दानि भारत नि हादरगिरि नि 5 बोसोर नि सम आ जोबसिगोन। जुलाई दान आव गोदान
बिसायखथि जागोन हादरगिरि नि। खौरां मोननाय बादिब्ला हादरगिरि बिसायखथि नि थाखाय
बिजेपि आ दैदेननाय एनदिए दोलो नि बिजाथि नि मुं खौ फोसावना होबाय। लोगो दोलो नि
बिजाथि जागोन द्रौपदि मुर्मु बिथाङा। मैया दोलो नि मावखुलि आव गोनांथार
सावरायलायनाय जायो आरो बेनि उनाव नो खौरांमेल नि गेजेरजों मिरु बिजेपि नि आफादगिरि
जेपि नद्दा बिथाङा फोसावना होयो द्रौपदि मुर्मु नि मुं खौ। झारखान्द रायजो नि
राज्यपाल जादोंमोन बिथाङा सानसे समाव। जनजाति आयजो खौ होनाय जोबोद मोजां जादों।
गुबुनफारसे बेरेखा दोलो नि आ गासैबो ज जानानै बारग मन्थ्रि यसवन्त शिनहा खौ बिजाथि
महरै फोसावदों होनना खौरां मोनदों। दिल्लि आव जानाय बेरेखा दोलो नि सावरायलायनायनि
उनाव नो कंग्रेस नि दैदेनगिरि जयराम रमेश आ बिजाथि खौ फोसावना होयो। राजखान्थि आव
फैनायनि सिगां बिथाङा सासे आईएएस अफिसारमोन। खौरां मोननाय बादिब्ला बेरेखा दोलो नि
आव 51 जौखोन्दो भत दं, बिसोरनिआ गावस्रालायनाय जायाब्ला बेरेखा दोलो नि आ सो
हादरगिरि जानो हागोन। फैगो 18 जुलाई आव जागोन बिसायखथि आ।
उदालगुरि जिला नि दिमाकुशि आव मैयानिफ्राय जागायजेनबाय हिरो जुनियर आन्दार
17 अमेन्स नेशनेल फुतबल चेम्पियनसिप आ। 26 जुन सिम जानो गोनां गेलेनाय बादायलायनाय
आव गिबि सान आव गिबि गेलेनाय आव हारियाना या गुजरात खौ 5-1 गल जों फेजेनो आरो नैथि
गेलेनाय आव आसाम आ पन्दिसेरि खौ 6-1 गल जों फेजेननो हायो।
सानै बर सुबुंनि गोथै देहा बोखांनो हादों। साननैसो सिगाङाव बगामाति लावखार
ओंखाम जानाय जायगा याव बेरायनो थांनाय बारग जवान थानेश्वर बर बिथाङा दैसा खौ बारनो
नागिरनाय समाव नो दै जों बुखारजानानै गोमाना दंमोन, बिनि गोथै देहा खौ मोनबाय, जिउ
गोमानाय सुबुंङा तामुलपुर जिला नि महरिपारा फख्रिफार गामि नि थागिबिमोन।
गुबुनफारसे तामुलपुर जिला नि नो साहपुर बाल्तिपार गामि नि थागिबि अर्जुन बर आ ना
सारनो थांनाय आव नो गोमाना दंमोन, बिनि गोथै देहा खौ बो रायजोपोरा नागिरना मोनबाय
होनना खौरां मोनदों। आगोलाव एनदिआरएफ आरो एसदिआरएफ नि दोलो आ नागिरदोंमोनब्लाबो
नागिरना मोनाखैमोन।
बितिआर नि गाहाय प्रमद बर बिथाङा दैबाना याव जिउ गोमानायय सुबुं नि नखर नो
1 लाख रां होगोन होनना फोसावदों। बितिआर नि गासैबोफ्राम जायगा यावनो दैबाना नि
थाखाय खहा जादों। बेफोर जेंना खौ माबोरै फोजोबनो हागोन आरो जानाय गासैबो दाता आरो
रिपर्त फोरखौ मिरु सोरखार आरो रायजो सोरखार नो हरगोन होनना बुंदों। 1 लाख रां खौ
काउन्सिल निफ्राय होगोन, रायजो सोरखार आ बो होगोन होनना बुंदों बिथाङा। गोबां
जायगायावनो आबाद हा या बाला जों खोबथेजाजोबबाय, हा नि बिगोमा फोरा जाहाथे बेकार
जाया बेनि थाखाय बेबस्था खालामगोन होनना बुंदों।
जोनोम नि उनाव बिसना याव नो गारना गालांबाय गावनि गथ खौ नो। सासे बिमा नि
गाज्रि खामानि, शिबसागर नि दिमौ मदेल हस्पितेल आव जादों जाथाय आ, सोर बेबायदि
देहाफाहामसालि आव गारना गालांखो मिथिनाय जायाखै, सान 5 सो जानाय गथ खौनो अननाय
गैयि बिमा या बेबायदि खालामदों, जाथायनि खौरां मोननाय लोगो लोगो नो दावराव जायो
देहाफाहामगिरि नार्शफोरनि गेजेराव। जाथायनि सोमोन्दै मिथिनाय बादिब्ला सोरबा
सिनायमोनि बिमा या गायकेर जाहोनानै दसे उनाव हि लायनो थांनि होनना बुंनानै
ओंखारलांनायनि उनाव नो आरो फैफिनासै, खाथि नि सासे नो होना गालांदोंमोन गथ खौ, दायो
मोजां हालोद आव गथ खौ बासायनानै पुलिसनो खौरां हरदों, नायबिजिरानाय आ सोलिगासिनो।
सिआरपिएफ नि कनभय आव नाक्सालबादिफोरनि गिथावना गाग्लोबनाय। सा 3 जवान फोरा
मुंख्लं। शत्तिसगर उरिश्या सिमना नि सिआरपिएफ रद अपेनिं दोलो नि सायाव जादोंमोन
गाग्लोबनाय आ। जायगा या उरिश्या नि नुवापारा जिला याव। गोबां जवान फोरा जोखोम बो
जादों। मंगलबारखालि बेलासि नि 2.30 सो आव लामा बानायनायनि रैखाथि नि मुङाव
थांदोंमोन दोलो आ। बेयावनो गाग्लोबो, जोखोम जानायफोरनि मुङा एएसआई शिसु पाल सिंह,
एएसआई शिवलाल आरो कन्सतेबल धर्मेन्द्र कुमार सिंह, माउबादिफोरा गाग्लोबखांनायनि
उनाव खारखुमायो।
महारास्त्र नि सोरखार आ बायगोन नामा। बिजेपि आ फिन सोरखार दाफिनगोन नामा
महारास्त्र आव, गोबां सुबुंफोरा नो सानदों। दानि शिबसेना नि दैदेननाय लोगो दोलो नि
सोरखार नि गोबां मन्थ्रि एमएलए फोरा गोमाना थानायनि खौरां, नोगोर जौगाखां मन्थ्रि
एकनाथ शिन्दे जों लोगोसे गोबां दैदेनगिरिफोरा गोमाना दं, साबेसे आ गोमाना दं बेखौ
दासिमबो रोखायै बुंनो हायाखैब्लाबो सा 19 सो एमएलए आ दायो गुजरात आव थांना थाहैदों
होनना मिथिना मोनदों। एकनाथ शिन्दे नि आखाय आव गासै सा 25 एमएलए दं होनना खौरां
मोनदों। राजस्थान, मध्यप्रदेश नि बादिनो शिबसेनानि सोरखार आ महारास्त्र आव बो
जोबस्रांगोन नामा बेखौ उनाव सो मिथिगोन। राजखान्थि आव रावखौबो फोथायजाया।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon