दिनै कक्लाबारि नि उफ्रा बिसायखथि नि भत साननाय आ जागोन। लोगोसे नो
कार्बिआंलं अतनमास काउन्सिल नि भत साननाय आ बो जागोन दिनैनो। सोर देरहायो दिनैनो
मिथिगोन। मथजाथावदि थांनाय 8 जुन आव बिसायखथि आ जागोन।
कक्राझार आव जानाय सासे फालांगिरि नि लुथिनाय जाथाय जों सोमोन्दो थानाय सा 5 सुबुंफोरखौ हमदों, बे सा 5 नि सा 3 आ बारग
केएलअ नि सोद्रोमामोन होनना मिथिना मोनदों। कक्राधार जिला नि सालाकाति आव
सुक्रबारखालि जादोंमोन जाथाय आ, गावखौनो केएलअ नि सोद्रोमा बुंना लानानै बिकाश जैन
मुंनि सुबुंखौ खर आव जोखोम खालामनानै रां लुथिदोंमोन, मैया फुङावनो कक्राझार नि
गुबुन गुबुन जायगा निफ्राय हमदों दायनिगिरिफोरखौ, केसबक्स निफ्राय 15 रोजा रां
लुथिना लाना थांदोंमोन।
नबजित नार्जारि नो भत होबाय ना नोंथाङा।
होआखैब्ला भत खौ होदो थाबैनो। 9152915246 नम्बर आव मिस कल हरोब्ला नो जायो। थाबैनो
फाईनेल सिम मोनहैनांगौ नबजित आ, नोंथांमोननि भत खौ मोनोब्ला सो फाईनेल मोनगोन सासे
बर फिसा या।
एबसुनि बानजायनायाव बिटिआर गोजोन गोरोबथानि दफाफोरखौ मावफुंनाय आरो बारग' एन.डि.एफ.बिफोरनि जेंना सुस्रांनायनि सायाव दिनै क'क्राझार कमार्स फरायसालिमानि नब्लांङाव जर'खा सावराय मेल खुंदों। हाबाफारि बादियै फुंबिलिनि गोथार आर'जखौ जागायनानै सावराय मेलखौ मासि लानानै दैदेनो मिरु एबसुनि लेङाइ आफादगिरि
मानगोनां मुस्रि खोरोमदाव वारीया आरो हाबाफारिनि गुबै थांखिखौ बेखेवनानै होयो मिरु
एबसुनि आफादगिरि मानावगेदेद मुस्रि दिपेन बर'आ । गुबै थांखि बेखेवनाय हाबाफारियाव मिरु एबसुनि आफादगिरि मानावगेदेद
मुस्रि दिपेन बर'आ एबसुआ हारिनि साफ्रोमबो दैदेनगिरिखौनो खौसे
जानायखौ लुबैयो होननानै गुबै थांखि बेखेवनाय बिबुंथिनि गेजेरजों फोरमायो। खौरां मोननाय बादिब्ला बितिआर सुक्ति नि गेजेरजों एनदिएफबि नि गासै 4203
केदारफोरा रिहेबिलितेशन मोनबाय, गोबां बारग एनदिएफबि फोरा दासिमबो मोनाखै,
एनदिएफबि नि सायाव थानाय 2018 गसर फोरनि गेजेराव 278 आ बोखारजाबाय होनना बो खौरां
मोनदों, लोगोसे नो बे सावरायनाय आव गायसनगिबि आफादगिरि रन्जन दैमारि जों लोगोसे
गासै 91 दैदेनगिरि सोद्रोमा फोरा दालिमबो जेल आव नो थानो गोनां जादों, बेनि सायाव
सावरायनाय जायो, बेनिनो आसाम आव सा 74, भुतान आव सा 2, रायजो नि बाहेर आव सा 15 या
जेल जाना दं। एबसुनि आफादगिरि दिपेन बर बिथाङा बुंदों- बितिआर सुक्ति आ 2 बोसोर
बारलांबाय आरो दासिम 60 जौखोन्दो मावफुंजाबाय, रन्जन दैमारि आरो गासैबो जेल जानाय
सुबुंफोरखौ थाबैनो जेल निफ्राय उदां खालामनाय आरो गसरफोरखौ बोखारनो खावलायनानै
दिपेन बर बिथाङा 2024 मायथाई नि गेजेराव सुक्ति नि दफा फोरखौ मावफुंजोबगोनखौ आसा
खालामो, बेखौ खालामाब्ला गुबुन साननो गोनां जागोन होनना बुंदों बिथाङा। बे जर'खा सावराय मेलाव बि.टि.आर.गोरोबथानि सागानगिरि आफादनि दैदेनिगिरिफोर फारियै
मुस्रि गोबिन्द्र चन्द्र बसुमतारी, (लेङाइ चि.इ.एम. बिटिआर), लरेन्स इस्लारी, (बारग' गाहाइ नेहाथारि एबसु आरो एम.एल.ए. सानजा क'क्राझार), सायखं बसुमतारी,
(बारग' आफादगिरि, एनडिएफबि(एस) आरो एमचिएलए, बिटिआर), अनजालु बसुमतारी,
(बारग' गाहाइ नेहाथारि एनडिएफबि), रन्जित बसुमतारी, (बारग' गाहाइ नेहाथारि एनडिएफबि(एस) आरो इ.एम. बिटिआर), धीरेन्द्र बर', (बारग' आफादगिरि, एनडिएफबि(दि), आरो नरेन चन्द्र बसुमतारी, (एचिएस, बिटिचि)आ बुंथिगिरि आलासि महरै बाहागो लानानै
गावबा गावनि नोजोरफोरखौ गेबेंङै फोरमायलायो । लोगोसे फैगौ समाव जयैनो बिटिआर
गोरोबथाखौ जाय थांखिजों खालामनाय जादोंमोन बै एखे थांखियावनो जयै गसंथानानै
मावफुंनो थाखाय बयनिबो सुबुरुनजों थांखि आजावलायो ।
12 जुन, 35थि बड'लेण्ड मुंख्लं सानखौ देग्लाइ एबसुआ धेमाजि
जिल्लानि बेन्दोंङाव थानाय एस.बि. बड' गोजौ फरायसालिनि गेलेग्रा फोथाराव मिरु आरो
धेमाजि जिल्ला एबसु जथायै खुंफुंनो थाखाय लाहार फाहार खालामगासिनो. दिनैनि हाबाफारियाव बयखौबो
बाहागो लानो थाखाय मिरु एबसु आ खावलायदों।
आसामनि गिबि मन्थ्रि नि मन्त्रि आफाद
बारायनायनि उनाव गिबिखेब दिसपुर नि बाहेर आव तेजपुर आव मैया केबिनेत नि जथुम आ
जायो, बेयावनो मोननैसो गोनांथार थिरांथाफोर लानाय जायो, फैगो जुलाई दान आव शिलसर आरो
आगस्त दान आव कक्राझार आव जागोन केबिनेत नि जथुम आ होनना आसामनि गिबि मन्थ्रि आ
फोसावनानै होदों। मैया नि जथुम आव 22 ता जों लोगोसे 600 थिरांथाफोरखौ दायो लानाय
जायो होनना मिथिहोदों, बे 600 थिरांथाफोरनि गेजेराव मोननैसो खौ बाहायबायबो, बेखौ
रायजोपोरनो फोरमायना होनो थाखाय हाग्रा मन्थ्रि चन्द्रमोहन पातवारि नि दैदेननाय आव
मोनसे कमिति दाना होदों होनना मिथिना मोनो। मैया लानाय मोननैसो थिरांथाफोरा जाबाय-
दिसपुर आव नांथाना थानाय 1037 ता हा नि एप्लिकेशन खौ फोजोबबाय, 1992 मायथाई
निफ्राय नो गुबुन गुबुन जिला नि हा नि जेंना या दिसपुर आव नांथाना दंमोन। अमृत
सरोबर बानायनो 350 कौति रां नि गनायथि। सुबनसिरि आव दालां बानायगोन, 2.4 कि मि
गोलाव, बेबायदि नो पाग्लादिया नि सायाव बो 890 मितार गोलाव दालां बानायनाय जागोन
होनना थिरांथा लादों, लामा बो बानायनाय जागोन कुमारिकाता निफ्राय नयाबस्तिखौ
फोनांजाबनाय। सलार नि बेबस्था बो खालामनाय जागोन, 1000 मेगावात मोब्लिब दिहुननाय
नि थाखाय बेबस्था, 5000 रोजा कौति सो रां खरसा खालामगोन, मोब्लिब मितार,
त्रान्सफर्मार जगायनायनि मुङाव 8.727 कौति रां नि गनायथि। लासित बरफुकन नि 400 थि
जोनोम सान जों लोब्बा लाखिनानै 150 फुत गोजौ मुसुखा बानायनाय जागोन, तेजपुर नि
सेन्त्रेल जेल नि जायगा खौ सोलायनाय जागोन होनना बो खौरां मोनदों। बेफोरनि
अनगायैबो गोबां फिसा गेदेर थिरांथाफोर दंबावोमोन।
650 केजि तेजपुर नि लिसु खौ लन्दन आव हरनाय
जादों, तेजपुर नि लिसु आ गोबां मुंदांखा, मैया आसामनि गिबि मन्थ्रि आ फ्लेग अफ
खालामना होयो। सम्बारखालि गुवाहाति निफ्राय दिल्लि, दिल्लि निफ्राय लन्दन सिम
दैथायहरनाय जागोन। लन्दन आव लांनाय लिसु नि थाइसे नि बेसेन आ 35 निप्राय 40 रां
जादों। मखजाथावदि 1923-24 मायथाई नि आसाम साहित्य सभा नि बारग आफादगिरि आरो तेजपुर
मिउनिसिपाल बर्द नि गिबि सिन गाहाय पदृनाथ गोहाई बरुवा या गायनाय दंफां निफ्राय
हरदों। अग्निगर फार्मार्स एससियेशन आरो जिला आबाद बिफान नि मदद आव बेखौ हरनायनि
बेबस्था खालामदों। 35 निफ्राय 40 रां आव बायनाय फिथाय नि सिङाव बेगर गैया आरो
जायगा नि फिसा फिसा लिसुखौ 2 रां 50 फैसा याव बायदों, मोननै जातो नि बे लिसु खौ
लन्दन आव फारियै 1 केजि आव 850 आरो 350 रां आव फानदों।
बर' हारिनि जरखा बिथा, थागिबि फोरनि हानि मोन्थायखौ लानानै कक्राझार सहराव थानाय
बिगियान फरायसालिमानि निल कमल ब्रह्म सावराय जथुम नब्लांआव बनसु, बड'लेण्ड जनजाति सुरक्सा मन्च, अल इण्डिया बड' पिपुलस नेसनेल लीग फर बड'लेण्ड स्तेतहुदनि बान्जायनायाव नेसनेल सिमिनार बान्जायदों। बे
हाबाफारि आव गोबां बर नि दैदेरगिरि बिथांमोना बाहागो लादोंमोन होनना मिथिना मोनदों
सासे बर सुबुं आ गुबुन हारि नि सुबुं जों गाग्लोबजानायनि खौरां। बाक्सा
जिला बोरबरि पुलिस थानानि सिंआव थानाय नयाबस्थि हालाम खैरानि बेबोस’रा गामिनि राजा
बर’खौ थांनाय 7 जुन खालि हरनि 10.30 सो रिंगायाव माधब कलिटा मुंनि दुथांङा गोबौ हाथियारजों खाफालाव
दानख्लाबनानै गोब्राब जखम खालामो । गाग्लोब जानाय राजा बर’ आ जाथायनि सायाव फोरमायनाय बादिब्ला 7 जुन खालि हरनि समाव हाल एवग्रा ट्रेक्टराव थाव गोयैलाय
दिजेल थाव लायनो होननानै थांदोंमोन आरो थावखौ लाना गिदिंबोफिननाय समावनो लामायाव
माधब कलिटा मुंनि दुथांङा गोबौ हाथियारजों खाफालाव दानख्लाबनानै जखम खालामो होनानै
फोरमायो ।जाथायजों लोबबा थानाय माधब कलिटा खौ बरबरि पुलिस थानायाव एजाहार होनाय
जादों मोनब्लाबो दिनैसिम बरबरि थानानि पुलिसा दायनि गिरि माधब कलिटाखौ हमनो जेबो
राहा लायाखै होननानै राजा बर’आ अजद दैखांदों ।
मुंदांखा मेथायखनगिरि जास्तिन बिबार नि देहा नि
हालोद आ गाज्रि जादों, बेराम आव गोग्लैदों फेसियेल पेरालायसिस आव, 28 बोसोर बैसो
नि मेथाय खनगिरि आ तरेन्तो आव थि खालामनाय मेथाय खननाय हाबाफारि नि सिगां नो देहा
गाज्रि जानायनि खौरां, सुक्रबारखालि ईन्सतग्राम आव मोनसे पस्त सेयार खालामनानै
बुंदों रामशे हान्त सिन्द्रम आव गाग्ग्लोबजादों। मोखां आव पेरालाईज जालांनो हमदों,
बे बेराम आव खोमा नि खाथि नि मोखां आव स्नायु आव गोहोम गोग्लैयो, बेल नङा बेनि
गोसोआव लाखिनो हानाय गोहो आ बो गोमालाङो होनना खौरां मोनदों. मेथायखनगिरि आ
बुंदों, दायो बिथांनि ब्यायाम आ सोलिगासिनो होनना बुंदों आरो 100 जौखोन्दो बेराम
निप्राय बारगनो थाखाय गोबां सम नि गोनांथि दं होनना बो बुंबावो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon