कक्राझार आव सानाव नो रां लुथिनाय जाथाय। सानाव नो 6 लाख रां लाना थांबाय।
6 लाख रां दिहुनना सासे सुबुं आ रां नि बेग खौ लानानै गारि आव हाबनाय समाव रां
लुथिग्राफोरा गारि नि खाथि आव रां बिलाय गांनैसो गारना दोनदोंमोन गारि नि खाथि आव,
बब्रुबहन बसुमतारि मुंनि गोजोनफुरि नि सासे थिकादारनिफ्राय रां खौ लाना थाङो। बे
रां गोलैना थानायखौ नुनानै आंनि रां आ सो गोलैदोंनामा सानना 6 लाख रां नि बेग खौ
गारि आव दोननानै गोलैनाय रां खौ दिखाङो, बे समावनो नायखाना थानाय सिखावफोरा
गारिनिफ्राय रां खौ लाना थाङो। सानै बाईक आव फैनाय सुबुंफोरा लाना थाङो। नाथाय
बिसोरहा सा 5 सो सुबुंफोरा लोगोसे नो खामानि खौ मावदोंनि सन्देह खालामदों रां
लांजानाय आ। गारि खौ लक खालामनानैनो रां खौ दिखांदोंमोनब्लाबो गारि आ लक जायाखैमोन
होनना रां लांजानाय आ बुंदों, रां खौ खामानि मावनाय लेबारफोरनो होनो थाखाय एक्सिस
बेंक निफ्राय दिहुनदोंमोन। बितिआऱ आव बेबायदि रां लुथिनाय जाथाय जाबाय थानाय आ
थारैनो दुखुनांथाव, आगोलावबो सिरां आरो कक्राझार आव नो रां लुथिनाय जाथाय आ
जादोंमोन।
बेनो जोबथा सान्स, दिनै 23 जुन हरनि 9 बाजि नि उनाव आरो माब्लाबाबो भत होनो
मोननाय नंलिया। बर फिसा नबजित नो भत होनायनि जोबथा सम आ दिनै हर नि 9 बाजि।
9152915246 नम्बर आव मिश कल मोनसेल होनो नांगौ भत नि थाखाय। नोंथांनि मोनसे मिसकल
आ नो बर फिसा खौ देरहासाद खालामनो हागौ। भत खौ दासिमबो होआखैब्ला होदो। फैगो 26
खालारखालि ग्रेन्द फिनाले आ जागोन। मिरु एबसु आ बो गासैखौबो भत होनो खावलायदों,
लोगोसे दखरा आरो दालाय एबसु नि बिबानगिरि मावथिफोरखौ दिनै गामि गामि थांनानै रायजो
राजाफोरनि मबाईलजों बे नम्बर आव फन हरनो थाखआय गोख्रोंयै बिथोन होदों।
गुदाम आव नो सेवबाय दैबाना याव खहा जाजानाय सुबुंफोरनो होनो थाखाय फैनाय
500 कुईन्तल मायरं आ। बोकाखात आव सोराङाव फैदों मोनसे गिदिर मायरं नि केलेंकारि,
गोबां अफिसारफोरनि गोसो गैयि खामानि नि थाखाय नो बे जाथाय आ जादों, आसामनि गिबि
मन्थ्रि गासैखौबो मदद खालामनो खावलायनाय आ 24 घन्ता जायियावनो बेयो सोराङाव फैयो।
बकाखात नि दै सम्पद बिफान नि गुदाम आव फैनाय 500 कुईन्तल मायरं सेवनाय आव रागा
जायगा नि रायजोफोरनि, लोगोसे गोबां संगथनफोरा। सेवनाय मायरं नि बेसेन आ 10 लाख सो
नि जागौमोन होनना मिथिना मोनदों। खौरां मोननाय बादिब्ला गासै 1000 कुईन्तल मायरं
लाबोदोंमोन 2019 मायथाई आव दैबाना नि मुङाव, बेनिनो 500 खौ होबाय, नाथाय उननि समाव
दैबाना जायिनि थाखाय 500 खौ राननाय जायासै, गुदाम आव नो गोग्लैना थाबाय। 2 बोसोर
नि बारा गोग्लैना थानाय आव नो मायरं आ सेवलांनो हमो।
रायजो आव
दैबाना नि थासारि आ ईसे मोजां अबस्था याव फैदों, बेनि गेजेरावनो गोबां सुबुंफोरनि
गोबां खहा जाबाय रायजो आव। बे सावगारि आ मंगलदै नि मोब्लिब बिफान नि मावखुलि नि।
दैबाना नि गिथावना थासारि नि समाव गोनांथार फोरमान बिलाय जों लोगोसे मुवा
बेसादफोरनि खहा जानायखौ नुनो मोनदों, लान 3 सो दै नि सिङाव नो थाबाय गोनांथआर
फोरमान बिलायफोरजों लोगोसे 8 ता कम्पिउतार, लेपतप आरो गोबां मुवा बेसादफोरा, हर आव
फैनाय हरखाब दैबाना नि थाखाय नो बेबायदि जायो होनना मिथिना मोनदों, मावथिफोरा हर
आव बेफोरखौ बोखांनो थांदोंमोनब्लाबो दै आ बारा जानाय आव बोथांनो हायासै जायनि
थाखाय गोबां लाख रां नि मुवा बेसादफोरा नस्त जायो। गुबुनफारसे रायजो आव दैबाना नि
थाखाय 100 सुबुंपोरनि जिउ गोमादों आरो 55 लाख सुबुंफोरनि गोबां खहा जादों होनना
मिथिना मोनदों। गोबां जायगा याव गिथावना महर आ ईसे खम जादोंब्लाबो दासिमबो दाबनैसो
जायगा याव थासारि आ गाज्रिआनो जाना दं। 32 जिला नि 55 लाख सो सुबुंफोरहा गोबां खहा
जादों होनना मिथिना मोनदों।
आसाम आव सा 21
सन्देहगोनां बांलादेशि थागिबिफोरखौ हमदों बिएसएफ आ। मैया करिमगन्झ जिला नि बदरपुर
आव हमनो हायो, हमजानायफोरनि गेजेराव रोहिंगिया नोगोरारि बो दं होनना खौरां मोनदों।
बिसोर साननै सिगाङाव गुवाहाति निफ्राय बदरपुर आव थांदोंमोन, सा 21 नि सा 9 आ
हौवासा, सा 9 आयजो आऱो सा 3 गथफोर, दायो गासैबो बदरपुर पुलिस थाना नि सिङाव दं।
गोलाघात नि 2
नं बेङेनाखुवा गुदि फरायसालि आव मोनसे जाथाय जादों। फरायसालि आव होनाय जाग्रा
आदारखौ जानानै सा 9 गथफोरनि देहा या गाज्रि जानायनि खौरां मोनदों। देहा गाज्रि
जानायफोरखौ गलाघात नि शहिद कुशल कुवर देहाफाहामसालि आव लाना थाङो। मिथिना मोननाय
बादिब्ला गेजेर समाव होनाय ओंखाम आरो दावदै खौ जानायनि उनाव नो जादों जाथाय आ, उदै
सानायजों लोगोसे गोबानाय जादोंमोन, बे जाथाय आ जानायनि उनाव नो गोबां सुबुंफोरा
सोमोनांदों।
आफगानिस्तान आव फैनाय गिथावना
बांग्रि आव थैनायनि अनजिमा या बारा जानानै 1000 सिम मोनहैनायनि खौरां मोनदों, बांग्रि आ आफगानिस्तान आव हर
गेजेर आव फैदोंमोन होनना खौरां मोनदों। थैनायजों लोगोसे 1500 नि बारा जोखोम जादों
होनना बो मिथिना मोनदों, बेखौ बाखतार निउज एजेन्सि निफ्राय
मिथिना मोनदों, गोबां सावगारिफोर नुनो मोनदों बांग्रि
नि गिथआवना महर नि। बासायग्राफोरा बासायगासिनो, हेलिकप्तारनि गेजेरजों
गोबांखौनो बासायनाय जादों, थैनायनि अनजिमा या बारा जानो हागौ,
गोबां न
फोरा नो गाज्रियै बायदों, मिथिना मोननाय बादिब्ला हर गेजेरनि
1.30 सो आव खोला सानजा खोस्त सोहोर निफ्राय 44 किमि सो गोजान आव जादोंमोन बांग्रि
आ। बांग्रि फैनाय समाव उन्दुना थादोंमोन सुबुंफोरा। रिखतार स्केल आव बेनि
मेगनितिउत खौ 6.1 होनना मिथिना मोनदों, बांग्रि आ पाकिस्तान आव बो
मोनहैदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon