बिजाब बायनायनि मुङाव सोरखार आ होनो गोनां 1 रोजा रांखौ मोननो थाखाय बेंक दितेईल्स आपदेत खालामनायनि सम सिमा खौ बारायबाय। दायो 7 जुलाई सिम आपदेत खालामनो हासिगोन, 1 रोजा रां खौ मोननो थाखाय बेंक नि दितेईल्स खौ आपदेत खालामनो नांथारगोन, गोबां फरायसाफोरनाव मेसेज फैखादों, बेखायनो खालामना ला। अनलाईन नि गेजेरजों खालामनो हायो, वेबसाईत dheonlineadmission.amtron.in आव थांनानै ईउनिक आयदि आरो जोनोम सान खौ होनानै लग ईन खालामनानै गावनि दितेईल्स खौ आपदेत खालामना लायोब्ला नो जाबाय। पासबुक नि फ्रन्त पेज एबा मोखांनि पेज खौ बो आपलद खालामनो होदों, बेखायनो बेखौ थियारि खालामना लाखा।
मोनसे ब्रेकिं
निउज, मोनसे गोजोनथाव खौरां, एनदिएफबि नि गायसनगिबि आफादगिरि रन्जन दैमारि सार खौ
मोनसे गसर निफ्राय उदां खालामबाय. मोनसे बुथारनायनि गसर निफ्राय उदां जाबाय सार आ।
1992 मायथाई नि मोनसे बुथारनायनि गसर निफ्राय बिजिरसालि आ उदां खालामना होबाय।
साखि फोरमान नि आंखाल आव गुवाहाति तादा बिजिरसालि आ उदां खालामना होबाय। 22 बोसोर
बेनि सायाव बिजिरनायजों मोगा मोगि जानांनाय धर्मकान्त बर खौ बो उदां खालामदों
होनना मिथिना मोनदों, नाथाय रन्जन दैमारि सार आ दासिमबो जेल आव नो थानांगोन,
बिथांखौ 30 अक्तोबर नि गसर आव जेल आव लाखिनाय जादों, बे गसर नि थाखाय सो जेल
जानांदों, आसा खालामो बिथाङा बे गसर निफ्राय बो थाबैनो उदां जागोन। गोबाङानो उदां
जाखाबाय होनना फोसावदों, नाथाय आं खौरां मोननाय बादिब्ला बेबायदिसो।
महारास्त्र नि
राजखान्थि आव मोनसे गोदान त्विस्त, सिबसेना नि लोगो जानानै दानाय सोरखार आ
बायनायनि उनाव दायो गोदान सोरखार जागोन आ रोखा जाबाय। खौरां मोननाय बादिब्ला
सिबसेना निफ्राय बेरेखा जानानै ओंखारनाय एमएलए नि गाहाय एकनाथ सिन्दे आ गोदान गिबि
मन्थ्रि जागोन। दिनै 7.30 सो आव गिबि मन्थ्रि महरै समायखिरा लानो हागौ नि खौरां
मोनदों। दिनै 12 बाजि नि सिगाङाव खौरां मोननाय बादिब्ला बिजेपि नि देबेन्द्र
फरनबिस बिथाङा सो जानो हागौ होनना मिथिना मोनदोंमोन, नाथाय बिजेपि नि दैदेनगिरि
बिथाङा ईसे सिगाङाव गावनो गिबि मन्त्रि आ एकनाथ सिन्दे आ जागोन होनना रोखा खालामना
होखाबाय। मखजाथावदि सिबसेना नि गोबां एमएलए फोरा दोलो निप्राय ओंखारनायनि उनाव नो
सोरखार आ बायदोंमोन आरो गिबि मन्थ्रि उद्धब थाकरे आ मैया बिबान एंगारनो गोनां
जादोंमोन। दायो गोदान सोरखार जासिगोन।
सोरखारि रिलिफ
केम्प आव थानाय एबा रिलिफ केम्प बायदि थासारि आव थानाय गासैबो सुबुंफोरनि मुं खौ
थिसननो बिथोन होदों गिबि मन्थ्रि आ, दिनै गासैबो जिला नि जिला बेंगिरि बिथांमोननो
बे बिथोन खौ होदों। दिनै जिला बेंगिरिफोरजों भिदिअ कन्फारेन्स नि गेजेरजों दैबाना
नि खौरां लानायजों लोगोसे बे बिथोन खौ होयो। गिबि मन्थ्रि आ बेनि सायाव मास्तार
रेजिस्तार बानायनो बिथोन होदों आरो जिला नि बिबान आव थानाय मन्थ्रि बिथांमोननो बे
मास्तार रेजिस्तार खौ होनो बिथोन होदों, रिलिफ केम्प निफ्राय न आव थांफिनाय
सुबुंफोरनो 3800 रां होनो बिथोन होदों, बे मदद खौ बेंक एकाउन्त नि गेजेरजों मोनगोन
रायजोफोरा, बेनि थाखाय गासैबो नखर नि बिगोमा नि बेंक एकाउन्त नम्बर, आधार नङाब्ला
भतार खौ लानो नांगोन बिबानगिरिफोरा आरो बेनि उनाव सोरखार नि मदद खौ मोनदोंना
मोनाखै सेक्रेतारि आरो जिला नि बिबान आव थानाय मन्थ्रिफोरा बेखौ आनजाद नायनो
नांगोन होनना बो बुंदों, गिबि मन्थ्रि आ लोगोसे दैबाना जों खहा जाजानाय न नि
फारिलाय खौ 15 जुलाई नि गेजेरावनो होनो जिला बेंगिरि नो बिथोन होदों, 15 जुलाई नि
गेजेराव थियारि खालामनानै 15 आगस्त नि गेजेराव खहा सुफुंनो बिथोन होदों।
Please do not enter any spam link in the comment box. ConversionConversion EmoticonEmoticon