19 जुन आव जानो गोनां हेल्थ दिपार्तमेन्त नि 4थ ग्रेद नि साख्रि नि आनजाद खौ बन्ध लाखिथबाय। रायजो नि थासारि आ गाज्रि जानायनि थाखाय नो बेखौ बन्ध लाखिथनायनि थिरांथा, दायो 19 जुन नि सोलाय 3 जुलाई खालि जासिगोन, सान नि 11 बाजि निफ्राय 12.30 सिम जागोन. Dme.assam.gov.in, dhs.assam.gov.in, ayush.assam.gov.in आव थांनानै नायनो हागोन. रायजो नि दानि दैबाना नि थासारि नि सायाव नोजोर होनानै नो बे थिरांथा खौ लादों
17 नङा, 20 खालार सिम रायजो आव अखा या थाबाय नो थागोन, रेद एलार्त आसाम आरो मेघालय नि थाखाय। बोथोर बिगियान आ 17 जुन सिम होनना साननै सिगाङाव बुंदोंमोन, दायो फिन खनसेबाव बारायनानै 20 जुन सिम खालामना होबाय, 18 जुन सिम रेद एलार्त आसाम आव, बेनि उनाव अरेन्ज एलार्द दं आसाम आव, रायजो नि सुबुंफोरखौ सांग्रा खालामना होदों। अखा जों लोगोसे दुंथाय आ खम जानो हागौ होनना बोथोर बिगियान आ बुंदों।
मिरु सोरखार आ साननै सिगाङाव हादर आव अग्निपथ बिथांखि खौ फोसावनायनि उनाव नो गुबुन गुबुन जायगा याव दुंहाव थासारि सोमजिदों। 4 बोसोर नि थिका बायदि साख्रि आरो लोगोसे बैसो आ बो 21 सिम नि आ ल हागोन नि थाखाय नो दुंहाव थासारि सोमजिदों। साख्रि नि खामानि मावनाय आरो इयुन खौ लानानै गोजोननाय गैया गोबां सेंग्राफोरा। जायनि थाखाय नो लामा होबथाना, तायार सावना आरो दाबनैसो जायगा याव रेल खौ होबथानानै धर्ना आरो बायदिसिना सावना होदों होनना खौरां मोनदों। बिहार आव नो बांसिन थासारि आ गाज्रि जादों, राजस्थान आव बो दुंहाव थासारि सोमजिदों, बिहार नि काईमुर, शप्रा याव पातना ईन्तारसिति रेल आव अर सावना बो होदों।
रायजो आव दैबाना नि थासारि आ गाज्रिथार जालांगासिनो, अखा या हागासिनो, थोर गाज्रि जानायनि थाखायनो रायजो नि गासैबोफ्राम जिला याव नो फरायसालि कलेज जों लोगोसे गासैबोफ्राम सोलोंथाय फसंथानफोरखौ बन्ध लाखिनायनि बिथोन होदों जिला बेंगिरिफोरा। गोबां जिला फोरा नो 18 जुन सिम बन्ध फोसावदों, कामरुप, खोला सालमारा मानकासार, उदालगुरि, गोवालपारा, कामरुप बाक्साजों लोगोसे गोबां जिला फोरा नो बन्ध फोसावदों. गवालपारा याव हा गिसिखानाय जाथाय, सानै बिदा बिनानाव नि जिउ गोमादों होनना खौरां मोनदों, जाथाय खौ मिरु खालामनानै ओनसोलनाङै नोदुखु नि थासारि सोमजिदों, लामा नि वाल आ बायनानै गोगोलैनाय आव नो जिउ गोमायो, 19 न वार्द नि आजाद नगर आव बिसना याव उन्दुना थानाय समाव नो बे जाथाय आ जायो।
बितिएदि कोश राजबंशि सन्मिलनि नि लेङाय आफादगिरि नि जिउ गोमाबाय, मोकपारा नि थागिबि मिलन राय 52 बोसोर बैसो नि लेङाय आफादगिरि बिथाङा दै आव फिस्लायना गोग्लैनानै नो जिउ गोमायो। खौरां मोननाय बादिब्ला मिलन राय आ गावनि सोमोन्दो नि फंबाय जों बाईक जों थांबाय थानाय समाव नो जायो जाथाय आ। दैबाना नि थाखाय गाहाय लामा याव आन्थु से जमा जानाय दै नि गेजेरजों थांबाय थानाय आव नो जायो, गुबुनफारसे दैबाना नि खौरां लानो थांनाय त्रेफिक पुलिस बिफान नि गारि आ नो लामा नि हा गुगानाय आव दै सिङाव थाङो, उनाव रायजोफोरनि मदद आव त्रेक्तर जों गारि खौ बोखांनो हायो।
साननैसो सिगांनिफ्राइ थाद'नाय गैयै गोबां अखा हानायनि जाउनाव सा सानजा भारतआव गोबां खहा लाबोदों । थाद'नाय गैयै गोबां अखा हानायनि जाउनाव ओनसोलाव दै बाना जानाय, हा गिसिखानाय, हा खुरखानाय, गोबां दालांफोरा खहा जानायजों लोगोसे गोबां बेखथिथ'आरि धोन सम्पटि खहा जानायजों लोगोसे सुबुं आरो जिब जुनारनि जिउ खहा जायो । बेखौनो मैया मिरु एबसुनि आफादगिरि मानाव गेदेद मुस्रि दिपेन बर'आ अदालगुरि जिल्लानि सिङाव थानाय दै बानाजों लोमसावनाय ओनसोलफोरखौ नायगिदिंहैयो । खहा जानाय ओनसोलफोरखौ नायगिदिंहैनानै बिथांङा आसामनि दै बानाखौ हादोरारि जेंना महरै फोसावनानै आसामाव थाबैनो भुगिनांनाय सुबुंफोरखौ मदद होनो मिरु सरकारखौ खावलायनानै गोबां अखा हानायनि जाउनाव दै बाना जानाय, हा गिसिखानाय, हा खुरखानाय, गोबां दालांफोरा खहा जानायजों लोगोसे गोबां बेखथिथ'आरि धोन सम्पटि खहा जानांनायखौ फिनै गाइसनफिननो हानाय लेखायै पि.एम. फाण्डनिफ्राइ 20,000 खौटि रां आसामाव दैथायहरनो थाखाय एबसुनिफ्राइ मिरु सरकारखौ प्रेस बिबुंथिनि गेजेरजों दाबि खालामहरबावो । आरोबाव एबसुनिफ्राइ मिरु सरकारखौ भुटान आरो अरुणाचल प्रदेशनिफ्राइ दै हगारनायनि जाउनाव भुगिनांनाय सुबुंफोरखौ रैखाथि होनो हानाय बादियै आफां आसामनि बिटिआर ओनसोलाव जर'खायै थाबैनो रैखाथि हानजा आरो रेलिप मुवा दैथाय हरनोबो मिरु सरकारखौ खावलायबावो । लोगोसे आसामनि गिबि मन्त्रि आरो बिटिआरनि गाहाइ मावफुं सोद्रोमाखौ साफ्रोमबो भुगिनांनाय सुबुंफोरनो नांगौ बादियै थाबैनो मदद होनायजों लोगोसे आसामनि केबिनेट मिनिस्टार, एम.एल.ए, आरो बिटिआरनि इ.एम, एम.चि.एल.एफोरखौ दै बानाजों खहा जानांनायफोरखौ नाइदिंनायनि बिबान होनो थाखायबो एबसुनिफ्राइ खावलायबावो ।
रायजो नि गुबुन गुबुन जायगा जों लोगोसे बितिआर आव बो दैबाना नि गिथावना महर खौ नुनो मोनदों। बितिआर नि गासैबो जिला याव नो दैबाना जादों। कक्राझार आव बयनिख्रुय बांसिन नुनो मोनदों। बितिआर नि गाहाय प्रमद बर बिथाङा बुंदों-- बिटिआर ओनसोलाव थांनाय सान्नैसोनिफ्राय अखा हाबाय थानायनि थाखाय माखासे दैसानि दैया बांदों आरो माखासे ओनसोलफोराव दैबाना सोमजिहोदों । बेनिखायनो बिटिआर नि गासै रायजो-राजा नोंथांमोनखौ सांग्रां जानो थाखाय खावलायनाय जाबाय आरो गासैबो बिथिंनि हेफाजाबनि थाखाय जिला बेंगिरिनो खौरां होनो थाखाय खावलायनाय जाबाय । दैबानाजों लोब्बा गोनां जायखि-जाया रोखोमनि हेफाजाबनि थाखाय, अन्नानै जोंनि हेफाजाब नं +916000363215 आव खौरां ला एबा फोरमाइ हर । बेबादि समाव बिटिआर सोरखारा फारफ्रोमथिंबो गोख्रोङै नोजोर होगासिनो दं । लोगोसे जायखि-जाया खैफोद नुजाथियोब्ला जों हेफाजाब होनो थाखाय थियारि जानानै दं ।जों बिटिआर नि रायजो-राजाफोरजों लोगोसे दंफायो ।
बेबायदि नो आसाम जों लोगोसे खाथि नि रायजोफोराव बो थासारि आ गाज्रि जादों,
बे सावगारि आ मेघालय नि , गोबां अखा हानायनि थाखाय गुवाहाति बराक दाजाबनाय 6 नं
माहारियारि राजालामा याव जादों जाथाय आ, हरखाब फैनाय दै आव हा गिसिखानाय आव
राजालामा याव नो त्राक आ हाबलाङो, लोगोसे बेनि सिङाव नो आरो गारि फिसा गंसे बो
हाबफ्लंदों। मैया हर निफ्राय गोदान आरो गोबां जायगा याव हा गिसिखानाय जादों। दायो
बे जायगा याव थि गैयि सम सिम बन्ध फोसावदों, बराक, त्रिपुरा, मिजोराम आरो मनिपुर
सिम दावबायनाय गोबां गारिफोरा राजालामा याव नांथाना थायो।
मोनसे
दुखुनांथाव खौरां। गावनि मोजां मोननाय सेंग्रा जों नो देगार जों उदै आव
गाग्लोबजानाय बर हिनजावसा नि जिउ आ गोमाबाय। गोबाव सान थैनायजों जुजिनानै
जोबथारनाय आव जेनबाय। मोजां मोनलाइनायनि मुंआव जिउखौ खोमाना लाबाय सासे बर' लाइमोना। जाथाय आ बाक्सा जिला
हतापारा गामिनि ममटा बसुमतारी आरो सिरां जिला नि नितुराज ब्रह्म नि मोन, थांनाय 3 जुन 2022 इं खालारआव
सरुपेटायाव जोलुर गेलेनो थांनाय समावनो सिरां जिलानि दुथां नितुराज ब्रह्मआ लामा
ससेआव लोगो हमना देगारजों उदैयाव गाग्लोबदोंमोन।
बन्ध जानायफारसे सा सानजा भारत नि गिबि रेल स्तेशन आ। दिब्रुगर ताउन रेल
स्तेशन, जारिमिन जानाय फारसे बृतिस सोरखार नि समाव बानायनाय बे रेल स्तेशन आ, बे
रेल स्तेशन निफ्राय दायो मोनसे ल दावबायारि रेल सोलियो। बे गोजाम रेल स्तेशन खौ
बन्ध खालामनो थाखाय जायगा नि एमएलए प्रशान्त फुकन आ रेल मन्थ्रि अश्विनि बैश्नब
निसिम लाईजाम लिरना हरदों, बेखौ बन्ध खालामनानै जारिमिनारि न आरो रेलवे नि
मिउजियाम बायदि बानायनो खावलायो। बे रेल स्तेशन नि थाखाय नो सोहोर नि के सि गगै
लामा याव त्रेफिक जाम आरो लोगोसे गोबां जाब्रबथाय जादों होनना बो बुंबावो बिथाङा।
1884 मायथाई आव नो बानायदोंमोन बेखौ, गुबुनफारसे बेबायदि गिबि रेल स्तेशन खौ
बोखांना लांनायखौ जायगा नि रायजोफोरा मानिना लानो हायाखै होनना खौरां मोनदों,
नाथाय उनाव सो मा जायो बेखौ मिथिगोन।
रायजो आव पेत्रल दिजेल नि बेसेन जों लोगोसे केरासिन नि बेसेन आ बो बारा
जालांनो हमदों, 86 रां नि बारा जाबाय लितारसे आव। केरासिन खौ कनत्रलाव मोनो, नाथाय
बेयावनो बेसेन आ बारा जादों। गोबां गोरिब नखर फोरा केरासिन बायनो हायि नि जाहोन आव
खोमसि आव बो थानो गोनां जादों, मानो होमबा साधारन सुबुंफोरा गोबां रां होनानै
बायनाय आ एसेबां गोरलै नङा। खौरां मोननाय बादिब्ला सोलिबाय थानाय बोसोर नि
जानुवारि आव खेरासिन नि बेसेन आ 49 रां फ्राम मोन, फेब्रुवारि आव 57 रां नि बारा
जाबाय आरो मार्च आव 64, एप्रिल आव 79, मे आव 81 आरो दायो जुन आव 86 नि बारा जाबाय।
दानफ्रोमबो बारा जालांगासिनो दं। थांनाय 6 दान आव 37 रां 29 फैसा बारा जादों।
एजेन्त फोरा बायदिसिना खरसा फोरखौ लायोब्ला 100 रां नि खाथि आव जाहैयो बेसेन आ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon