गोबाव सान नि उनाव कक्राझार आव फिन गुलि नि सोदोब, कक्राझार जिला नि
सेरफांगुरि थाना नि सिंनि नाराबारि आव मैया हर नि 8.30 सो आव सोरबा सिनायमोनि
हाथियार लानाय सुबुंनि गुलि आव जोखोम जायो सासे फालांगिरि आ। सुनिल मन्दल मुंनि 40
बोसोर बैसो नि सुबुं आ जोखोम जादों, गोब्राब जोखोम जानाय सुबुंखौ मोजां फाहामथाय
नि थाखाय बङायगांव नि सरखाररिनङि देहाफाहामसालि आव सोदों होनना खौरां मोनदों।
मिथिना मोननाय बादिब्ला गंसे गेलामाल दखान होनानै जिउ खुंनाय सुनिल आ मैया दखान नि
बेन्स आव जिरायना थानाय समाव नो मथर साईखेल आव फैनाय सानै सुबुं आ सुनिल मन्दल नि
फारसे गुलि गावहरो, गुलि आ सुनिल नि देहा याव नाङो आरो गोग्लैयो बियो। गुलि
गावनानै सायमोनि सुबुंफोरा खारखुमायो, गुलि नि सोदोब खोनानाय लोगो लोगो दावराव
दावसि जाजोबो, उनाव पुलिसफोरा थांनानै देहाफाहामसालि आव लाना थाङो। जाथायजों केएलअ आ सोमोन्दो थानो हागौ होनना सन्देह खालामदों आरो साननैसो सिगां फन नि गेजेरजों 2 लाख
रां दाबि खालामदोंमोन होनना मिथिना मोनदों।
आसाम आव बन्ध जागोन 30 नि खम फरायसाफोर थानाय 800 फरायसालिफोरा, सोलोंथाय
बिफान नि मन्थ्रि डाँ रनुज पेगु बिथाङा मैया खौरांमेल नि गेजेरजों बुंदों बेखौ,
गुनोउत्सब नि समाव फरायसालि नि नफोरखौ नायनाय जादों, गोथां न थानाय 16 जौ फरायसालि
नि 800 खौ पाका नि बानायनाय जागोन, माहारियारि सोलोंथाय खान्थि नि बिथोन बादियै
फरायसालिफोरखौ मोजां खालामनाय जागोन, लोगोसे बिथाङा मेट्रिक आवजाद नि सायाव बो
बुङो, 7 जुन आव मोनगोन मेत्रिक आनजाद नि
फिथाय खौ. आगोलनि बादि नो तप 10 थागोन मेत्रिक आव, आनजाद आव फेल जानाय फोरनिसिम
सोलोंथाय मन्थ्रि नि खावलायनाय, मेत्रिक आनजाद आ नो जिउ नि जोबथा आनजाद नङा,
जेननाययनिफ्राय मोननाय एक्सपेरियान्स नि गेजेरजों गोबां जौगानो हायो। फिथाय आ
जिआनो जा, दुखु जानांगौ गैया, मेत्रिक आव जागा मोननायफोरनो लेपतप होनायनि सायाव
जेबो थिरांथा लायाखै होनना बो बुंबावो बिथाङा। मखजाथावदि मेत्रिक नि रिजाल्त खौ
नायनो थाखाय सेबा या गासै मोन 14 ता वेबसाईत आरो मोनसे मबाईल एप दिहुनना होदों। आंनि वेबसाईत bodoinfo.com आव थांना बो नायनो हागोन।
दुलाराय बर' फरायसा आफादनि, दालायसा, जौमा आरो मुलुगसोलोंसालिफोरनि फरायसाफोरजों जरखा सावरायनाय हाबाफारि।
सोलोंथाइजों सोमोन्दो थानाय जेंनाफोरनि सायाव आरो गुबुन गुबुन समाजारि, रांखान्थि सोमोन्दो थानाय गोबां जेंनानि सायावबो
गुवारै सोंनाय फिन्नाइ लोगोसे गोथौयै सावरायनाय जादोंमोन। बे हाबाफारि खौ नाराबारिआव थानाय आयजो जौमानि नबलांआवलानाय जादोंमोन आरो
बेखौ बानजायदोंमोन कक्राझार जिल्ला दुलाराय बर' फरायसा आफाद आ।
रायजो नि सोरगिदिं भाईरेल मोनसे खौरां, 30 रां आव नो मोनगोन 30 लितार
पेत्रल, गुदुं खौरां होनना बुङोब्ला गुबुन आरो मोननैसो जों बेखौ मोनफागोन, खम
बेसेन आव नो पेत्रल मोनगोन आ ससियेल
मिदिया खौ गरम खालामाना होदों, 30 रां आव नो 30 लितार पेत्रल, रानोब्ला 1 रां ल गोग्लैयो
लितारसे आव, गासैबो हादर आव नो पेत्रल दिजेल नि बेसेन आ बारा जालांगासिनो दं,
नाथाय माबोरै मोनगोन बे 30 रां नि पेत्रल खौ, बेबो आसाम आव नो मोनबावगोन सो, बेखौ
बङायगांव जिला नि बरपथार आव मोनगोन बे थाव खौ, जेबो रोखोमनि भेजाल गैया बे थाव आव,
खौरां मोननाय बादिब्ला सानैसो सेंग्राफोरा मोनसे लतारि गेलेनाय लाबोदों, बङायगांव
जिला नि बरपथार गामि नि सेंग्राफोरा बे लतारि गेलेनायखौ लाबोदों। बेयावनो दं
बान्था या। बे लतारि गेलेनायखौ लाबोनायनि थांखि आ बेसेन बांनायनि बेरेखा खालामनाय।
तिकेत नि बेसेन आ 30 रां। बेयाव बान्थाफोरा दं- गिबि आ 30 लिचार पेत्रल, नैथि आ 20
लितार दिजेल, 3 थि आ 10 लितार जानाय थाव, बेबायदिनो फारियै 5 लितार रिफाईन, 50
केजि मायरं, 5 केजि मसुर दालि, 10 केजि आता, 25 केजि आलु, 20 केजि पियाज आरो
आबुंयै सोनाय गंसे सिलिन्दार बायदि बायदि दं होनना मिथिना मोनदों। 4800 ता तिकेत
नि बे गेलेनाय आ फैगो ईद नि सिगाङाव 8 जुलाई आव जागोन होनना मिथिना मोनदों।
गोदान मन्थ्रि आफाद आव ईउपिपिएल निफ्राय सासे थागोन आ रोखा, जों आगोलावनो
सावरायलायखादों, बेयाव नैथि बाथ्रा जेबो गैया, गिबि मन्थ्रि आ मोजाङैनो सोरखार खौ
सालायलांदों, आसा खालामो गोदान मन्थ्रि आफाद दानायजों आरो 2 गुन बोलो जों सोरखार
खौ सालायनो हागोन आरो बोलोगोरा जागोन मन्थ्रि आफाद आ। बेफोर गासैखौबो बुंदों
बितिसि नि गाहाय प्रमद बर बिथाङा।
बिपिएफ नि एमएलए दुर्गादास बर बिथाङा मैया खौरां मेल नि गेजेरजों ईउपिपिएल
दोलो नि बेरेखा बुंदों- बिथाहा बुंदों कक्लाबारि बियाब आव आगोलाव देरहानाय प्रमद
बर बिथाङा मोननै बियाब आव बिसायखथि गेलेदोंमोन, गुबुन मोनसे आ गयबारि मोन, नाथाय
मोनसे खौ गारनांगौ जायोब्ला गयबारि खौ गारगोन होनना बुंदोंमोन नि अजद, बेनि
गेजेरजों रायजोफोरखौ थगायनाय जादों, बेफोरनि अनगायैबो कक्लाबारि आव न बानायना
होगोन होनना बुंदोंमोननि अजद, लोगोसे नो मन्थ्रि ईउजि ब्रह्म बिथाङा बो थांनाय 1
खावसे बोसोरनि सम आव मा मा जौगानायनि खामानि मावखो होनना सोङो, बिथांमोननि समाय
लानाय आ मामोन, 15 सान नि गेजेराव हा नि पत्ता होगोन होनना बुंदोंमोन, दिनैसिम
साबेसे नो होगोन होनना बुंदों, बिथांमोना आयजो ग्रुप नो 75 रोजा रां होगोन होनना
बुंदोंमोन, साबेसेनो होखो, मोनफ्रोमबो गामि नि मोनसे भत आव मोनसे साख्रि होगोन
होनना बुंदोंमोन, साबेसे नो होखो होनना सोंनायजों लोगोसे फैगो सम आव आरो मामा
नंखाय सिमाय लागोन होनना बो सोंबावो।
नबजित नार्जारि नो भत होबाय ना नोंथाङा। मैया हर निफ्राय नो भत होनाय आ
जाबाय। थाबैनो भत खौ होदो, बर जानानै बर नो नो भत होआब्ला बोरै जानो। भत होनाय आव
थायसेबो रां थाङा, मिस कल ल सो हरनो नांगौ, 9152915246 नम्बर आव कल खालामब्लानो
जागोन, नाथाय रिं जादों ना जायाखै मोजांयै खोनासं, रिं जायाब्ला बेखौ भत महरै
गनायना लाया होनना मिथिना मोनदों, रिं जायाब्ला फिन खनसेबाव कल खालामब्ला नो
जाबाय।
तिताबर आव सोमोनांथाव जाथाय, सियाल नि बेदर होननानै जाबाय सैमा नि बेदरखौ
नो। तिताबर नि गोपालपुर आव जादों बे सोमोनांथाव जाथाय आ, नालिया गगै मुंनि सासे
सुबुं नि बेरेखा गिदिर अजद, सियाल बेदर होनना सैमा बेदर खौ नो फानदोंमोन बियो।
जाथायनि उनाव नो सैमा बेदर जानायफोरखौ गामि निफ्राय हारसिं खालामनाय एबा एरखनायनि
थिरांथा लानायनि खौरां मोनदों, पुलिसफोरा दायो बे दायगोनां सुबुं नालिया गगै खौ
खाबाय होनना मिथिना मोनदों।
मैया आसाम पुलिस नि सासे एसआई खौ पुलिसफोरा नो एरेस्त खालामनायनि उनाव नो
साख्रि निफ्राय बो सासपेन्द खालामबाय होनना खौरां मोनदों। एसआई जोनमनि राभा खौ
थांनाय सान 3 हमनानै जेरा खालामनायनि उनाव मैया गरमुर पुलिस आ एरेस्त खालामदोंमोन।
खौरां मोननाय बादिब्ला बृहस्पतिबारनिफ्राय माजुलि पुलिस आ सोंगासिनोमोन बिखौ।
गावनि जानो गोनां फिसाय नि थगायनायनि गोबां खौरांखौ फोसावनानै आयेन नि जे आव
लाबोदोंमोन एसआई आ, गोबां सुबुंफोरा नो मोजां मोनदोंमोन, नाथाय दिन आ गाज्रिमोन
एसआई नि, जाय अजद खौ लानानै जानो गोनां फिसायखौ हमदोंमोन बे एखे अजद नि दाय आव नो
हमबाय बिखौबो, सानैबो लोगो जानानै सो गाज्रि खामानिफोरखौ मावदोंमोन, बेंक एकाउन्त
आव लाख लाख रां नि लेनदेन जानायनि खौरां मोनदों पुलिसफोरा, एक्सिस बेंक आव 9 लाख
नि बारा रां हाबदोंमोन, गासै 20 लाख सो रां नि लेनदेन खालामनायनि गिदिर अजद।
बेफोरनि अनगायैबो आरो गोबां दं सन्देह गोनां, दायो गोजा न नि आलासि जानो गोनां
जाबाय।
सोनाब
कार्बिआंलं दख'रा दुलाराय बर' फरायसा आफादनि
बानजाइनायाव दिनै आपार लुटुमारि आरो लांसिबुकयाव गामिनि राइजोफोरखौ लानानै समाजारि
सांग्रांथि मेल खुंदों । बे
हाबाफारियावनो गाहाइ बुंथिगिरि महरै बाहागो लायो मिरु एबसुनि गाहाइ नेहाथारि
मानगोनां मुस्रि खनिन्द्र बसुमतारीया । गाहाइ
बुंथिगिरि महरै बाहागो लानानै मिरु एबसुनि गाहाइ नेहाथारि मानगोनां मुस्रि
खनिन्द्र बसुमतारीया बर' सुबुंफोरा जेरावखि राइजो जायामानो गावनि राव आरो हारिमुखौ लानानैनो नबथिखौ
गाइसननांगोन होननानै गावनि बेसेनगोनां बिबुंथिनि गेजेरजों बुंङो । मानोना
गेरेमसा माहारि गाइसननो थांखि लाखानाय बर' हारिया 130 कौटि सुबुंजों बुंफबनाय भारत हादोरआव 25 लाख बर' सुबुंफोरा
सिनायथि मोननांगौब्ला जों जेरावखि थाया गावनि आंगो बर' राव, थुनलाइ आरो
हारिमुखौ अराय लाखिनांगोन होननानै गावनि बिबुंथियाव दाजाबदेरनानै बुंबावो । बुंथिगिरि
महरै बाहागो लानानै बर' थुनलाइ आफादनि बारग' लेङाइ आफादगिरि मुस्रि बिशेसर बसुमतारीया
बुहुमनि बर'फोरखौ खौसे
खालामनो थाखायनो एबसु आरो बर' थुनलाइ आफादआ हर सान खामानि मावगासिनो होननानै
थांनाय हाबथा मोनसेनि सिगांनिफ्राइनो मिरु एबसुनि दैदेनगिरिफोरा कार्बिआंलंआव
थाफैनानै गामि गामि राइजोफोरखौ लानानै सावरायगासिनो होननानै गावनि बिबुंथियाव
बुंङो। बे
हाबाफारियाव कार्बिआंलं जिल्ला बर' थुनलाइ आफादनि आफादगिरि सातिराम बसुमतारी, जिल्ला बर' थुनलाइ आफादनि
बारग' गाहाइ
नेहाथारि निरमल
बसुमतारी आरो कार्बिआंलं जिल्ला एबसुनि बोसोनगिरि मुस्रि एन्टनि बसुमतारीयाबो
बुंथिगिरि महरै बाहागो लायो। बे
हाबाफारियावनो मिरु एबसुनिफ्राइ फारियै गेलेमु नेहाथारि गनेस बसुमतारी, सोलोंथाइ
नेहाथारि सोमावसार बसुमतारी आरो सुबुं फोनांजाब नेहाथारि अबित नार्जारीयाबो बाहागो
लायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon