दिनै फोसावबाय
हायारसेकन्दारि नि जोबथा आनजाद नि रिजाल्त खौ, बे बोसोर आव गोबां जौखोन्दो
फरायसाफोरा नो पास जानो हादों। साईन्स आव 92.19, आर्त्स आव 83.48 आरो कमार्श आव
87.27 जौखोन्दो आ पास जादों। साईन्स नि आव दरं नि सिपाझार नि देउमरनै जौसिन गेजेर
फरायसालि नि धृतिराज बाश्तब कलिता या गिबि नम्बर आव दं, मखजाथावदि बिथाङा नो 2020
मायथाई नि मेत्रिक आनजाद आव बो गासै आसामनि गिबिसिन आव दंमोन। बिथाङा गासै 491
नम्बर मोनदों आर्त्स नि आव कामरुप हिन्जावसा सिनियर सेकन्दारि फरायसालि नि साधना
देबि आरो तिनसुकिया अमेन कलेज नि सेरि गहाई आ 487 नम्बर जों गिबि नम्बर आव दं।
कमार्श नि आव काशार नि बिबेकानन्द सिनियर सेकन्दारि स्कुल नि सागर आगरवाल आ 482
नम्बर जों गिबि आव दं। जिला हिसाबै नायोब्ला साईन्स नि आव बाक्सा जिला या नो 98.27
जौखोन्दो पास जों गिबि आव, आर्त्स आव धेमाजि आ 94.67 जों गिबि आव आरो कमार्श आव
माजुलि आ 100 जौखोन्दो जों गिबि आव दं।
बे बोसोर आव
आसामनि गिबि मन्थ्रि आ फास्त दिभिजन मोनोब्लानो स्कुति होगोन होनना बुंदोंमोन,
नाथाय दिनै आसामनि सोलोंथाय मन्थ्रि डाँ रनुज पेगु बिथाङा फास्त दिभिजन ब्ला नो
मोनगोन बेयो नङा होनना बुंदों, कात अफ नि सायाव सो सोनारगोन होनना बुंदों, जेरै
सोरखार आ माबा मोनसे अनजिमा सिम स्कुति होनो हागौ आरो बेनि गेजेराव गोजौनिफ्राय
फैनानै बेसेबां नम्बर सिम मोनफैयो बे हिसाबै नो कात अफ आ जानो हागौ। सोरखार आ दिनै
मोनसे बुङो आरो गाबोन गुबुन मोनसे बुंनाय बादिसो जायो। आगोलाव हौवासा फोरनो बो
माबा मोनसे बेबस्था खालामगोन होनना बुंदोंमोन, दायो होयो ना होआ बेबो नायथावना
जागोन।
नबजित नार्जारि
बिथाङा जितिभि नि दान्स ईन्दिया दान्स लितल मास्तार सिजन 5 खौ देरहाना फैबाय,
गोबां सुबुंफोरा नो मोजां मोननाय खौ फोरमायदों, बेनि गेजेरावनो बारग दिआईदि
चेम्पियन प्रनिता स्वर्गियारि आ बो सासे, बिथाङा बो देरहानायनि गाहाम हामलायनाय
बावहरदों, बदलेन्द आसामनि थाखाय गोग्गाथाव सम, 5 नम्बर आ जोंनि थाखाय लाकि एबा
खाफाल गोनां बायदि होनना बो लिरबावदों बिथाङा। गुबुनफारसे खौरां मोननाय बादिब्ला
नबजित नार्जारि खौ गाबोन 28 जुन खालि मिरु दुलाराय बर फरायसा आफाद आरो कक्राझार
जिल्ला एबसु आ बरायगोन, बरायनाय हाबाफारि आ कक्राझार नि ईन्दोर स्तेदियाम, केदिएसए
आव जागोन, फुंबिलि नि 9.30 निफ्राय होनना खौरां मोनदों।
आसाम आव दासिमबो
गुबुन गुबुन जिला नि गोबां जायगा यावनो दैबाना या दं, बयनिख्रुय बांसिन होनना
बुङोब्ला सिलचर आव नो जानायखौ नुनो मोनदों। खौरां मोननाय बादिब्ला रायजो आव मैया
आरो गोदान सा 5 नि जिउ गोमादों दैबाना नि थाखाय, दासिम थैनायनि अनजिमा या 127
जाहैबाय। रायजो नि 28 जिला नि गुबुन गुबुन जायगाफोराव दासिमबो दं। जोंथ लकदाउन नि
समाव बलिउद नि फावखुंगुर सनु सुद खौ गोबां सुबुंपोरखौ मदद खालामनायखौ नुनो
मोनदोंमोन, बिथाङा आसामनि सुबुंफोरखौ बो दैबाना नि थाखा मदद खालामगोन नि खौरां
मोनदों, बिथाङा मोनसे त्वित नि गेजेरजों हजाई, दरं आरो मरिगांव नि सुबुंफोरखौ मदद
खालामगोन होनना बुंदों। दिनै बिथांनि तिम आ फैगोन होनना मैया बुंदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon