रायजो नि सोरखारि फरायसालिफोरनि गोलोम बोथोर खौ फोसावना होबाय। दैबाना नि
थासारि नि थाखाय आगोलावनो होग्रोबाय बे बोसोर आव। सोलोंथाय बिफान नि मन्थ्रि रनुज
पेगु बिथाङा फोसावनानै होबाय। 25 जुन निफ्राय 25 जुलाई सिम बन्ध आ थागोन, 1 दान
जागोन बन्ध आ। दैबाना नि थाखाय गोबां सोलोंथाय फसंथानफोरा बन्ध जाना दं। बेनि
थाखाय नो बन्ध खौ फोसावना होबाय, आगोलाव 1 जुलाई निफ्राय सो जागायोमोन बन्ध आ।
मन्थ्रि बिथाङा सोरखारि नङि सोलोंथाय फसंथानफोरखौ बो बेखौ मानिनो खावलायदों, जनता
भवन आव दिनै खौरांमेल खुंदोंमोन।
गिथावना जाब्रबथाय। उत्तरप्रदेश नि पिलिभित जिला याव जादों, जेराव सा 10
सुबुंफोरनि जिउ गोमादों आरो लोगोसे सा 7 आ गाज्रियै जोखोम जादों होनना मिथिना
मोनदों। सानै नि हालोद आ गाज्रिथार, जाथायसालि आव पुलिसफोरा थांनानै
नायबिजिरगासिनो। फुंनि 4 बाजि सो आव जादोंमोन जाथाय आ, सानसे सिगां नि बेलासि नि 5
बाजि सो आव हरिद्वार निफ्राय गंगा याव दुगैनानै फैफिननाय समाव नो भक्तफोर थानाय
गारि ताता एस गारि आ फांसे दंफां आव सौग्रावो, जोखोम जानायफोरा बुंनाय बादिब्ला
सालायग्रा या उन्दुलांनाय आव नो बे जाथाय आ जायो, गासै सा 17 सुबुंफोर दंमोन गारि
आव, सा 8 आ लोगो लोगो थैयो आरो सानै आ देहाफाहामसालि आव जिउ गोमायो। सा 7 आ दायो
फाहामथाय लागासिनो।
थाना नि सिङावनो सेंग्रा नि गाग्लोबनाय आव सा 6 पुलिस जवानफोरा जोखोम।
गोदान दिल्लि नि शाहदरा याव जादों, मिथिना मोननाय बादिब्ला शाहदरा पुलिस थाना नि
साईबार ब्रान्स आव सासे सेंग्रा या हाबनानै मैया बेलासि समाव पुलिस नि सायाव गाज्रियै
गाग्लोबदोंमोन। बेयावनो जोखोम जायो सा 6 पुलिसफोरा। बे जाथायनि उनाव भारत भाति
मुंनि सासे 28 बोसोर बैसोनि दायनिगिरिखौ हमो। सेंग्रा या साईबार ब्रान्स आव
हाबनानै भिदिअ रेकर्द खालामबाय थादोंमोन, बेयावनो मानो रेकर्द खालामदों होनना
सोंनाय आव गोबौ हाथियारजों पुसिस कन्सतेबल खौ गाग्लोबो, बेनि उनाव गुबुनफोरखौबो
हाथियारजों गाग्लोबो, उनाव गावबो गावखौनो बे गोबौ हाथियारजों गावखौनो जोकोम खालामो
आरो वाल आव खर खौ सौनानै जोखोम खालामो। सेंग्रा या हमजानायनि उनाव गोबांबार मोनसे
बाथ्रा खौ नो बुंदोंमोन, नोंसोर मोजां खामानि मावा, नोंसोरखौ आं मोजां सोलोंथाय
होगोन। मा जाहोन नि थाखाय बेबायदि खालामखो बेखौ मिथिनाय जायाखै, सानैसो आ बिनि खर
आ गाज्रि होनना बो बुंदों। नायबिजिरनाय आ सोलिगासिनो दं।
महारास्त्र नि सोरखार आ बायमारगोन नामा, गोरोबलायि एमएलएफोरनि दैदेनगिरि
एकनाथ शिन्दे आ गुवाहाति आव फैनायनि उनाव गावनि बोलो खौ दिन्थिदों, गुवाहाति आव
थानाय सा 45 एमएलए फोरनि सावगारि आरो भिदिअ दिन्थिदों। गुवाहाति आव शिबसेना आरो
उदांयै गेलेनानै देरहानाय एमएलए फोरा जयै दंफैयो। गुबुनफारसे शिवसेना नि सोरखार आ
बायगोन बायदि नि समाव बलिउद नि फावखुंग्रि कंगना रानावत नि मोनसे गोजाम त्वित आ
गोबां भाईरेल जादों, सानसे समाव महारास्त्र सोरखार आ कंगना नि न खौ आयेन बेरेखा यै बानायनायनि अजद होनानै सिफायदोंमोन,
बै समाव नो फावखुंग्रि आ बुंदोंमोन, दिनै आंनि न खौ सिफायदों, नोथांनियाबो सानसे
समाव गासैबो बायलांगोन जों लोगोसे गोबां बाथ्रा लिरदोंमोन। बेखौनो गोबां सुबुंफोरा
नो फावखुंग्रि नि साव होनाय आ नांबाय होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon