28 June bodo news 2022 ~ Bodoinfo.com

गिबि मन्थ्रि नि गोरा बिथोन खौ गोसो होआलासै नो लात मन्दल सानै बिदा फंबायनि लुथिनाय। सार्कल अफिसार त्रिदिप कुमार कुवर नि एजाहार नि सायान सानै मन्दल खौ हमदों, दैबाना नि मदद खौ जाख्लनायनि दुंहाव थासारि सोमजिदों सर्थेबारि आव, सानै मन्दल नि मुङा कान्तेश्वर देका आरो अजित देका, सर्थएबारि सार्कल अफिस आव खामानि मावो, दैबाना नि मदद नि मुङाव फैनाय दालि आरो सापर खौ न आव लांबाय थानाय समाव नो हमो, 4 बस्ता दालि आरो 9 बस्ता सापर खौ दैबाना नि मुङाव राननो होदोंमोन, नाथाय बिसोर ई रिक्सा जों गावनि न आव सो लांबाय थादोंमोन, दायो पुलिसफोरा सानैबो मन्दल खौ हमबाय।

हायार सेकन्दारि नि रिजाल्त खौ मैया फोसावबाय. बेयाव गोबां फरायसा फोरा नो उथ्रिसार जानो हादोंब्लाबो फेईल जानायबो दं, बे फेईल जानायफोरनि गेजेरावनो सासे बाक्सा नि सालबारि नि पाथि फखरि गामि नि सासे फरायसुलि आ फेईल जानाय आव गावखौनो बुथारना लादों, कर्बि रय मुंनि फरायसुलि फासि लानानै गावखौनो बुथारना लादों होनना मिथिना मोनदों।

आसाम नि दैबाना नि थासारि खौ नुनानै बलिउद नि फावखुंगुर आमिर खान आ बो आसामनो मदद, 25 लाख रां नि मदद होदों बिथाङा, बेखौ आसामनि गिबि मन्थ्रि आ गावनो फोसावनानै होदों, गोबां सुबुंफोरा नो गोबां खहा जानांदों दैबानानि थाखाय, जायगा जायगा थुबसे मोजां दै नागिरना मोना जादों, बेफोरबायदि थासारि खौ नुनानै गोबाङानो गोबां मदद होदों, ससियेल मिदिया नि गेजेरजों रां नि मदद होनायखौ गिबि मन्थ्रि आ फोसावो आरो साबायखर जासिहरो, मखजाथआवदि बेनि सिगां मुकेश आम्बानि आ 25 कौति, फावखुंगु अर्जुन कापुर, सावथुन दिहुनगिरि रोहित शेत्ति आरो धोरोमगुरु दालाई लामा बिथांमोना आसामनि दैबाना नि थाखाय मदद होदोंमोन।

मैया बाक्सा जिला याव बो एबसु नि दैदेननाय आव ईउपिएससि एपिएससि सिभिल सार्भिस आरो ईन्दियान फरेस्त सार्भिस आनजाद नि जरखा फोसोंथाय हाबाफारि आ जानानै थाङो, गाहाय आलासि महरैबिकन आईएएस ईन्सतितिउत नि दाईरेक्तर जितेन्दार कुमार बिथाङा बाहागो लानानै गोबां फरायसाफोरखौ आनजाद नि थाखाय सांग्रां जानायनि सायाव बिबुंथि लाखियो होनना मिथिना मोनदों।

गनायथि लायालासै नो पिदिएफ फाईल बानायनानै फोसावदोंमोन गोबां बिजाब, कपिराईत एक्त नि सिङाव हमजाबाय सासे सेंग्रा या, तिनसुकिया नि औगुरि निफ्राय हमदों मन्तु देका मुंनि सुबुं खौ, सेंग्रा नि बेरेखा आसाम प्रकाशन आरो फाननाय आफाद आ गसर होदोंमोन, बे गसर नि सायावनो हमो मन्तु देका खौ, पानबाजार थाना याव सेंग्रा नि बेरेखा गसर थिसननाय आ जादोंमोन, रायजो नि मुंदांखा लिरगिरिफोरनि 5000 सो बिजाब खौ ससियेल मिदिया याव फोसावना होदोंमोन।

1 जुलाई निफ्राय पान्जाब आव फ्रि जासिगोन मोब्लिब आ, आम आदमि पार्ति नि गिदिर फोसावनाय। सम्बारखालि गिबि बाजेत दिहुनना होनानै बेखौ फोसावना होयो पान्जाब नि रांखान्थि मन्थ्रि हरपाल सिंह चांमाई आ, पान्जाब बिधानसभा याव गिदिर देरहानायनि उनाव समाय लानाय फ्रि मोब्लिब होगोन बुंनायखौ मावफुंनायनि थांखि। दानफ्रोमबो 300 ईउनित सिम न न फ्रि होगोन होनना बुंदोंमोन गिबि मन्थअरि भगवन्त सिंह मान बिथाङा। 1 कौटि 55 लाख कौति रां नि बाजेत फोसावदों आप नि सोरखार आ, सोलोंथाय, सावस्रि, आबाद नि सायाव बांसिन गोसो होदों सोरखार आ।

रिजाल्त खौ लानानै गोजोननाय मोननायखौ फोरमायदों आसामनि सोलोंथाय मन्थ्रि आ। थांनाय 10 बोसोर नि गेजेराव बे बोसोरनि आनजाद नि फिथाय आ मोजांसिन होनना बुंदों, बिथाङा लोगोसे बुंदों बे बोसोर आव बिगियान आरो फांलांगि एबा कमार्श आयदा याव फरायसा फोरा खम, साईन्स आरो कमार्श आव बांसिन गोसो होनो खावलायदों मन्थ्रि बिथाङा, गोबां स्कप दं होनना फोरमायो, लोगोसे ईयुन आव बो मेत्रिक आनजाद आ थाबाय थागोनखौ फोरमायो बिथाङा, हायार सेकन्दारि नि गिबि आरो नैथि बोसोर आ गोनांथार जागोन होनना फोरमायो। बेफोरनि गेजेरावनो बे बोसोर आव आसामनि गिबि मन्थ्रि आ फास्त दिभिजन मोनोब्लानो स्कुति होगोन होनना बुंदोंमोन, नाथाय आसामनि सोलोंथाय मन्थ्रि डाँ रनुज पेगु बिथाङा फास्त दिभिजन ब्ला नो मोनगोन बेयो नङा होनना बुंदों, कात अफ नि सायाव सो सोनारगोन होनना बुंदों, जेरै सोरखार आ माबा मोनसे अनजिमा सिम स्कुति होनो हागौ आरो बेनि गेजेराव गोजौनिफ्राय फैनानै बेसेबां नम्बर सिम मोनफैयो बे हिसाबै नो कात अफ आ जानो हागौ। सोरखार आ दिनै मोनसे बुङो आरो गाबोन गुबुन मोनसे बुंनाय बादिसो जायो। आगोलाव हौवासा फोरनो बो माबा मोनसे बेबस्था खालामगोन होनना बुंदोंमोन, दायो होयो ना होआ बेबो नायथावना जागोन।

कक्राझार नि बतारमारि आव बर फोरनि हा खौ सेनो होनाय जानाय नङा, बेखौ जायगा नि एमएलए लरेन्श ईश्लारि बिथाङा बुंदों, बिथाङा सार्कल अफिसारजों सावरायलायनाय आव अफिसार आ एलतमेन्त होआखै होनना बुंदों, गुवाहाति निफ्राय सो सुबुं फैदों बहा बानायोब्ला जागोन होनना, नाथाय बे हाखौ दासिमबो होनाय जायाखै होनना रोखा खालामना होदों, एमएलए लरेन्स बिथाङा बे हा खौ होनो हाया होनना रोखा खालामो, जिला बेंगिरि जों बो सावरायलायदों होनना फोरमायो, लोगोसे काउन्सिल आ हा खौ होयोब्ला सो जागोन होनना बो बुंबावो बिथाङा।