गिबिआवनो मोनसे
गोजोनथाव खौरां होग्रोनि, बर फिसा नबजित नार्जारि आ दिआईदि लितल मास्तार्स सिजन 5
नि टप 9 आ जायगा मोनबाय। साननैसो सिगाङाव जों बिथांनो मोनसे नम्बर आव मिसकल होनानै
भट होदोंमोन, बेनि फिथायखौ मोनबाय। जों बेबायदि नो खौसे जानानै भट होनो नांगोन
फैगो सप्ता याव बो, मैया मोननाय फिथाय आ थ सप्तासे नि ल सो मोन, दायो टप 8 आव
जायगा मोनहोनो नांगोन, आबुंयै देरहानो थाखाय आरो गोलाव लामा थांबावनांगोन, भट खम
मोननायखौ सासे सासे बाहेर खालामलांबाय थागोन, बेखायनो जों भट खौ जेसेबां हायो होबाय
थानो नांगोन, भट आ आगोलनि बादिनो. सनिबार निफ्राय सम्बार नि गेजेराव, एखे नम्बर आव
नो। मखजाथावदि नबजित खौ लाफायोब्ला आसामनि गासै सा 3 मोसागिरिफोरा बे टप 9 आव
जायगा मोननो हादों, गुबुन सानै नि खौ आसामनि गोबां निउज चेनेल फोराव होदों, नाथाय
दुखुनांथाव, नबजित नि खौ गुबुन हारि नि मोनसेबो चेनेल आ होआखै, गुबुनफोरना राजखान्थि
दैदेनगिरिफोरा बो भट होनो खावलायदों, जोंनि आ साबेसे राजखान्थि दैदेनगिरिफोरा
होदों।
सा 10 बर
सुबुंफोरखौ जिउ जोबजासिम साजा। दायनि नि सन्देह आव बुथारनाय नि बेरेखा जारिमिनारि
राय, खोमसिफोथायनायनि बोलि जानानै दाय गैयि सुबुंखौ दायनि नि सन्देह आव बुथारनाय
दायनिगिरिफोरनि बेरेखा चिरां नि बिजनि नि Court and office of the Addl
District and sessions judge आ मैया राय होयो। बिजिरगिरि ईउशुफ आजाज नि बिजिरसालि
आ जिउ जोबजासिम जेल नि साजा होयो। साजा होजानाय सुबुंफोरनि मुङा केटें बर, गेना
बसुमतारि, गेगो बसुमतारि, गगन, आखु, थिरेन, सम्बारु, जाबोथि बसुमतारि, हेब्रो
गयारि आरो समर मुशाहारि, 2001 मायथाई आव नो जादोंमोन जाथाय आ, सा 3 सुबुंफोरखौ
बुथारदोंमोन, बेनि दाय आव सा 12 खौ दायनिगिरि साजायदोंमोन, सा 12 नि सा 2 नि जिउ आ
गोमाबाय।
बिटिसि नि
गाहाय प्रमद बर बिथाङा गिबि खेब गुवाहाति नि होखारजानाय बरफोरनि सायाव बुंदों,
बिथाङा बुङो एभिकशन खालामनाय आ गोरोन्थि जादों, होखारनायनि सिगां सावरायग्रोनो
नांगौमोन, बेबायदि खालामनायनि सायाव सोरखार जों सावरायलायगासिनो दं, सानसे साननैनि
गेजेरावनो आसाम सोरखार आ बेनि सुबुंफोरनि थाखाय बेबस्था खालामगोन होनना बुंदों।
दिनै होगोन
नामा मेट्रिक आरो हायार सेकन्दारि नि फाईनेल आनजाद नि फिथाय एबा रिजाल्ट खौ,
गोबाङानो सोंगासि, मैया मोनाबिलि नि भिदिआ आव बुंना होखाबायमोन, नाथाय गोबाङानो
नायाखै, फिन खनसेबाव बुंना होफिननि, मैया आसु नि मोनसे दोलो आ सेबा आरो काउन्सिल
जों सावरायलायदोंमोन आनजाद नि फिथाय नि सामोनदै, जेराव बिथांमोना मेट्रिक नि खौ
जुन दान नि गिबि सप्ता नि गेजेराव रिजाल्ट खौ होनो खावलायदोंमोन, बेबायदिनो
बिथांमोना बो जुन नि गिबि सप्ता याव नो होनो हानायनि सोमोन्दै बुंदों होनना आसु आ
बुंदों । गुबुनफारसे हायार सेकन्दारि नि रिजाल्ट खौ 20 जुन खालि नङाब्ला 20 जुन नि
सिगाङावबो होनो हागौ। 20 जुन नि बारनाय नङा रिजाल्ट होनाय आ बेखौ रोखा खालामना
होखादों आसु आ। मखजाथावदि बे बोसोर आव आनजाद आ आगोलनि बोसोरफोरनिक्रुय ईसे उन
जादों, बेखायनो आनजाद नि रिजाल्ट होनाय आ बो उन जागोन होनना बुंदों, हायार
सेकन्दारि नि आ दासिमबो बहि खौ नो नायजोबाखै, 50 नि बारा दं बहि नायनाय मिरु आ,
मोननैसो मिरु नि आ दासिमबो काउन्सिल आव मोनहैयाखै होनना खौरां मोनदों।
दुलाराय बर' फरायसा आफाद
आरो CCTOA नि गोख्रों
नारसिन्नायनि थाखाय आसाम सरकारआ दिनै 24 मे 2022 खालाराव 13 मेआव गुवाहाटीनि बरबारियाव इभिकसन खालामनायनि
सायाव सावरायनो थाखाय खावलायनाय लेखा बेलासिनि 1:00 रिंगायाव आसाम
सरकार, एबसु आरो CCTOA नि गेजेराव
दिसपुरआव ओंथि गोनां सावरायनाय जायो। सावराय मेलनि
गेजेरजों आसाम सरकारआ न'-बां सिफायनानै सेव हांगार खालामजानाय नखरफोरनो हा आरो राङारि अनसुंथाइ होनो
थाखायबो राजि जायो। आसाम सरकारनि सोलोंथाइ बिफाननि मन्थ्रि डा० रनज पेगुआ दिनै
सावरायमेलनि गेजेरजों इभिकसन खालामजानाय नखरफोरखौ दिनैनिफ्राय हा एप्लाइ (Apply) खालामनो थाखाय
बिथोन होनाय जायो आरो थानो थाखाय हाखौ गुवाहाटी मेट्रिआवनो थानो मोननायनिबो
सुबिदाखौ आसाम सरकारआ गोख्रैनो मावफुंनो थाखायबो खोथा होयो। मख'जाथावदि ड०
हिमन्त बिस्व सर्मानि दैननाय आसाम सरकारआ इभिकसन खालामजानाय नखरफोरनो न'- बां
बुफायजानायनि थाखाय गोदानै न'-बां लुना लानो हानायबादियै राङारि अनसुंथाइ
होगोन होन्नानैबो आसामनि मन्थ्रि डा० रनज पेगुआ रोखायै मिथिहोयो। दिनैनि
सावरायनाय मेलआव आसाम सरकारनि जानानै मन्थ्रि मुस्री उर्खाव गोरा ब्रह्म बिथाङाबो
बाहागो लादोंमोन आरो एबसुनिफ्राइ दुलाराय बर' फरायसा आफादनि आफादगिरि मानगोनां मुस्री दिपेन
बर', नेहाथारी
मुस्री आनान्द दैमारि आरो ट्राइबेल आफादफोरनि गोबां दैदेनगिरिफोर आरो इभिकसन
खालामजानाय माखासे सुबुंफोराबो बाहागो लादोंमोन।
बाक्सा नि
सालबारि आव हाग्रामा महिलारि नि बेरफ्रुसार बिबुंथि, बिटिसि आव सोलायगोन सोरखार,
कक्लाबारि बियाबनि उफ्रा बिसायखथि आव बिपिएफ नि लैखोन आ मोजां। बिपिएफ दोलो आ नो
देरहागोन होनना बुंनायजों लोगोसे दानि बिटिसि नि गाहाय प्रमद बर नि सायावबो
बुंदों, बिथाङा बुंदों प्रमद बर' बिथांआ जौगाखां खामानिफोर मावनायनि जेबो थांखि
गैया। BTC आव रां
सफैनायखौ माबोरै बरन्नानै जानांगौ बेनि थाखायसो प्रमद बर'बिथांआ माटा
मारिगासिनो दं।
प्रमद बर' बिथांआ 16, 17 दानाव मा मा
खामानि मावखो आरो मा मा बुंनानै राज्यो राजाफोरखौ थगायजानो बेफोरखौ
राज्यो-राजाफोरा नुगासिनो दंखायो।
प्रमद बर' बिथांआ BTC नि 16थाल' बिफानफोरखौ
दिस्पुराव दानफिन्नानै हराखै, गासै 40था बिफानफोरखौ हरजोब्बाय।
सुक्टि बादियै
जेबो मावनो हायाखै, बर हारि खौ फोजोबस्रांदों, साख्रि बाख्रि होनो हानायनि खोथाखौ
बाद हो, गोहोआनो गैला।
BTC आव जेबोआनो
गैला, माबोरै खामानि
मावनो नागिरदों होन्ना बिथांआ सोंथि खालामो।
प्रमद बर आ
एबसु नि सो लिदारमोन, रायजो नि खामानि मावग्रा नङा, मिदिया याव जा खौरां ओंखारदों
गासैबो थार होनना बो बुंबावो।
कक्राझार नि
धोलमारा याव गाज्रि जाथाय. हादर आव आयजो नि रैखाथि होनायनि थांखि जों गोरा आयेन
दिहुननाय, बाहायनायनि उनाव बो दासिमबो गोबां हिनजावसा आयजो फोरनि सायाव गाज्रि
खामानि आ सोलिगासिनो दं। कक्राझार जिला नि शालाकाचि पुलिस सक नि कक्राझार धुबुरि
जिला नि सिमना ओनसोल धोलमारा याव सा 3 गाज्रि सुबुंफोरा सासे हिनजावसा खौ गाज्रियै
जिनाहारि खालामदों, खौरां मोननाय बादिब्ला दखान आव थांनो होनना बे हिनजावसा या
मोनाबिलि समाव थांदोंमोन, नाथाय दखान आव मोनहैनाय नि सिगां नो बे गाज्रि सा 3
सुबुं आ लामा याव रावबो गैयि नि सुबिदा लानानै खुगा खाथेनानै खाथि नि साहा बागान
आव लाना थांनानै जिनाहारि खालामो, उनाव हिनजावसा या न आव थांनानै बिमा नो
खोन्थानायाव ओनसोलनाङैनो दावराव जायो। बे जाथायनि सायाव नखर आ थाना याव एजाहार होयो,
दायो पुलिसफोरा सा 2 खौ हमबाय. हमजानाय फोरनि मुङा आफरुददिन ईस्लाम 22, शमेज उददिन
आलि 19, नाथाय आरो सासे मुस्ताफा आलि 23 खौ हमनो हायाखै, खारखुमाना दं। दायो
रायजोफोरा दायनिगिरिफोरखौ फास्टट्रेक बिजिरसालि नि गेजेरजों साजा होनो दाबि
दैखांदों। थाना सावनायनिफ्राय लानानै बेफोरबायदि गाज्रि खामानिफोरखौ बिसोरनो मावो
होनना आक्रासु आ बुंदों आरो बेफोरखौ होबथानो आसामनि गिबि मन्थ्रि खौ खावलायदों।
दरं नि
दिसत्रिक ईन्दासत्रिस एन्द कमार्च चेन्टार नि जेनेरेल मेनाजार हेमन्त कुमार
तालुकदार खौ गिबि मन्थ्रि नि जाख्लनाय होबथाग्रा नि दोलो आ घुस लानाय समाव नो हमो,
प्रान्जल नाथ मुंनि सासे सुबुं नि अजद आव गिबि मन्थ्रि नि बे दोलो आ हमो, खौरां
मोननाय बादिब्ला PMEGP बिथांखि नि लोन नि आरजलाई होनायनि उनाव
बिनिफ्राय घुस महरै 15 रोजा रां बिदोंमोन बे दायनिगिरि आ, घुस बिदों होनना अजद
होनायनि उनाव नो दोलो आ नायबिजिरो आरो हमनो हायो, बिथांमोननि दोलो आ दरं पुलिस आ
बो मदद होदोंमोन।
1 जौखोन्दो कमिशन बिनायनि दाय आव हमजाबाय
सावस्रि बिफान नि मन्थ्रि आ, जाख्लनायनि गिदिर जाथाय जादों पान्जाब आव। पान्जाब नि
मन्थ्रि बिजय सिंधाल खौ बिबाननिफ्राय बोखारनायनि उनाव नो एरेस्त खालामो। मन्थ्रि आ
खामानि नि टेन्दार नि मुङाव 1 जौखोन्दो कमिशन बिदोंमोन, साननैसो सिगाङावसो गोदान
सोरखार दादोंमोन आप आ बे रायजो आव, गोदान समावनो बेबायदि जानाय आ सोमोनांहोदों।
एन्टि करापशन ब्रान्स आ अजद मोननायनि उनाव नो हमो। गिबि मन्थ्रि भगवन्त मान आ
पुलिसखौ बिनि बेरेखा गसर होनो बिथोन होदोंमोन।
बोसोरनि गिबि गेलेनाय आव नो फाईनेल मोननो हाबाय गुजरात ताईतान्स
आ। आईपिएलनि खौरां। मैया गुजरात आ राजस्थान रयेल्स खौ 7 विकेट जों फेजेनो। गिबि आव
राजस्थान आ बेटिं खालामग्रोनानै जस बात्लार नि 89 आर सन्जु सेमसन नि 47 रान जों 20
अभार आव 188 रान बुदोंमोन 20 अभार आव। गुबुनफारसे गुजरात आ बे रान खौ 19.3 अभार आव
नो बुयो। गासै 191 रान बुयो 19.3 अभार आव, गुजरात नि जानानै देभद मिलार आ 68 आरो
हार्दिक पान्दिया या 40 रान बुयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon