4 June evening news ~ Bodoinfo.com

आसाम पुलिस नि सासे एसआई खौ पुलिसफोरा नो एरेस्त खालामबाय। दिनै सनिबारखालि सनि नांबाय एसआई जोनमनि राभा नियाव, थांनाय सान 3 हमनानै जेरा खालामनायनि उनाव दिनै गरमुर पुलिस आ एरेस्त खालामबाय। खौरां मोननाय बादिब्ला बृहस्पतिबारनिफ्राय माजुलि पुलिस आ सोंगासिनोमोन बिखौ। गावनि जानो गोनां फिसाय नि थगायनायनि गोबां खौरांखौ फोसावनानै आयेन नि जे आव लाबोदोंमोन एसआई आ, गोबां सुबुंफोरा नो मोजां मोनदोंमोन, नाथाय दिन आ गाज्रिमोन एसआई नि, जाय अजद खौ लानानै जानो गोनां फिसायखौ हमदोंमोन बे एखे अजद नि दाय आव नो हमबाय बिखौबो, सानैबो लोगो जानानै सो गाज्रि खामानिफोरखौ मावदोंमोन, बेंक एकाउन्त आव लाख लाख रां नि लेनदेन जानायनि खौरां मोनदों पुलिसफोरा, एक्सिस बेंक आव 9 लाख नि बारा रां हाबदोंमोन, बेफोरनि अनगायैबो आरो गोबां दं सन्देह गोनां, दायो गोजा न नि आलासि जानो गोनां जाबाय।

जिउ आ माब्ला मा महर लायो बेखौ रावबो बुंनो हाया। सिगारेत मोनसे नि थाखाय नो सासे फरायसुलि नि जिउ गोमाबाय। थाखो 11 आव फरायबाय थानाय हिरन्य मालवा मुंनि फरायसुलि आ गंसे सिगारेत सोबदोंमोन, बे सिगारेत सोबबाय थानाय समाव नो लोगो आ फट क्लिक खालामदोंमोन बिनि कचिं नि लोगो फोरा, बेनि उनाव नो ससियेल मिदिया याव भाईरेल खालामगोन होनना सिगिनो हमो लोगो फोरा, भाईरेल खालामजानो गिनानैनो गावनि न आव नो फासि लाना थैयो। बिफा या गथ फोरनि देहाफाहामगिरिमोन आरो बिमा या नार्श, बिमा बिफा या माबा मोनसे खामानि नि थाखाय बाहेर आव थांदोंमोन, बिमा बिफा गैयि आव नो गावखौनो बुथारना लायो। जिउ खौ फोजोबनायनि सिगां बियो गावनि बिफा नो खोन्थाना लादोंमोन दि सानसेखालि गावनि लोगोफोरजों सिगारेत सोबदोंमोन होनना, बिफा या निमाहा बो खालामबायमोन, नाथाय गुबुन लोगो फोरा सो ससियेल मिदिया याव हगारना होगोन होनना बुंदोंमोन।

गुवाहाति आव आरो मोनसे नंखाय ईन्टारनेशनेल कल चेन्टार बोखांदों गुवाहाति नि क्राईम ब्रान्स आ, सिलपुखुरि आव नागिरनाय आव मोनो। अमया मावखुलि नि अन रोल सापर्त सारभिस नि मावखुलि आव नागिरदोंमोन, आगोलाव उलुबारि आव थानाय भेनास बिजनेश सलुसन मुंनि कल चेन्टार आव नागिरनाय आ जादोंमोन, 6 दानफ्राम मोननैबो कल चेन्टार निफ्राय कन्त्रल खालामनाय जादोंमोन गोबां ईन्टारनेशनेल कल फोरखौ, मिरु सोरखार निफ्राय लुथिदोंमोन 160 कौटि सो रां, हायदाराबाद निफ्राय कनट्रल खालामोमोन बेखौ, जायखिजाया ईन्चारनेशनेल कलफोरखौ लकेल कल आव सोलायोमोन, जायनि जाउन आव सोर सोरजों लोगो हमलायदोंमोन मिथिनाय जायामोन।

उत्तरप्रदेश सोरखार आ श्रमिकफोरनिफ्राय जब्द खालामनाय रोजा रोजा साईखेल निफ्राय 21 लाख रां मोनदों। खौरां मोननाय बादिब्ला साहारनपुर जिला प्रसासन आ रोजा रोजा श्रमिक नि 5400 साईखेलफोरखौ निलाम खालामना होयो। मा जाहोन नि थाखाय बेफोरखौ निलाम खालामनो गोनां जाखो बेयो मोनसे गिदिर गोरोन्थि, कभिद नि समाव जब्द खालामनाय साईखेलफोरा साहारनपुर नि दाबसे जायगा याव गोग्लैसोनानै दंमोन, जब्द खालामनाय साईखेलफोरनि सित आव लिरनाय नम्बर नि टोकेन खौ होदोंमोन श्रमिकफोरनो। बेखौ थिकादार जितेन्द्र मुंनि सुबुं आ बायदों, नाथाय बायदोंब्लाबो दुखु थिकादार आ, फाननाय समाव 5400 होनना बुंदोंमोन, नाथाय दायो साननानै 4000 ल मोनदों होनना अजद होदों। गोबां सुबुंफोरा नो लकदाउन नि समाव बिरखं, त्रेईन सोलियिनि थाखाय सोरबा साईखेल जों, सोरबा बा थाबायनानै बायदि बायदि लामा दिहुननानै गावनि न फारसे थांदोंमोन। बिसोरखौ नो लामा याव हमथादोंमोन पुलिस प्रसासन आ।