दिनै फुंनि 10 बाजिनाय लोगो लोगो नो मेत्रिक नि रिजाल्त खौ मोनगोन। गासै 14
ता वेबसाईतफोर आरो मोनसे मबाईल एप नि गेजेरजों मोनगोन। मार्कशित खौ अनलाईन दाउनलद
खालामना लानो हागोन। आंनि गासैबो साबसक्राईबार्श जाय मेत्रिक आनजाद खौ होदों
नोंथांमोननिसिम All the
best. मेत्रिक निख्रुय बांसिन गोनां होनना बुङोब्ला हायार सेकन्दारि आ सो जायो,
बेखायनो बेयाव बारा मोजां जायाब्ला दुखु जानाङा, हायार सेकन्दारि खौ मोजां
होयोब्ला नो जाबाय उनाव। आनजाद नि फिथायखौ लानानै गोजोनाखैब्ला पर्तेल नि गेजेरजों
एप्लाई खालामनो हागोन, 10 जुन आव खुलिना होगोन सेबा नि पर्तेल खौ। आनजाद नि लिरनाय
बहि खौ नायफिनहोनो हागोन, गुबुनफारसे गां 3 आयदा नि बारा याव फेईल खालामोब्ला, 170
नम्बर मोनोब्ला कम्पारमेन्तेल होनो मोनगोन होनना बो खौरां मोनदों। बे बोसोर आव
गोबां फरायसा फोरा नो पास जानो हागौ, आसामनि गिबि मन्थ्रि आ थोंजों यै बुंना
होआखैब्लाबो कभिद नि सोमोन्दै बुंनानै बे बोसोर आव रिजाल्त आ मोजांसिन जानांगौ
होनना बुंदों।
मैया बिपिएफ नि नेहाथारि प्रबिन बर आ गावनि बिबान एंगारनाय नि उनाव खौरांगिरिफोरनि सिगाङाव बेयो गावनि थिरांथा होनना फोरमायो, गावनि असुबिदा नि जाहोन दं, बेनि थाखाय नो दोलो निफ्राय ओंखारदों, उनाव मा जायो माबायदि राजखान्थि जों सोमोन्दो थागोन बेफोरखौ आंनि मोजां मोनग्राफोरजों सावरायलायनानै थिरांथा लागोन होनना बो फोरमायो, गुबुनफारसे मैया हाग्रामा महिलारि आ बाग्सा नि सालबारि नि दोलो नि मावखुलि आव बुंदों प्रबिन बर आ सोर होनना, आं प्रबिन बर खौ सिनाया, मेल्ला प्रबिन बर दं, बिथाङा बुंदों दायो बिसायखथि नि सम, सोर प्रबिन बर आ मा खालामदों खालामाखै बेखौ रायलायनो फैयाखै, आं बिसायखति नि बाथ्रा सो रायलायगोन होनना बुंदों बिथाङा, आं थाखा फैसा गैयि मानसि, प्रमद बर नि बादि रोजा रोजा सुबुंफोर लानानै मितिं खालामनो हायाखै, आं गामि गामि गिदिंनानै फिसा फिसा मितिं खालामनानै रायजोफोरनि खाथि आव थांदों होनना बो बुंबावो। बिथाङा लोगोसे मन्थ्रि आफाद बारायनायनि सायावबो बुङो- जों मन्थ्रि नि थाखाय दाबि दैखांदों, नाथाय गिबि मन्थ्रि आ सो मिथियो, बिथांनि सायावसो सोनारगोन होनना बुंदों। गुबुनफारसे फिन खनसेबाव बिथाङा प्रमद बर नि सोरखार आ 5 बोसोर थाङा होनना बुंदों, बितिसि आव बिपिएफ आ नो सोरखार दागोन होनना बुबावो।
गुबुनफारसे मैया ईउपिपिएल दोलो आ खौरांमेल खुंदोंमोन- कक्लाबारि बियाबनि बिसायखथि नि 12 जुन आव फिथाय नि उनाव नो हाग्रामा महिलारि नि बिपिएफ दोलो आ नो थानाय नंलिया, बिपिएफ नि सा 11 एमसिएलए आरो एमएलए फोरा बो गुबुनफारसे थांगोन होनना राज्यसभा नि एमपि रोनगोरा नार्जारि बिथाङा बुंदों, बिपिएफ दोलो आ देरहानो थाखाय बे बियाब आव बिसायखथि गेलेयाखै, दोलो नि सिन खौ ल दिन्थिदों, कक्लाबारि नि रायजोफोरनि जौगानाय शांति नि थाखाय ईउपिपिएल, बिजेपि जिएसपि नि लोगोसे होनाय बिजाथि मन्तु बर नो भत होनानै देरहासाद खालाम होनना बुंङो बिथाङा। बिथाङा लोगोसे हाग्रामा महिलारि आ फिन सोरखार दागोन होनना बुंनाय आ नंखाय होनना बुङो, मानोना हाग्रामा नि बिपिएफ दोलो नि सासे नि उनाव सासे दैदेनगिरि एमसिएलए फोरा दोलो खौ नागारगासिनो, हाग्रामा या ईयुन आव माब्लाबाबो सोरखार दानो हाया होनना रायजोफोरा हाग्रामा खौ बिदाय होबाय होनना बुङो।
हर्खाब गोरा नेम, 18 बोसोर बैसो नि सिंनि फोरा तेतो आखिना लानो मोना। चिन सोरखार नि गिदिर थिरांथा, 18 बोसोर बैसो नि सिंनि सेंग्रा सिख्लाफोरखौ तेतो बानायनो मोना होनना रोखा खालामना होदों। बेबायदि आखिना लानाय आ समाजबाद नि गाहाय नेम खान्थि नि बेरेखा खालामनाय जायो, जाय पार्लारफोरा 18 बोसोर बैसो नि खम नि खौ खालामगोन बिसोरनि बेरेखा आयेन नि राहा लागोन होनना फोरमायो चिन नि प्रसासन आ, चिन सोरखार आ बे नेम खौ दिहुनना होनायनि उनाव नो गावनि गासैबो जायगा फोराव नो बाहायसिगोन।
जोबोद दुखुनांथाव बाथ्रा। बितिआर गोरोबथाया जानानै थांबाय, एनदिएफबि आव हाबनाय आ 15 बोसोर जानायनि उनाव बो क'क्राझार जिल्ला खारिगाव आवोट पष्टनि सिङाव थानाय मुराबारि गामिनि Buddha Machahary (M.Birbay) NDFB नि गोख्रों दावहारु बिथाङा दिनैसिमबो गावनि नख'राव फैफिनाखै, हारि नि रैखाथि नि थाखाय गावनि सोमोन्दै जेबो साना लासै नो एनदिएफबि नि सोद्रोमा या दायो बहा माबोरै दं जेबो खौरां गैया।
बिनिखायनो
बिथांनि नख'रा गामिनि
राज्यो-राजा फोरजों लोगोसे नख'रनि जाथि खुरमाफोरखौ लानानै गामिनि नेम
खान्थिजों बिथांनि मुङाव फैगौ 08 जुन 2022 इं अक्ट खालि सारादु एबा जोबथा बिदाय होनो
थाखाय थिरांथा लानाय जादों होनना मिथिना मोनदों। दुखुनांथाव खौरां।
मैया 6 जुन, 2022 अक्ट'आव चिरां जिला एबसुनि आवथायाव थानाय बिजनि बिजनी दख'रा एबसुनि बान्जायनायाव एबसुनि "आदब आरो गुनगोनां सोलोंथाइ मावथांखि" बायदियै बर' बिजोंनि गुदि फरायसालियाव 1000 (से रोजा) फोरोंगिरि थिसननानै फरायसाफोरनो बेसेन नाङै फोरोंथाय होनाय हाबाफारिखौ बर'बाजार गुदि सोलोंथाइ जौगाखां खोन्दोनि सिङाव थानाय लावख्रिगुरि गामिनि 2 नं कराइसालि गुदि फरायसालियाव मावफुंनाय जायो। बर' आरो असमीया बिजोंनि बे फरायसालिया 1988 मायथाइयाव गायसन जादोंमोन। नाथाय फरायसा गोयैनि जाहोनाव असमीया बिजोंआ 5 बोसोर आगोलावनो बन्द जानानै दङ। जोबोद गोमोथाउ बाथ्रादि, बे फरायसालियाव बर' बिजोंनि सा 26 फरायसा दङ नाथाय फोरोंगिरि गैया, बेराफारसेथिं असमीया बिजोंनि सासे फोरोंगिरि दङ नाथाय सासेबो फरायसा गैया। बेनिखायनो बिजनी दख'रा एबसुआ थरायना माइनाव दैमारी (BA) खौ बर' बिजोंनि फरायसाफोरनो गुनगोनां बेसेन नाङै फोरोंथाय होनो थाखाय दिनै हाबाफारिनि गेजेरजों बिबान होनाय जायो। बिजनी दख'रा एबसुनि आफादगिरि सुबिलाल दैमारीनि आफाद सामलायनायाव खुंनाय ओंथिगोनां मेलखौ बेखेवनानै होयो चिरां जिला एबसुनि आफादगिरि राजु कुमार मसाहारी बिथाङा। हाबाफारियाव एबसुनि लोगो गाहाइ नेहाथारि दिनेश ब्रह्म बिथाङा बर' हारियाव सोलोंथाइनि हारखौ जौगाहोनो थाखाय एबसुआ आजावनाय थांखि आरो मावथांखिफोरनि सोमोन्दै बुंथियो आरो एबसुनि मावथांखिफोरखौ जाफुंसार होनायाव मदद होनो थाखाय फोरोंगिरि, दिथागिरि आरो राइजो-राजाफोरखौ खावलायो।
बिपिएफ दोलो नि गिदिर खहा, बिपिएफ दोलो नि नेहाथारि प्रबिन बर बिथाङा गावनि बिबान खौ गारबाय। गोबाव सान सिगांनिफ्राय नो बिपिएफ नि थाखाय खामानि मानबोनाय प्रबिन बर बिथांनि हरखाब बिबान एंगारनाय आ सोमोनांहोदों बयखौबो. मा जाहोन नि थाखाय गारखो मिथिनाय जायाखै, जाय समाव बिपिएफ आ बितिसि आव सोरखार दाफिनगोन होनना दाबि खालामगासिनो बे समाव नो हर्खाब मोनसे सोमोनांथाव खौरां। गाहाय दैदेनगिरि बिथाङा नो बेबायदि मानो खालाममारखो बेखौ उनाव सो मिथिसिगोन। मखजाथावदि 2009 मायथाई निफ्राय नो बिपिएफ गोख्रों मावथि महरै गुबुन गुबुन बिबान लाबोदोंमोन। दायो बिपिएफ नि गाहाय हाग्रामा महिलारि बिथांनो बिबान एंगारनायनि लायजाम खौ हरो। आगोलाव बिथाङा एजिपि आरो बिपिएफ नि जानानै बरमा बियाब आव खननै बिसायखथि गेलेदोंमोन।
उत्तर प्रदेश नि बाहराईस निउपाय मोनसे सोमोनांथाव जाथाय आ सोराङाव फैदों। सासे सुबुं आ आयेन बेरेखा सोमोन्दो थानायनि सन्देह बिसि नि गन्थं खौ अरनानै अरसना होयो। जाथाय नि उनाव नो बिसि खौ देहाफाहामसालि आव सोनो गोनां जादों। जाथाय नि सोमोन्दै मिथिनाय बादिब्ला रजनि देबि मुंनि आयजो आ मोब्लिब बिफान आव खामानि मावो। साननैसो सिगाङाव फिसायजों नांलायनानै बिमा नि न आव थांदोंमोन, उनाव फिसाय आ निमाहा बिनानै बिमा नि ननिफ्राय लाबोयो, नाथाय लामा गेजेरावनो गुबुन सानै लोगोफोरनि मदद आव हाथाय जों अरना होयो आरो बेबायदि नो अरसयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon