हौवासाफोरनो बुलेत होआ, रोखा खालामना होबाय आसामनि गिबि मन्थ्रि आ। बुलेत नि बेसेन आ बारा आरो बुलेत होयोब्ला जाब्रबथाय एबा एक्सिदेन्त जागोन, हिनजावसा हौवासा मोननैनोबो स्कुति होगोन होनना रोखा खालामना होगोन होनना बुंनायजों लोगोसे कात अफ नि सायाव फैगो 4-5 जुलाई आव सावरायलायगोन होनना बुङो, लोगोसे मेत्रिक नि सायाव बो, खालारखौ रोखा खालामना होनो हायाखैब्लाबो 5-6 खालार नि गेजेराव सावरायलायगोन होनना रोखा खालामना होयो।
रायजो नि गुबुन गुबुन जायगा याव दैबाना जागासिनो दायो, गोबां जायगा याव नो थादनाय गैयि अखा हागासिनो। खौरां मोननाय बादिब्ला आरो फैगो सान 4 आव गोबां जायगा याव नो अखा हाबाय थानो हागौ रायजो आव। बे सावगारि आ गहपुर नि, मैया नि, गहपुर आव गिथावना महर लादों दैबाना या। शत्रं दैसा नि बारायलांनाय दै आ गोबां ओनसोल खौ सिङाव लाखिदों, बेबायदि नो बारायलांदों कुकुरजान दैसा नि दै आ बो, गहपुर नि 3नं वार्द नि सतियासुक आव माथाउरि बायबाय। दै नि सिङाव शयदुवार कलेज आ, अरुनाशल आव मैया नि दिन आव गोबां अखा हानायनि थाखाय नो बेयो जादों, बेबायदिनो अखा या हाबाय थायोब्ला थासारि आ गोबां गिथावना गाज्रि जानो हागौ होनना साननाय जादों, चिरां नि बिजनि आव माक्रा दैसा नि बारा जालांनाय दै आव एसदिआरएफनि दोलो नि नागिरनाय, सासे बर सुबुं आ गोमाना दं, जेबेश्वर बर मुंनि सुबु आ गोमाना थानायनि खौरां, सम्बारखालि मोसौ लायनो थांनो होनना थांदोंमोन, दैसा खौ बारदोंमोन, बेनि उनाव नो जेबो खौरां गैलिया बे सुबुं नि। गुबुनफारसे मैया सासे बर नि गोथै देहा मोनदों, चिरां जिला नि आमगुरि थाना नि सिंनि दैशुमझरा गामि नि 55 बोसोर बैसो नि थागिबि साईलेन बसुमतारि नि गोथै देहा बोखांनो हादों होनना खौरां, दै जों बुखारलांजादोंमोन बे बर सुबुं आ। गुबुनफारसे रायजो आव खमावनो सान 3 रेद एलार्त फोसावना होदों, गोबां अखा हानायनि सम्भावना थानायखौ मिथिना मोनदों।
एपिएससि नि गोदान
चेयारमेन जाबाय डाँ अजन्ता नाथ आ, दानि चेयारमेन राजिब बरा बिथांनि बिबान नि सम आ
बारनायनि थाखाय गोदान सायखनाय जायो, बिथांङा बेनि सोद्रोमा खा मोन आगोलनिफ्राय नो,
मखजाथावदि बिथांजो आजामुगुरिहात नि त्यागबिर हेमचन्द्र बरुवा कलेज नि बारग
प्रफेसार मोन आरो 2018 मायथाई निफ्राय नो एपिएससि नि सोद्रोमा महरै बिबान आव
दंमोन, बेनि सिगां बो खनसे साननैसो नि थाखा. बिबान मोनथदोंमोन जेब्ला पुलिस अफिसार
पल्लब भत्ताचार्य नि बिबान आ जोबदोंमोन। गुबुनफारसे 27 जुलाई नि सिगाङाव एपिएससि
नि रिजाल्त खौ फोसावनाय जानाय नङा होनना खौरां मोनदों, 2020 मायथाई नि रिजाल्त नि
सायाव गोबां सोंलु दायो। मंगलबारखालि गोजौ बिजिरसालि आ बिथोन होदों, आनजाद नि
फिथाय पोसावनो थाखाय बिजिरसालि आव गनायथि बिदोंमोन, फैगो 27 जुलाई आव बेनि सायाव
राय होगोन बिजिरसालि आ।
गरेश्वर स्तेत बेंक आव सासे थगायग्रा नि जे आव गोग्लैबाय सासे आयजो आ। थगायनानै बेंक एतिएम निफ्राय लाना थांबाय गोबां रोजा रां, जाथाय आ ओनसोलनाङैनो सोमोनांहोदों, मिथिना मोननाय बादिब्ला गोरेश्वर स्तेत बेंक नि मोन 4 सिमा नि सिङान थानाय एतिएम आव मंगलबारखालि गावनि मुङाव थानाय एतिएम कार्द नि पिन बानायनो थांदोंमोन सासे आयजो आ। आयजो आ गावनो पिन बानायनो रोङि नि थाखाय लोगो सासे नि मदद बिदोंमोन, नाथाय गोबां नाजानायनि उनावबो लोगो आ बानायना होनो हायासै, बेफोरखौ थगायग्रा या गासैबो नायबाय थादोंमोन, सम नि सुबिदा लानानै आयजो नि खाथि आव थाङो, बेनि उनाव एतिएम पिन बानायना होगोन होननाएतिएम खौ सोलायनानै बे जायगा निफ्राय थाङो, नाथाय दसे उनाव नो जाथाय आ सोराङाव फैयो। आयजो नि एकाउन्त निफ्राय 35 रोजा रां लाना थाङो होनना मबाईल आव मेसेज फैयो अब्ला सो गासैबो सोमोनाङो, बेनि उनाव नो बेंक आव लोगो लोगो थांनानै कार्द खौ ब्लक खालामो, खस्त खालामनानै खामायनाय रां आ लांजानाय आव गोबां दुखु आयजो नि, दायो एजाहार होबाय होनना मिथिना मोनदों दायो पुलिसफोरा माबायदि नायबिजिरो उनाव सो मिथिगोन, जोंनि बर फोरा बो सांग्रां जा, सोरबा सिनायमोनि सुंबुं नो जानला मानला होनो नाङा, बेफोरबायदि जाथाय जानाय आ गोदान नङा।
मोनसे सोमोनांथाव जाथाय जानानै थाङो राजस्थान नि उदयपुर आव, सानै सुबुं आ सानाव नो सासे दर्जि नि गोदना हानानै बुथारनाय जाथाय आ ओनसोलनाङैनो दुंहाव थासारि सोमजिहोदों, हजरत महम्मद नि बेरेखा बुंनाय बाथ्रा नि थाखाय सासपेन्द खालामजानाय बिजेपि नि दैदेनगिरि नुपुर शर्मा खौ मदद खालामनानै शसियेल मिदिया याव मोनसे पस्त शेयार खालामदोंमोन बुथारजानाय दर्जि आ। अनलाईन आव फोसावनाय मोनसे भिदिअ क्लिप आव सासे गाग्लोबग्रा या सुबुं नि गोदना हानाय होनना फोसावनानि उनाव नो गाहाय मन्थ्रि मोदि खौ वार्नि होयो। रायजो नि राजशामान्द ओनशोलनिफ्राय सानै दायनिगिरिफोरखौ हमदों पुलिसफोरा, गिबि मन्थ्रि अशोक गेहलोत आ तुईत खालामो आरो रायजोपोरखौ शांति आव थानो खावलायो। ग्राहक होनना दखान आव थांनाय आव गिबि आव दर्जि आ सासे नि सुबाय थानाय आ नो उन्थिनिफ्राय गाग्लोबो, सासे गाग्लोबनायनि उनाव गुबुन सासे आ मबाईल आव रेकर्द खालामो। राजस्थान आव बे जाथायनि उनाव नो ईन्तारनेत शार्भिस बन्द खालामना होदों आरो 1 दान नि थाखाय 144 धारा होदों।
कक्राझार जिला याव बिएलति नि गायसनगिबि मासिगिरि बिर सिलागां बसुमतारि नि 25 थि थैनाय सान खौ फालिनाय जायो बंसिगाव आव थानाय बिर सिलागां बसुमतारिनि फबनाय जायगायाव फालिनाय जायो। हाबाफारि आव गाहाय आलासि महरै बाहागो लानाय बितिआर नि गाहाय प्रमद बर बिथाङा बिथाङा बिबार बावो, बे हाबाफारि आव एमएलए लरेन्स ईश्लारि, ईएम रेउरेवा नार्जिहारि बिथांमोना बो बाहागो लादोंमोन। मैया बितिआर नि गाहाय प्रमद बर बिथाङा बुंदों-- दिनै बिथांखौ फबनाय हाख'राव बिबार बावनानै, बावैसो सिगांआव गायसननाय बिथांनि अन्थाय मुसुखाखौ बेखेवनानै होनाय जायो। बिथांनि हारिखौ लानानै सान्नाय-मावनाय आदर्स खान्थिफोरा अरायबो बर' हारिनि गेजेराव नेरसोनथि महरै थाबाय थालांथों । आं मान बावहरो जाय बिथांमोनहा हारिनि थाखाय गावसोरनि बेसेनगोसा जिवनि समखौ बावसोमलांनानै दिनै जोंनि हारिखौ बेबादि थासारियाव सफैहोबाय ।
एबसुनि बानजाइनायाव जिल्ला जिल्ला UPSC ORIENTATION हाबाफारि लानाया दिनै ब्रैथि सानाव आगान होबाय ।थिखानाय खालार बादियैनो दिनै अदालगुरि जिल्लानिखौ अदालगुरि फरायसालिमानि नयुंङाव सानसेनि मेहेरगोनां हाबाफारिजों खुंफुंङो । हाबाफारिखौ बेखेवनानै होयो अदालगुरि जिल्लानि जिल्ला बेंगिरि ड० पि उदाय प्रबिनआ । एबसुआ लानाय UPSC ORIENTATION नि सायाव थांखि आरो नोजोरफोरखौ गुवारै फोरमायनानै होयो मिरु एबसुनि आफादगिरि मानावगेदेद मुस्रि दिपेन बर'आ । दिनैनि अदालगुरि जिल्लानि UPSC ORIENTATION हाबाफारियाव गाहाइ आलासि महरै बाहागो लायो एबसुजों हांख्राइनानै लाबोजानाय दिल्ली बिकन आइ.ए.एस एकाडेमिनि बिथोनगिरि मुस्रि जितेन्दर कुमारा । गाहाइ आलासि महरै बाहागो लानानै बिथाङा फरायसाफोरा बोरैहाय UPSC आनजादखौ उथ्रिसारनो हागोन बिनि सायाव गोथौयै आरो गुवारै बिबुंथि लाखियो । बर' हारिनि गथ'फोरखौ लानानै एबसुआ बेबादि UPSC ORIENTATION लानाया जोबोद गोग्गाथाव आरो बोसोरफ्रोमबो एबसुआ फरायसाफोरनो UPSC ORIENTATION होनाया बर' हारिल' नङा हादोरनि थाखायबो बिहोमा होदों होननानै गावनि बिबुंथियाव दाजाबदेरनानै बुंबावो । मिरु एबसुनि लोगो आफादगिरि मानगोनां मुस्रि रोमदोन बसुमतारीया दैदेननाय दिनैनि हाबाफारियाव मुस्रि रन्जन कुमार बरुवा( फाउण्डार, नर्ट इस्ट इउट फाउण्डेसन)याबो बुंथिगिरि महरै बाहागो लायो । लोगोसे थिखानाय बादियै गाबोन 29 अक्ट'आव तेजपुरनि बान तियेटार नयुंङाव सनितपुर जिल्लानि UPSC ORIENTATION हाबाफारिया जागोन ।
रिलायेन्स ईन्दाजत्रिज नि रिलायेन्स जिअ ईन्फकम लिमितेद ईउनित नि दायरेक्तर बिबान निफ्राय रिजाईन लाबाय मुकेश आम्बानि बिथाङा, मैया बिथाङा फोसावना होयो, दायो खौरां मोननाय बादिब्ला गोदान बर्द नि चेयारमेन जाबाय बिथांनि नो फिसाज्ला आकाश आम्बानि आ। पंकज मोहन पावार बिथाङा मेनेजिं दायरेक्तर नि बिबान खौ लागोन होनना खौरां मोनदों, 5 बोसोर नि थाखाय जागोन।
मैया 28 जुन, 2022 अक्ट'आव मिरु एबसु आरो क'क्राझार जिला एबसुनि जथाय बान्जायनायाव DID Little Masters 2022 Season 5 आव देरहासाद जानाय नबजित नार्जारीखौ मोनसे मेहेर गोनां बरायनाय आरो मान बाउनाय हाबाफारिनि गेजेरजों क'क्राझार जिला गेलेमु आफादनि इन्डुर स्टेडियामाव मान बाउनाय जायो । बर' हारिनि सिनायथिखौ हायुङारि थाखोआव सिनायथि होनानै गेवलांसार होनायनि थाखाय गोग्गानाय आरो गोजोन्नायजों बरायनानै दुलाराय बर' फरायसा आफादनिफ्राय नबजित नार्जारीनो मान बाउनाय जायो। हाबाफारियाव क'क्राझार जिला एबसु आरो जिलानि गुबुन गुबुन दख'रा एबसुजों लोगोसे गोबां गुबुन गुबुन हारि - माहारिनि माहारियारि आफाद, समाजारि आफाद, दोहोरोमारि आफाद, राजखान्थि आफाद, क'क्राझारनि गुबुन गुबुन फरायसालिमाफोरनि फरायसा हानजा, क'क्राझार सरकारि फरायसालिमानि गुबुन गुबुन हस्टेलनि फरायसाफोर, क्लाब, NGOs आरो गुबुन गुबुन सुबुंफोराबो गोसो गोथारै बरायनाय जायो। हाबाफारियाव नबजित नार्जारीनि बिफा मुस्री उपेन बर', बिमा मुश्रीमा अनु नार्जारी आरो नबजित नार्जारीनि मास्तार थरायना दिपिका माझी बिथांमोनखौबो बरायनाय जायो। मुंख'जाथावदि दिनैनि बरायनाय आरो मान बाउनाय हाबाफारियाव UPPL हान्जाया नोगोद 1 लाख रां होनानै मान बाउनाय जायो आरो लोगोसे BTR सोरखारा 2022 मायथाइनि जोहोलाव निलेश्वर ब्रह्म बान्थाखौ नबजित नार्जारीनो मान बाउनाय जागोन आरो बान्थाजों लोगोसे नोगोद 3 लाख रां होनाय जागोन होन्नानै BTR नि EM मुस्री रन्जित बसुमतारी बिथाङा फोसावो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon