दुखुनांथाव
खौरां, सोरनि थैनाय आ माब्ला फैयो रावबो मिथिया. बलिउद नि मुंदांखा मेथाय खनगिरि
कृष्णकुमार कुन्नाथ नि जिउ गोमाबाय. बिथाङा गुसुङै के के मुं सो मुंदांखा मोन।
खौरां मोननाय बादिब्ला कलकाता नि गुरुदास कलेज आव मेथाय खनबाय थानाय समाव नो हरखाब
हार्त एतेक जों गाग्लोबजानानै हारसिंनो गोग्लैयो, उनाव गावनि हतेल आव थांदोंमोन,
जेब्ला हालोद आ गाज्रिथार जायो अब्ला देहाफाहामसालि आव लांदोंमोनब्लाबो थैयो होनना
मिथिना मोनदों, बिथाङा गुबुन गुबुन राव नि गोबां मेथाय खनदोंमोन, जेरै बांला,
हिन्दि, तामिल, कानारा, मालायालम, माराथि, असमिया बायदि बायदि राव नि मेथाय
खनदोंमोन। स्तेज आव मेथाय खनबाय थानाय समाव नो सम सम बिथाङा गोबांबार बुंदोंमोन
दिनै आंनि देहा या बारा मोजां नङा होननानै, बेखायनो बिथाङा स्पतलाईत अफ खालामनो
होदोंमोन। थैनाय समाव बिथांनि बैसो आ 53 मोन। भारत नि गाहाय मन्थ्रि आ बिथांनि जिउ
गोमानाय आव दुखु मोननाय फोरमायदों।
रायजोफोरनि थाखाय मोजां खौरां, 31 बोसोर नि उनाव मंगलबारखालि रायजो आव बेखेवबाय सा सानजा भारत नि गिदिरसिन सलार पावार प्लान्त खौ, रायजो नि गिबि मन्थ्रि बिथाहा मैया बेखौ बेखेवनानै होयो। दासिम बेयो 70 मेगावात मोब्लिब दिहुननो हायो। उननि समाव आरो 30 मेगावात बारायनानै 100 सिम थालामनो थांखि लादों होनना मिथिना मोनदों। 1990 मायथाई आव नो आसाम सुक्ति नि गेजेरजों बै सम नि गिबि मन्थ्रि प्रफुल्ल कुमार महन्त आ बेनि खुन्थिया गायसदोंमोन, आमगुरि नि लालिम सापरि आव 1100 बिघा हा याव बानायदोंमोन, नाथाय राजखान्ति नि बेले बेजे नि थाखाय नो बन्ध जाना दंमोन, बेनि उनाव थांनाय 2019 आव बै सम नि गिबि मन्थ्रि सर्बानन्द सोनोवाल बिथाङा बेखौ फिन खनसेबाव बानायनायखौ जागायना होयो आरो मैया आबुङै जाजोबो खामानि आ, बेखौनो दानि गिबि मन्थ्रि आ बेखेवना होयो।
एमएलए जिरन बसुमतारि बिथाङा खौरांगिरिफोरनि सिगाङाव एनदिएफबि नि गायसनगिबि आफादगिरि रन्जन दैमारि बिथांखौ थाबैनो उदां खालामनो हागोन होननानै, बेनि खामानि आ सोलिगासिनो, बिटिआर गोरोबथा या जानायनि सिगां नो दायनिगिरि साजायजादोंमोन, बेनि सायाव सोरखार जों दानसे सिगाङावसो सावरायलायदों, माबोरै जेल निफ्राय उदां खालामनो हायो बेनि सायाव सावरायलायदोंमोन, बिथाङा ल नङा, बिथांजों लोगोसे माबोरै गुबुनफोरखौ बो उदां खालामनो हायो सावरायलायगगासिनो होननो रोखा फोरमायो, गुबुनफारसे सिमा बारायनाय आरो दाजाबनाय आ बो थाबैनो जागोन होनना फोरमायो, मैया कक्लाबारि बियाब नि बिसायखथि फोसावदिं मेल आव बाहागो लानानै बेबायदि बुङो।
बिटिसि नि थिकादार आफाद नि गाहाय नेहाथारि बिक्रम दैमारि बिथाङा फिन खनसेबाव दिल्लि आव प्रमद बर आरो हाग्रामा महिलारि जों खौसे जानायनि बाथ्रा रायलायदोंमोन होनना फोरमायो। दिल्लि आव बुंबाय खौसे जानांगौ, एमसिएलए, ईएम बिथांमोना बो खौसे जानो बुंदों, नाथाय गुवाहाति नि सासे हायप्रफाईल सुबुं आ सो बेखौ होबथादों होनना बुदों। बिथांखौ सोरबा लिंहरनायनि बाथ्रा बो बुंदोंमोन, लिंहरनानै प्रमद बर नि सोरखार खौ 4 बोसोर सालायहोनो हो होनना बुंदों आरो बेनि उनाव नोंसोरनि हाग्रामा खौ लाबो होनना बुंङो, नाथाय बिथाङा गावखौनो सोर जाय सोरखार खौ सोलायहोनो हायो होनना बुंदों, आंथ सासे साधारन सुबुं सो, बेबायथि नंखाय खौरां हरनानै आंखौ रायलायहोदों होनना बो फोरमायो बिथाङा, थांनाय 20 मे आव नो बिथाङा दिल्लि आव रायलायदोंमोन होनना फोरमायदोंमोन, बेनि उनाव दावराव जानायखौ नुनो मोनदोंमोन, गोबां सुबुंफोरा नो मोजां मोननायखौ फोरमायदोंमोन, बेनि गेजेरावनो बेखौ सिरियै सावरायलायनाखौ मानो दिहुनखो होनना बो सोंनाय नुनो मोनदोंमोन। नाथाय दायो बिटिसि आव फैनानै सोलायनाय बायदि सो नुनो मोनदों, उफ्रा बिसायखथि आव गावजों गाव बुंलायनाय नांलायनाय सो नुनो मोनदों होनना बुदों, लोगोसे मानो बिटिसि आव फैयोब्ला सोलायो बेयो सोमोनांथाव होनना बो बुबावो
आदब आरो गुण गोनां सोलोंथाइ मावथांखि बादियै आसाम नाङै बर' बिजोंनि गं 1000 गुदि फरायसालियाव बेसेन नाङै फोरोंथाइ होनाय थांखिजों मिरु एबसुनि बिथोन बायदियै दिनै क'क्राझार जिल्ला एबसुआ बेसेन नाङै फोरोंथाइ बादाखौ औवाबारि दख'रा एबसुनि बेन्दोंङाव थानाय 470 नं दामदरपुर गुदि फरायसालियाव बेसेन नाङै फोरोंथाइ बादाखौ बेखेवनाय जायो। हाबाफारि बायदियै दुलाराय बर' फरायसा आफादनि मानगोनां लोगो गाहाइ नेहाथारि मुस्रि दिनेश ब्रह्म बिथाङा फरायसालिनि दरखंखौ बेखेवजेननानै फरायसालिनि जेंनाखौ नायदिंयो लोगोसे फांसे बिफांबो गायजेनो। बेसेन नाङै फोरोंथाइ होनायनि गेवलां सावराय मेलखौ क'क्राझार जिल्ला दुलाराय बर' फरायसा आफादनि मानगोनां आफादगिरि मुस्री ख्रिपेस दैमारी बिथाङा गावनि सुंद' बिबुंथिनि गेजेरजों बेखेवनानै होयो। गाहाइ आलासि महरै बाहागो लायो दुलाराय बर' फरायसा आफादनि मानगोनां लोगो गाहाइ नेहाथारि मुस्रि दिनेश ब्रह्मआ आरो दुलाराय बर' फरायसा आफादनि मावथांखि आरो बेसेन नाङै फोरोंथाइ होनायनि सायाव गुवारै फरायसा, फोरोंगिरि आरो रायजो राजाफोरनो गुवारै फोरमायना होयो। गुदि फरायसालियाव 53 सा फरायसानि अनजिमा दंब्लाबो सासेल' फोरोंगिरि थानायनि जेंनाखौ फोजोबनो थाखाय लोगोसे फरायसाफोरखौ फोरोंथाइ होनो एबसुनिफ्राय सासे फोरोंगिरि मानगोनां मुस्रि मेहेर मुसाहारी बिथांखौ थिसननानै होनायबो जायो।
काजिरङा माहारियारि हाग्रामा खौ दिनै निफ्राय बन्ध खालामना होबाय होनना खौरां मोनदों। दावबायारिफोरनि थाखाय बन्ध अखा हानाय बोथोर नि 2021-22 बोसोर नि खौ। खौरां मोननाय बादिब्ला काजिरङा दावबायदोंमोन गासै 2,55,676 दावबायारिफोरा, बेनिनो 1687 दावबायारिफोरा गुबुन हादरनि मोन, कभिद आ जोबनायनि उनाव बेबायदि दावबायफैनाय आ मोजां खौरां, मखजाथावदि आगोलनि गासैबो रेकर्द खौ सिफायनानै 2021-22 बोसोर आव गासै 6 कौटि 24 लाख, 8 रोजा 6 जौ 54 रां मोनदों होनना मिथिना मोनदों।
रायजो आव जानाय ईशान उदय केलेंकारि नि गुबै दायनिगिरि खौ पुलिसफोरा हमबाय। 2019-20 मायथाई आव जानाय जाथाय आ सोमोन्दो थानाय मिनहाजुल हक खौ हमो, बिनि न आ बरपेता नि दामालझार गामि आव, बिनिफ्राय पुलिसफोरा गंसे पेनद्राईभ, 28 टा गुबुन गुबुन बेंक नि पासबुक, 6 टा गुबुन गुबुन बेंक नि चेकबुक, नोतबुक, गुबुन गुबन सुबुंफोरनि पानकार्द, भोटार कार्द नि जेरक्स कपि जों लोगोसे गुबुन गुबुन मुवा बेसादफोर मोनदों। बरपेता नि माधब चौधुरि कलेज आव जानाय ईशान उदय बिथांखि नि केलेंकारि नि बेरेखा गसर थिसननाय आव नो हमो बिखौ, बियो रायजो नि गुबुन गुबुन कलेज नि केलेंकारि जों बो सोमोन्दो दंमोन, गोरिब नखरनि फरायसाफोर नो सोरखार आ होनाय स्कलारसिप नि रां खौ जाख्लयोमोन बियो।
रांखान्थियारि जेंना जों मोगा मोगि जानांनाय श्रिलंका खौ मदद खालामगोन बुहुम बेंक एबा वर्ल्द बेंक आ। गोबाव सान सिगां कलम्ब होनना बुङोला गोबां दावबायारिफोरा नो दावबायनो थाङोमोन, नाथाय साननैसो सिगांनिफ्राय थासारि आ सोलायदों बे हादर आव। गोबां रांखान्थियारि जेंना जों मोगा मोगि जानांदों। न आव संग्रा गेस गैया, रां दंब्लाबो बाजार आव जाग्रा गैया, गिदिर गिदिर न, गारि थानायफोरा बो मोनजाया मोनलोङा माब्लाबा थानांगौ जादों, बेबादि थासारि आव वर्ल्द बेंक आ 70 कौटि मार्किन दलार नि मदद होगोन खौ फोसावो, उदांश्रि नि उनाव बेबायदि गिदिर आंखाल नि जाथाय आ गिबि जादों, आगोलावबो जादोंमोनब्लाबो बेबायदिद्राय जायाखैमोन, दायो वर्ल्द बेंक आ बेबायदि मदद खालामनाय आ मोजां खौरां लाबोनो हागौ
सोमोनांथाव जाथाय, सासे बर सेंग्रा या सासे बर हिनजावसा खौ नो थगायनायनि अजद, सिआरपिएफ नि साख्रि मावनाय सासे सेंग्रा या सासे हिनजावसा खौ कर्त मेरिज खालामखांनानैबो खौरां लायि नि गिदिर अजद। बरपेता जिला नि बरबरिझार नि मौशुमि ब्रह्म मुंनि हिनजावसा खौ दैथुन दैमारि मुंनि सिरां नि बिजनि नि सासे सेंग्रा या थगायनायनि अजद, हिनजावसा या अजद होनाय बादिब्ला बेबायदि नो गोबां हिनजावसाफोरनि जिउ खौ धंस खालामदों होनना बुङो। मोशुमि आ बुंनाय बादिब्ला सासे मोजां मोननाय थाखानायनि उनाव बो बिखौ कर्त मेरिज खालामदोंमोन, बेबायदि खालामनाय आव आगोलनि मोजां मोननाय आ मुलि जानानै थैदोंमोन होनना अजद, दायो कर्त मेरिज खालामखांनायनि उनाव बो आरो गुबुन हिनजावसा खौ मोजां मोनदों होनना अजद होदों बे हिनजावसा या। मौशुमि आ बेफोरनि सायाव थाना याव एजाहार बो होदोंमोन, नाथाय जेबो बेबस्था लानायखौ नुनो मोनाखै होनना बुंदों।
कार्बिआंलं जिल्ला दुलाराय बर' फरायसा आफादनि बानजाइनायाव दिनै ओनसोलनि लाइमोनफोरखौ लानानै लांहिननि लांहिन मानेकपुर गफ्त एम.इ. फरायसालियाव लाइमोन सांग्रांथि मेल खुंदों । बे सांग्रांथि मेलाव गाहाइ आलासि महरै बाहागो लायो मिरु एबसुनि आफादगिरि मानावगेदेद मुस्रि दिपेन बर'आ । गाहाइ आलासि महरै बाहागो लानानै मिरु एबसुनि आफादगिरि मानावगेदेद मुस्रि दिपेन बर'आ बर' हारिनि जारिमिनखौ नायोब्ला गोदोनिफ्राइनो माहारि दानायाव आरो बर' माहारियारि आफादाव कार्बिआंलंनि बर'फोरा गावखौ बाउसोमबोदों होननानै बिथांमोन साफ्रोमखौबो माननि गेजेरजों साबायखर बाउग्रोयो । लोगोसे बे मोनसे आथालनि लाइमोनफोराबो माहारि दानायाव बयबो बाहागो लानांगोन होननानै समाजआ गोग्गो आरो हारिआ रैखाथि गोनां जानांगौब्ला लाइमोनफोरानो बिबान लानांगोन होननानै गावनि बेसेनगोनां बिबुंथियाव लाइमोनफोरखौ थांखिनानै बुंङो । सावराय मेलाव मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीयाबो बाहागो लायो ।
नाग्रिजुलि कस्तुरबा गान्धि बालिका फरायसालि आव जाथाय। बिषगोनां आदार जानानै सा 14 फारयसुलिफोरजों लोगोसे बेनि गाहाय आरो वार्देन नि देहा गाज्रि जायो। हरनि थाम रिंगासो समाव गोब्राब उदै सानाय, खिनाय, आरो गोबानाय जादोंमोन। बेबायदि जानायनि थाखाय लोगो लोगो नाग्रिजुलि आदर्ष देहाफाहामसालि आव लाना थाङो, खौरां मोननानै तामुलपुर जिला नि सदर महकुमा अफिसार रामानुज हाजरिका या जायगा याव थांनानै खौरां लाहैयो। खौरां मोननाय बादिब्ला मैया नाग्रिजुलि कस्तुरुपा बालिका बिद्यालयाव गुन'उतसबखौ लानानै सांग्रांथि मेल जादोंमोन। बे समावनो गावखौनो राम देबनि होनना बुंना लानाय सानै मानसि फैनानै नाग्रिजुलि बालिका बिद्यालयाव हाबो आरो गावसोर लाबोनाय लादु-मेथाइ बाइदिखौ राननानै होयो। बेखौ जानानैनो जादों होनना मिथिना मोनदों।
सोमोनांथाव जाथाय, सासे बर सेंग्रा या सासे बर हिनजावसा खौ नो थगायनायनि अजद, सिआरपिएफ नि साख्रि मावनाय सासे सेंग्रा या सासे हिनजावसा खौ कर्त मेरिज खालामखांनानैबो खौरां लायि नि गिदिर अजद। बरपेता जिला नि बरबरिझार नि मौशुमि ब्रह्म मुंनि हिनजावसा खौ दैथुन दैमारि मुंनि सिरां नि बिजनि नि सासे सेंग्रा या थगायनायनि अजद, हिनजावसा या अजद होनाय बादिब्ला बेबायदि नो गोबां हिनजावसाफोरनि जिउ खौ धंस खालामदों होनना बुङो। मोशुमि आ बुंनाय बादिब्ला सासे मोजां मोननाय थाखानायनि उनाव बो बिखौ कर्त मेरिज खालामदोंमोन, बेबायदि खालामनाय आव आगोलनि मोजां मोननाय आ मुलि जानानै थैदोंमोन होनना अजद, दायो कर्त मेरिज खालामखांनायनि उनाव बो आरो गुबुन हिनजावसा खौ मोजां मोनदों होनना अजद होदों बे हिनजावसा या। मौशुमि आ बेफोरनि सायाव थाना याव एजाहार बो होदोंमोन, नाथाय जेबो बेबस्था लानायखौ नुनो मोनाखै होनना बुंदों।
साननैसो सिगाङावसो मिरु सोरखार आ पेट्रल दिजेल नि नि सायाव लानाय टेक्स खौ खम खालामनायनि उनाव 9 रां नि बारा खम जादोंमोन बेसेन आ।, एखे समाव नो ननि सिलिन्दार नि बेसेन आ बो 200 रां सो खम जानो हागौ साननाय जादोंमोन, नाथाय मिरु सोरखार नि बे फोसावनाय आ मोगथां महर मोननाय नि सोलाय बेनि उल्था सो जागोन बायदि खौरां मोनदों। रायजोफोरा फिन खनसेबाव मुवा बेसाद नि बेसेन नि बजा खौ लानो गोनां जादों। रायजोनाङैनो बेसेन आ बारा जानो हागौ, जुन दान आव 1100 सो रां जाहैनो हागौ होनना साननाय जादों, थांनाय मे दान आव बेनि बेसेन खौ खननै बारायदोंमोन, 7 मे आरो 19 मे आव। दायो फिन खनसेबाव बारायफिननो हागौ आ साननो गोनां खालामदों।
नेपाल आव जानाय बिरखं नि जाब्रबथाय आव बेयाव दावबायनाय गासैबो दावबायारिफोरनि जिउ गोमाबाय। गासै सा 22 नि गोथै देहा मोनदों, सम्बार नि हर सिम गासै सा 21 नि खौ मोनदोंमोन, नेपाल नि आरमि आ फिन खनसेबाव नागिरनाय आव जोबथा गोथै देहा खौ बो मोनो, बे बिरखं आव भारत नि बो सा 4 दावबायारिफोर दंमोन, नेपाल नि हादरगिरि बिद्या देबि भान्दारि बिथाङा दुखु मोननाय फोरमायदों, गिबि नायबिजिरनाय आव बोथोर गाज्रि नि थाखाय नो जादों होनना सानदों।
फिन खनसेबाव काश्मिरि पन्दित खौ बुथारदों, जाय समाव गासैबो दोलो फोरा गावनि राजखान्थियारि स्वार्थ खौ काश्मिरि पन्दित नि मुं लानानै सुफुंगासिनो, बे समाव नो बुथारनाय जाथाय जाफिनलायबाय। सासे फोरोंगिरि खौ फरायसालि आव थांनानै नो गावथारदों, कुलगाम ओनसोल नि गोपालपुर हाईस्कुल नि फोरोंगिरि रजनि बाला खौ गावथारनाय जाथाय आ सोमोनांहोदों बयखौबो। जाथाय आ जानायनि उनाव नो गासै जायगा खौ रैखागिरिफोरा बेंखनना लाजोबनानै उदखारिफोरखौ नायगिरगासिनो दं, गुलि आ नांनाय लोगो लोगो नो देहाफाहामसालि आव लाना थांदोंमोनब्लाबो थैयो होनना फोसावो, साननै सिगाङावबो सासे फावखुंग्रि खौ बुथारदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon