मोनसे मोजां खौरां, मुलि जों नो हामसिगोन केन्सार बेराम आ। गिबि खेब मुलि
जानानै हामबाय केन्सार बेरामि आ। दानि सम आव केन्सार जानाय सुबुनि अनजिमा या
बारायलांबाय थानायखौ नुनो मोनो, बुहुमनि गिदिर वारनिं बायदि सो जालांनो हमगासिनो,
फाहामथाय बिगियान आ बो गोदान गोदान साननायखौ दिहुनगासिनो, फाहामथाय बिगियान आ मुलि
खौ तेस्त खालामना नायदोंमोन, गासै सा 18 बेरामिफोरनो होदोंमोन मुलि खौ, दायो सा 18
आ बो बे बेराम निफ्राय बारगबाय, नाथाय गासैनोबो एखे मुलि खौ नो होनाय जादोंमोन,
मुलिखौ जानायनि उनाव साफ्रोमबो बेरामि नि तिउमार आ गैया जादोंमोन, सासे
देहाफआहामगिरि आ बुंदों आंनि बादिब्ला केन्सार बेराम नि जारिमिन आव बेनो गिबि खेब
जादों, तेस्त आव गासैबो बेरामिफोरनो दस्तारलिमाब मुंनि मुलि खौ होनाय जादोंमोन, 6
दान नि थाखाय होदोंमोन, बेरामिफोरखौ एमआरआई तेस्त खालामना नायनायनि उनाव केन्सार
बेरामखौ हमना मोनाखै। निउयर्क ताईम्स नि बादिब्ला बे मुलि नि बेसेन आ 11000
मार्किन दलार एबा भारत नि रां आव बेयो 8 लाख 55 रोजा।
गैया.. मोनमारासै ईउपिपिएल नि सासे एमएलए आ मन्थ्रि मोनगोन होनना बुंदोंमोन। खौरां मोननाय बादिब्ला मैया आसामनि गिबि मन्थ्रि आ सानै गोदान मन्थ्रि बिबान मोनगोन नि मुं खौ फोसावनानै होयो। मैया नो आं मन्थ्रि नि बिबान मोननाय नङा होनना रोखा खालामना होदोंमोन। गोदान सानै मन्थ्रि नि बिबान मोननाय एमएलए नि मुङा जयन्त मल्ल बरुवा आरो नन्दिता गार्लोसा या मोनदों, सानैबो बिजेपि नि नो एमएलए, दिनै शंकरदेब कलाक्षेत्र आव जानो गोनां समायखिरा लानाय हाबाफारि आव सानैबो मन्थ्रि महरै समायखिरा लागोन। आसामनि गिबि मन्थ्रि आ बुंनाय बादिब्ला गासै मोन 5 मासि लांदां जाना दं, दायो सा 2 खौ सोयोब्ला मोन 3 मासि लांदां जाना थागोन। बे मोन 3 लांदां जाना थानाय मासि आव नो ईउपिपिएल नि सासे आ मन्थ्रि मोननाय नि सम्भावना दं, नाथाय गिदिर सोंलु आ बेसो दि माब्ला आरो मन्थ्रि खौ बारायबावगोन।
मिरु एबसु आ बे बोसोर नि कमल कुमार ब्रह्म देरहासाद बान्था मोननाय फरायसाफोरनि मुं फारिलायखौ फोसावनानै होबाय। बेयो बर बिजों आव फरायनायफोरनि तप 10 नि फारिलाय। दिपक बर आरो मन्दिप बर आ फारियै बाक्सा नि कुमारिकाता नि ईउएन एकादेमि आरो उदालगुरि नि खैराबारि नि ईउएनएकादेमि निफ्राय 97 जौखोन्दो मोननानै गिबि नम्बर आव दं, नैथि आव कक्राझार ईउएनएकादेमि निफ्राय बोसोनगिरि मोसाहारि आ 95.83 जौखोन्दो जों दं, थामथि मासि खौ दिपदिउति बसुमतारि आ 94.83 जौखोन्दो जो कक्राझार नि गुरुदेब कालिचरन ब्रह्म एकादेमि फरायसालि निफ्राय मोननो हादों। मिरु एबसु नि बादिब्ला बे बोसोर आव गासै सा 17942 बर बिजोंनि फरायसाफोरा आनजाद खौ होदोंमोन, बेनिनो सा 10442 आ पास जादों, पास नि जौखोन्दो आ 58.20, गिबि मासि मोनदों 1965, नैथि आ 5118 आरो 3थि आ सा 3357 आ मोनदों। मखजाथावदि कमल कुमार ब्रह्म देरहासाद बान्था खौ बे बोसोर आव चिरां आव होनाय जागोन, मैया कक्राझार आव थानाय गाहाय मावखुलि आव खौरांमेल नि गेजेरजों लोगो गाहाय नेहाथारि दिनेश ब्रह्म बिथाङा बे बोसोरआव बर नि रिजाल्त आ एसे मोजांसिन जादों होनना बुङो
बितिसि आव मुसरि जगायनायनि केलेंकारि, सानै थगायग्रा या नंखाय अर्दार कपि जों कौति कौति रां लुथिनाय जाथाय, दायो सानैबो पुलिस नि जे आव, नंखाय अर्दार कपि जों सासे थिकादार नो फाननानै गोबां रां लुथिदोंमोन। मैया कक्राझार सदर थाना याव कक्राझार नि रैखाथि नि उफ्रा एसपि लमहाऊ दंगेल आ मिथिहोयो दि बे सानै सुबुंखौ हमनायनि मुङा रुपम देका आरो अनुरुप कलिता। मिथिना मोननाय बादिब्ला बितिसि सेक्रेतारियेत निफ्राय 3 कौति सो रां नि मुसरि जगायनायनि मुङाव बिसोर सानै आ नंखाय अर्दार कपि थिकादार अश्विनि शर्मा नो 22 लाख रां आव फानदोंमोन, बेबायदिनो थिकादार अश्विनि आ अर्दार नि बादियै मुसरि खौ जगायदोंमोन, बेखौ जगायनायनि उनाव बितिसि आव बिल सोनायनि उनाव गासैबो जाथाय आ सोराङाव फैयो जे बितिसि आव बेबायदि 3 कौति रां नि जेबो रोखोमनि अर्दार होनाय जायाखैमोन, बे अर्दार आ रोखायै नंखाय खा मोन. जेबो राहा गैयि नि पुलिस नि खाथि आव थांनो गोनां जायो, दायो सानैखौबो हमनानै पुलिसफोरा लाना थांदों।
मैया कार्बिआंलं अतनमास काउन्सिल आरो बितिसि आव बिसायखथि जादोंमोन। कार्बिआंलं नि 1 नं दुवार आमला बियाब नि 16 नं भत मिरु आव दुंहाव थासारि सोमजिदोंमोन, बेलत बक्स खौ दिहुनना लाबोनानै बुख्रेबनानै गासैबो दिहुनजोबना सावना होनाय जाथाय जादोंमोन, बेलत पेपार आव होनाय सिल आ गैया जानायनि उनाव नो दुंहाव थासारि सोमजिदोंमोन, भतार रायजोफोरा सावना होयो, थासारि आ गाज्रिथार जानाय आव लाथिख आव गुलि गावनांगौ जायो आरो लोगोसे लाथिसार्ज बो खालामनांगौ जायो। बे जायगा याव गाबोन एबा 10 जुन आव फिन बिसायखथि आ जागोन होनना खौरां मोनदों।
जौ लोंनानै फेनाय नि फिथाय आ माब्लाबा माबायदि जानो हागौ नाय। गिथावना जाथाय। जौ लोंनाय बिसि नि गाग्लोबनाय आव फिसाय नि जिउ गोमानायनि खौरां, मंगलदै नि खाथि नि ओनसोल आव जादों जाथाय आ, ओनसोलनाङैनो सोमोनांहोदों। मिथिना मोननाय बादिब्ला गुबुन सानफोरनि बायदि नो जौ लोंनानै मंगलबारखालि प्रफुल्ल बर आरो रन्जिता बर नि गेजेराव नांलायनाय जादोंमोन, सानैबो बिसि फिसाय। हर आव सानैनिबो गेजेराव माबा मोनसे बाथ्रा खौ लानानै जानाय नांलायनाय आ उनाव मारपित नि महर लायो, उनाव बुधबारखालि प्रफुल्ल बर नि गोथै देहा खौ मोनो, हर आव बिसि आ नो जौ नि निसा याव बुथारनायनि सन्देह खालामनाय जादों, पुलिसफोरा जाथायसालि आव थांनानै आयजो खौ हमबाय आरो गोथै देहा खौ पस्तमर्तेम नि थाखाय दैथायहरो।
पाबजि गेलेनायखौ होबथानायनि थाखाय नो बिमा खौ गुलि गावना बुथारनाय गिदिर जाथाय। जाथाय आ भारत नि नो, 16 बोसोर बैसो नि सासे गथ आ बेखौ खालामदों, उत्तर प्रदेश नि लक्ष्नौ आव जादों, पुलिसफोरा बुंनाय बादिब्ला अनलाईन गेम पाबजि नि फारसे निसा जानाय गथ आ बिमा या होबथानाय आव रागा जोंनानै बेखौ खालामो। मंगलबारखालि पुलिसफोरा गोथै देहा खौ मोनदों, पस्त मर्तेम नि थाखाय लांनायनि उनाव नो गथ खौ हमो, जाथायनि सोमोन्दै मिथिनाय बादिब्ला बे गथ आ गावनि बिमा खौ गुलि गावनानै मोनसे रुम आव थाला मारिनानै दोनदोंमोन, फिसाज्ला या जाथायखौ लानानै मोनसे नंखाय सल बायदि बानायनो नागिरदोंमोन, नाथाय उनाव सोंनाय आव गावनो बुथारनायखौ बुंना लायो।
जोबोद दुखुनांथाव बाथ्रा। बितिआर गोरोबथाया जानानै थांबाय, एनदिएफबि आव हाबनाय आ 15 बोसोर जानायनि उनाव बो क'क्राझार जिल्ला खारिगाव आवोट पष्टनि सिङाव थानाय मुराबारि गामिनि Buddha Machahary (M.Birbay) NDFB नि गोख्रों दावहारु बिथाङा दिनैसिमबो गावनि नख'राव फैफिनाखै, हारि नि रैखाथि नि थाखाय गावनि सोमोन्दै जेबो साना लासै नो एनदिएफबि नि सोद्रोमा या दायो बहा माबोरै दं जेबो खौरां गैया। बिनिखायनो बिथांनि नख'रा गामिनि राज्यो-राजा फोरजों लोगोसे नख'रनि जाथि खुरमाफोरखौ लानानै गामिनि नेम खान्थिजों बिथांनि मुङाव मैया 08 जुन 2022 इं अक्ट खालि सारादु एबा जोबथा बिदाय होयो होनना मिथिना मोनदों।
दिनै फुङाव सासे गुबुन हारि नि फरायसा या बर बिजोंनि आयदा लानानै मेत्रिक आनजाद पास खआलामनायनि खौरां होदोंमोन, दायि आरोबाव गोदान सानै फरायसाउफोरनि खौरां मोनदों, गुबुन हारि नि नाथाय बर बिजोंजों फरायनानै नो पास जादों। गिबि खौरां आ सालबारि हायार सेकन्दारि स्कुल नि, दिपेन मुन्दा मुंनि फरायसा या पास जादों बर बिजों जों फरायनानै नो, नैथि थाखो आव उथ्रिनो हायो। गुबुनफारसे कुसुम सरकार मुंनि फरायसुलि आ बो पास जादों, उदालगुरि नि कचुबिल नि ईउएनएकादेमि निफ्राय पास जादों, थामथि थाखो आव उथ्रिनो हायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon