय आव बेयाव हा हु नि जेंना खौ नो नुदों होनना फोरमायो, मोन 3 एफआरसि नि सिङाव 46 टा गामि दं, बे गामिफोरनि नखर आ हा नि मोनथायखौ मोनाखै। बे ओनसोल आव थांनाय 17 बोसोर आव बिटिसि सोरखार आ हासिब गंसे नि बो खामानि मावाखै होनना बो अजद बिथांनि। हा खौ सोरखार आ होगोन, बेनि लेन्द हल्दिं खौ मोनगोन, नाथाय बे हा खौ फाननो मोना।

सासे बर बिमा नि दुखु। 10 बोसोर जाबाय गावनि फिसाज्ला नि मोखां नुवाखै। जलिल चन्द्र ब्रह्म आ बांगालर आव खामानि मावनो थांनानै दासिमबो न आव फैफिनाखै, चिरां जिला औगुरि ओनसोल नि सा ओगुरि गामि नि प्रमिला ब्रह्म आ सोरबाफोर बिथांजोनि फिसा खौ नुयोब्ला खौरां हरनो खावलायदों। थांनायनि दानसे नि उनाव नो थांफिननिसै होनना फन आव खोन्थाहरदोंमोन, नाथाय बै सम निफ्राय नो दिनैसिम न आव फैफिनाखै, बिमा या बुंनाय बादिब्ला फिसा या थांनो गोसो गैथ्रामोन, बिसि नि थिननाय आव सो थांनो गोनां जादोंमोन होनना बुंदों. दायो फिसा नि महर खौ नायनो नेगासिनो बिमा या।

बारग मन्थ्रि रिहन दैमारि नि सायाव अजद, सोंखारिनाय ईएम रन्जित बसुंतारि बिथांनि। गुन्दा लिदारसोमोन बिसोर, जायनि थाखाय प्रमद बर नि सोरखार खौ दुर्बल होनना बुंदों। जों सुबुंथि खौ नोजोर बोनानै आब्रुथि खौ लानानै सोरखार खौ खुगासिनो, रायजोफोरजों गोरोबलायनानै जौगाथाय आरो खौसेथि खौ लाबोनो नाजागासिनो दं, बेफोरनि मेगन सानानै बै सम नि गुन्दा दैदेनगिरि फोरा नायनो हायाखै, थांनाय 17 बोसोर आव बिपिएफ आ मा लाबोखो, रिहन दैमारि आ हाग्रा बिफान नि हा खौ, जोंनि रेभिनिउ नि हा खौ सेनानै साहा बागान बानायदों, गावबा गावनि खालामना लाजोबदों, ईन्जय खालामनो भुटान बायदि याव सप्ता सप्ता थाहैदों, बेफोर बाथ्रा खौ रायखांफिननो गोनांथि गैया, बिथांमोना साफा साफा गुन्दा दैदेनगिरिखायनो बै समाव समाज खौ गाग्लिनानै रायजो खुंदोंमोन, नाथाय जों बेखौ लुबैया, बेखायनो जोंखौ दुर्बल बुंदों होनना अजद होदों बिथाङा।

पुलिस निफ्राय बारगनो थाखाय आखाय आव हेन्दकाफ लानानै नो सिखआव आ बारसोमबाय लैथोसा याव, हेन्दकाफ खानाय हालोद आव नो खारखुमादोंमोन, नाथाय हमजागोन सानना लामा जों थाङालासै बारसोमना होयो बे लैथो सा याव, जायनि थाखाय पुलिसफोरा नागिरनानै दसेआवनो दावराव जायो, नाथाय खारगनो बहा, पुलिसफोरा नागिर नागिर दैनि मेटका नि गेजेरनिफ्राय नो हमो, नगांव आव जादों, मरिकलं पुलिस चक निफ्राय हेन्दकाफ जों लोगोसे खारखुमादोंमोन सिखाव आ, मुङा ईकबाल हुसेईन, गोबां सुबुंनि ननिफ्राय दै दिहुननाय मथर खौ सिखाव खालामदोंमोन बियो। गोबां सुबुंफोरनि अजद आव नो हमनाय जायो बिखौ।

जौ नि निशा या मा मा खालामनो हाया, निशा याव जाथाय खालामखांनानै उनाव सो गोरोन्थि खौ बुजियो। जाथाय आ पलाशबारि नि बुरलुंबुथुर नि खाथि नि। जौ नि निशा याव सेंग्रा सिख्ला फोरा गाग्लोबदों सासे पुलिस अफिसार खौ, रागा जोङो रायजोफोरा। सा 4 सेंग्रा सिख्ला फोरनि गाग्लोबनाय आव जोखोम पुलिस अफिसार आ, जौ लोंनाय खौ होबथादोंमोन, बेयावनो गाग्लोबदोंमोन मनमोहन दास मुंनि अफिसारखौ, बे जाथायखौ नुनानै रायजोफोरा बो रागा जोङो। दायो गासैखौबो थाना याव लांबाय होनना खौरां मोनदों।

बिटिआर आव अमर बसुमतारि मुंनि एमसिएलए नागिरब्लाबो मोनखै आं, बुंदों 13 नं चिरां बियाब नि एमसिएलए सायखं बसुमतारि बिथाङा, मखजाथावदि बर नि मुंदांखा निउज पर्तेल मोनसे आ एमसिएलए अमर बसुमतारि नि पिएसअ खौ बोखारबाय होनना खौरां फोसावदोंमोन, बे खौरां खौ सायखं बसुमतारि बिथाङा बेखौ नंखाय आरो मिनिथावना होनना बुंदों। बेबायदि गोरोन्थि मावनाय आ दोलो नि सन्मान हानि खालामनाय जादों आरो बे गोरोन्थि नि थाखाय रायजो राजा नि सिगाङाव निमाहा बिनो नांगौ होनना बो बुंदों।

कभिद आ जोंनि जायगा याव सो खम, नाथाय जागायजेननाय चिन आव दायो थासारि आ गाज्रिथार जाना दं, जायनि थाखाय हादर आव जानो गोनां एसियान गेम्स खौ थि गैयि सम सिम बन्ध खालामथनाय जाबाय होनना फोसावदों। दानि कभिद गोसारनाय थासारि खौ नायनानै नो बे थिरांथा खौ लादों, फैगो सेप्तेम्बर दान आव चिन नि हांझौ आव जानो गोनांमोन, चिन नि वेबसाईट चाईना देईलि आव फोसावनाय मोनसे खौरां नि बादिब्ला 10 सेप्तेम्बर निफ्राय 25 सेप्तेम्बर सिम जानो गोनां 19थि एशियान गेम्स खौ फावसायनाय जाबाय, गोदान खालारखौ उननि समाव फोसावनाय जागोन।