सेरफांगुरि जनता फरायसालिमानि गोरायुं डः सुबुं बसुमतारीआ बड'लेण्ड मुलुग सोलोंसालिनि गोदान रेजिष्ट्रार महरै
थिसनबाय। खौरां मोननाय बादिब्ला बिथाङा बिबानखौ रुजुनबाय। खौरांगिरिफोरनि सिगाङाव
बिथाङा जनता कलेज खौ गारनानै फैनो बोरैबा मोनदोंमोन होनना फोरमायो, नाथाय बयहाबो
मोनसे लुबैनाय थायो साबसिन निफ्राय हामसिन जानायनि, बेनि थाखाय नो एदभारताईज खौ
नुनानै एप्लाई खालामनानै ईन्टारभिउ होनानै सायखजानानै जइन जाबाय होनना बुंदों। बिथांनि
रेजिष्ट्रार बिबान रुजुन्नायखौ जोबोद गोजोन्नाय फोरमायदों बड'लेण्ड मुलुग सोलोंसालिनि आगुनि रेजिष्ट्रार एबा बर' बिफाननि गाहाइ डः इन्दिरा बर'आ।
राजखान्थियारि ब्रेकिं निउजः ईउपिपिएल दोलो निफ्राय मनोरन्जन ब्रह्म
बिथांखौ होखारनाय जाबाय। दोलो नि बेरेखा, सोरखार नि बेरेखा आऱो लोरबां खामानि
मावनाय नि थाखाय नो दोलो निफ्राय होखारनाय जाबाय होनना दोलो आ फोसावनानै होदों।
जेनेरेल सेक्रेटारि राजु कुमार नार्जारि बिथाङा होखारनायखौ मिथिहोयो। मखजाथावदि
बिथाङा थांनाय बिसायखति नि सिगाङाव सो ईउपिपिएल दोलो आव हाबदोंमोन। बर नि मुंदांखा
फावखुंग्रि रिया ब्रह्म नि फिसाय बिथाङा। दासिम बेनि सायाव होखारजानाय मनोरन्जन
ब्रह्म निफ्राय जेबो रोखोमनि बुंनाय खोनानो मोनाखै।
हायार सेकेन्दारि आव फास्त दिभिजन मोनोब्ला स्कुटि होगोन, आसामनि गिबि
मन्थ्रि बिथाङा मैया बिसायकति फोसावदिं मेल आव बाहागो लानानै बुंदों। हिनजावसा आरो
हौवासा फोर गासैबो स्कुटि मोनगोन होनना बुङो। मखजाथावदि आगोलावनो हिनजावसाफोरनो
स्कुटि होगोन खौ फोसावनानै होदोंमोन, हौवासा फोरनो बो माबा मोनसे बेबस्था खालामना
होगोन होनना बुंदोंमोन, मैया हौवासाफोरनो बो होगोन होनना बुङो, नाथाय हौवासाफोरनो
स्कुटि खौ नो होमारगोन ना ना गुबुन बाईक होगोन बेखौ उनाव सो मिथिगोन। दासिम
मेट्रिक आरो हायार सेकन्दारि नि रिजाल्ट नि खौरां मोनाखै, माबाफोर खौरां मोनोब्ला
भिदिअ नि गेजेरजों होखागोन।
हान्थामेला बेबस्था नि गासैबो खामानि खौ गोरलै
खालामनो थाखाय रायजो नि हान्थामेला बिफान आ खामानि मालगासिनो दं। अफिसार नि
मावखुलि आव थाङालासैनो गासैबो गोनां खामानिफोरखौ जाहाथे न आव नो मावनो हायो बेनि
थाखाय मोननैसो गोनांथार थिरांथआफोर लादों सोरखार आ, मैया आसामनि गिबि मन्थ्रि आ
बेनि सायाव फोसावनानै होयो। बिथाङा बुंदों आगोलाव दिलार आ गारि नि रेजिस्तेशन नि
लाईजाम खौ होनो हाया, आर सि नि थाखाय 7 सान नेनांगौ जायोमोन, दानिफ्राय दिलार आ नो
दिटिअ नि जानानै साईन होनो हागोन, गारि नि रिनिवेल, द्राईभिं लाईसेन्स नि खामानि,
जायखिजाया द्राईभिं लाईसेन्स नि खामानि फोरखौ अनलाईन खालामनो हासिगोन होनना बुंदों
बिथाङा। गोदान नेमफोरखौ मोजाङै नायोब्ला नेम फोरा- गोदान गारि मथर बायोब्ला जिला हान्थामेला बिफान
नि अफिसार नि साईन नङाब्लाबो आर सि मोनगोन। थागोन दिलार नि साईन, बेखौ जाय दिलार
निफ्राय बायगोन बे जायगा याव नो मोनगोन, गुबुनफारसे अनलाईन नि गेजेरजों नो
लाईसेन्स आव माबाफोर गोरोन्थि जादोंब्ला सोलायनो हागोन।
बिपिएफ दोलो खौ
मदद खालामदों सानसे समनि ईउपिपिएल दोलो खौ मदद खालामनाय बारग एनदिएफबि नि सोद्रोमा
फोरा। कक्लाबारि बियाब नि माखासे बारग एनदिएफबि नि सोद्रोमाफोरा हाबनायनि खौरां
मोनदों। ईउपिपिएल दोलो खौ आगोलाव मदद खालामदोंमोन, नाथाय दोलो नि खामानि मावनायनि
उनाव बो सोरखार आ नायफिनाखै, जोंहा जेबो भेलु गैयि बायदि, हारि नि थाखाय
सेक्रिफाईस खालामनायनि सन्मान होनो रोङा। बेखायनो बिपिएफ खौ मदद खालामनायनि थांखि
जों हाबो होनना फोरमायो। रन्जन दैमारि बिथाङा गनो नांथारगोन, बिथांजों लोगोसे
गासैबो सोद्रोमा फोरा नो गनो नांगोन होनना बो बुङो। ईउपिपिएल नि सिङाव थानानै नो
खामानि मावदोंमोन, नाथाय मोनसेबो खामानि जायाखै होनना अजद होदों। दायो कक्लाबारि
बियाब आव बिपिएफ खौ मानो मदद खालामनांगौ, बेनि बिजाथि खौ मानो देरहाहोनांगौ बेखौ
रायजोफोरनि सिगाङाव फोरमायगोन होनना बुंदों।
कक्राझार आव
फोरोंगिरिजों लोगोसे सा 3 खौ गाग्लोबनाय जाथाय। सोरबा सिनायमोनि सुबुंफोरनि
गाग्लोबनाय आव फोरोंगिरि आश्राफ आलि, नुरउददिन सेख आरो आनोवार आनशारि आ जोखोम जादों, मैया जादोंमोन, जाथाय खौ गोख्रों राव जों सोंखारिदों
एबिएमसु कक्राझार जिला कमिटि आ। 12 घन्टा नि गेजेराव दायनिगिरि श्यामल सरकार, सुरज
बर्मन जों लोगोसे सासफ्रोमबो दायगोनांफोरखौ हमनो थाखाय सम सिमा होदों, थि सम नि
गेजेराव हमाब्ला एबिएमसु आ आन्दोलन खालामगोन नि हुमखि। मोनसे लामा नि जाब्रबथाय खौ
लानानै नो बे जाथाय आ जानायनि खौरां मोनदों। सा 3 बो गंनै मथर साईखेल जों
फकिराग्राम निफ्राय कक्राझार गोरनगर आव थांबाय थादोंमोन, बे समावनो गंसे अट आ
सौग्रावो आश्राक नि बाईक आव। जोखोम जानाय आव गुबुन गंसे बाईक आव थानाय सानै आ अट
नि सालायग्रा खौ सोबानाय आव नो जायो जाथाय आ, बेयावनो थासारि आ दुंहाव जायो होनना
मिथिना मोनदों। गुबै जाथाय आ मामोन बेखौ मोजां नायबिजिरनाय आव सो मिथिगोन।
कक्राझार जिल्लानि हालादल गामिनि
थागिबि राकेस ब्रह्मनि फिसाज्ला सानमा ब्रह्मआ भारतनि जानानै गिबि खेब USA आव
खुंफुंजानो गोनां World
Games आव Wushu गेलेगोन। फैगौ
7 जुलाइनिफ्राय 17
जुलाइसिम USA नि
बिरमिंहाम आव खुंफुंजानो गोनां World
Games आव भारतनि जानानै सानमा ब्रह्मआ Wushu गेलेनो
खाबु मोन्नाया हादोतजों लोगोसे आसाम आरो बिटिआर आरो कक्राझार ओनसोलाव गोग्गानाय
लाबोदों । बिथांनि मोनसेनि उनाव मोनसे Wushu गेलेनायनि
जाफुंसारनायखौ थुलुंगाखां होनायनि थांखिजों बिटिआरनि गाहाय खुंगिरि प्रमद बर’नि
बिथोन बादियै कक्राझार जिल्ला
कमिटि UPPL दोलोआ
सानमा ब्रह्मनि नआव थांनानै सुलाद लाहैयो आरो 40 रोजा रांआरि
अनसुंथाय होयो। कक्राझार जिल्ला कमिटि UPP नि गाहाइ
नेहाथारि सुरज बसुमतारीजों लोगोसे गुबुन गुबुन बिबाननि सानमा
ब्रह्मनि नआव थांना बिफा राकेस ब्रह्मखौ बरायो आरो सानमा ब्रह्मनि फारसे
थुलुंगाखां होयो।
आसाम सोरखार,
गिबि मन्थ्रि नि बिथोन आव रायजो आव जाख्लनायनि बेरेखा गोरा जानायखौ नुनो मोनदों।
बे समाव देबासिस दास जाय मिउनिसिपाल एदमिनिसत्रेशन नि जुनिअर ईन्जिनियार, 25 रोजा
रां घुस लाना लानानै हमजाबाय। खौरां मोननाय बादिब्ला 50 रोजा रां घुस नि दाबि
खालामदोंमोन तेजपुर नि सासे कनट्रेकटर निफ्राय। 2020 मायथाई आव नो जानाय लामा नि
खामानि नि फैसा खौ होनायनि मुङाव, कनट्रेक्टर कृतिकमल तामुलि आ 60 लाख रां आव
बानायदोंमोन लामा खौ, 2021 मायथाई आव 30 लाख खौ मोनबायमोन, नाथाय बिफान आ 30 लाख
खौ दासिमबो होआखैमोन, ईन्जिनियार आ 25 रोजा रां लानाय समाव नो हमो।
8 जुन आव
सोरखारि बन्ध। बिसायखथि जानो गोनां कार्बांलं अतनमास काउन्सिल आरो उप्रा बिसायखथि
जानो गोनां बिटिसि नि 22 नं कक्लाबारि बियाब नि ओनसोलफोराव 8 जुन खालारखालि
सोरखारि बन्ध फोसावनानै होदों, साधारन प्रसासन बिफान आ बे सानखालि ओनसोल नि
सोरखारि सोरखारि नङि मावखुलि, सोलोंथाय फसंथान, बेंक साहा बागान आरो उद्योग जों
लोगोसे गासैबो फालांगियारि फसंथानफोरा बन्ध थागोन होनना मिथिना मोनदों। 8 जुन आव
जानो गोनां बिसायखथि नि थाखाय गुबुन गुबुन दोलो फोरा फोसावदिंनायखौ गोसा
खालामनायखौ नुनो मोनदों।
ह्वात्सएप आ
भारत नि 16.66 लाख भारत नि एकाउन्तफोरखौ बेन खालामदों, एप्रिल दान आव मेसेजिं एप आ
बे बेन खालामनाय खौ खालामो, खौरां मोननाय बादिब्ला 122 एकाउन्त फोरखौ
बाहायग्राफोरनि अजद नि उनाव आरो 16.66 एकाउन्त फोरखौ एप आव गाज्रि खामानि
मावनायफोरखौ होबथानो बेन खालामो, ह्वात्सएप नि नेम बादिब्ला सासे सुबुंनि एकाउन्त
खौ बेन खालामनाय जायो जुदि बाहायग्राया ह्वात्सएप आव बायदिसिना गाज्रि खामानि मावो,
एप्रिल नि सिगां मार्च दान आव 18 लाख आरो फेब्रुवारि आव 14.25 लाख सुबुंफोरनि खौ
बेन खालामदोंमोन।
आदब आरो
गुनगोनां सोलोंथाइ मावथांखि बादियै आसाम नाङै बर' बिजोंनि गं 1000 गुदि
फरायसालियाव बेसेन नाङै फोरोंथाइ होनाय थांखिजों मिरु एबसुनि बिथोन बायदियै दिनै क'क्राझार जिल्ला एबसुआ बेसेन नाङै फोरोंथाइ बादाखौ बनरगाव दख'रा एबसुनि बेन्दोंङाव थानाय बि.एन. नारजारी फरायसालियाव बेसेन नाङै
फोरोंथाइ बेखेवनायनि गेजेरजों सासे गोदान फोरोंगिरिनो थिसनथाइ बिलाइ गथायनाय जायो। हाबाफारि बायदियै एबसुनि लोगो गाहाइ नेहाथारि मुस्री दिनेश ब्रह्म बिथाङा
फिथा हास'नायनि
गेजेरजों फरायसालिखौ बेखेवनाय जायो आरो फरायसालिनि लांगोनायाव बिफांबो गायजेनो
मुस्री दिनेश ब्रह्म बिथाङानो। फोरोंगिरि थिसन्नायनि गेवलां सावरायमेलखौ दुलाराय
बर' फरायसा आफादनि थुनलाइयारि नेहाथारि मुस्री समित
नार्जारी बिथाङा गावनि सुंद' बिबुंथिनि
गेजेरजों बेखेवनानै होयो। हाबाफारियाव गाहाइ आलासि महरै बाहागो लानानै दुलाराय बर' फरायसा आफादनि लोगो गाहाइ नेहाथारि मुस्री दिनेश ब्रह्म बिथाङा फरायसा आरो
फरायसुलिफोरखौ गुनगोनां सोलोंथाइ लानो थाखाय खावलायो आरो बिमा बिफाखौबो नाजाथाबनायनि
गेजेरजों गावनि फिसाफोरखौ जोथोन लानो थाखायबो खावलायो। आथिखाल मुगाया बिगियान आरो
बिरोंदामिननि मुगा गावनि जिउखौ दानाया गोर्लै नङा बिनिखाइनो साफ्रोमबो फरायसाफोरखौ
गोख्रों नाजानायनि गेजेरजों गुनगोनां सोलोंथाइ लानो थाखाय गावनि बिबुंथियाव दिनेश
ब्रह्मआ बुङो। गेवलां सावराय मेलखौ क'क्राझार
जिल्ला दुलाराय बर' फरायसा आफादनि
आफादगिरि मानगोनां मुस्री ख्रिपेस दैमारी बिथाङा सामलायो आरो हाबाफारियावनो दुलाराय बर' फरायसा आफादनि
लोगो गेलेमु नेहाथारि मुस्री मिनिसोरां ब्रह्म, क'क्राझार
जिल्ला एबसुनि सोलोंथाइ नेहाथारि मुस्री जांगिला औवारी, लोगो सोलोंथाइ नेहाथारि मुस्री फुखन मुसाहारी, थुनलाइयारि नेहाथारि मुस्री हेमन्त बसुमतारीजों लोगोसे बि.एन नारजारी
फरायसालिनि गाहाइ फोरोंगिरि, एस.एम.चि. नि
मासिगिरि, फरायसा
फरायसुलिनि बिमा बिफा आरो ओनसोलनि मेलेमजिबि आरो राइजो राजाफोरा बाहागो लायो।
एशिया काप आव
जापान खौ फेजेननानै भारत नि हौवासा फोरनि दोलो आ ब्रन्ज नि मेदेल खौ मोननो हायो।
जापान खौ 1-0 गल जों फेजेनो, मोनसे ल गल खौ होनो हायो राज कुमार पाल आ. गिबि
कुवार्तार आव भारत नि दोलो आ गोबां पेनाल्टि कर्नार मोनदोंमोनब्लाबो जापान नि
दिफेन्दारपोरा मोजाङैनो होबथानो हादोंमोन, बेबायदिनो जापान आ बो मोनदोंमोनब्लाबो
बिसोरबो सोनो हायासै, हाफ टाईम नि सम सिम 1-0 गल जों आवगायना दंमोन भारत आ आरो
बेबायदिनो देरहायोबो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon