दिनै बितिआर नि कक्लाबारि नि उफ्रा बिसायखथि आ जागोन, गासै सा 4 बिजाथिफोरा
गेलेदों बिसायखथि, बिजाथिफोरनि खाफाल आ ईभिएम आव हाबगोन, बियाब नि गासै 97 मिरु आव
72,416 भतारफोरा थि खालामगोन सा 4 नि खाफाल खौ, 35,756 हौवासा आरो 36660 हिनजावसा
आयजो भतारफोर दं। भत होनाय खौ मोजांङै गोजोनै खुंनो थाखाय जिला प्रसासन आ थियारि
जाबाय। भत मिरु आव प्रिजाईदिं अफिसार जों लोगोसे पलिं अफिसारफोरा थांबाय, बेलत
पेपार, बेलत बक्स जों लोगोसे गासैबो नांगौ फोरखौ लाना थाङो। भत होनाय आ फुंनि 7.30
निफ्राय बेलासि नि 4.30 आव जागोन भत होनाय आ। मखजाथावदि ईउपिपिएल नि लोगो दोलो
मन्तु बर, बिपिएफ नि शंकर बसुमतारि, भिपिआई नि लब कुमार बर आरो निर्दलिय एबा उदां
बिजाथि हिरेन शरनिया या गेलेदों बे बियाब आव बिसायखथि, फैगो 12 जुन आव रिजाल्त खौ
मोनगोन, जिला बेंगिरि नि मावखुलि आव स्त्रं रुम आव साननाय जागोन।
लोगोसे नो दिनै कार्बिआंलं अतनमास काउन्सिल नि बो बिसायखथि दं, गासै 26 ता
परिषदनि बियाब आव जागोन बिसायखथि आ, 808 मिरु आव भत होनाय आ जागोन, 162 बिजाथि नि
खाफाल खौ थि खालामगोन दिनै, खौरां मोननाय बादिब्ला गासै 7,03,985 भतार्सफोर दं।
गोरिब आ दावगालांनाय आव माब्लाबाबो हेंथा जानो हाया। नाजानाय थायोब्ला
गासैबो थाखो नि सुबुंफोरा नो जिउ आव दावगालांनो हायो। बे बाथ्रा खौ फोरमान
खालामबाय बिस्वनाथ नि अरुनाशल सिमना नि सानै फरायसा या। अलंबार बसुमतारि मुंनि
फरायसा या साथि नि सोरां जों फरायनानै 78 जौखोन्दो आरो दिन हाजिरा खालामनानै खरसा
दिहुनना फरायनाय बिर सिंह बसुमतारि आ मोनबाय 76 जौखोन्दो। अलंबार नि न आ अरुनाशल
सिमना नि सनाजुलि आव, आरो बिर सिं नि न आ माईनाउश्रि गामि आव, बिफा गैजायि बिर
सिंह आ हाजिरा मावनानै बहि खोलोम नि खरसा खौ दिहुनो मोन, ईयुन आव ईन्जिनियार
जानायनि सिमां बिर सिंह नि, गुबुनफारसे अलंबार नि बिफा या बांगालुर आव खामानि
मावो, न आव मोब्लिब नि सुबिदा गैया, ईयुन आव कम्पिउतार ईन्जिनियार जानायनि सिमां,
बिश्वनाथ नि कयलाजुलि नि ईउएन एकादेमि निफ्राय सानैबो उथ्रिसारनो हादों बर बिजों
जों नो फरायनानै।
गुबुन हारि नि फरायसाया बर बिजों आयदा खौ लानानै फरायनाय खौ खम खोनानो
मोनो, सासे फरायसा या बर बिजों आयदा खौ लानानै 83 जौखोन्दो नम्बर जों उथ्रिसार
जानो हादों। खौरां मोननाय बादिब्ला रिपि दास मुंनि कामरुप जिला नि फरायसुलि आ
धलकुसि गोजौ फरायसालि आव फरायनानै 83 जौकोन्दो मोननो हादों, बर आयदा याव 87 नम्बर
मोननो हादों, बेबायदि नो ईंराजि आव 91, सानखान्थि आव 93, ससियेल आव 75, जेनेरेल
साईन्स आव 70 आरो असमिया ईलेकतिभ आव 82 नम्बर मोननो हादों। मथजाथावदि बे गोजौ
फरायसालि आ तामुलपुर आव दं।
मेत्रिक आनजाद नि फिथाय खौ फोसावखांनायनि उनाव नो गोबां नि न आव नो खुसि
जानायखौ नुनो मोनो, बेबायदि नो गोबां नि न आव दुखु बो जायो। आनजाद नि फिथाय आ
गाज्रि जानायनि थाखाय नो सानै सुबुं आ गावखौनो बुथारना लानायनि खौरां, रिजाल्त
होनायनि सिगां नो समबार एबा 6 जुन खालि मंगलदै नि सासे फरायसा या गावखौनो बुथारना
लादों, 15 बोसोर बैसो नि फरायसा राहुल बरा या सुईसाईद नोत आव लिरना गालांदों, आय
आफा नोंसोर लुबैनायखौ होनो हानाय नङा, बेखायनो नोथांमोननिफ्राय निमाहा बिबाय,
सानैबो मोजांयै थागोन खौ आसा खालामबाय। होनना लिरना गालांदोंमोन। खौरां मोननाय
बादिब्ला बे फरायसा या संस्क्रित आयदा या लेतार मोननानै नैथि थाखो आव पास जादों।
गुबुन फारसे आरो सासे फरायसा मेरापानि नि सबिन सुतिया मुंनि, बिबो गावखौनो बुथारना
लादों, बियो मेत्रिक आनजाद आव फेईल खालामदोंमोन।
मैया मेत्रिक नि रिजाल्त खौ सम जानायनि सिगाङाव नो फोसावनाय नुनो मोनदोंमोन
ससियेल मिदिया याव, सेबा नि बिबानगिरिफोरा नोजोर होगासिनो होनना बुंदों, जायफोरा
बेबायदि खालामदों बिसोरनि बेरेखा पुलिस नि खाथि आव थांगोन होनना बुंदों, सेबा नि
साईबार सेल आ नोजोर होगासिनो होनना फोरमायो, सेबा नि बादिब्ला बेयो मोनसे रोखोमनि
दाय मावनाय जादों। जायफोरा दाय मावदों, बिसोर आयेन नि साजा मोनगोन होनना बुङो,
गुबुनफारसे आसामनि सोलोंथाय मन्थ्रि आ फैगो बोसोर आव बेबायदि सम नि सिगाङाव नो
रिजाल्त खौ होनाय जानाय नङा होनना फोरमायो। लोगोसे फैगो बोसोर आव बो मेत्रिक आनजाद
आ थागोन, तप 10 आ बो थागोन, हाय माद्रासा या सो आरो थाबावनाय नंलिया। बे बोसोर नि
आ नो जोबथा मोन आनजाद आ।
गोसो जायोब्ला गासैखौबो खालामनो हायो, सोलोंथाय आरो गियान लानो बैसो आ
हेंथा जानो हाया। बेनि फोरमान आ बिस्वनाथ नि सासे 42 बोसोर बैसो नि आयजो आ नो, बे
बार आव हाय माद्रासा नि आनजाद खौ होनानै पास जानो हायो। बिस्वनाथ घात नि बुलबुलि
खातुन मुंनि सासे अंगनबारि नि मावथि आ पास जादों। ननि खामानि जों लोगोसे गुबुन
खामानि आव बिजि थाबाय थानायनि गेजेरजोंबो ईसे सम दिहुननानै थियारि जादोंमोन आनजाद
होनो। बिथाङा बुंदों गोसो जायोब्ला
गासैखौबो खालामनो हायो होनना।
सोरखारि फरायसालि नि सोमोनांथाव जाथाय। सा 8 फोरोंगिरिजों थानायनि उनाव बो
सासेबो फरायसा या पास जायासै, गासै सा 7 फरायसुलिफोर दंमोन, नगांव जिला नि लावऱुवा
नि कस्तपरबा गान्धि बालिका फरायसालि नि फिथाय आ लाथिख, फरायसुलिफोरनिख्रुय
फोरोंगिरिजोफोरा सो बारा दंमोन, नाथाय सासेबो फरायसाफोरखौ उथ्रिसार खालामनो
हायासै, जायगा नि सुबुंफोरा गाज्रि मोननायखौ फोरमायो। बे खौरां खौ मोननायनि उनाव
खौरांगिरिफोरा थांनायनि खौरां मोनना वार्देन नाहिदा सुलताना या गेत आव थाला
लागायना बहाबा थाखुमादों होनना मिथिना मोनदों।
सोरखारि साख्रि मोनोब्ला नखर नि सुबुंफोरा मोजां सो मोननाय खोनायोमोन,
नाथाय सोनाबबंग नि मोनसे जाथाय नि खौरां आ जोबोद सोमोनांथाव। सासे दानब महर नि
फिसाय आ 25 बोसोर बैसो नि बिसि नि आखाय खौ नो दाननाय बायदि जाथाय आ सोराङाव फैदों।
बिसि आ सोरखारि देहाफाहामसालि आव नार्श नि साख्रि मोननाय नि थाखाय नो बेबायदि
खालामदों होनना खौरां मोनदों, साख्रि खौ मोनखांनायनि उनाव दायो बिसि आ फिसायखौ
गारना थांगोन होनना गोसो आव गिनाय मोननायनि थाखाय नो बेबायदि गिथावना खामानि खौ
मावदों होनना मिथिना मोनदों, बियो गावनि सानै लोगो जों लोगो जाना बे खामानि खौ
मावदोंमोन, कलकाता निफिराय 170 कि मि गोजान सानजा बर्धवान नि केतुग्राम आव
सनिबारखालि नो जादोंमोन जाथाय आ। रेनुका खातुन मुंनि मुंनि आयजो खौ बेबायदि
खालामदोंमोन, लोगो देहाफाहामसालि आव लाना थाङो, दायो थाना याव एजाहार होनाय जाबाय
होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon