जौ लोंग्राफोरनि थाखाय गाज्रि खौरां, रायजो आव जौ नि बेसेन खौ बारा
खालामबाय, बेसेनखौ बारा खालामदोंब्लाबो बेखौ 15 जुन निफ्राय सो बाहायनाय जागोन,
खौरां मोननाय बादिब्ला 65 जौखोन्दो बारायदों बेसेनखौ, अबकारि बिफान आ होनाय गोदान
फोसावलाय आव जेनेरेल ब्रेन्द 310 रां नि 750 ml नि जौ नि बेसेन आ 80 रां सो बारा जादों, बेबायदि नो रेगुलार ब्रेन्द 271
रां नि 750 ml नि खौ 92 रां आरो
एलिगेन्त ब्रेन्द 401 रा सिम आरो 601 रां नि 750 ml जौ नि बथल नि बेसेन खौ बांसिन 142 रा सिम बारायदोंमोन, बेफोरनि अनगायैबो
क्लासिक प्रिमियाम ब्रेन्द एबा 1001 आरो बेनि बारा बेसेन नि जौ नि बेसेनखौ 350 रां
बारा जानो हागौ होनना खौरां मोनदों।
मेट्रिक आनजाद नि खौरां, मेट्रिक
एबा HSLC आनजाद नि रिजाल्ट खौ 7 जुनखालि होगोन,
गोबाङानो दिनै होगोन होनना फोसावदोंमोन, नाथाय दिनै होआ, 7 जुन खालि सो होगोन,
आसामनि गिबि मन्थ्रि आ बेखौ फोसावनानै होदों। बे बोसोर आव आनजाद आ 903 मिरु आव 15
मार्च निफ्राय जागायदोंमोन हायमाद्रासाखौ लाफायोब्ला। गासै 4,19,887 फरायसाफोरा
आनजाद खौ होदोंमोन, फरायसुलाफोरनिख्रुय बांसिन फरायसुलिफोरा होदों। गुबुनफारसे
हायार सेकन्दारि नि खौरां मोनाखै दासिम, माबाफोर मोनोब्ला भिदिअ नि गेजेरजों
होखागोन।
नबजित नार्जारि नो दिनैनिफ्राय भट होनो हालायसिगोन। जोंनि भट होनायनि थाखाय
नबजित आ मोनफ्रोमबो सप्ता याव नो मोजाङै देरहानो हादों, दिनै हर नि 9 बाजि निफ्राय
भट खौ होनो हासिगोन आरो भट होनाय आ सम्बार नि फुंनि 9 बाजि सिम थागोन। 9152915246
नम्बर आव मिसकल होनो नांगौ, रिं जायोब्ला सो भट होनाय आ जायो, रिं जादों ना जायाखै
बेखौ मोजाङै खोनासं। भट खौ दिनै हर नि 9 बाजि निफ्राय सो होनो हागोन।
मैया सुक्रबारखालि मोनसे सोमोनांथाव गाज्रि गाग्लोबनाय जाथाय जानानै थाङो। सरुपेता-सावदुरभिता
नि लामा याव जादों। राजालामा याव नो मोजां मोननाय सिक्ला खौ देगारजों गाग्लोबदों।
बेनि उनाव जोखोम जानाय मोजां मोननाय सिख्ला खौ गावनो देहाफाहामसालि आव लांदों,
मिथिना मोननाय बादिब्ला सानैनि गेजेराव 2 बोसोर नि मोजां मोननायनि सोमोन्दो दंमोन,
गाज्रिथार हालोद आव जोखोम जानाय सिख्ला खौ बरपेता नि फखरुददिन आलि आहमेद
देहाफाहामसालि आव लांनाय जायो, गावनि मोजां मोननाय सिख्ला खौ नो गाग्लोबनाय
सेंग्रा नि मुङा नितुराज ब्रह्म होनना मिथिना मोनदों, बियो चिरां जिला नि थागिबि,
जाथायनि उनाव पुलिसफोरा बे दायनिगिरि खौ हमबाय होनना मिथिना मोनदों, नायबिजिरनायखौ
जागायबाय। खौरां मोननाय बादिब्ला नितुराज नि मोजां मोननायखौ गारनायनि थाखाय
नितुराज आ गावनि न निफ्राय फैनानै बाक्सा नि सालबारि आव फैयो, बेनि उनाव सासे
लोगोजों स्कुटि जों सरुपेता याव लोगो हमदोंमोन, बेनि उनाव नो सानैजों नांलायो आरो
गाग्लोबो देगारजों। सिख्ला नि मुं खौ ममता बसुमतारि होनना मिथिना मोनदों।
सांग्रां जा, गुबुन रायजो आव सासे बर हिनजावसा नि जिउ गोमादों। हारियाना नि
गुरगाव आव खामानि मावहैनाय सासे हिनजावसा नि जिउ गोमानायनि खौरां मोनदों। मिथिना
मोननाय बादिब्ला बे हिनजावसा नि मुङा सन्जिता दैमारि, उदालगुरि जिला नि भेरगाव
ओनसोलनि सिंनि मोनसे गामि नि, मा जाहोन नि थाखाय थैखो बेखौ दासिमबो मिथिनाय
जायाखै, सासे नि नखर आव थैदों, सोरबा बुथारनायनि सन्देह, आरो सोरबा बुंदों गावनो
बुथारना लादों होनना बो, नाथाय गावखौनो बुथारना लायाखैबो जानो हागौ, गासैबो जाथायखौ
पस्त मर्तेम आरो नायबिजिरोब्लानो मिथिगोन। दासिम नायबिजिरनायनि जेबो खौरां मोनाखै,
सा सानजा भारत नि थागिबि फोरखौ गुबुन रायजो नि सुबुंफोरा ईसेब्लाबो गाज्रि मेगनजों
नायो, आगोलाव गाज्रिसिन सो मोन, दासो ईसे खम जादों, नाथाय दाबो गाज्रि नोजोरजों
नायनाय थानो हागौ, बेखायनो सा सानजा भारत नि बाहेरा गुबुन रायजो आव थाङोब्ला जोंनि
बर फोरा सांग्रां जा।
गरेस्वर नि औगुरि आव सोमोनांथाव बुथारनाय जाथाय। बिसि खौ बुथारनानै फिसाय आ
गावबो गावखौनो बुथारना लानायनि सन्देह, तामुलपुर जिला नि गरेस्वर आव जादों जाथाय
आ, जोगेश्वर बर मुंनि सुबुं आ गावनि बिसि अन्जु बर खौ बुथारनानै गावबो थैनायनि
सन्देह, मिथिना मोननाय बादिब्ला बृहस्पतिबारखालि हर गेजेरनि 2 बाजि सो आव बिसि
फिसाय नांलायनाय जाथाय जादों, गिबि आव फिसाय आ बिसिखौ सिखा जों गाग्लोबदोंमोन
होनना सन्देह खालामनाय जादों, बेनि उनाव गावखौनो बुथारना लायो।, जाथाय आ जानाय
समाव 9 बोसोर बैसो नि बिसोरनि नो सासे ल फिसा या उन्दुना दंमोन, उनाव गरेस्वर
पुलिस नो खौरां हरनायाव थांनानै खौरां लायो आरो पस्त मर्तेम नि थाखाय दैथायहरो,
नाथाय मा जाहोननि थाखाय बेबायदि जाखौ दासिमबो मिथियाखै, ओनसोलनाङैनो सोमोनांहोदों
बयखौबो, नायबिजिरनाय आ सोलिगासिनो दं।
रन्जन दैमारि बिथांखौ 2025 मायथाई आव बिटिसि नि सिफ मिनिस्तार बानायदों,
बेखौ बुंदों भिपिआई नि राजकुमार दैमारि आ। बिथांखौ बिपिएफ ईउपिपिएल आ चिफ नि
मासिखौ लाजानो गिनानै सो जेल निफ्राय उदां खालामा। गेस सिलिन्दार नि सावगारि आव भट
होनानै देरहाहोयोब्ला रन्जन दैमारि खौ उदां खालामनो हागोन आरो लोगोसे मुवा बेसाद
नि बेसेन आ बो खम जागोन, जों देरहागोन नि सायाव 100 जौखोन्दो आसाबादि होनना बो
बुंबावो। नाथाय मोनसे गिदिर सोंलु, थारैनो हामारगोन ना रन्जन दैमारि बिथांखौ उदां
खालामनो हानाय आ।
बाक्सा जिला
एबसु एबा बाक्सा
जिल्लानि सिंआव थानाय गुबुन गुबुन फरायसालिमाफोर फारियै बरमा फरायसालिमा, बि.बि.किसान
फरायसालिमा, सालबारि
फरायसालिमा, मुसलपुर
फरायसालिमा, ग्यानपिध
डिग्रि फरायसालिमा, बास्का डिग्रि
फरायसालिमा आरो ककलाबारि चापागुरि फरायसालिमानि फरायसाफोर लोगोसे सि.के. दख'रा, राबां दख'रा, सिलबारि दख'रा, जालाह दख'रा आरो रुपहि
द'खरानि सिंआव
थानाय सा 800 निबो
फरायसाफोरा बाहागो लायो। मोनफ्रोमबो
फरायसिलिमानि फरायसा आफाद आरो दालाय एबसुनि बिबानगिरिमोनखौ लानानै फरायसालिमाफोराव
बर' फरायसाफोरा
गुनगोनां सोलोंथाइ लानायाव मोगा-मोगि जानाय जेंनाफोर आरो इयुनाव हारिनि गेजेराव
नुजानाय माखासे समाजारि जेंनाफोर, बेफोरखौ सुस्रांनाय बिथिंफोरखौ बिथा खालामनानै
के.चि फरायसालिमानि नब्लांआव मोनसे "जर'खा सावरायनाय" हाबाफारि लानाय जायो।
बाक्सा जिला एबसुनि आफादगिरि मुस्री उमेस दैमारीनि सामलायनाय "जर'खा
सावरायनाय" हाबाफारिखौ एबसुनि मानिनां लोगो आफादगिरि मुस्री रोमदोन बसुमतारी
बिथाङा बेखेवनानै होयो। गाहाइ आलासि महरै बाहागो लानानै एबसुनि मानिनां आफादगिरि
मुस्री दिपेन बर' बिथाङा
फरायसालिमाफोराव बर' फरायसाफोरा
सोलोंथाइ लानायाव मोगा-मोगि जानांनाय जेंनाफोरनि सायाव गुवारै आरो गेबेङै
सावरायनाय जायो आरो जेंनाफोरखौ बोस्रांनो थाखाय एबसुआ अराय खामानि मावगोन होन्नानै
बुंथियो। दिनैनि
फरायसायानो गाबोननि नोगोरारि, दिनैनि फरायसाफोरानो बर' माहारिबादखौ
फोथांना लाखिनानै बर' हारियाव नुजानाय जेंनाफोरखौ सुस्रांनो एबसुआव बिबान लानानै खामानि
मावफैनांगोन होन्नानै बिथाङा गेबेंयै बुंथियो। आथिखाल बादायलु मुगायाव गोबां बर' लाइमोनफोरा
समाजनि गोबां नारसिननायाव माब्लाबा सोरजोंबा फावफान्दायनायजों नंखाय लामाजों दैदेन
जायो आरो गोबांआनो गावनि जिउखौ सिलिंखार खालाम जायो। बेफोर जेंनाफोरखौ बोस्रांनो
थाखाय जोंनि बर' लाइमोनफोरा
खामानि मावनांगोन, बिबान
लांनांगोन होन्नानै आफादगिरि दिपेन बर' बिथाङा बिबुंथिनि गेजेरजों फरायसाफोरखौ
खावलायो।
फैगो 8 जुन आव जानो गोनां बिटिसि नि कक्लाबारि बियाब नि उफ्रा बिसायखथि नि
थाखाय बिसायखथि फोसावदिंनाय आ थादनाय गैयियै सोलिगासिनो दं, सान 3 ल थाबावनाय आव
बिपिएफ, ईउपिपिएल, बिजेपि जिएसपि गासैबो फोसावदिंदों, बेनि गेजेरावनो अबर सुरक्सा
कमिटि नि दैदेनगिरि जुन दास खौ गोख्रों राव जों सोंखारिदों जिएसपि नि लेङाय
आफादगिरि आरो बिटिसि सोरखार नि आबाद बिफान नि ईएम घनश्याम दास बिथाङा, बिथाङा
बुंदों जुन दास आ बिसायखति नि समाव ल सो फैयो रां नि थाखाय, बिसायखथि आ थांबाथाय
मानसि आ बो गैया जाखायो, उप्रा बिसायखथि आ अबर बिजाथि हिरेन शरनिया या गोमाना
थानायनि सायाव बो बुङो, हिरेन सरनिया खौ गावनि स्वार्थ नि थाखाय सो बाहायदों रां
मोननो थाखाय होनना बो बुबावो, गुबुन गुबुन राजखान्थि दोलो निफ्राय 1 कौटि, 50 लाख
रां दाबिनायनि खौरां दं होनना बो बुंनायजों लोगोसे ईयुन आव बेबायदि खालामनो नाङा
होनना बुङो।
सोरखारि देहाफाहामसालि आव बेबायदि जानाय आ बेसेबां गनायजाथाव, जेनेरेतर आव
थाव गैयि नि थाखाय नो अपारेशन खौ खालामनो हायासै, गोरबो आव फिसा जों लोगोसे बिमा
नि जिउ गोमाबाय। लक्षिमपुर मेदिकेल कलेज आव बे जाथाय आ जादों होनना खौरां मोनदों।
बे देहाफाहामसालि आ गोबां मुं मोनगासिनो, नाथाय गाज्रि मुं सो, वाल बायनाय, दै
हाबनाय बायदि जाथाय आ जानायनि उनाव दायो मोब्लिब, थाव गैयि नि थाखाय नो थैनाय
जाथाय, अजद नि बादिब्ला गहपुर नि रङामुरि प्रान पातगिरि मुंनि सुबुं आ गावनि बिसि
कन्या पातगिरि खौ थांनाय 31 मे आव देहाफाहामसालि आव सोदोंमोन, नाथाय गिबि सम
निफ्राय नो गोसो गैयि बायदि थादोंमोन होनना अजद, थांनाय 2 जुन आव मोब्लिब गैयि नि
बाल्ब आ जोङा, आरो अपारेशन खालामनो जेनेरेतर आव थाव गैया, बेनि थाखायय नो अपारेसन
आ गोबावजों जायो, जायनि थाखाय जायगा याव नो थैयो आयजो आ, दायो फिसाय आ थाना याव
एजाहार होबाय। जिला बेंगिरि आ नायबिजिरनो बिथोन होदों होनना बो खौरां मोनदों।
सोनाब
कार्बिआंलं दख'रा दुलाराय बर' फरायसा आफादनि
बानजाइनायाव दिनै जकुतानि बेन्दोंङाव थानाय गं ड' गामिनि
राइजोफोरखौ लानानै समाजारि सांग्रांथि मेल खुंदों । बे
हाबाफारियावनो गाहाइ बुंथिगिरि महरै बाहागो लायो मिरु एबसुनि गाहाइ नेहाथारि
मानगोनां मुस्रि खनिन्द्र बसुमतारीया । गाहाइ
बुंथिगिरि महरै बाहागो लानानै मिरु एबसुनि गाहाइ नेहाथारि मानगोनां मुस्रि
खनिन्द्र बसुमतारीया खस्थनि गेजेरजोंब्लाबो खना खनला दिनैसिम गोबां बर' नखरफोरानो
आसामनि जेरावबो राइजो जानानै दङ, नाथाय जेरावखि थाया बर'फोरा खौसे
जानांगोन आरो राव थुनलाइ हारिमु जेरावबो सिनायथिया रोखोमसे जानांगोन होननानै गावनि
बेसेनगोनां बिबुंथिखौ लाखियो । लोगोसे बर' सुबुंफोरा
बुहुमनि जेरावबो गोसारनानै राइजो जानाया माहारिनिनो थांखिखा होननानै साफ्रोमबो बर' सुबुंनि जेंना
आरो माहारिनि खैफोद समाव बयबो खौसे जानांगौ होननानै ओनसोलनि राइजोफोरजों लोगोसे
बुहुमनि खना खनला राइजो जानाय साफ्रोमबो बर'साखौनो सोनाब कार्बिआंलंनिफ्राइ बयखौबो खावलाय
हरो । बे
हाबाफारियाव बर' थुनलाइ आफादनि
बारग' लेङाइ
आफादगिरि मानगोनां मुस्रि बिशेसर बसुमतारी, साहित्य एकाडेमि बान्था मोनगिरि ड० प्रेमानन्द
मोसाहारी आरो कार्बिआंलं जिल्ला एबसुनि बोसोनगिरि मुस्रि एन्टनि बसुमतारीयाबो
बुंथिगिरि महरै बाहागो लायो । बे
हाबाफारियावनो मिरु एबसुनिफ्राइ फारियै गेलेमु नेहाथारि गनेस बसुमतारी, सोलोंथाइ
नेहाथारि सोमावसार बसुमतारी आरो सुबुं फोनांजाब नेहाथारि अबित नार्जारीयाबो बाहागो
लायो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon