बर थुनलाइ आफाद नि 61 थि बोसोरारि जथुम आ मैया मोजाङै मोजां तामुलपुर आव जोबनानै थाङो। भारत नि हादरगिरि, आसामनि गिबि मन्थ्रि, राज्यपाल बिथांमोना बाहागो लाफैदोंमोन। भारत नि हादरगिरि बिथाङा गावनि बिबुंथि आव बर समाज जों लोगोसे आंहा गोजाम सोमोन्दो दं होनना बुंदों, बिथाङा सामलाय आफाद निसिम साबायखर बावहरदों, बे बर थुनलाइ आफाद नि फारसे रायजोनि गोबां अननाय दं, बर थुनलाइ आफाद सिम बांलादेश, भुटान नेपाल आरो गुबुन रायजो नि आलासि फैनाय आ गोबां गोनांथार, बर समाज जों आंहा जां सोमोन्दो दं, राज्यसभा नि एमपि ईउजि ब्रह्म आरो बारग लोकशभा नि एमपि शानसुमा खुंगुर बिसमुथियारि बिथांनि सोमोन्दै बो बुंङो गावनि बिबुंथि आव, आगोलनि सम आव लोगो मोनदोंमोन होनना फोरमायो, बिथाङा लोगोसे बडफा उपेन्द्रनाथ ब्रह्म नि हारि नि थाखाय होनाय बिहोमा खौ बो मोजां होनना फोरमायो लोगोसे बर थुनलाइ आफाद नि गिबिसिन बिबानगिरि जयभद्र हागजेर आरो सनाराम थावसेन बिथांमोनखौबो गोसोखाङो। आसामनि गिबि मन्थ्रि बिथाङा बो गावनि बिबुंथि आव आसाम सोरखार आ थाखो 11 आरो 12 खौ बो बर बिजों नि खालामसिगोन होनना फोसावनानै होदों। बिथाङा लोगोसे ग्रेजुयेत आरो पस्त ग्रेजुवेत नि खौ बो बर फोरनि थाखाय आलादा यै बानायनायनि सायाव सानगासिनो होनना बो फोरमायो। बेफोरनि अनगायैबो मोनफ्रोमबो जिला याव नो बर थुनलाय आफाद नि मावखुलि बानायनाय जागोन होनना फोसावदों, बे मावखुलिफोरखौ 3 बोसोर नि गेजेराव बानायनाय जागोन, बेनि थाखाय बोसोरफ्रोमबो आसाम सोरखार आ 50 लाख रां यै होगोन, बेनि अनगायैबो बर थुनलाय आफाद नो 5 कौटि रां बो होगोन होनना फोसावनानै होदों बिथाङा।
हादर आव गोबां आबादारि फोरनि रांखान्थियारि हालोद आ दायो जोबोद गाज्रिथार जाना दं, बेनि थाखाय नो गावखौनो बुथारनाय बायदि जाथाय आ बारा जालांनो हमगासिनो, मिरु आरो रायजो सोरखार आ आबादारिफोरनि रांखान्थियारि हालोद खौ मोजां खालामनो थाखाय गुबुन गुबुन बिथांखिफोर बेखेवो, बेनि नो मोनसे आ पिएम किषान बिथांखि, बेनि गेजेरजों बोसोरफ्रोमबो आबादारिफोरनो 6 रोजा रां होनाय जायो, दासिम सोरखार निफ्राय मोन 10 किष्टि होनाय जाबाय, दायो 11 थि किष्टि खौ गोबाङानो नेगासिनो दं, मिदिया रिपर्त नि बादिब्ला थाबैनो बे रां खौ सोना होगोन सोरखार आ, बे जान आ नो नङाब्ला फैगो दान आव सोना होनो हागौ, थोंजोङै बेंक एकाउन्त आव सोना होनाय जागोन। पिएम कि।न बिथांखि खौ लानानै गोबां नेमफोर बानायनाय जादों, गोबां सुबुंफोर दं जाय बे बिथांखि नि थाखाय जोग्य नङा, बिसोरबायदि नो रां खौ होनाय जानाय नङा, पिएम किषान नि रां खौ मोननोब्ला ई केवाईसि खालामनो नांथारगोन, सोरबा खालामाखैब्ला मोना बो जानो हागौ रां खौ, ई केवाईसि खालामनायनि जोबथा खालार आ 31 मे 2022, आधार आरो अटिपि नि गेजेरजों बेखौ खालामनो हायो, साननैसो बन्ध खालामना दोनथदोंमोन, नाथाय दायो फिन जागायफिनबाय।
आगष्त दान आव जागायनो हागौ हादर आव 5 जि सारभिस आ, टेलिकम मन्थ्रि अश्विनि बैश्नब बिथाङा माहारियारि खौरां बिजों नि सिगाङाव बुंदों दि फैगो आगष्ट नि जोबनाय बाहागो थिं नि गेजेराव ईन्टारनेत सारभिस खौ बेखेवनो हागौ, मन्थ्रि आ लोगोसे बुंदों दायो स्पेकट्राम फाननाय खौ जागायबाय आरो जुन नि गेजेराव बेयो जाजोबगोन, 5 जि फैयोब्ला ईन्टारनेच नि स्पिद आ गोबां बारा जागोन होनना बो फोरमायो।
सोमोनांथाव जाथाय, रेल खौ लाखिनानै जौ लोंनो थांबाय पाईलट आ, नेबाय थाबाय दावबायारिफोरा, नाथाय पाईलट आ फैयासै, 1 घन्टा नेनायनि उनाव दावराव जायो। जाथाय आ बिहार आव जादों, बिहार आव जौ खौ बेन खालामनायनि उनाव बो सिरियै जौ लोंनाय आ सोलिगासिनो, लकेल ट्रेईन नि लोगो लक पाईलट नि जौ नि निशा या एरैबायदि खालामबाय गासैखौबो सोमोनांहोबाय। 1 घन्टा नेबाय थानायनि उनाव दावराव जानाय आव जि आर पि आ बे पाईलट खौ नागिरो, नाथाय जौ नि निशा या बारा जाबायमोन लक पाईलट हा, लामा याव गोग्लैलायदोंमोन, बेनि उनाव बिखौ दैखांना लाङो, जायगा नि रेल खौ गुबुन सासे पाईलट जों लोगोसे फ्लेग अफ खालामनाय जायो, जाथाय आ समस्तिपुर नि हाशानपुर रद स्तेशन आव जादों।
कक्राझार जिला नि दतमा याव माय बायनाय मिरु खौ बेखेवो एमएलए रबिराम नार्जारि बिथाङा। आसाम नि आदार जगायनाय बिफान नि सिङाव मनसे माय आव 776 रां बेसेन थि खालामना होदों रायजो सोरखार आ। बे हाबाफारि आव सि एईस दि ज्योतिन्द्र बसुमतारि नि दैदेननाय आव उदां सावरायमेल आव जिला आबाद नि अफिसार, जिला उफ्रा दिसि, दतमा नि पारिषद नि एमसिएलए प्रकाश बसुमतारि बिथांमोनजों लोगोसे गोबां सुबुंफोरा बाहागो लादोंमोन। फैगो समाव गसायगांव आरो कक्राझार जिला लदर आव मोननै माय बायनाय मिरु बेखेवगोन होनना सि एईस दि ज्योतिन्द्र बसुमतारि बिथाङा फोसावनानै होदों। बे हाबाफारि नि उनाव खौरां गिरिफोरनि सिगाङाव बेनि गेजेरजों आबादारिफोरनि मुलाम्फा जागोन होनना एमएलए बिथाङा बुंदों, बिथाङा लोगोसे हारि नि सोमोन्दै बो बुंदों, राजखान्थि आ दानो दं दानो गैया, नाथाय समाज आरो हारि आ जेब्लाबो थांना थागोन, बेखायनो राजखान्थि नि गुसुं समनि माखासे एना एनि, हेंथा हेंथि खौ लानानै अरायसमनि गोजोर गोरोबलायि खौ लाबोनो नाङा, जों जेब्लाबो थै मोनसे नि, बिदा फंबाय होनना बो फोरमायो।
आयजो पुलिस अफिसार खौ थगायनानै लोब दिन्थिनानै जेल आव हाबबाय नंखाय अएनजिसि नि अफिसार। नगांव सदर थाना नि एसआई जोनमनि राभा खौ थगायनानै जेल आव हाबनांबाय माजुलि नि राना पांगाग आ। मिथिना मोननाय बादिब्ला आयजो अफिसारखौ हाबा खालामगोन होनना थगायदोंमोन नंखाय अफिसार आ, गावखौनो अएनजिसि नि गोजौ थाखो नि अफइसार होनना बुंना लानानै हाबा नि प्रस्ताब होदोंमोन, बिनि बाथ्रा रायलायनाय आव सन्देह जानाय आव नायबिजिरदोंमोन एसआई आ, उनाव थगायदों होनना मिथिना मोनो। मंगलबारखालि राभा खौ लोगो हमनो नगांव आव फैदोंमोन, नगांव आव फैनानै हर आव नगांव आव नो थायो, बेयाव थानाय समावव नो एजाहार होयो आयजो पुलिस अफिसार आ आरो एरेस्त खालामो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon