गोजोन्थाव खौरां, एपिएससि 2020 मायथाई
नि मेईन्स आनजाद नि फिथाय एबा रिजाल्ट खौ फोसावबाय। गासै सा 24 बर सुबुंफोरा
मेईन्स आनजादखौ उथ्रिसार जानो हादों। रायजो नि गुबुन गुबुन जिला नि बर फिसा फोरा
आनजादखौ उथ्रिसार जानो हानाय आ गोग्गाथाव। दायो बिथांमोना भाईभा आनजाद खौ होगोन।
मखजाथावदि गिबिआव प्रिलिमिनारि आनजाद आ जाग्रोयो, बेयाव पास जायोब्ला सो मेईन्स
आनजाद खौ होनो मोनो, आरो मेईन्स आव पास जायोब्ला सो भाईभा खौ होनो मोनो। आसा
खालामो सा 24 बर फोरा भाईभा खौ बो पास खालामनो हागोन। आसामनिखौ नायोब्ला भद्र
आईएएस एकादेमि निफ्राय मेईन्स आनजाद आव 137 आनजाद होग्राफोरा पास जादों,
प्रिलिमिनारि आनजाद आव 185 फरायसाफोरा पास जादोंमोन, थांनाय बोसोर आव 58
फरायसाफोरा गासैबोआवनो पास जानानै गुबुन गुबुन बिफान आव खामानि मावगासिनो। खौरां
मोननाय बादिब्ला 21 मे निफ्राय फ्रि मक टेस्त नि बेबस्था खालामदों होनना बुंदों।
एपिएससि नि गेजेरजों एसिएस, एपिएस बायदि बायदिफोर जानो हायो।
मैया बनसु आ गुवाहाति आव होखारजानाय बर
फोरनि खौरां लानो थांनायनि उनाव खौरांगिरिफोरनि सिगाङाव बुंदों- बरफोरखौ लानानै जा
राजखान्थि खालामगासिनो, सहायनो हानाय सिमा बारबाय, बर फोरनि सहायनाय खौ बारा नायनो
नाङा, जों ट्राईबेल, जोंखौ ट्राईबेल महरै थानो हो। बर हारि नि फारसे गाज्रि
साननायखौ गारनो नांगौ, सोलायनो नांगौ दायो आरो आन्दोलन आ एरैनो जाया, जों एरैनो
बुङा बदलेन्द नांगौ होनना, गिबि मन्थ्रि आ थियारि जाना था, थाबैनो गनतानत्रिक
बादियै बदलेन्द आन्दोलन आ जानो थांगासिनो दं। बेफोरबायदि गाज्रि खामानि नि थाखाय
नो फिन आन्दोलन आ जागोन। अखा नि समाव, फरायनाय समाव बेबायदि थानो नांदों,
नोंथांमोना खनसे थाना नायलाय होनना बो बुङो, जेसेबां बर दं एभिकशन खालाम, हायोब्ला
25 लाख बरफोरखौ होखार, गावथार, बेनि थाखाय बो थियारि, गिबि मन्थ्रि आ नो बुङो जों
बे हानि फिसा, खिलन्जिया होनना बुङो, सासे सानै बर दैदेनगिरिफोरखौ लानानै नो गासै
बरफोरखौ नो दबथायना लाखिनो नाजायोब्लाबो माब्लाबाबो दबथायना लाखिनो हाया। बर हारि
नि रैखाथि नि थाखाय 5 रोजा नि बारा सुबुंफोरा गावनि जिउ बावदों होनना बो बुङो।
जोंनि सायाव खालामनाय गाज्रि जाथाय मोननैसोखौ बावगारनो नाजादोंमोन नाथाय
बेफोरबायदि गाज्रि खामानि मावनाय आ नो जोंखौ बावगारहोनो होआ होनना बो बुङो।
बेफोरबायदि खालामनाय आ बर ल नङा गासैबो ट्राईबेलफोरखौ नो फोजोबस्रांनो नाजादों
होनना अजद होदों बनसु आ।
गुवाहाति नि जाथायनि सायाव दिनै
गुवाहाति एबसु, ट्राईबेल संघ जों लोगोसे मोननैसो आफादफोरा सोरखार नि बेरेखा
खुद्रिसारनाय हाबाफारि लादों होनना खौरां मोनदों।
रायजो आव दैबाना या बारा जानायनि
खौरां, मैया आसामनि मन्थ्रि पियुष हाजरिका बिथाङा तामुलपुर आव फैनानै दैबाना आरो
हा खुरखानायनि खौरां लाफैयो। दलंपार आरो बरखोपा याव मतङा या खालामनाय हा
खुऱखानायखौ नायहैयो। बेफोरखौ थाबैनो होबथानो थाखाय बिफान नि ईन्जिनियारनो बिथोन होदों। मैया
खौरांगिरिफोरनि सिगाङाव मन्थ्रि बिथाङा बिटिआर ओनसोल खौ बेफोरनिफ्राय बारगहोनो
थाखाय दैसम्पद बिफान आ 121 कौटि रां होदों होनना फोरमायो, बे रां जों खामानि
मावनायखौ जागायबाय नङाब्ला जागायगोन होनना फोरमायो आरो बिटिआर नि फारसे सोरखार नि
मदद आ थाबाय थागोन होनना बुङो। मैया नि नायहैनाय आव एमएलए जलेन दैमारि, जिला
बेंगिरि आरो दै सम्पद बिफान नि अफिसार ईन्जिनियार फोरा थांफायो।
जोरहात नि काछारि मैदान आव मैया
पन्सायत आरो गामि जौगाखां बिफान नि बान्जायनाय आव गिदिर हाबाफारि आव आसामनि गिबि
मन्थ्रि बिथांजों लोगोसे मिरु नि मन्थ्रि गिरिराज सिंह नि नुजाथिनाय आव प्रधान
मन्त्रि आवाज योजना नि सिङाव 5 लाख नि बारा नखर नो न होनायखौ बेखेवना होयो। मिरु
सोरखार आ गोदानै 12 लाख नो न होनायनि थाखाय मिरु सोरखार आ गनायथि होदों होनना
फोरमायनायजों लोगोसे अफिसार मावथिफोरखौ घुस जानो नाङा होनना सांग्रां खालामना
होखादों। जोरहात जिला याव गासै 12 रोजा नो होदों बेखौ, मिरु सोरखार आ आसामनो 12 लाख
नो होनो गनायथि नि गिबि खोलोबनि महरै 5.1 लाख नो होग्रोदों सोरखार आ, न खौ बानायनो
थाखाय 1 लाख 30 रोजा रां होगोन, बेनिनो गिबि किष्टि आव 32500 रां, नैथि आव 48750
आरो थामथि आव 47500 रां होगोन, लोगोसे जायफोरा न खौ मोनदों, बिसोरनो सानफ्रोमबो नि
हाजिरा महरै 229 रां जों 95 सान आव 21755 रां होगोन होनना फोसावनानै होदों, बेखौ
नायोब्ला सोरखार निफ्राय न बानायनि मुङाव 1 लाख 51 रोजा नि बारा मोनगोन। बे बिथांखि
खौ बेखेवनाय उनाव गिबि मन्थ्रि आ बांसिन जाख्लनाय होबथानाय आव गोसो होदों, रावबो
अफिसार मावथि फोरनो 1 रां बो होनो नाङा होनना खावलायदों बिथाङा, गुबुनफारसे मावथि
फोरखौ रां जादों होनना मिथियोब्ला एरेस्त खआलामनाय जागोन होननना सांग्रां खालामना
होदों, बेनि सायाव सोरबाफोर रां दाबि खालामोब्ला जायगा नि एमएलए जिला बेंगिरि नो
खौरां हरनो गिबि मन्थ्रि आ खावलायदों, गोनांथि जायोब्ला त्वितार फेसबुक नि
गेजेरजों बो फोरमायहरनो खावलायहरदों बिथाङा आरो लोगोसे धोनि पाक्का न थानाय नखर आ
बेखौ मोनोब्ला बेखौ दानननाय ल नङा आयेन नि बेबस्था लानाय जागोन होनना बो बुङो,
बेफोरबायदि खौरांखौ बुथुमनो थाखाय थाबैनो मबाईल नम्बर बेखेवगोन जेराव रायजोफोरा फन
खालामनानै खौरां दैथायहरनो हागोन।
बिटिसिनि गाहाय खुंगिरि प्रमद बर'नि
दैदेन्नायाव दिनै बिटिसि सेकरिटारियेतआव इक्जेकिउटिभ काउन्सिल मिथिं खुंफुंनाय
जायो। बिटिसिनि गुबुन गुबुन बिफाननि मावफुं सोद्रोमाफोरजों लोगोसे गुबुन गुबुन
बिबाननि मावख'गिरिफोरनि जुथायै नुजाथिनायाव गोनांथार माखासे आयदा फोरनि सायाव
गुवारै सावरायनायजों लोगोसे बिथांखिफोरखौ नाजावनाय जायो। गाहायै इक्जिकुटिभ मेलनि
गेजेरजों उदालगुरी जिल्लायाव NIT बिटिआर गोरोबथानि गेजेरजों
लुफुंनो थांखि आजावनायजों लोगोसे गंफ्रोमबो गामियारि ओनसोलाव जोहोलाव निलेशर
ब्रह्मनि गोसोखां जौस्रां लुफुंनो लोगोसे कक्राझार पातरघात आव गोदानै Circuit House लुफुंनो
थांखि लायो।
कक्राझार आव फिन सोरखारि हा खौ सेनो नागिरनाय जाथाय। सानै बिदा
फंबाय आ वातार रिसर्स नि 5 बिघा नि बारा हा खौ चन्दन पाल मुंनि सुबुं आ सेनानै
लादों, गावनि सो हा होनना दखल खालामना लादों, खौरां मोननाय बादिब्ला आरमिफोरनो सो
होदोंमोन हा खौ, आरमिफोरा थांनाय आव बेखौ सेनानै लायो, बिफान आ पुलिस केस बो
होदों, नाथाय पुलिसपोरा बेनि सायाव जेबो बेबस्था लायनि नि अजद, बेल नङा सोरखारि
बिफान नि जों लोगोसे सोरनिबा नखर नि हा खौ बो दखल खालामनायनि अजद, सा 6-7 सो
सुबुंफोरनि हा खौ दखल खालामदों, बर नखर नि हा खौ बो दखल खालामनायनि गिदिर अजद,
बिटिआर आव नो बेबायदि खालामजानाय आ दुखुनांथाव। सोरखार नि गनायथि लाना नो हा खौ
बायदोंमोन, नामजारि बो खालामखादों, गासैबो दंजोबखायो थेवब्लाबो सेना लादों,
सोमोनांथाव।
बर फिसा नबजित नार्जारि, जाय दिआईदि
लितल मास्तार आव टप 10 आव सायखजादों बिथांनो भट होनायनि सम आ फैगासिनो। फैगो
सनिबार नि हर नि 9 बाजि निफ्राय सम्बार नि फुंनि 9 बाजि सिम भट खौ होनो हागोन।
मोनसे नम्बर आव मिस कल होनो नांगौ होनना मिथिना मोनदों। 9152915246 नम्बर आव मिस
कल होनो नांगौ, शुतिं आ आगोलावनो जायो, नाथाय बेखौ सनिबार आरो रबिबार आव सो बिथांमोन
चेनेल आव होयो, बेखायनो गाबोननिफ्राय सो भट खौ होनो हागोन। आसा खालामो जोंनि
गासैबो बरफोरा नो भट खौ होगोन।
भारत नि बारग क्रिकेटार, पान्जाब नि
राजखान्थिगिरि खौ 1 बोसोर नि जेल नि साजा होदों, 33 बोसोर नि गोजाम गसर आव
दायनिगिरि साजायो आरो बे साजा खौ होयो। सानसे सम नि क्रिकेटार, बेनि उनाव
राजखान्थि आव हाबनाय लोगोसे कपिल शर्मा श आव गाहाय आलासि महरै बाहागो लायोमोन।
पान्जाब बिधानसभा बिसायखथि आव कंग्रेस नि गिबि मन्थ्रि नि बिजाथि महरै बिसायखति
गेलेदोंमोन, बे नबजोत शिंह सिन्धु नि बेरेखा नो गिदिर थिरांथा जौसिन बिजिरसालि नि,
1988 मायथाई नि मोनसे गसर आव नो बेखौ दायनिगिरि साजायदों, आईपिसि 323 धारा याव
सिन्धु नि बेरेखा गसर दाखिल खालामनाय जादोंमोन, पान्जाब पुलिस आ दायो गावनि आखाय
आव लांगोन। 1988 मायथाई आव सासे 65 बोसोर बैसो नि सुबुंखौ बुथारनायनि अजद आवनो
बेखौ होयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon