गोजोनथाव खौरां, मिरु एबसु आ UPSC, APSC, Civil Service & Indian Forest Service नि Special Orientation Programme खुंनायनि थांखि।
गासै दाब 6 जायगायाव खुंनायनि थिरांथा 25 जुन निफ्राय 30 जुन सिम। 25 जुन खालि
कक्राझार आव साईन्स कलेज आव, 26 खालि चिरां नि बिजनि आव, 27 खालि बाक्सा नि
मुशलपुर आव, 28 खालि अदालगुरि नि उदालगुरि कलेज आव, शनितपुर नि आ 29 खालि तेजपुर
आव आरो गुवाहाति आव 30 जुन खालि जागोन, गासैबो फुंबिलि नि 10 रिंगा निप्राय जागायगोन।
गोसो गुदुं फरायसाफोरा मोनसे लिंक आव थांनानै रेजिस्तार खालामनो नांगौ, स्क्रिन आव
होगोन लिंक खौ। बे हाबाफारिखौ मिरु एबसु आरो बिकन आईएएस ईन्सतितिउत गोदान दिल्लि आ
लोगो नांनानै खालामदों।
दिमाकुशि आव Hero Jr (U-17) Women’s National Football Championship आ दिनैनिफ्राय जागोन। खौरां मोननाय बादिब्ला आसामनि दोलो आव सा 6 बर गेलेगिरिफोरा जायगा मोनदों। मरिगांव नि रैमालि बर, भेरगांव नि उदांश्रि नार्जारि, कक्राझार नि मौशुमि ब्रह्म, हेरिना बसुमतारि, अन्जुलि ब्रह्म, मरिगांव नि माईनाव बसुमतारि बिथांमोना आसामनि दोलो नि जाना गेलेगोन।
दुखुनांथाव खौरां, सा 3 बर सुबुंफोरनि जिउ गोमादों सारअन्थाय गावनाय आव। जाथाय आ उदालगुरि जिला नि जिंगाबिल आलाईश्रि गामि नि होनना मिथिना मोनदों। जिउ गोमानाय सुबुंफोरनि मुङा मनमति बसुमतारि, रेखा दैमारि आरो दुलुर बसुमतारि।
सा सानजा भारत नि गासै 26 रेल खौ फिन बन्ध खालामजों होनना खौरां मोनदों। अग्निपथ नि बेरेखा जानाय सुबुंफोरनि दुंहाव थासारि सोमजिहोनाय आरो आसामनि दैबानानि थासारि नि थाखाय नो बेखौ खालामदों होनना खौरां मोनदों। गोबांखौ बन्ध खालामनायजों लोगोसे गोबां रेल नि सम आरो लामा खौ सोलायना होदों। दिनै मंगलबारखालि मोन 5 रेल सालायनायखौ बन्ध खालामो। सोरबाफोर फैनो नागिरदोंब्ला अनलाईन नि गेजेरजों नायोब्लानो जाबाय रेल आ दं ना गैया। गोबां रेल स्तेशन आ दैबाना नि थाखाय खहा जानाय आव सालायनाय आव असुबिदा जादों होनना खौरां मोनदों।
तामुलपुर जिला साहपुर बाल्टीफार गामिनि अरजुन बर’ (33) मुंनि सासे सुबुंआ बर’लियाफार दैमायाव ना सारनो थांनानै गोमायो। बाल्टीफार गामिनि बरुंसारि फुनि बर’नि फिसाज्ला अरजुन बर’आ भालुकमारि गामिनि मिजिं दैमारि, सनजिब मुसाहारि, भद्रेस्वर नार्जारि मुंनि साथाम लोगोजों ना सारनो थांदोंमोन। नाथाय बर’लिया दैमाखौ बारनाय समावनो सानस्रिनो रोङै अरजुन बर’आ दैयाव गब’यो। लोगोफ्रा बासायनो नागिरदोंमोन ब्लाबो नाथाय बासायनो हायासै। जाथायखौ मोनथिनाय लोगो लोगो 58नं तामुलपुर बिधानसभा बियाबनि एमएलए जलेन दैमारिया जाथाय जानाय जायगायाव फैनानै खौरां लायो आरो एनदिआरएफ, आरो एसदिआरएफनिफ्राय नागिरदोंमोनब्लाबो दासिम सुबुंखौ नागिरना मोननो हानाय जायाखै।
मरिगांव आव जाथाय। दै आव गोग्लैनानै सानै गथ नि जिउ गोमादों। एम्बु खौ दै आव हगारना होनो थांनाय आव नो दै आव गोग्लैनानै जिउ गोमायो। रायजो आव दैबाना जानाय समाव नो जायो मोनसे दुखुनांथाव जाथाय। एम्बु नि हाबा होनानै एम्बु खौ फख्रि आव हगारना होनो थांदोंमोन सानै गथ आ। मरिगांव नि पातिदैया नि जाथाय। थैनाय सानै गथ नि मुं खौ सुनु पातर आरो रिम्पि देउरि होनना मिथिना मोनदों।
सासे ईउतिउबार नि बेरेखा मोजां मोनना थगायनायनि अजद। भाईति मिउजिक मुंनि चेनेल नि बिगोमा मुस्ताफिजुर रहमान नि बेरेखा अजद। युतुब चेनेल आव खामानि मावनो लिंनानै हिनजावसा आयजो फोरजों मोजां मोननायनि फाव खालामो होनना बुंदों सासे हिनजावसा या। गिबि आव ससियेल मिदिया याव सिनायलायो, बेनि उनाव नो मालामाल खालामना होनायि मेसेज हरो, गोरलैयैनो धोन सोरनो नाङा दानि दिन आव, गोबाङानो उनाव फैयो लोगो हमो, गारि न केरियार बायदिनि लोब दिन्थिनानै देहायारि सोमोन्दो बो खालामो होनना बुंदों, गावखौनो हाबा जायि बुंनाय बेनि बिगोमा या खननै हाबा जाखानाय होनना बो अजद। सासे हिनजावसा नि अजद नि बादिब्ला सप्तेम्बर आव लोगो मोनलायदोंमोन, बेनि उनाव आयेन बेरेखा सोमोन्दो लाखिनानै बिगोमा या दायो बेनिफ्राय गोजान जानो नागिरनायनि अजद, आगोलाव हाबा खालामगोन होनना बो बुंदोंमोन, नाथाय दायो गोजान जानो थाखाय बुथारगोन बायदि बायदि बुमखि होदों होनना बुंदों, गुबुन गुबुन समाव पिस्तल दिन्थिनाय देहायारि गाग्लोबनाय बो खालामनायनि अजद, दायो आयेन नि खाथि आव थांदों, थेवब्लाबो मोजां मदद मोनि नि अजद आरो बेखायनो खौरांबिजोंनि गेजेरजों बे अजद खौ होदो होनना बुङो। जाथाय आ बेसेबां सैथो बेखौ उनाव सो मिथिगोन।
सा 3 फिसा नि बिमा खौ पिस्तल दिन्थिनानै जिनाहारि, पुलिस नि सिगाङाव नो रायजोफोरनि गाग्लोबनाय दायनिगिरि खौ, चिरां नि बासुगांव आव सम्बारखालि गिथावना ज जानानै बुनाय जाथाय जायो, उनाव पुलिसफोरा गाज्रिथार हालोद आव दायनिगिरि खौ काजलगांव जेएसबि देहाफाहामसालि आव लाना थाङो। रायजोफोरजों बुजानाय सुबुं नि मुङा बाहारुल मन्दल उरफे हलै, 42 बोसोर बैसो नि। न आ कक्राझार नि सितामारि गामि आव। अजद नि बादिब्ला रबिबार नि मोनाबिलि नि समाव सिरां नि बासुगांव थाना नि सिंनि भुतियापारा याव दायनिगिरि बाहारुल मन्दल आ फिसाय गैयि नि सुबिदा लानानै पिस्तल दिन्थिनानै खुगायाव हि खानानै जिनाहारि खालामो आरो बेखौ सोरनोबा खोन्थायोब्ला गुलि गावना बुथारगोन होनना सिगिदोंमोन, गिनानै आयजो आ रावनोबो खोन्थायाखैमोनबो, नाथाय जायगा नि सुबुंफोरा बे आयजो नि साधारन नङि आखु खौ नुनानै सोंनाय आव जाथाय आ सोराङाव फैयो।, बेनि उनाव नो गामि नि सुबुंफोरनि मदद आव बासुगांव थाना याव एजाहार होयो। लोगोसे दायनिगिरि खौ गामि नि सुबुंफोरा नो नागिरो, बेलासि नि समाव गामि नि सुबुंफोरा खौरां मोनो बाहारुल आ कक्राझार फारसे थांनायनि, बेनि उनाव नो होसो होसो हमो दायनिगिरि खौ। दायनिगिरि नि आव आगोलनिफ्राय नो गोबां गसर फोर दंखायो होनना गोबाङानो बुंदों। गोबांबार जेल आव बो थादोंमोन बियो।
नबजित नि भत होनायनि सोमोन्दै गोबाङानो सोंगासिनो दं। खौरां मोननाय बादिब्ला भत नि सम खौ सोलायदों। भत होनाय आ 23 जुन सिम थागोन हर नि 9 बाजि सिम। भत होआखैब्ला थाबैनो भत खौ होदो। देरहाहोनो नांथारगोन बर फिसा खौ। गोबां सुबुंफोरा नो बायदिसिना गाज्रि साननानै भत होआ होनना बुंदों, नाथाय बेबायदि जोंनि बर फोरा थाबाय थायोब्ला माब्लाबाबो जौगानाय नङा। भत खौ 9152915246 नम्बर आव फन खालामनानै भत खौ होनो हागोन जुदि दासिमबो भत होआखैब्ला।
मोनसे फिसा अपारेशन आ नो सासे फावखुंग्रि नि महर मोखां खौ गाज्रि खालामबाय। फाव खालामनाय मुलुग आव सोमोन्दो थानाय सुबुंफोरनि महर मोखां आ नो गाहाय। महर मोखां खौ मोजांयै लाखिनो थाखाय नो गोबां सुबुंफोरा नो बायदिसिना प्लास्तिक चार्जारि खालामो, गोबाङानो गावनि गन्थं, मेगन, गुसथि, मोजां लाखिनो बायदिसिना खालामो। मानोना महर मोखां आ मोजां नङाब्ला खामानि आ नो जाया। नाथाय दायो सासे फावखुंग्रि नि जिउ आव खोमसि फारसे, साउथ नि फिल्म नि फावखुंग्रि श्वाति शतिस नि जिउ आ खोमसिफारसे, स्वाति आ हाथाय नि जेंना नि थाखाय गंसे सोरखारि नङि देहाफाहामसालि आव थांदोंमोन, बेयावनो अपारेशन खालामना फैयो, नाथाय सम बारनाय लोगो लोगो नो बेयो बुखाङो, लोगो लोगो देहाफाहामगिरि नि खाथि आव थाङो, देहाफाहामगिरि आ बे खौ नर्मेल होनना बुङो आरो उनाव हामलांगोन होनना बुंदोंमोन, नाथाय 20 सान नि उनाव बो जेबो सोलायाखै बेबायदिनो दं, दायो बे देहाफाहामसालि नि बेरेखा गसर होदों फावखुंग्रि आ। मोखां नि हालोद आ गाज्रिथारखाय बाहेरावनो ओंखारनो हायाखै, दायो फावखुंग्रि आ गुबुन मोनसे देहाफाहामसालि आव फाहामथाय लागासिनो दं। रायजो आव दैबाना नि गिथावना थासारि आ दासिमबो दं। बेनि गेजेरावनो नगांव जिला नि कामपुर आव मोनसे दुखुनांथाव जाथाय जादों, गिथावना दैबाना या बुथारना लाङो कामपुर थाना नि असि समुज्जल काकति आरो कन्सतेबल राजिब बरदलै खौ। जाथाय आ मैया नो जादोंमोन, एसदिआरएफ नि दोलो आ कन्सतेबल नि गोथै देहा खौ मैया नो नागिरना मोनदोंमोन, दिनै असि नि गोथै देहा खौ दिनै फुङाव मोनदों होनना खौरां मोनदों, रबिबार नि हर आव कामपुर सोहोर नि पासनिझार अर खोमोरग्रा बिफान नि मावखुलि नि खाथि नि सासे दायनिगिरिखौ नागिरनानै अपारेशन खालामनो थांनाय आव नो गिथावना जाथाय आ जायो।, मिथिना मोननाय बादिब्ला कन्सतेबल नि जिउ खौ रैखा खालामनो थाखाय दै आव बारसोमदोंमोन, नाथाय कपिलि आरो निशारि दैसा नि दै आ बुखारलाङो। आसामनि गिबि मन्थ्रि आ दिनै ईयुन आव बिथांमोननि नखर नि गासैबो मदद खौ खालामगोन होनना खोथा होयो।
नबजित नि भत होनायनि सोमोन्दै गोबाङानो सोंगासिनो दं। खौरां मोननाय बादिब्ला भत नि सम खौ सोलायदों। भत होनाय आ 23 जुन सिम थागोन हर नि 9 बाजि सिम। भत होआखैब्ला थाबैनो भत खौ होदो। देरहाहोनो नांथारगोन बर फिसा खौ। गोबां सुबुंफोरा नो बायदिसिना गाज्रि साननानै भत होआ होनना बुंदों, नाथाय बेबायदि जोंनि बर फोरा थाबाय थायोब्ला माब्लाबाबो जौगानाय नङा। भत खौ 9152915246 नम्बर आव फन खालामनानै भत खौ होनो हागोन जुदि दासिमबो भत होआखैब्ला।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon