24 June Evening bodo news 2022

हादरगिरि नि बिसायखति नि थाखाय नमिनेशनलाय होबाय एनदिए नि बिजाथि द्रोपदि मुर्मु आ, बे नमिनेशनलाय होनाय हाबाफारि आव गाहाय मन्थ्रि, नखर मन्थ्रि, रैखाथि बिफान नि मन्थ्रि, आसामनि गिबि मन्थ्रि, आसामनि बारग गिबि मन्थ्रि, दानि मिरु नि मन्थ्रि बिथांमोना बाहागो लादोंमोन, मखजाथावदि बिजेपि दैदेननाय एनदिए आ द्रोपदि मुर्मु खौ बिजाथि महरै सायखदोंमोन, बेबायदिनो बेरेखा दोलो नि आ यशवन्त शिन्हा या हादरगिरि नि बिजाथि, फैगो 18 जुलाई आव जागोन बिसायखथि आ, जुदि द्रोपदि मुर्मु आ हादरगिरि जायो अब्ला बिथाङा हादरनि गिबिसिन जनजाति आयजो आरो नैथि आयजो हादरगिरि जागोन।

          हादरनि गुबुन गुबुन जायगायाव अग्निपथ नि बेरेखा जाबाय थानाय समाव नो अग्निबिर नि एप्लाई आ दिनै निफ्राय जागायबाय। ईन्दियान एयार फर्श आव अग्निपथ नि रेजिसत्रेशन आ जागायबाय। दानसे नि उनाव नो आनजाद आ जागोन, गिबि दोलो खौ दिसेम्बर आव सोनाय जागोन, दिसेम्बर नि गेजेरावनो त्रेईनिं आ जागायगोन।

         6 बोसोर सिगां फरायसालि नि बाथरुम आव जिनाहारि खालामनायनि दाय आव 5 बोसोर जेल नि साजा होदों फरायसालि नि नो मोनसे बिबान आव थानाय सासे बिजेपि नि दैदेनगिरि दिगन्त शईकिया खौ, मैया सराईदेउ जिला बिजिरसालि आ 5 बोसोर जों लोगोसे 10 रोजा रां नि जरिमाना बो होदों। 2016 मायथाई नि 24 सेप्तेम्बर आव सोनारि नि बगरिगुरि कस्तुरबा गान्धि बालिका फरायसालि आव सासे थाखो 7 नि फरायसुलि खौ बोलो बाहायनानै जिनाहारि खालामनायनि अजद होदोंमोन, पुलिस थाना याव गसर बो होदोंमोन, दायो 6 बोसोर नि उनाव जेल नि साजा जों लोगोसे जरिमाना होबाय।

          एसबिआई एतिएम आव सोमोनांथआव लुथिनाय जाथाय। नारायनपुर नि भोगपुर आव एसबिआई एतिएम आव जादों सिखाव। मैया हर आव जादों होनना मिथिना मोनदों, एतिएम नि मोखांखौ हानानै 13 लाख सो रां लाना थांदों होनना मिथिना मोनदों। दायो जिला प्रसासन आ थांनानै नायबिजिरनायखौ जागायबाय।

          मोनसे सोमोनांथाव जाथाय। दालां नि सायाव स्कुति खौ दोननानै दैसा याव बारनाय जाथाय जादों, सासे सावस्रि बिफान आव खामानि मावनाय आयजो आ। शिबसागर नि आमगुरि घात नि दिखौ दालां नि सानिफ्राय हर आव शिखा गगै मुंनि आयजो आ दै आव बारो, जयशागर नि थागिबि आयजो आ। जयसागर नि नो सावस्रि बिफान आव खामानि मावोमोन, गाहाय न आ आखैफुतिया जयरापारा याव, बिमा नि साख्रि नि थाखाय जयसागर नि देहाफाहामसालि नि न ओनसोल आव थायोमोन, मैया दिखौ दैसा नि खाथि आव स्कुति खौ दोननानै गोमायो शिखा आ, बेनि थाखायनो रायजोफोरा सन्देह खालामदों, एसदिआरएफ नि दोलो आ जाथायसालि आव थांनानै नायबिजिरगासिनो दं, गावखौनो बुथारनो नागिरनायनि जाहोन खौ नखरनि जेंना नि थाखाय नो जानो हागौ होनना सन्देह खालामनाय जादों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post