बिजेपि नि गिदिर देरहानाय, कार्बिआंलं अतनमास काउन्सिल नि बिसायखथि आव 26 ता मासि नि 26 खौ नो देरहाबाय बिजेपि आ, तुलिराम रंहां नि दैदेननाय दोलो आ गुबुनखौ मोनसेआवबो देरहाहोआसै, मखजाथावदि बे बिसायखथि आव सासे बर बिजाथि आ बो बिजेपि नि जानानै गेलेदोंमोन, मुङा बिलि महन खाख्लारि। बिथाङा लांहिन बियाब निफ्राय गेलेदोंमोन। गुबुनफारसे कक्लाबारि बियाब नि उफ्रा बिसायखथि आव ईउपिपिएल दोलो नि मन्तु बर आ गोबां भत जों देरहानो हायो। 2 थि नम्बर निख्रुय 16 रोजा नि बांसिन भत मोननानै देरहानो हायो बिथाङा।
सांग्रां जा, अरुनुदय बिथांखि नि मुंनि फारिलाय निफ्राय नोंथांनि मुङा बो दानजानो हागौ, सोरखार नि नोजोर बे बिथांखि नि रां लानायफोरनि फारसे। नंखाय एबा मेनेज खालामनानै फारिलाय आव गावनि मुं सोनायफोरनि फारसे फैनो हागौ खैफोद। मानोना फैगो 1 दान नि थाखाय़ रायजो आव फिन नायबिजिरनाय जागोन बेनि रां मोननायफोरखौ, रायजो सोरखार आ दाना होनाय मोनसे दोलो आ मोजाङै फोरमान बिलायफोरखौ न न थांनानै नायहैगोन, नंखाय सुबुं मोनोब्ला लोगो लोगो दानना होगोन होनना मन्थ्रि अजन्ता नेउग बिथाङा बुंदों, एखे समाव नो जग्य सुबुं नि न आव अरुनुदय नि लग खौ लागायनाय जागोन होनना बो बुंबावो, रायजो सोरखार नि थांखि बादियै ईयुन आव सुबुंफोरनि थाखाय मोनसेल पर्तेल थागोन जायनि गेजेरजों गासैखौबो फोनांजाबनो हागोन एबा सोनो हागोन, बेनि थाखाय गिबि खोलोब आव अरुनुदय बिथांखि जों दिब्यांग पेन्सन बिथांखि खौ दाजाबदेरनायनि फारसे सानगासिनो होनना बुंबावो।
गुवाहाति नि राजालामा याव जौ लोंनानै फेनाय हिनजावसाफोरनि गाज्रि आखु, हिनजावसाफोरा पुलिस नि द्रेस खौ नो बिसिबाय। राजधानि मशजिद नि खाथि आव जादोंमोन जाब्रबथाय मोनसे। जाथाय आ जानायनि उनाव नो पुलिस आ थाङो आरो बेयावनो नांलायो बे जौ लोंनाय फोरा, उनाव हातिगाव पुलिस आ बिसोरखौ हमनानै दिसपुर पुलिस नो गथायना होयो। बे हिनजावसा फोरा आयजो पुलिसखौ बो गाग्लोबदोंमोन होनना अजद।
थाबैनो ईउपिपिएल आरो एजिपि निफ्राय सासे सासे मन्थ्रि मोनगोन आ रोखा, बुंदों एमएलए लरेन्स ईश्लारि बिथाङा। दायो होनाय आ बिजेपि नि सानै नि मोन, दायो आरो लांदां जाना दं मोन 3 मासि, बेखौ बो रायजो नि जौगानाय लाबोनो थाखाय थाबैनो होगोन होनना बुंबावो, लोगोसे नो बितिआर गोरोबथा नि खामानि फोरखौ 100 जौखोन्दो मावफुंजोबनो हायाखैब्लाबो मावफुंजोबनो राहा लामा लादों होनना बुङो, बितिआर नि गामि सोसननाय, सिमा बारायनायखौ मावगासिनो, सिगां नि कमिशन नि चेयारमेन आ रुंसारि जाबाय, दायो गोदान चेयारमेन थिसनबाय, आगोलाव खामानि मावनायफोरखौ नायफिनदों बेखायनो ईसे गोबाव जादों होनना बुङो।
दानि एबसु नि आफादगिरि दिपेन बर खौ 2 थि बदफा होनना ताईतल होगोन जुदि बिथाङा फारसे आखायाव बिष नि बथल लानानै आथिखालनि आसामनि गिबि मन्थ्रि नि चेम्बार आव थांनानै बुंनांगौ जों होबथासेयावबो जुदि शनितपुर बिस्वनाथ जिला नि गामि खौ सोआब्ला आरो हाबखानाय बितिएदि नि गामि खौ दानोब्ला नोंनि अफिस सेम्बार आव नो बे बिष खौ लोंनानै थैगोन होनना बुंनो हायोब्ला बुं होनना बारग एमपि सान्सुमा खुंगुर बैसोमुथियारि बिथाङा बुंदों, बिथांनि अजद नि बादिब्ला साननैसो सिगाङाव बर नि मोनसे निउज पर्तेल आव आफादगिरि दिपेन बर बिथाङा बितिएदि नि थाखानाय बर गामि, त्राईबेल बेल्त एन्द ब्लक नि गामि खौ दानखयोब्ला दिपेन बर नि गोथै देहा नि सायावसो दाननो हागोन नो होनना बुंदोंमोन होनना बुङो सान्सुमा खुंगुर बैसुमुथियारि बिथाङा। बिथाङा दिपेन बर खौ लालु प्रसाद यादब जों रुजुदों, लालु प्रसाद यादब आ बो सानसे समाव बिहार खौ बुखावनानै झारखान्द रायजो दायोब्ला लालु प्रसाद नि गोथै सह नि सायावसो दाननो हागोन होनना बुंदोंमोन नो, लालु आ हायासै, बेबायदिनो दिपेन बर आ बो हाया, हायोब्ला ईशोरबादि खुलुमगोन, धुप आलारि बाथि होना खुलुमगोन होनना बो बुंबावो।
गुबुनफारसे बद अमेन जास्तिस फराम नि आफादगिरि आ बो बितिआर गोरोबथा याव
शनितपुर आरो बिश्वनाथ जिला या हाबगोन नि जेबो लिरनाय आ नो गैया, अब्ला माबोरै
हाबगोन बे जिलाफोरा होनना सोंदों, कमिशन नि मानसि फोरा बो गोरोबथा याव जा दं बेखौ
सो मावनो हागोन होनना बुंदों होनना बिथाङा बुंबावो, अब्ला बे गोरोबथा याव हाबगोन
होनना लिरनाय आ नो गैया, दिनैसिम सागानगिरिफोरखौ बेफोरनि सायाव खामानि मावनायखौ नो
नुनो मोनाखै, लोगोसे गामि हाबनाय आ बांसिन बर सुबुं थानाय सिमना नि गामि आ सो
हाबगोन आरो बेबायदि नो बितिसि नि आ बो दानजागोन होनना सो लिरनाय दं होनना बो
बुंबावो। लोगोसे एनदिएफबि नि गायसनगिबि आफादगिरि रन्जन दैमारि बिथांजों लोगोसे जेल
आव थानाय सुबुंफोरा गासैबो जेल निफ्राय बितिआर गोरोबथा नि गेजेरजों उदां
जानांगौमोन, बेयो नेम खा, सोरबा हाथियार लानानै सोरखार नि बेरेखा दावहा नाङोब्ला,
उनाव सिसफायार खालामोब्ला सोरखार आ बिथांमोनजों सावरायना सो गोरोबथा खालामबाय,
गोरोबथा नि गिबि दफा या नो जेल आव थानायफोरखौ उदां जानाय आ जानांगौमोन होनना बो
बुंबावो।
उरिश्या याव माउबादि जों सोमोन्दो थानाय सा 295 सोद्रोमाफोरा गावखौनो गथायदों, मालकानगिरि जिला नि स्वाभिमान ओनसोल आव सारेन्दार जायो, बे सोद्रोमाफोरा त्रेईनिं मोनदोंमोब्लाबो माउबादि नि आबुं जवान नङामोन, बेबायदि सोद्रोमाफोरखौ मिलिशिया होनना बुङो, उरिश्या नि दिजिपि एस के बन्शल आ फोसावनाय बादिब्ला गोबां हौवा हिनजाव फोरा थांनाय 2 जुन आव गावखौनो गथायनायनि उनाव दायो बिसोरखौ नुनानै 295 या बो गावखौनो गथायो। बेजों लोगोसे गामि आव सोरखारि जौगानाय खामानिफोरखौ नुनानै हाग्रा निफ्राय फिन फैफिननानै गोजोनै जिउ खांनो फैफिनदों होनना दिजिपि आ बुङो, लोगोसे बे केदारफोरनो एमजिएनरेगा जब कार्द पेन्शन कार्द आरो गेलेनायनि नांगौ जानायफोरखौ होजोबगोन होनना खौरां मोनदों।
कक्लाबारि उफ्रा बिसायखथि नि फिथायखौ मोनबाय,
ईउपिपिएल दोलो नि दैदेनगिरि मावथि बिथांमोना आशा खालामनायबादि नो गोबां भत जों
देरहायो ईउपिपिएल दोलो नि बिजाथि मन्तु बर बिथाङा। खौरां मोननाय बादिब्ला 16246 भत
बारा मोननानै देरहादों, नैथि नम्बर आव दं बिपिएफ नि बिजाथि शंकर बसुमतारि बिथाङा।
22 नं कक्लाबारि बियाब नि उफ्रा बिसायखथि नि रिजाल्त बेयो। खौरां मोननाय बादिब्ला
मन्तु बर बिथाङा 32571 भत मोनदों। गुबुनफारसे कार्बिआंलं अतनमास काउन्सिल नि
बिसायखथि नि भत साननाय आ बो जागासिनो। खौरां मोननाय बादिब्ला बिजेपि आ नो खौरां
लिरनाय सम सिम बांसिन मासि मोनदों, बिथांमोना सोरखार दागोन आ रोखा जाबाय। बे
बिसायखथि आव सासे बर बिजाथि आ बो बिसायखथि आव बिजेपि नि जानानै गेलेदोंमोन, बिथाङा
बो देरहादों।
तामुलपुर जिला नि नाग्रिजुलि पुलिस सक नि सिङाव थानाय बगामाति आव सनिबारखालि बेलासि नि समाव मोनसे दुखुनांथाव जाथाय जानानै थाङो। भुतान हाजो निफ्राय फैनाय दैमा खौ सानस्रिना बारनो नागिरनाय आव नो दै आ बुखारना लाङो सासे बर सुबुं खौ। बुखारजानाय सुबुंनि मुं खौ तामुलपुर जिला नि महरिपारा नि बारग जवान थानेश्वर बर, 40 बोसोर बैसो नि, मिथिना मोननाय बादिब्ला थानेश्वर बर आ बेलासि समाव सानैसो लोगोफोरजों बेरायनो थांदोंमोन बगामाति आव। गुबुन सानै लोगोजों लोगोसे सानस्रिना बारनो नागिरदोंमोन, गुबुन सानै आ बारनो हाबायमोन, नाथाय थानेस्वर खौ बुखारना लाङो दै आ। एसदिआरएफ नि दोलो आ नागिरगासिनो। खौरां लिरनाय सम सिम नागिरना मोनाखै होनना मिथिना मोनदों।
12 जुन, 35थि बड'लेण्ड मुंख्लं सानखौ एबसुआ देग्लाइ धेमाजि जिल्लानि बेन्दोंङाव थानाय एस.बि. बड' गोजौ फरायसालिनि गेलेग्रा फोथाराव सानसेनि मेहेरगोनां हाबाफारिजों मिरुयै खुंफुंगासिनो। हाबाफारि बादियै फुंबिलिनि गोथार आर'जखौ जागायनानै आफादनि फिरफिलाखौ स'से बिरहोयो मिरु एबसुनि आफादगिरि मानावगेदेद मुस्रि दिपेन बर'आ। बड'लेण्ड मुंख्लंफोरनो बिबार बउजेनो एबसुनि बोसोनगिरि मानगोनां मुस्रि खुंख्रा सर्गियारीया आरो सुजित नार्जारीनि सावगारियाव बिबार बाउजेनो एबसुनि बारग' लेङाइ आफादगिरि आरो बिकेडाब्लिउएचिनि लेङाइ चि.इ.एम मुस्रि रमिअ' पि. नार्जारीया। गोजोन आरो खौसेथिनि थाखाय फारौ आरो बेलुन बिरहोयो मुस्रि रजत रामसियारी (गाइसनगिबि गाहाइ नेहाथारि, लखिमपुर जिल्ला एबसु) आरो ललित चन्द्र बर'(बारग' गाहाइ फोरोंगिरि, एस.बि. बड' गेजेर फरायसालि)या। लोगोसे मुंख्लं सानजों बिफां फुलिखौ गाइजेनो मनुरन्जन बसुमतारी( आफादगिरि खौसेथि बर' सुबुं आफाद) आ। आफादनि फिरफिलाखौ बिरहोनानै लाखिनाय बिबुंथियाव मिरु एबसुनि आफादगिरि मानावगेदेद मुस्रि दिपेन बर'आ बर' हारिनि सिनायथि थामोन्था आरो रैखाथिनि थाखाय गावनि जिउखौ बाउलांनाय साफ्रोमबो जोहोलाव जोहोलावनिसिम गासैबो बर' हारिनि जानानै सिबिनाय आरो खुलुमनायखौ बाउहरनानै बर' हारिखौ बुहुमाव गाइसनलांनो गावनि जिउखौ बाउलांनाया गोर्लै नङा होननानै मुंख्लंनि थांखिया थांनानै थानाय साफ्रोमबो बर'सानिनो गुबै थांखि होननानै गावनि बिबुंथियाव बुंङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon