मेट्रिक आनजाद नि खौरांफोर। नम्बर मोननाय। सोरबा थैनाय। थैनो नाजानाय बायदि बायदि। ~ Bodoinfo.com

दिनै मेत्रिक नि रिजाल्त खौ होबाय। बे बोसोर आव गासै 56.49 जौखोन्दो फरायसाफोरा पास जादों, आनजादखौ होदोंमोन गासै 4 लाख 5 रोजा 5 जौ 88 आ, पास जादों 2, 29,131 आ, पास जानायफोरनि गेजेराव 65176 आ फार्स्त दिभिजन, 99854 आ नैथि आरो 64101 आ थामथि मासि मोननो हादों। बे बोसोर आव 14305 या आनजाद होआसै, सा 31 आ विथहेल्द आरो सा 209 आ एक्सपेईल खालामजादों।

जिला महरै नायोब्ला बयनिख्रुय मोजांसिन रिजाल्त मोननो हादों, धेमाजि जिला या 85.46 जौखोन्दो पास जादों, गाज्रिसिन होनना बुङोब्ला बिटिआर नि चिरां आ नो जायो. 34.27 जौखोन्दो फरायसाफोरा ल पास जादों, बिटिआर नि गुबुन जिला फोराव बाक्सा या 66.59, कक्राझार आ 40.40 आरो उदालगुरि आ 46.50 जौखोन्दो ल फरायसाफोरा पास जादों।

आगोलनि बादि नो बे बोसोर आव बो तप 10 खौ लाखिनाय जादों। गिबि मासि खौ मोननो हादों रक्तपाल सईकिया या, 600 नम्बर नि गेजेराव 597 नम्बर मोननो हादों, बिथाङा नर्थ लक्षिमपुर नि सेन्त मेरिस हाय स्कुल नि फरायसा मोन।

बर फोरनि खौ नायोब्ला बर बिजों निफ्राय ईउ एन एकादेमि खैराबारि नि मनदिप बर खौ 97 जौखोन्दो मोनदों होनना खौरां मोनदों, बेबायदि नो तामुलपुर नि कुमारिकाता ईउएन एकादेमि निफ्राय दिपक बर आ बो 97 जौखोन्दो मोनदों, कक्राझार ईउएन एकादेमि निफ्राय बो बोसोनगिरि मसाहारि खौ 95.83 जौखोन्दो मोनदों होनना खौरां मोनदों, आरो गोबाङानो मोननो हागौ, दासिमबो खौरां मोनजोबनाय जायाखै।

दिनै आनजाद नि फिथायखौ फोसावना होनायनि उनाव नो सरायदेउ आव मोनसे सोमोनांथाव गिथावना जाथाय जायो। सरायदेउ नि सापेखाति आव जादों, दिनै फोसावनाय आनजाद आव पास जानो हायि नि गावनि देहा याव केरासिन लुना लानानै गावखौनो सावना लायो, रहन गोजौ फरायसालि निफ्राय आनजाद खौ होदोंमोन फरायसुलि आ, रहन गोहाई गामि नि पल्लबि बरगोहाई आ मोन 4 आयदा याव पास जानो हायि नि थाखाय नो बेबायदि खालामना लादों होनना मिथिना मोनो, सावना लानाय आव देहा नि 50 जौखोन्दो बाहागो आ खामजोबबाय होनना मिथिना मोनदों, दायो दिब्रुगर आव फाहामथाय लागासिनो

बेबायदिनो मेरापानि निफ्राय मोनसे खौरां मोनदों, सरायमारि गोजौ फरायसालि नि सासे फरायसा या गावखौनो बुथारना लानायनि खौरां मोनदों, जितपुर गामि नि थागिबि सबिन सुतिया या बे बार नि आनजाद खौ होदोंमोन, पास जानो हायि नि थाखाय नो गावखौनो बुथारना लायो। आसामनि सोलोंथाय मन्थ्रि रनुज पेगु बिथाङा पास जानायपोरनिसिम गाहाम हामलायनाय बावहरदों आरो फेईल जानायफोरनिसिम जेबो जोबनानै थाङाखै होनना बुंदों, फेईल जानायफोरा फिन खनसेबाव नाजानांगौ, थांनाय बोसोर आव आनजाद जायिखाय गोबाङानो पास जादोंमोन, बे बार आव सोरखारि फरायसालि नि आनजाद नि फिथाय आ मोजां जायाखै होनना बो बुङो बिथाङा, त्राईबेल फोर थानाय आरो साहा बागान नि ओनसोलफोराव फिथायखौ मोजां मोननो हायाखै। चिरां, कार्बिआंलं काछार नि रिजाल्ट आ गाज्रि जादों। दायो गोबाङानो सोङो- मेट्रिक आनजाद आ बे बोसोर नि उनाव गैया जासिगोन नामा होनना। बेनि फिननाय आ रोखा खा, मेत्रिक आनजाद आ थागोन, हाय माद्रासा या सो गैलिया, बे बोसोर नि आ नो जोबथा मोन, नाथाय गोनाथार बाथ्रा या बेसो दि आसामनि गिबि मन्थ्रि आ बुंदों, मेत्रिक निख्रुय गोनांसिन आ हायार सेकन्दारि आ सो जासिगोन होननानै, बेखायनो जायफोरनि रिजाल्त आ बारा मोजां जायाखै, नोंथांमोना दुखु जानांगौ जेबो गैया, हायार सेकन्दारि खौ मोजां होनो नांथारगोन, गोसोआव लाखि हायार सेकन्दारि आव गाज्रि खालामना लायोब्ला नोंनि खहा जागोन।