फोजोबस्रांनाय जों लोगोसे गोसोम धोन खौ गुरै खालामनो थाखाय नो थांनाय 2016 नि 8 नबेम्बर आव भारत नि गाहाय मन्थ्रि नरेन्द्र मदि आ दिमनेताईज एबा बिमुद्राकरन खौ फोसावदोंमोन, रां सोलायनायखौ फोसावदोंमोन, 500 आरो 1000 रां खौ बेन खालामदोंमोन, बेनि उनाव नो गोदान 500 रां आरो 2000 रां दिहुनना होदोंमोन, नाथाय दायो 2021-22 नि रिपर्त नि बादिब्ला हादोर आव जाल नोत एबा नंखाय रां आ 100 जौखोन्दो नि बारा जादों, 500 रां नि आव 101.9 जौखोन्दो जादों, 2000 रां नि आ 54.5 जौखोन्दो, बेबायदि नो 10, 20 आरो 200 रां नि जालनोत आ बाजार आव दं होनना बुंदों आरबिआई आ। 2021-22 आव 2,30,971 जालनोत मोनदों होनना बुंदों।
बिटिआर आव उफ्रा बिसायखथि नि बार बारगासिनो। मैया फैलाव बसुमतारि बिथाङा ईउपिपिएल दोलो नि जानानै बिसायखथि फोसावदिं मेल आव बाहागो लादोंमोन, बेनि उनाव नो बायदिसिना बुंलायनाय नुनो मोनदों। मखजाथावदि सानसे समाव फैलाव बसुमतारि बिथाङा सानसे समाव बिपिएफ नि मोन, थांनाय बिसायखथि आव नो नुनो मोनदोंमोन, बिथांनि सायाव नो बर नि सासे मुंदांखा फावखुंगुर दाब्ला उऱफे जगथ बसुमतारि बिथाङा बुंदों, फैलाव आ सासे बैथा गैयि नाव सो, आगोलनि समाव मन्थ्रि एमएलए, ई एम, एमसिएलए जों लोगोसे दोलो नि दैदेनगिरिफोरनिफ्राय रां बिना लाबोनायनि अजद होदों बिथाङा, केमेरा फोर बो बायनो रां लांदोंमोन। थाखा फैसा नि लोब दं होनना बुंदों ईउपिपिएल नो मदद होदोंब्लाबो बेयो जेबो गोहोम खोख्लैया होनना बुंनायजों लोगोसे दायो बिपिएफ आ पावार आव गैयिखायनो थांबाय, पावार आव फैफिनबानो बिबो फैफिनगोन होनना बुंबावो, बैथा गैयि नाउ बायदि सो, बोजों थांगोन बेनि जेबो थिरांथा गैयि बायदि सो। कक्लाबारि बियाब आव बिपिएफ नि दैदेनगिरि आ नो देरहागोनखौ नुहरदों होनना बुंदों।
मैया हरखाब सारन्थाय गावनाय आव जिउ गोमादोंमोन सासे बर आयजो नि, ना गुरबाय थानाय समाव नो बाक्सा जिला नि सालबारि नि माईनावबाजार कुस्राथारि गामि नि पदमि खेरकातारि नि जिउ गोमादोंमोन। 1 खावसे बोसोर बैसो नि गथ थानाय बिमा नि जिउ गोमानाय आ दुखु मोनहोदों गोबांखौनो। खौरां मोननाय बादिब्ला दिनै कक्लाबारि बियाब नि ईउपिपिएल नि बिजाथि मन्तु बर बिथाङा न आव थांनानै खौरां लाहैदों, बिथाङा थांनानै दायो बे उन्दै गथ नि सायाव सावरायलायनानै माबा मोनसे राहा लागोन होनना खौरांगिरिफोरनि सिगाङाव बुङो।
अबर' रायजोफोरनि रैखाथि नि थाखाय गावनि जिउ खौ बावनाय सुबुंनि नखर नो रांखान्थियारि मदद। मैया आसामनि गिबि मन्थ्रि जनता भवन नु गुबु मन्थ्रि नि सावरायनाय न आव सा 18 नि नखर नो 5 लाख रां नि मदद नि चेक रानना होदों। बे हाबाफारि आव गावनि बिबुंथि आव भारत नि गाहाय मन्थ्रि आरो नखर मन्थ्रि नि दैदेननाय आव जानाय बर सुक्टि आव आलादा बर रायजो दाबि आव सोलिनाय आन्दोलन नि समाव जिउ गोमानाय बर सुबुंफोरनो सोरखार आ 5 लाख रां नि मदद खालामगोन नि बेबस्था लाखिनाय जादोंमोन, बे आन्दोलन आव सोमोन्दो गैयि सानैसो सुबुंफोरा बे आन्दोलनि नि समाव गुबुन गुबुन जाहोन नि थाखाय जिउ खोमानो गोनां जादोंमोन, बे हाबाफारि आव नो बिसोरनि नखर नो रां नि मदद खौ होदोंमोन। बे हाबाफारि आव बिटिआर नि गाहाय प्रमद बर बिथाङा बो बाहागो लादोंमोन।
हाबा जानायनि उनाव गोबांबार बिसि फिसाय आ फिसा फिसा खोथा खौ लानानै नो नांलायनाय जायो गोबांनि नखर आव नो, बेफोरखौ जुदि बारा गोसो होआब्ला सोमोन्दो आव जेबो गोहोम गोग्लैया, नाथाय जुदि बे बाथ्रा या नो गिदिर जायो अब्ला सोमोन्दो गारलायनाय बायदि जाथाय जायो।, कर्नातका नि मोनसे जाथाय आ सोमोनांथाव। बेल्लारि मुंनि जायगा याव बिसि फिसाय आ दिभर्श जायो मानोना बिसि आ जाग्रा आदार नि मुङाव खालि मेगि खौ ल संनो रोङोमोन। बे सोमोनांथाव गसरखौ बिजिरगिरि एम एल रघुनाथ आ मेगि केस होनना नाम होदों। जेब्ला फिसाय आ माबाफोर जानो बियोमोन अब्ला बिसि आ मेगि ल लाबोयोमोन, फुंनि बेलासि नि मोनाबिलि नि गासैबो आव नो सुप नुदल्स ल बानायो, बे केस आव बिसि फिसायनि सोमोन्दो आ जेनो आरो मेगि आ देरहायो, सोमोनांथाव।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon