रायजो आव बोथोर गाज्रि खौ नोजोर होनानै गौहाति मुलुगसोलोंसालि आ पिजि थाखो नि गासैबो आनजाद खौ फावसायदो होनना खौरां मोनदों, लोगोसे GU IST नि आनजादफोरखौ बो बन्ध लाखिथदों। 20 जुन सिम बन्ध लाखिथनायनि थिरांथा, गासै रायजो आव नो दैबाना जादों बेनि थाखाय नो पिजि नि फरायसा आफाद जों सावरायलायनानै बे थिरांथा खौ लायो, दैबाना नि थाखाय मुलुगसोलोंसालि नि गोबां खथा याव नो दै जानायखौ नुनो मोनदों, जायनि थाखाय लोंनाय दै आगो गुबुन मुवा बेसाद नांगौनि गोबां जेंना जादों।
नोंथांमोननि जायगा याव माथावरि बायदों नामा, बायनाय माथावरि नि खौरां हरनो ह्वात्सएप नाम्बार होदों आसामनि दै सम्पद बिफान नि मन्थ्रि पियुश हाजरिका या, 9706033333 याव ह्वात्स एप नि गेजेरजों हरनो हागोन। बे नाम्बार आव फत हरनांगौ, रायजो नि सुबुंफोरनि जेंनाफोरखौ थाबैनो सुस्रांनो नाजागोन होनना फोरमायो बिथाङा।
शनितपुर आरो बिश्वनाथ नि गामिफोरा हाबगोन आ रोखा, बेनि थाखाय जेसेबां नांथाबनांगौ, खामानि मावनांगौ मावगोन, आरो गामि गंसेबो हाबाब्ला आलादा बदलेन्द रायजो नि थाखाय सोमावसारनो 1 सेकेन्द बो सम नांनाय नङा, बेनि थाखाय दिबेत लाबोबाय थानो नाङा, जायफोरा बेबायदि लाबोबाय थादों बेखौ सासे फुलिस मानसि नि सो स्तेतमेन्त होनना बुंदों। बाउन्दारि कमिशन नि गेजेरजों गामि सोसननायनि बाथ्रा या भारत सोरखार नि लेबेल आव रायलायनाय जादों, बेखौ गोरोबथा याव थोंजोङै शनितपुर आरो बिश्वनाथ होनना लिरनाय जायाखै, बेनि थाखाय हाबा मावबाय थानाय जादों होनना एबसु नि आफादगिरि दिपेन बर बिथाङा बुंदों।
नोगोद 10 रोजा रां लाना नानानै हमजाबाय सासे अफिसार आ। सिलसर नि त्रेजारि अफिस नि सिनिअर एकाउन्त एशिसतेन्त मदन मोहन सिंह आ गावनि अफिस नि न आव नो सासे सुबुंनिफ्राय घुस महरै 10 रोजा रां लादोंमोन, बेखौ लाबाय थानाय समाव नो हमो, मानो आरो सोरनिफ्राय लादों बेखौ मिथिनाय जायाखै, आसामनि स्पेशियेल दिजिपि जिपि सिंह बिथाङा बेखौ त्वित खालामनानै बुंदों।
हादर नि सुबुंफोरा मोनसिगोन 5 जि नि सुबिदा खौ। केबिनेत आ गनायथि होबाय आईएमति/5जि स्पेकत्राम निलाम नि गनायथि होबाय, बेनि गेजेरजों थाबैनो 5 जि सारभिस आ जागायगोन। साननाय जादों 5 जि आ 4 जि निख्रुय 10 गुन स्पिद जागोन होनना।, 72 गिगाहार्त्ज नि सायाव 5 जि स्पेक्त्राम नि थाखाय 20 बोसोरनि थाखाय निलाम खालामनाय जागोन, जुलाई दान नि गेजेराव बेखौ खालामनो हागौ बे निलाम आव भदाफोन आयदिया, भारतिय एयारतेल आरो रिलाईन्स आ बाहागो लानो हागौ।
गावनि फिसिनाय हिनजावसा गथ खौ जिनाहारि खालामनायनि अजद आव सुबिराम राय मुंनि सासे सुबुं नि बेरेखा कक्राझार स्पेशियेल बिजिरसालि नि जे कोश नि बिजिरसालि आ मैया 10 बोसोर जेल नि साजा जों लोगोसे 5 रोजा रां नि जरिमाना होदों, जरिमाना होनो हायाब्ला उफ्रा 2 दान जेल नि साजा होदों। कक्राजआर जिला नि गंसे गोरिब नखर नि सासे हिनजावसा गथ खौ खांनो लाना फैयो, 2018 मायथाई नि 4 जुन आव जेब्ला बे हिनजावसा नि बिमा या न आव थांदोंमोन अब्ला फिसा या गासैबो बाथ्रा खौ बुंङो, बेनि उनाव नो पुलिस नो एजाहार होनाय आव पुलि, आ हमो आरो बेनिनो राय महरै 10 बोसोर जेल आरो 5 रोजा रां नि जरिमाना खालामो।
रायजो नि गुबुन गुबुन जायगा याव हाबाय थानाय अखा नि थाखाय दैबाना नि गिथावना महर खौ नुनो मोनगासिनो। गोबां जायगा या नो लोमजोबबाय दै जों, दानि थासारि आ गाज्रिथार, बङायगांव जिला नि मानिकपुर सार्कल अफिस नि सिंनि 2 नं बाशबारि आव मेगन सिगाङाव नो गंसे पाका न आ दै जों लांजायो। दिमा हासाव आव फिन गाज्रि थासारि, माहारियारि राजालामा खौ नो बुखारना लांबाय। हाजोआरि जिला नि गोबां जायगा याव हा गिसिखानाय आरो दैबाना नि थाखाय लामा फोरा बन्ध जाना दं। गुबुनफारसे रायजो नि गिथावना थासारि खौ नोजोर होनानै गोबां जिला फोरा नो फरायसालिफोरखौ हन्ध फोसावदों, कामरुप मेत्र आव दिनैबो बन्ध थागोन, नलबारि जिला नि फरायसालि कलेजफोरा बो बन्ध दिनै बोथोर गाज्रि नि थाखाय, बेबायदि नो बाक्सा जिला नि जिला बेंगिरि आयुश गार्ग आ बो बन्ध फोसावदों बाक्सा नि फरायसालि कलेज फोरखौ, बजालि आव बो बन्ध 18 जुन सिम।
मोनसे दुखुनांथाव जाथाय। सालायलांबाय थानाय अत नि सायाव नो गोग्लैबाय फांसे गिदिर दंफां, जायगा याव नो जिउ गोमायो सालायग्रा नि, मैया नि बेलासि सम आव जादोंमोन जाथाय आ करिमगन्ज आव, सोहोर नि गेजेर आव थानाय अर खोमोरग्रा बिफान नि मावखुलि नि खाथि आव नो जादों, थैनाय सुबुं नि मुं खौ आजहार उददिन होनना मिथिनाय जादों। बेयाव सा 3 दावबायारिफोर बो दंमोन, बिसोर बारगयो।
सकलेत जानो 5 रां बिनायनि थाखाय नो गुदुं रद जों फिसा खौ बुयो बिमा या, सासे 10 बोसोर बैसो नि फिसा खौ नो बुदों, जाथाय आ उरिश्या नि गन्जाम जिला नि बेरहामपुर आव जादों, बिमा नि बुनाय आव गाज्रियै जोखोम फिसा या। थाखो 4 आव फरायनाय फरायसा या तिउशन आव थांनाय समाव खाथि नि सुबुंपोरा गथ नि मोखआं आखाय बिखुं आवगाज्रियै जोकोम जानायनि सिन नुयो आरो लोगो लोगो पुलिस नो खौरां हरो, पुलिसफोरा बुंनाय बादिब्ला गथ नि बिमा या गावनि असे बिमा नङा, बुनायनि उनाव पाउदार जों खोमोरनो नागिरदोंमोन आरो रावनोबो बुजानायखौ खोन्थानो होआखैमोन। फिसा खौ बुथारनो नागिरनायनि अजद जों दायो एजाहार होनाय जाबाय होनना मिथिना मोनदों।
नोंथाङा बो मम जाना मोजां मोनो नामा। मम जाना मोजां मोनोब्ला सांग्रा जा। भारत नि फाहामथाय बिगियान फसंथान एईम्स आ सांग्रां खालामना होदों। जायफोरा गोजा चातनि जों मम जायो बिसोर मम खौ जानाय समाव मोजाङै सावग्लिनानै जा, नङाब्ला जेंना याव गोग्लैनो हागौ होनना बुंदों। बिथांमोना बुंनाय बादिब्ला मम खौ मोजाङै सावना जायाब्ला बेयो गोदना याव नांथाना थानो हागौ, जायनि थाखाय गावनि जिउ आ गोमानो बो हागौ। मानोना दिल्लि नि सासे 50 बोसोर बैसो नि सुबुं आ मम जानानै थैदों। मम जानानै थैनाय सुबुं नि फआरेन्सिक रिपरित नि बादिब्ला थैनाय सुबुं आ मम खौ जानायनि सिगां जौ लोंदोंमोन आरो उनाव गंसे दखान आव मम जादोंमोन, मम जानाय समाव नो हारसिंनो हायाव गोग्लैयो। बेनि उनाव देहा गाज्रि जायो आरो जिउ गोमायो।
बाक्सा याव
फिन बायबाय पाका नि दालां आ। भुतान सिमना निफ्राय बोहैबोनाय दिरिं दैसा नि दै नि
सायाव थानाय पाका दालां आ सिम्फायो दालांखौ, जायनि थाखाय सुबनखाता-निकासि नि
थांलाय फैलाय बेबस्था या गासैबो बन्ध जायो, मखजाथावदि थांनाय 4 बोसोर नि सिगां बो बेबायदि
नो दालां बायदोंमोन। नाथाय मैया फिन खनसेबाव दालां बायलायबाय। रायजोफोरनि अजद नि
बादिब्ला बेयाव आयेन बेरेखा बाला अन्थाय नि थाखाय जावनायनि नो बेबायदि दै नि दोहौ
आ दालां खौ सिफायो। दालां आ बायनायनि थाखाय गोबां फरायसाफोरनि फरायनाय जिउ आव
गोहोम गोग्लैनो हागौ नि सन्देह, लोगोसे गिदिर सुबनखाता ओनसोल नि रायजोफोरा सदर
मुशलपुर आव थांनाय आव असुबिदा जादों होनना बो खौरां मोनदों।
गावनि रेकर्द खौ गावनि सिफायबाय अलिम्पिक नि गल्द मेदेलिस्त निरज चोप्रा या। फिनलेन्द आव जानाय पाभो नुर्मि गेम्स आव 89.30 मिटार थ्रो खालामनानै गोदान नेशनेल रेकर्द खालामनो हायो जेभेलिन थ्रवार आ। आगोलाव बिथांनि रेकर्द आ 88.07 मितार मोन। 2021 मायथाई नि 7 आगष्त आव तकिय अलिम्पिक आव 87.58 मितार खुबैनानै सना नि मेदेल मोनदोंमोन, बिथाङा नो गिबि एथेलेतिक्स आव सना नि मेदेल देरहानाय गेलेगिरिमोन भारत नि। नाथाय फिनलेन्द आव गावनि रेकर्द खौ सिफायनो हादोंबेलाबो रुफा नि मेदेल सो मोनो बिथाङा। 89.83 मितार खुबैनानै फिनलेन्द नि नो अलिभार हेलान्दार आ देरहायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon