गोजोन्थाव
खौराः बदलेन्द मुलुगसोलोंसालि नि सासे बिबुंगोरा या साहित्य एकादेमि बान्था मोननो
हादों। डाँ ईन्दिरा बर आ बान्था खौ मोननो हादों, बेयो 2021 मायथाइ नि बान्था,
थुनलायगिरि, मेथाय लिरगिरि बिथाङा जयन्त गगै नि लिरनाय असमिया सलमा हिरिम्बा खौ बर
राव आव सोलायनायनि थाखाय नो बे बान्था खौ होनाय जादों होनना मिथिना मोनदों,
कक्राझार सोहोर नि माईबं नोगोर नि थागिबि बिथाङा बे बान्था खौ मोननानै गोजोननाय
मोननाय खौ फोरमायदों, खौरां मोननाय बादिब्ला बिथांनि दासिम 32 ता गुबुन गुबुन सल
बिजाब, खन्थाय रायथाय गथ फोरनि बिजाब ओंखारबाय। आरो गोबां आ नो ओखारनायि लामा याव
होनना मिथिना मोनदों। मखजाथावदि मेत्रिक पास नि उनाव नो आकाशबानि गुवाहाति नि
थाखाय 25 ता मेथाय खौ लिरना होदोंमोन होनना बो खौरां मोनदों।
आसामनि गासैबोफ्राम जिला नि थाखाय नो गरम बन्ध खौ
फोसावना होनायनि गेजेरावनो गरम बन्ध नि समावबो नेम बादियैनो थाखो आ सोलिगासिनो
थागोन होनना खौरां मोनदों। जिला फोरखौ बेनि फरायसालि नि ईन्सपेक्तर आ होदों होनना
खौरां मोनदों। मिथिना मोननाय बादिब्ला थांनाय मेत्रिक आनजाद आव मोजां फिथाय मोनि
जिला फोराव क्लास आ सोलिबाय थागोन, क्लास सोलिबाय थागोन जिला फोरा जाबाय गोलाघात,
सिरां आरो तिनसुकिया, थाखो 9 निफ्राय 12 सिम सोलिबाय थागोन होनना खौरां मोनदों, बे
जिलाफोरा मेत्रिक आव मोजां खालामनो हायाखैमोन, बङायगांव नि आ बो जानो हागौ होनना
मिथिना मोनदों। बेफोरनि गेजेरावनो फैगो बोसोर निफ्राय फरायसालि नि गरम बन्ध खौ खम
खालामनो हागौ होनना खौरां मोनदों। सोलोंथाय बिफान नि मनथ्रि डाँ रनुज पेगु बिथाङा
बुंदों, दानसे नि सोलाय 25 सान खालामना होनो हागौ, लोगोसे नो मैया खौरां गिरिफोरनि
सिगाङाव CEE आनजाद खौ फावसायबाय होनना बो फोरमायो.
3 जुलाई आव जानो गोनां आनजाद खौ दानिया 31 जुलाई खालि सो खुंसिगोन
दुखुनांथाव जाथाय। 4 बोसोर नि सासे हिनजावसा गथ आ
सासे 8 दान नि गावनि नो फंबाय खौ दै होननानै लोंहोबाय दिजेल खौ। जायनि थाखाय 8 दान
नि गथ नि जिउ आ गोमाबाय। जाथाय आ नयदा याव जादों, न आव नो दंमोन गासैबो नखर नि
सोद्रोमा फोरा। 4 बोसोर बैसो नि बिब आ 8 दान नि गथ जों गेलेबाय थादोंमोन। हरखाब
फंबाय आ गाबनाय आव खाथि नि दिजेल थानाय बथल नि खौ नो दै होनना लोंहोदोंमोन,
हिनजावसा गथ आ मिथियाखैमोन दिजेल दं होनना। दिजेल लोंनाय लोगो लोगो नो गथ आ
बांसिनसो गाबो, उनाव नखरनि सुबुंफोरा बो मिथियो, लोगो लोगो देहाफाहामसालि आव लाना
थाङो, सान 3 फाहामथायनि उनाव जिउ गोमायो। दुखुनांथाव।
उदालगुरि जिला
नि कलाईगांव नि दक्षिन कयाबिल मुंनि गामि आव आफ्रिकान स्वाईन फिभार बेराम खौ
मोननाय जादों, गोबां अमा थैबाय. बेनिफ्राय नमुना लांनानै गुवाहाति आव तेस्त
खालामनाय आव बे बेराम खौ मोननाय जादों. बेनि उनाव मा बेबस्था लानांगौ बेखौ
लागासिनो, गुवाहाति निफ्राय दायो तिम फैगोन, न न थांदों बिफान नि सुबुंफोरा, मोजां
बिथोन होदों, अमा खौ जानो नाङा आरो लोगोसे अमा फाननायखौ बेन खालामनानै होदों,
बेराम मोननाय गामि निफ्राय 1 किमि सिम अमा फाननो मोना, अमा लांलाय लाबोलाय बो
खालामनो मोना। मैया 200 सो अमाफोरखौ बुथारदों होनना बो मिथिना मोनदों, थैनाय अमा
नि बेसेन खौ सोरखार आ होगोन होनना बिफान नि सुबुं आ बुंदों।
एबसु आरो बर' थुनलाइ आफाद जथायै बर' बिजोंनि
जेंनाफोरखौ सुस्रांनाय थांखिजों मैया आसामनि सोलोंथाइ मन्त्रि मानगोनां ड० रनुज
पेगुजों सावरायदों। मख'जायोदि, थांनाय
बोसोरनि 19 डिसेम्बर, 2021 मायथाइयाव बि.टि.आर गोरोबथानि 6.3 दफानि
गेजेरजों बर' बिजोंनि
जेंनाफोरखौ अरायथा सुस्रांनो थाखाय आसामनि गिबि मन्त्रि ड० हिमन्त बिस्व शर्माजों
अफिसियेलै सावरायदोंमोन । लोगोसे बै सावरायनायाव बिटिआरनि गाहाइ मावफुं सोद्रोमा
मुस्रि प्रमद बर' आरो आसामनि
आर्बान मिनिस्टार मुस्रि अशक शिंहालआबो बाहागो लादोंमोन । बै सावरायनायनि गेजेरजोंनो बर' बिजोंनि
इमालगेमेसन आरो मार्झार जानायनि सायाव राहा लानानै बर' बिजोंनि फरायसालिफोरखौ मार्झार खालामनो अर्डार फैदोंब्लाबो बै अर्डारखौ
नेउसिनानै 2 बोसोरनि थाखाय
समखौ फोलावनानै होनाय जाबाय । लोगोसेनो
थांनाय बोसोरनि 19 डिसेम्बर, 2021 मायथाइयाव बि.टि.आर गोरोबथानि 6.3 दफानि
गेजेरजों बर' बिजोंनि
जेंनाफोरखौ अरायथा सुस्रांनो थाखाय आसामनि गिबि मन्त्रि ड० हिमन्त बिस्व शर्माजों
अफिसियेलै सावरायनायनिफ्राइ गासै 29 दफानि
माइनुटसबो दिहुननाय जादोंमोन । आरो बै माइनुटसनि सायाव दिनै फिनै मावफुंनो थाखाय आसामनि सोलोंथाइ मन्त्रि ड०
रनुज पेगुआ खोथा होयो । बे
सावरायनायाव मिरु एबसुनि आफादगिरि मानावगेदेद मुस्रि दिपेन बर'जों लोगोसे
लोगो आफादगिरि रोमदोन बसुमतारी, गाहाइ नेहाथारि खनिन्द्र बसुमतारी, लोगो गाहाइ
नेहाथारि दिनेश ब्रह्म, नेहाथारि आनान्द दैमारीजों लोगोसे सोलोंथाइ नेहाथारि सोमावसार बसुमतारीया
बाहागो लादोंमोन ।
सनितपुर
जिल्ला दुलाराय बर' फरायसा आफादा
दिनै बर' बिजोंनिफ्राइ
जिल्लानि गेजेराव 10थि मासि
आवग्रिनो हानाय फरायसाफोरखौ आबै सेन्टारनि आबै पुर्णिमा गेजेर आरो गोजौ
फरायसालियाव सानसेनि मेहेरगोनां हाबाफारिजों बरायदों । हाबाफारि
बादियै मुंख्लं दाहा बाउनानै बरायनाय हाबाफारिखौ मासि लानानै दैदेनो जिल्ला एबसुनि
आफादगिरि मुस्रि राजेस बसुमतारीआ । मेलखौ बेखेवनानै होयो एबसुनि बोसोनगिरि
मानगोनां मुस्रि खुंख्रा सर्गियारीया । बे बरायनाय
हाबाफारियावनो गाहाइ आलासि महरै बाहागो लायो मिरु एबसुनि लेङाइ आफादगिरि आरो
बि.टि.आर गोरोबथानि कमिसननि सोद्रोमा मुस्रि खोरोमदाव वारीया । गाहाइ आलासि महरै
बाहागो लानानै बिथांङा जाय फरायसाया बाउसोमनायनि गेजेरजों फुंङावनो सिखारो बै
फरायसाफोरासो अखानायसि माखौ होनो बेखौ मोन्थियो होननानै
फरायसाफोरनि थाखाय फरायनायनि अनगा जेबो थासारियानो जाहोन जानो मोना होननानै एबसुआ
साफ्रोमबो बर' फरायसाफोरखौनो
आइ.ए.एस आरो आइ.पि.एस अफिसार जानायखौ लुबैयोखायनोथ' बोसोरफ्रोमबो
इउ.पि.एस.चि अरिन्तेसन हाबाफारि लाबोबाय थाबोदों आरो देग्लाइबो फैगौ 25 जुननिफ्राइ 30 जुनसिम मोन ड' जिल्लायाव
इउ.पि.एस.चि अरिन्तेसन हाबाफारि लानो थाखाय थि खालामबाय होननानै गावनि बिबुंथियाव
बुंङो ।
आसामनि दैबाना नि गिथावना महर नि थाखाय मदद होदों
हादरनि धोनिसिन फालांगिरि मुकेश आम्बानि आरो बिथांनि फिसाज्ला अनन्त आम्बानि आ।
आसामनि सिएम रिलिफ फान्द आव होदों होनना गिबि मन्थ्रि आ फोसावनानै होदों। गासै 25
कौति रां होदों होनना बुंदों, आसामनि गिबि मन्थ्रि साबायखर बावहरो बेनि थाखाय।
आसामनि सासे एमपि गोमाना दं। पस्तार होनानै एमपि खौ नागिरदों बियाब नि
सुबुंफोरा। गुवाहाति रेदिशन ब्लु आव फैदों महारास्त्र नि गोबां एमएलए फोरा, बे
समावनो आसामनि सासे एमपि आ गोमाना दं, बेयो बेरेखा एबा धर्ना नि मोनसे लामा सो,
जाथाय आ जाबाय गोबां सान सिगां निफ्राय नो रायजो आव हाबाय थानाय अखा नि थाखाय
दैबाना जादोंमोन, न बां गासैखौबो गोबाङानो खोमाना लाबाय। सोरखार आ मदद होदोंबो,
सोरखारि नङि फसंथानफोरा बो मदद होदों। नाथाय सासे एमपि आ गिथावना दैबाना नि समाव थ
गैखाया नो, दायो ईसे खम जानाय समावबो फैयाखै होनना अजद होदों रायजोफोरा। एमपि नि
मुङा पद्युत बरदलै, नगांव नि एमपि, बेबायदि सानसेबो नुजाथिफैयि नि थाखाय नो पस्तार
सिथाबदों रायजो फोरा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon