भारत नि आरमि आव अरायथा साख्रि थिसननाय आ बन्ध जागोन नामा, बेखौ गिनानै नो हादरनि गुबुन गुबुन जायगा याव गिथावना थासारि सोमजिदों, बिहार उत्तर प्रदेश, हारियाना जों लोगोसे गोबां जायगा याव नो थासारि आ दुंहाव जादों, रेल स्तेशन आव अर लागायना होनाय बायदि जाथाय बो जादों, बे अरायथा साख्रि थिसननाय गैयि जाजानो गिनायनि गुबै जाहोन आ नो जाबाय गोदान बिथांखि अग्निपथ। बे अग्निपथ आ नो हादोरखौ खामहोदों। बे बिथांखि नि गेजेरजों 4 बोसोर नि थाखाय अरायथा नङि साख्रि आव थिसननायनि बेबस्था खालामदोंमोन, 4 बोसोर नि उनाव 75 जौखोन्दो आ साख्रि गारना फैनांगोन, बे बिथांखि खौ नायनानै गोबाङानो अरायथा साख्रि थानाय नंलिया होनना गिदों, लोगोसे बैसो खौ बो 21 सिम ल हागोन होनना बुंदोंमोन आरो थांनाय 2 बोसोर साख्रि थिसननाय बो जायाखै आरमि आव। दायो खौरां मोननाय बादिब्ला बैसो नि जोबथा सम सिमा खौ 23 खालामना होबाय, नाथाय बेयो बे बोसोरनि थाखाय ल सो जागोन। दिनै गुबुन गुबुन रेल स्तेशनफोरजों लोगोसे सेकेन्द्राबाद स्तेशन आव बो अर लागायना होदोंमोन, बेयावनो पुलिसफोरा गुलि गावो, पुलिस नि गुलि आव सासे सुबुं नि जिउ गोमायो आरो सा 8 आ जोखोम जायो। सा सानजा भारत नि गुबुन गुबुन रेल फोरखौ बो सावना होदों जायनि थाखाय गोबां खौ नो बन्ध लाखिथनो गोनां जादों, लोगोसे दैबाना नि थाखाय बो बन्ध लाखिथनांदों होनना मिथिना मोनदों।
अलिम्पिक आव मेदेल मोननाय बक्सार लभलिना बरगोहाई आ दिभर्स नि थाखाय
बिजिरसालि नि खाथि आव थांदों, मोनसे सोमोनांथाव खौरां, मिथिना मोननाय बादिब्ला
2018 मायथाई आव हाबा जादोंमोन गेलेगिरि आ। जोरहात नि नवनित गोश्वामि मुंनि सासे
सेंग्रा जों, नबनित जों सावरायलायनानै दिभर्स नि थाखाय बिजिरसालि आव थाङो, नखरारि
बिजिरसालि आव गसर थिसनो, गुवाहाति नि आव।
दिनै आरो गाबोन कक्राझार नि गासैबो सोलोंथाय फसंथानफोरा बन्ध, गिथावना दैबाना नि थासारि नि थाखाय नो जिला प्रसासन आ बे थिरांथा खौ लादों। बेनि अनगायैबो गोबां जिलाफोरा बो दैबाना नि थाखाय बन्ध फोसावदों सोलोंथाय फसंथानफोरखौ।
रायजो आव बोसोर नि नैथि दैबाना नि गिथावना महर, 25 सो जिला फोरा दै नि सिङाव, 11 लाख नि बारा सुबुंफोरनियाव गोहोम गोग्लैदों, गेजेर आसाम आव गिथावना सिन महर लादों कार्बिलांपि हायद्रपावार प्रजेक्त आ मोन 4 गेत खौ खुलिना होनाय आव दै आ बारा जालांनो हमदों। गरेस्वर आव सुक्लाई दैसा नि माथाउरि बायनाय आव ओनसोल नि गोबां गामिफोराव नो दै आ बारा जानो हमदों। मंगलदै आव बो दैबाना जादों, बेगा आरो मंगलदै दैसा नि दै आ बारा जानाय आव ताउन आव दै जमा जाहैदों। खौरां मोननाय बादिब्ला दैबाना नि थासारि आ गिथावना महर लानायनि थाखाय नो मोन 5 रेल खौ बन्ध खालामदों, गुवाहाति निउ बङायगांव नि रेल, सिफुं एक्सप्रेस खौ बो दिनै बन्ध, ईन्तारसिति एक्सप्रेस सारभिस आलिपुरदुवार गुवाहाति नि बन्ध, बेफोरजों लोगोसे मोननैसो नि लामा खौ सोलायना बो होदों, दिल्लि दिब्रुगर राजधानि एक्सप्रेस आ गवालपारा जाना सोलिगोन, बेबायदि नो ब्रह्मपुत्र मेईल, लोकमान्य तिलक, बिकानेर अबध आसाम आरो कान्सनजंघा खौ बो गवालपारा जाना सोलिगोन होनना मिथिना मोनदों। बलिउद नि फावखुंगुर अर्जुन कापुर आरो लोगोसे बलिउद नि फिल्म बानायग्रा रोहित शेत्ति आ आसामनि दैबाना नि जेंना जों जुजिनो थाखाय सिएम रिलिफ फान्द आव 5 लाख रां नि अनसुंथाय होदों होनना खौरां मोनदों, बेखौ आसामनि गिबि मन्थ्रि बिथाङा नो फोरमायदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon