मिरु सोरखार आ
10 लाख साख्रि होगोन हादर नि सुबुंफोरनो, फैगो 1 खावसे बोसोर आव नो होजोबनो
थिरांथा सोरखार नि। 2024 नि लोकशभा बिसायखथि आ फैगासिनो, बेनि सिगाङाव नो गिदिर
फोसावनाय। पिएमअ नि त्वित आव बुंदों- गाहाय मन्थ्रि नरेन्द्र मदि आ गावनो गासैबो
बिफान नि खौ नायनानै बे साख्रिफोरखौ होनो बिथोन। रेल बिफान आव 2 लाख 30 रोजा,
रेभिनिउ बिफान आव 74 रोजा, दाक बिफान आव 90 रोजा, सिभिल बिफान आव 2.5 लाख सो, हम
मिनिस्त्रि आव 1 लाख 30 रोजा सो मासि लांदां जाना दं होनना मिथिना मोनदों। मोदि
सोरखार नि सिङाव बेकार सुबुंफोरनि अनजिमा या गोबां जादों होनना बेरेखा दोलो आ
बुंगासिनो मोन। दायो साख्रि खौ होनो हायोब्ला माबायदि जायो मिथिसिगोन।
दिनै बन्ध थागोन कामरुप मेत्र जिला नि फरायसालि कलेज फोरा। जिला याव हाबाय थानाय अखा नि थाखाय देबाना जादों, लोगोसे दिनैबो अखा हाबाय थानो हागौ होनना बोथोर बिगियान आ बुंनायनि उनाव नो बेखौ फोसावनानै होदों जिला बेंगिरि आ। आगु खौरां नि थाखाय गासैबो फरायसालि, कलेज एबा सोलोंथाय फसंथानफोरखौ बन्ध लाखिनायनि बिथोन, जिला बेंगिरि पल्लब गोपाल झाई आ बेखौ फोसावनानै होदों, बन्ध थागोनब्लाबो थि सम आव आनजाद खौ खुंनो हागोन होनना बुंदों।
एबसुआ देग्लाइनि "16थि कमल कुमार ब्रह्म देरहासाद बान्था- 2022 "नि मान बाउनाय हाबाफारिखौ सिरां जिल्ला बेंटलनि जांख्रिखां फोथाराव सानसेनि मेहेरगोनां हाबाफारिजों खुंफुंदों । हाबाफारि बादियै फुंबिलिनि गोथार आर'जखौ जागायनानै आलारि बाथि फोजोंनानै रुंसारि कमल कुमार ब्रह्मनि सावगारियाव बिबार बाउजेनो हाबाफारिनि जर'खा आलासि मानगोनां मुस्रि उत्पल बरकट'कि (पाटशाला सिक्सापित आदर्श गोजौ फरायसालि, बरपेटा) या । एबसुनि आफादगिरि मानगोनां मुस्रि दिपेन बर'आ मासि लानानै दैदेननाय 16थि कमल कुमार ब्रह्म देरहासाद बान्था- 2022 नि मान बाउनाय हाबाफारिखौ बेखेवनानै होयो मानगोनां मुस्रि जगदिश प्रसाद ब्रह्म(ए.इ.एस, बिथोनगिरि सोलोंथाइ बिफान बि.टि.चि.)या आरो जर'खा आलासि महरै बाहागो लायो मानगोनां मुस्रि उत्पल बरकट'कि (पाटशाला सिक्सापित आदर्श गोजौ फरायसालि, बरपेटा) या । लोगोसे हाबाफारियाव बुंथिगिरि आलासि महरै बाहागो लायो मानगोनां मुस्रि जयन्त' बसुमतारी(बारग' लेङाइ आफादगिरि, एबसु आरो सिदली समस्तिनि एम.एल.ए) आरो रन्जित बसुमतारी ( इ.एम. 14 नं चिरां दुवार,बिटिआर)या । मख'जायोदि, देग्लाइ बर' बिजोंनिफ्राइ गासै सा 17303 फरायसाफोरा आनजादाव जिरायदोंमोन आरो बिनि गेजेराव गासै सा 1977 फरायसाया सेथि थाखोआव उथ्रिसार जानो हायो । लोगोसे बिनि गेजेरावनो सा 4 फरायसा थरायना रिम्फि दास (83%), थरायना अनजालि गर(68%), मुस्रि नेलसन सर'निया(67'5%) आरो थरायना धन्स्रि बर्मन(63%) आ बर' बिजोंङाव फरायनानै सेथि थाखोआव उथ्रिसार जानो हायो । 16थि कमल कुमार ब्रह्म देरहासाद बान्था मान बाउनाय हाबाफारिया ओनसोलनि मेलेमजिबि राइजो राजा आरो गोजौ, गोजौसिन फरायसालि आरो फरायसालिमाफोरनि फरायसाफोर बाहागो लानायजों मोजांङै मोजां जाफुंसार जालाङो। गुबुनफारसे दुलाराय बर फरायसा आफादनि आफादगिरि दिपेन बर'आ सोरखारनि सोलोंथाइ बिफाननि अपिसार फोरनि हेंथायै बेरफ्रुसार बिबुंथि होदों- आसाम सरकारनि सोलोंथाइ बिफानननि खाइसे अपिसार फोरा बर' बिजोंखौ बिमा बाथुल नोजोरजों नायनाय आरो खाइसे अपिसार फोरा बर` बिजोंनि फरायसालिफोरखौ सिलिंखार खालामनो खैसार खालामनायनि थाखायनो दिनै 611 फरायसालिफोराव सासेल फोरोंगिरि दं बे बाथ्राखौ बुंदों दुलाराय बर फरायसा आफादनि आफादगिरि दिपेन बर'आ।
मिरु सोरखार आ भारत नि रैखाथि हान्जा हा, दै आरो बार नि मोनथाम ब्रान्स नि साख्रि नि थाखाय फोसावदों गोदान बिथांखि। बेनि मुं खौ अग्निपथ होनना बुंदों, रैखाथि बिफान नि मन्थ्रि राजनाथ सिंह बिथाङा बुंदों, बेयाव खामानि मावनायफोरखौ अग्निबिर मुं जों मिथिनाय जागोन। साख्रि आव थिसननायनि बैसो आ 17.5 निफ्राय 21 बोसोर बैसो नि गेजेरनि जागोन। भारत नि आरमि नि शर्त बादियै बिसोरनि देहा आरो सोलोंथाय खौ नायनानै सो साख्रि खौ होनाय जागोन, गिबि आव दरमाहा या 30 रोजा रां जागोन, उनाव 45 रोजा सिम बारा जाहैगोन, बेखौ 4 बोसोर ल मावनो मोनगोन। गिबि 6 दान त्रेईनिं होगोन, 4 बोसोर नि उनाव 4 बाहागो नि 1 खौ बिसोरनि रोंगौथि नि सायाव सोनारनानै भारत नि आरमि आव सोगोन आरो 15 बोसोर खामानि मावनो मोनबावगोन, जायफोरा ईन्दियान आरमि आव सायखजायासै बिसोर 11 निफ्राय 12 लाख रां लानानै आजिरा लानायनि सुबिदा मोनगोन। जायफोरा बैसो जाबाय बिसोर आरमि आव अरायथा साख्रि नि थाखाय एप्लाई बो खालामनो हागोन नि खौरां। जुदि सासे अग्निबिर बिबान आव थानाय आव जोखोम जायो एबा जिउ गोमायो बिसोरनो बो आरमि नि खहा सुफुंनाय बादि नो खहा सुफुंगोन होनना बो फोरमायनायनि खौरां मोनदों। भारत नि आरमि नि दानि गर बैसो आ 32, रैखाथि बिफान आ बुंनाय बादिब्ला अग्निबिर आव थिसननाय आ जानायनि उनाव 6-7 बोसोर सो नि गेजेराव 26 सिम खम जानो हागौ होनना साननाय जादों।
गोबाङानो एनदिएफबि नि गायसनगिबि आफादगिरि रन्जन दैमारि सार नि बिजिरसालि नि जोबथा राय नि खौरां खौ नेगासिनो, दासिम जेबो खौरां मोनथवाखै, मैयानिफ्राय नो नेगासिनो, दिनै खौरां लिरनाय सम सिम बो जेबो खौरां खौ नो मोनाखै, खौरां आ नंखाय सो जानो हागौ दां, मानोना नेशनेल लेबेल नि खौरां बिजों आव एसेब्लाबो होगौमोन, नाथाय मोनसेआवबो होनाय नुनो मोनाखै।
मैया जानाय हंकं नि बेरेखा कलकाता याव कुवालिफायिं मेस नि सिगाङाव नो भारत नि दोलो आ एशियान काप नि थाखायय सायखजाबाय। भारत नि फुतबल दोलो आ मैया हंकं खौ 4-0 गल जों फेजेनदों, नाथाय बेखौ गेलेनायनि सिगां नो सायखजाखाबायमोन, मानोना ग्रुप नि जोबथा गेलेनाय आव फिलिपाईन्स आ पेलेस्ताईन नि आखाय आव 4-0 गल जों जेनदोंमोन, मोन 6 ग्रुप आव गासै 24 दोलो आ गेलेगासिनो कुवालिफायिं मेस खौ, 2023 नि एशिया काप आव गासै 24 दोलो आ गेलेगोन, बेनिनो 13 आ दायो सायखजाखाबाय। कुवालिफायिं राउन्द निफ्राय मोन 6 ग्रुप नि देरहानाय दोलो आरो मोन 5 गाहाय दोलो आ सायखजागोन। मैया देरहानानै भारत आ ग्रुप नि गिबि नम्बर आव थायो।
आसामाव मैयानिफ्राय हाबाय थानाय अखा या गोबां जायगा याव नो दैबाना खालामदों। बयनिख्रुय बांसिन गुवाहाति आव नो अखा हाबाय थानायनि थाखाय दैबाना जानायखौ नुनो मोनदों, हाबाय थानाय अखा नि थाखाय हा गिसिखानाय आव गुवाहाति आव हाजो नि हा न सायाव गोग्लैनाय आव सा 4 सुबुंफोरनि जिउ गोमादों होनना खौरां मोनदों। बरागाव नि निजरापारा याव जादों, हर आव उन्दुबाय थानाय समाव नो जायो जाथाय आ, भारा थानाय महरै थायोमोन थैनायफोरा, गासैबो मिस्त्रि मावोमोन। थैनाय सुबुंफोरनि मुङा मनोवार हुसेईन, मतिउर हक, आमरुल हक आरो हासानुर आलि। फुङावनो पुलिस आरो एसदिआरएफ नि दोलो नि मदद आव गोथै देहा खौ बोखांनो हायो। हाबाय थानाय अखा नि थाखाय प्रसासन आ सांग्रां जानो खावलायदों गासैखौबो। आसामनि गुबुन गुबुन जायगा याव 17 जुन सिम अखा हाबाय थानो हागौ। आसाम आरो मेघालय नि थाखाय रेद एलार्त भारत नि बोथोर बिगियान। कामरुप जिला प्रसासन आ सुबुंफोरखौ गोनांथार नङाब्ला ननिफ्राय ओंखारनो होआखै।
सासे आईएएस अफिसार नि मार्कशित आ भाईरेल जादों। ईंराजि आव 35, सानखान्थि आव 36, नोंथाङा सोरनिबा मार्कशित आव बेबायदि नुयोब्ला जानो हागौ बे फरायसा नि साख्रि ईयुन खौ बारा मोजां मुवाबो जानो हागौ, नाथाय जिउ आव जायखिजाया मोनसे नि मोननाय नम्बर आ नो जोबथा बाथ्रा नङा, बेनि फोरमान होदों सासे आईएएस अफिसार आ। गुजरात नि भाशुर नि जिला बेंगिरि तुशार दि सुमेरा या साननैसो सिगाङाव गावनि 10 थि नि आनजाद नि मार्कशित खौ सेयार खालामदोंमोन, जेराव बिथाङा ईंराजि आव 35 आरो सानखान्थि आव 36 नम्बर ल लानानै बर्द नि आनजाद खौ उथ्रिसारदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon