गोजोनथाव खौरां, देरहामारबाय बर फिसा या। फिन खनसेबाव नेशनेल लेबेल आव बर फिसा नि देरहासादनाय। नबजित नार्जारि आ दिआईदि लितल मास्तार सिजन 5 नि विनार जानो हाबाय। मैया जि तिभि आ अफिसियेलि फोसावना होबाय। मैया देरहानायय आव बर फिसा नबजित आ गासै 10 लाख रां नि चेक जों लोगोसे मोनसे त्रफि मोननो हादों, 10 लाख नि चेक आव 5 लाख आ जितिभि नि, 3 लाख आ दिश तिभि नि आरो 2 लाख आ राजेश स्पाईसेस कम्पानि नि। फिन खनसेबाव बर फिसा या देरहानाय आ बर हारि नि मुं खौ गोजौ आव दोननो हादों, गुबुनफारसे आगोलाव खौरां मोनखानाय बायदि नो नैथि नम्बर आव आसामनि धेमाजि नि आपुन पेगु आ दं, 3 थि आव आसामनि नो आद्यश्रि उपाध्याय आ दं। आपुन पेगु आ 3 लाख जों लोगोसे मोनसे त्रफि आरो आद्यश्रि आ 2 लाखजों लोगोसे त्रफि मोननो हादों। मखजातावदि नबजित नार्जारि आ आसामनि गलाघात जिला नि तेलिशाल नि चांखाति गामि नि उपेन नार्जारि आरो अनु नार्जारि नि 9 बोसोर बैसो नि फिसाज्ला। मैया बिथांनि देरहानायनि खौरां मोननायनि उनाव नो मिरु एबसु आ बरायदों। गुबुन फारसे गुबुन सानै आसामनि देरहानायफोरनिसिमबो गाहाम हामलायनाय बावहरो। बेयो मोनसे रेकर्द, तप 3 खौ आसामनि नो मोसागिरिफोरा आवग्रिना लानो हानाय आ।
दिनै फोसावगोन हायार सेकन्दारि नि रिजाल्त खौ, फुंनि 9 बाजि आव दिहुनना होगोन। AHSEC आ गासै 16 ता वेबसाईतफोर आरो मोनसे मबाईल एप आव रिजाल्त खौ होगोन होनना बुंदों, स्क्रिन आव होनाय वेबसाईतफोराव रिजाल्त खौ नायनो हागोन, वेबसाईत नि मुं फोरखौ सिनायाखैब्ला आंनि वेबसाईत bodoinfo.com आव बो थांनानै नायनो हागोन, गासैखौबो मोजाङै लिरनानै होखादों, वेबसाईतफोरखौ बो नुगोन आरो एप नि लिंक खौ बो मोनखागोन। बेफोरनि अनगायैबो रिजाल्त खौ लानानै गोजोननाय मोनाखैब्ला मा मा खालामनांगौ बेफोरखौबो होखादों।
कक्राझार बातारमारि गामिनि राइजोफोरनि सान्दामारियाव थानाय 36 बिघा हायाव कक्राझार जिल्ला खुंथाया हा खौ लानो नाजानायनि गोख्रों अजद। Integrated Circuit house लुफुंनो थाखायनो बे हाफोऱखौ लानो नाजादों होनना बुंदों। हा नि बिगोमा फोरा हा खौ होनो हाया, माब्लाबाबो हगारना होनो हाया, नांगौब्ला देल जागोन, बिजिरसालि आव थांगोन, रायजोफोरा फैसा खांनानै केस गेलेगोन बायदि बायदि बुंङो रायजोफोरा, बे हा याव नो आबाद मावना जायो, दायो गथ फोरखौ माबोरै जाहोनो, फरायहोनो, ना गथ फोरा सिखाव जानांगौ, ना उग्रपन्थि जानो नांगौ नामा होनना सोंदों रायजोफोरा, लोगोसे दानि बितिआर नि गाहाय प्रमद बर बिथांखौबो गोख्रों राव जों सोंखारिदों गामि नि सुबुंफोरा, प्रमद बर आ मा सुक्ति खालामना फैखो, बेफोरखौ मानो होनो, लोगोसे मानो बर उपाधि लादों, बर उपाधि लानानै बर फोरा ल हालाय हाफाय जानांगौब्ला मा जागोन, भुतानसिम नायोब्ला बर फोरा ल होखारजादों, गुबुन हारि नि सुबुंफोरा बो होखारदों बिसोरखौ मानो होखारा होनना सोंदों रायजोफोरा। प्रमद बर आ चिफ जानानै थ बाधा होनो हायोना होनना बो बुंबावो। माब्लाबाबो हा खौ हगारा होनना रोखा खालामना होखादों।
एबसुनि बानजायनायाव जिल्ला जिल्ला UPSC ORIENTATION हाबाफारि लानाया दिनै नैथि सानाव आगान होबाय । थिखानाय खालार बादियै दिनै सिरां जिल्लानिखौ बिजनी फरायसालिमानि बिरेन्द्रगिरि बसुमतारी नयुंङाव सानसेनि मेहेरगोनां हाबाफारिजों खुंफुंनाय जायो । मिरु एबसुनि आफादगिरि मानाव गेदेद मुस्रि दिपेन बर'आ UPSC ORIENTATION नि सायाव थांखि आरो नोजोरफोरखौ गुवारै फोरमायनानै होयो । बिथांआ की नटस बिबुंथियाव फुंखा सुबुं सोर्जिनानै बर' हारिखौ गेरेमसा माहारि दानो थाखायनो एबसुआ थांनाय 12 बोसोरनिफ्राइ UPSC ORIENTATION लाबोबाय थादों आरो इयुनावबो एबसुनि थांखि बादियैनो बे हाबाफारिखौ लालांबाय थागोन होननानै रोखायै बिबुंथि लाखियो । दिनै चिरां जिल्लानि बिजनी फरायसालिमानि Auditorium आव UPSC/APSC CIVIL SERVICES नि SPECIAL ORIENTATION PROGRAMME हाबाफारियाव गाहाइ आलासि महरै बाहागो लायो एबसुजों हांख्राइनानै लाबोजानाय दिल्ली बिकन आइ.ए.एस एकाडेमिनि बिथोनगिरि मुस्रि राजेन्दर कुमार भरद्वाज बिथाङा । लोगोसेनो हाबाफारियाव बुंथिगिरि महरै बाहागो लायो नरेन्द्र कुमार शाह, IAS (जिल्ला बेंगिरि, चिरां), नरेन चन्द्र बसुमतारी, ACS (सेक्रेटारि, बि.टि.आर) आरो रन्जन कुमार बरुवा ( फाउण्डार, नर्ट इस्ट इउथ फाउण्डेसन)या ।
हरखाब दिसपुर थाना याव मोनसे एजाहार, एजाहार खौ एमएलए अतुल बरा या, बे गसर आ सिखाव खावनाय खौ लानानै, बरा नि एमएलए न निफ्राय थायजौ सिखाव खौ लानानै होनाय जादोंमोन गसर। गोबाव खालामालासैनो पुलिसफोरा बो नागिरो सिखावखौ, आरो थायजौ सिखाव खालामनायनि थाखाय थाना नि आलासि जाबाय सासे सुबुं आ, खौरां मोननाय बादिब्ला एमएलए नि न निफ्राय सुभास मुंनि सुबुं आ सिखाव खालामनायनि गिदिर अजद जों गसर थिसनदोंमोन एमएलए आ, हमजानाय सुबुं नियाव एमएलए कलनि आव नो मोनसे जेरक्स दखान दंमोन, नाथाय थायजौ नि लोब आ नो गिदिर जेंना याव खोख्लैबाय। दायो दिसपुर पुलिस नि जे आव होनना मिथिना मोनदों।
दासिमबो गिथावना थासारि आव नो दं आसामनि सिलचार नि दैबाना नि थासारि आ। दै नि सिङाव गोबां नि न बां आ, मे दान आव नो मोनसे माथावरि बायदोंमोन, नाथाय जेबो रोखोमनि गोनांथारै बेबस्था लायि नि थाखायनो दिनै सिलचर आ दै नि सिङाव होनना खौरां मोनदों. बासायनाय दोलो आ गोबां जायगा यावनो थांनो हायाखै, गोबां सुबुंफोरा नो मोनजाया मोनलोङा थानो गोनां जादों। मबाईल फन आ बो अफ जाना थाबाय जायनि थाखाय जगाजग बो खालामनो हायाखै, बेनि गेजेरावनो आरमि, एनदिआरएफ आरो एसदिआरएफ नि दोलो आ जानाय लोंनाय आदार जगायगासिनो।
कक्राझार आव जानो गोनां हायदाराबाद एफसि नि अपेन त्राईल्स नि खालारखौ फोसावना होबाय। फैगो 29 जुन निफ्राय 1 जुलाई सिम जागोन, 29 जुन खालि 15 बोसोर नि सिंनि फोरनि जागोन, जायफोरा 2008 आरो 2009 आव जोनोम जादों, 30 जुन खालि 18 बोसोर बैसो नि सिंनि फोरनि जागोन जायफोरा 2005 आरो 2006 आव जोनोम जादों, बेनि उनाव 1 जुलाई खालि सायखजानाय गेलेगिरिफोरनि गेजेराव जागोन होनना बुंदों, बेयाव क्लाब, एकादेमि, फरायसालि लेबेल नि फुतबलारफोरा ल सो बाहागो लानो हागोन, गांनै पासपर्त साईज फत, जोनोम नि फोरमान बिलाय आरो लोगोसे आधार कार्द नङाब्ला पासपर्त बे मोननै नि जायखिजाया मोनसे लांनो होदों। जायगा या कक्राझार नि बागानसालि नि KDSA फिल्द। कक्राझार गभ्त कलेज नि खाथि आव। फुंनि 7.30 आव नो जायगा याव मोनहैनांगोन।
जोनोम जाबाय हौवासा गथ, नाथाय बिमा बिफा या मोनबाय हिनजावसा गथ, सोमोनांथाव
जाथाय, आसाम आव नो जादों, हर नि गेजेरावनो जोनोम जागोदान गथ नि आथोन आ सोलायबाय।
लक्षिमपुर आव जादों, लक्षिमपुर नि बिमा आरो गथ सावस्रि देहाफाहामसालि आव जादों, हर
नि गेजेरावनो हौवासा गथ आ सोलायना हिनजावसा जाबाय। घारमरा नि सासे आयजो आ होवासा
गथ जोनोम होदोंमोन, नाथाय फुङाव उन्दुना सिखारोब्ला बिमा या हिनजावसा गथ सो नुयो,
बे जाथाय आ सोमोनांहोदों बयखौबो, सोलाय सोल जादों होनना गिदिर अजद नखरनि
सुबुंफोरनि, बिमा नि मुङा शायामनि दास, देहाफाहामगिरि आरो नार्श नि बादिब्लाबो
बिमा या हौवासा गथ सो जोनोम होदोंमोन, नाथाय दिनै फुङाव जिखौ बोखारनाय आव सो
मिथियो जाथायखौ, दायो मा जायो बेखौ उनाव सो मिथिगोन।
Please do not enter any spam link in the comment box. ConversionConversion EmoticonEmoticon