थाबैनो महात्मा गान्धि जों लोगोसे कागज नि रां आव कबिगुरु रबिन्द्रनाथ थाकुर आरो हादोरनि 11 थि हादरगिरि, बिगियानगिरि आब्दुल कालाम नि सावगारि खौ बो साफायनायनि फारसे थांगासिनो रिजार्भ बेंक अफ ईन्दिया या, दासिमनि गासैबो रां आव नो महात्मा गान्धि नि सावगारि दं, गिबिखेबनि थाखाय बिथांनि बादैबो गुबुननि सावगारि होनायनि सोमोन्दै सानदों रांखान्थि बिफान आरो आरबिआई आ, मिथिना मोननाय बादिब्ला रांखान्थियारि बिफान नि सिङाव थानाय Security Printing and Minting Corporation of India या गान्धि, कालाम आरो रबिन्द्रनाथ थाकुर नि वातारमार्क नि नमुना आईआईति दिल्लिनि एमिरेतास नि गाहाय दिलिप ति साहानि नो हरनाय जादों, बेखौ आनजाद नायनानै हरगोन बिथांमोना, बे नमुना नि उनाव रिजार्भ बेंक आ महात्मा गान्धि नि ल सावगारि खौ ना ना गासैनिखौबो लायो बेखौ उनाव सो मिथिगोन। मखजाथावदि रिजार्भ बेंक आ 2017 मायथाई आव नो बे प्रस्ताब खौ मिरु रांखान्थि बिफान नो हरदोंमोन जाहाथे नंखाय रां फोरखौ होबथानो हायो।
सिरां जिला नि बिजनि नि 3 नं वार्द आव थानाय पुलिस चेकपस्त आव मैया मोनाबिलि नि नि 6 बाजि सो आव पुलिस नि अपारेशन, बिजनि पुलिस आ मोनसे खौरां मोननायनि सायाव द्राग्स जों लोगोसे नो सानै सेंग्राफोरखौ हमदों, सानै नि मुङा तापस सेत्रि, 18 आरो दानसोरां बसुमतारि 29, बिसोरनिफ्राय मोन 5 द्राग्स सोनाय आबुं कन्टेईनारजों लोगोसे गंसे पालसार, मबाईल आरो दकुमेन्त्स मोनदों। मिथिना मोननाय बादिब्ला तापस नि न आ बङायगांव आव आरो दानसोरां नि न आ सिरां जिला नि सापागुरि आव, बिजनि आव फाननो थाखाय लांदोंमोन बिसोर बे द्राग्सफोरखौ, गासै 6.23 ग्राम मोन, उनाव द्राग्स जों लोगोसे हमनानै पुलिसफोरा बिसोरखौ थाना याव लाना थाङो, नायबिजिरनाय आ सोलिगासिनो।
मैया कक्राझार आरो चिरां नि जाथायखौ मिथिनाय लोगो लोगोनो एबसुनि मानिनां आफादगिरि मुस्री दिपेन बर' बिथाङा एबसुनि मोनसे दोलोखौ लानानै लावार आसाम हसपितलाव थांनानै जोखोम सैनांनाय दुखुथिया सानैखौबो लोगो हमहैयो आरो बिथांमोननि गोग्गो देहाया थाबैनो थाजिम जाफिननायनि थाखाय ग'साइनियाव आर'ज गाबो। आफादगिरि बिथाङा बे इनाय जाथायखौ गोख्रों रावजों सोंखारियो आरो दायनिगिरखौ नागिरनानै थाबैनो आयेननि गेजेरजों गोख्रों साजा होनांगौ होन्नानै पुलिस बिफान आरो आसाम सोरखारनिसिम दाबि दैखांनानै खौरांगिरिफोरनि सिगाङाव बुंथियो- गोजोननि बि.टि.आर.आव जायफोर इनायनि हाथियारजों सुबुंनि बेसेनगोसा जिउ आरो गोजोन समाजखौ गुबुंले खालामनो नागिरदों, बिथांमोना थाबैनो हिंसानि लामाखौ एंनागार नांगौ आरो आसामनि पुलिस बिफानाबो आयेननि बेरेखायै इनायै हाथियार बाहायनानै सरासनस्रा सुबुंफोरनि जिउजों गेलेग्रा समाज बेरेखा सुबुंफोरखौ हमनानै आयेननि गेजेरजों होबथा नांगोन। एबसुआ सुबुं समाजनि अराय मोजांनि थाखाय समाज बेरेखा खामानियाव लोब्बा थानाय सुबुंफोरखौ आरो जाथायफोरखौ गोख्रों रावजों सोंखारियो आरो समाजाव गोजोन थासारि सोरजिनायनि थाखाय अरायबो खामानि मावलांगोन।" मुंख'जाथावदि एबसुनि लोगो गाहाइ नेहाथारि दिनेश ब्रह्म, थुनलाइयारि नेहाथारि समित नार्जारी, लोगो गेलेमु नेहाथारि मिनिसोरां ब्रह्म, चिरां जिला एबसुनि आफादगिरि राजु कुमार मसाहारी, गाहाइ नेहाथारि दिलिप बसुमतारी आरो गोबां दैदेनगिरि बिथांमोनाबो आफादगिरिजों बाहागो लाफायो। मखजाथावदि थांनाय 4 जुन, 2022 अक्ट'आव चिरां जिलानि आमगुरि पुलिस थानानि सिङाव गोग्लैनाय आमतेका गामिनि बर'नि सासे आगोमा जाखांफुनाय फालांगिरि मुस्री अनिल ईस्ववारी (55) बिथाङा उन्दु लांनाय समाव हर गेजेरनि 12.30 रिंगायाव सिनाय मोनै गोजोन समाजनि बेरेखा सानग्रा आरो मावग्रा दुथां सुबुङा बिथांनि अन्दुनाय न'आव गोबां गुलि गावो आरो गरसे गुलिया बिथांनि आगसि आखाइनि थाफ्लियाव हाबनानै सोरखि लांनानै बिखायावबो गाज्रियै जोखोम खालामो। लोगो-लोगोनो बिथांखौ बङाइगावनि लावार आसाम हसपितलाव फाहामथाय होनो लांनाय जायो। आरोबाव बेराफार्सेथिं क'क्राझार जिलानि सेरफांगुरि थानानि सिङाव थानाय नाराबारि गामिनि थागिबि फांलागिरि मुस्री सुनिल मण्डल (58) खौबो हरनि 8.30 रिंगायाव गावनि दुकानाव थानाय समावनो उदखारि दुथांफोरा बिखुंआव गुलि गावनानै गाज्रियै जाखोम खालामो। बिथांखौबो लावार आसाम हसपितलाव माहामथाय होनाय जायो।
पान्जाब सोरखार नि गिदिर थिरांथा, आबहावा गाज्रि खालामनाय प्लास्तिकफोरखौ बेन खालामनायनि थिरांथा। गिबि मन्थ्रि भगवन्त मान आ प्लास्तिक नि गिथावना नि फारसे नोजोर होनानै रायजो आव बेखौ बन्ध खालामनायनि नेमफोर दिहुनदों। मैया पान्जाब सोरखार आ फोसावनानै होदों 1 जुलाई निफ्राय खनसे ल बाहायनो हानाय प्लास्तिकफोरखौ बेन खालामगोन सोरखार आ, मैया मुलुगनां आबहावा सान आव मोनसे भार्सुवेल हाबाफारि आव बेखौ फोसावना होयो।
कामरुप जिला नि बक नि तामुलदि आव मैया जादों मोनसे सोमोनांथाव जाथाय, नंखाय फाहामथाय नि थाखाय जिउ गोमाबाय सासे प्रेगनेन्त आयजो नि, गथ जोनोम जाहोनो थांनाय आव नो थैयो आयजो आ। खौरां मोननाय बादिब्ला जामिरन नेशा मुंनि 32 बोसोर बैसो नि आयजो नि जिउ गोमादों बियो सयगांव निबाताहिदिया नि मागुवालिबिल नि थागिबिमोन, मुन्नाभाई एमबिबिएस महरै सासे 108 सालायग्रा द्राईभार आ सालायबाय थादोंमोन मोनसे आयेन बेरेखा खामानि खौ, ईब्राहिम आलि मुंनि सुबुं आ बे गाज्रि खामानि खौ मावदोंमोन, खौरां मोननाय बादिब्ला बे आयजो खौ जिएमसिएईस आव लांनो होदोंमोन, नाथाय बेयाव लाङालासे नो गावनो गावनि न आवनो फाहामथाय होदोंमोन बे नंखाय देहाफाहामगिरि आ, बे जाथायजों सोमोन्दो थानाय सासे आशा मावथि खौ हमदों होनना मिथिना मोनदों।
22 थि आयफा बान्था खौ सनिबारखालि होनाय जायो, फावखुंगुर बिकि कौशल आ मोजांसिन फावखुंगुर आरो फावखुंग्रि कृति सेनन आ मोजांसिन फावखुंग्रि नि बान्था खौ मोननो हादों, बिकि आ सरदार उद्धम नि थाखाय आरो कृति आ मिमि सावथुननि थाखाय मोनदों। सावथुन आव सेरसाह आ बयनिखर्य मोजांसिन बान्था खौ मोननो हादों। मोजांसिन मेथाय खनगिरि नि बान्था खौ जुबिन नौतियाल आरो एसिस कौर आ मोनदों।
मैया रङिया याव अल बद युतुबार्श मित आप आ मोजाङै जानानै थाङो। खौरां मोननाय बादिब्ला गासैबो बर युतुबार्श आ खौसे जानो आरो लोगोसे बायदिसिना जाबाय थानाय कन्त्रभार्सिफोरखौ होबथानायजों लोगोसे खौसे जानानै हारि नि खामानि मावनो थाखाय नो बे हाबाफारि खौ लानाय जादोंमोन होनना प्रकास नार्जारि आ बुंदों, बे हाबाफारि आव फावखुंग्रि गेमश्रि देमारि, मिथिंगा नार्जारि, प्रान्जल नार्जारि जों लोगोसे गोबां युतुबार्श फोर गासै 162 फैदोंमोन होनना मिथिना मोनदों।
सलमान खान खौ बुथारगोन होनना सिगिनाय नि खौरां मोनदों। गांसे लाईजाम नि गेजेरजों सलमान आऱो बिथांनि बिफा सेलिम खान खौ बुथारगोन होनना सिगिदों, सोरबा सिनायमोनि सुबुं आ हरनाय लाईजाम आव साननैसो सिगां आव पान्जाब नि मेथाय खनगिरि सिदधु मुशेवाला नि बायदि बुथारगोन होनना हुमखि, बेखौ मोननायनि उनाव नो बान्द्रा पुलिस आ गसर थिसनदों, नायबिजिरनाय आ सोलिगासिनो दं, सासे सुबुंनि बेरेखा गसर थिसननानै नायबिजिरगासिनो होनना खौरां मोनदों।
बितिआर नि ईएम राकेश ब्रह्म बिथाङा बर रायजोफोरनि थाखाय फैगो समाव खामानि मावनो हायाब्ला दोलो खौ गारगोन होनना बुंदों, फैगो 3 दान नि गेजेराव हा हु नि जेंना खौ फोजोबनो एबा हा नि पत्ता खौ होनो हायाब्ला कक्लाबारि आव राजखान्थि गेलेलिया होनना रोखा खालामना होदों। फैगो 8 खालार आव ईउपिपिएल आ नो देरहागोन होनना बुंदों। लोगोसे बिथाङा प्रमिलारानि ब्रह्म बिथाङा बैसो गोरा आयजो, बैसो जों लोगोसे साननो हानाय गोहो आ खम जालांबाय होनना बो बुंबावदों।
बिपिएफ नि एमएलए दुर्गादास बर बिथाङा खौरांगिरिफोरनि सिगाङाव बुंदों- बितिआर आव सोरखार दानो थाखाय जेसेबां अनजिमा नांगौ बेनि जेबो जेंना गैया, नाथाय बेनि थाखाय आसामनि गिबि मन्थ्रि नि गनायथि नांगौ, दासिम गनायथि होयि नि थाखाय नो दासिमबो आवगायाखै होनना बुंदों।
दिनै 5 जुन, 2022 अक्ट', बे अक्ट'खौ जथाय हादरा 1972 मायथाइयाव थांखि आजावनानै 1974 मायथाइनिफ्राय "बुहुमनां आबहावा सान" महरै फालिबोनाय जादों। देग्लाय जथाय हादरा "मोनसेल' बुहुम" मिथिंगाजों गोरोबनानै खौसेयै गोजोरै थांनानै थानाय मोन्थोरखौ लानानै बुहुमनाङैनो बुहुमनां आबहावा सानखौ फालिनाय जादों। मिरु एबसुआ चिरां जिला आरो जिथि दुवार दख'रा एबसुनि बानजायनायाव बुहुमनां आबहावा सानखौ जिथि दख'रानि बुहुर सालबारियाव 1 रोजानिबो बांसिन बिफां फुलि गायनायजों लोगोसेयै जिथि दख'रानि हिरिम्बा नब्लांआव सानसुमै आरो दिथागिरिमोनखौ लानानै रोंगौसाफोरनि सावराय मेल लानायजों गाजा-गोमजायै फालिनाय जायो। रोंगौसाफोरनि मेलाव एबसुनि मानिनां आफादगिरि मुस्री दिपेन बर'आ गाहाइ आलासि महरै बाहागो लानानै आथिखालाव समायना बुहुमा मोगा-मोगि जानांनाय गिथावना हालुरारि बिदुंजों जुजिनांनायखौ गोथौ दुखु फोरमायो आरो बेनिफ्राय बारग'नायनि मोनसेल' राहाखौ हाग्रा-बंग्रा सिफायग्लुंनाय आरो सिलिंखार खालामनायखौ बन्द खालामनाय आरो हानायसिम बिफां-लाइफां गायनांगोन होन्नानै बिथाङा बुंथियो। बेनिखायनो हाग्रा-बंग्रा सिफायनायखौ होबथानायजों लोगोसे गासै सुबुं माहारिखौ बिफां-लाइफां गायनो थाखाय बिथाङा खावलायो। कारबि आंलं जिला एबसुनि बानजायनायाव लांहिन मानिकपुर बर' गोजौ फरायसालियाव खुंफुंनाय बुहमनां आबहावा सानआव एबसुनि मानिनां लेङाइ आफादगिरि मुस्री खोरोमदाव औवारि बिथाङा बाहागो लानानै सुबुं समाज आरो मिथिंगा बिखानिफ्राय गोमा लांनो नागिरनाय बुहुमनि बेसेनगोसा मिथिंगायारि सम्पदफोरखौ संरैखा खालामनो थाखाय बिथाङा रायजो राजाफोरखौ खावलायो।मुंख'जाथावदि एबसुनि बानजायनायाव गासै मोन 34 जिला आफाद, गासै मोन 229 दख'रा आफाद, मोन 8 मुलुगसोलोंसालिफोर आरो 2000 रोजानिबो बांसिन दालाय आफादफोरा गुदि, गेजेर, गोजौ, जौसिन फरायसालि आरो फरायसालिमाफोराव फिथाइ थायनाय बिफां फुलि गायनायजों "बुहुमनां आबहावा सान" खौ गाजा-गोमजायै फालिनाय जायो।
फिन दुंहाव थासारि बिटिआऱ आव, हर नि गेजेराव नो मोननै गुलि गावनाय जाथाय, मोनसे आ कक्राझार नि सेरफांगुरि आव आरो मोनसे आ सिरां जिला नि आमतेका याव जादोंमोन, कक्राझार जिला नि आ मैया मोनाबिलि नि 8.30 सो आव जादोंमोन, सिरां नि खौ हर गेजेराव जादों होनना खौरां मोनदों, कक्राझार आव जानाय आ गुबुन हारि नि सुबुंखौ गावदोंमोन आरो सिरां नि आ सासे बर सुबुंखौ गावना गालांदोंमोन। आमतेका बाजार आव अनिल ईश्वारि मुंनि 55 बोसोर बैसो नि सुबुंखौ थांखि लानानै गुलि गावदोंमोन, गर 3 गुलि जों गावहरनाय आव गुलि फोरा नाङो, उन्दुना थानाय समाव नो खिरखि जों गुलि खौ गावदोंमोन होनना मिथिना मोनदों, देहा याव नांदों गुलि आ, लोगो लोगो बङायगांव जिला नि गंसे देहाफाहामसालि आव सोनाय जादोंमोन, मा जाहोन नि थाखाय बेबायदि खालामखो दासिम मिथिनाय जायाखै, खौरां मोननाय बादिब्ला बिथाङा हार्दवेर दखान नि बिगोमा, सासे फालांगिरि। गुबुनफारसे कक्राझार नि जाथाय जों सोमोन्दो थानाय सानै दायनिगिरिफोरखौ पुलिसफोरा एरेस्त खालामनो हादों, कसुगांव नि मृदुल राय आरो नाराबारि नि उत्तम राय खौ हमदों। मोननैबो जाथायनि सायाव गंनै बो जिला नि पुलिसफोरा नायबिजिरगासिनो दं। बिटिआर नि गाहाय प्रमद बर बिथाङा बेनि सायाव बुंदों- शांति नि समाव दिनै बेबायदि जाथाय आ जादों बेखौ गोख्रों राव जों सोंखारिदों, बेनि सायाव पुलिस आ एक्सन लागोन, रावखौबो बदलेन्द आव अशांति खालामनो होनो होनाय जानाय नङा। पुलिसफोरा बेनि सायाव नायबिजिरनायखौ खालामगासिनो होनना बुंदों।
फैगो 7 जुन आव मेत्रिक आनजाद नि फिथाय खौ होगोन, मेत्रिक आनजाद नि फिथाय नि सायाव आसामनि गिबि मन्थ्रि आ बुंदों, आनजाद आ आगोलनि बायदि गोनांथार एबा मान थानाय नंलिया, हायार सेकन्दारि आनजाद आ सो बांसिन गोनांथार जासिगोन होनना बुंदों एबा फरायसाफोरनि जिउ नि गिबि गिदिर आरो गोनांथार आनजाद आ हायार सेकन्दारि आ सो जागोन। गिबि मन्थ्रि बिथाङा मैया कार्बिआंलं आव बिसायखति फोसावदिं मेल आव बाहागो लादोंमोन, बेयावो बेखौ खौरांगिरिफोरनि सिगाङाव बुंदों।
थांनाय गोबां सान निफ्राय भारत आव जोनोम जागोदान गथ नि जिउ गोमानाय आ खम जालांनो हमदों, नाथाय बेनि गेजेरावनो सोरखारि मोनसे खौरां आ सोमोनांहोदों। खौरां मोननाय बादिब्ला दासिमबो हादोर आव जोनोमनि गिबि बोसोर नि गेजेराव सा 36 गथफोरनि गेजेराव सासेनि जिउ गोमायो। भारत नि रेजिस्र्त्रार जेनेरेल नि मोनसे रिपर्त नि बादिब्ला 2020 आव थैनायनि अनजिमा या खम जादों 1971 निख्रुय, 1971 आव 1 रोजा नि गेजेराव 129 नि जिउ गोमायोमोन, 2020 आव बेयो खम जानानै 28 जाबाय, थांनाय 10 बोसोर आव 36 जौखोन्दो खम जादों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon