फिन खनसेबाव फावसायबाय आसाम ग्रेद 4 नि आनजाद खौ फावसायबाय। आसामनि सावस्रि
बिफान एबा हेल्थ दिपार्तमेन्त नि आनजाद खौ दैबाना नि गिथावना थासारि नि थाखाय
फावसायबाय। आनजाद आ 3 जुलाई निप्राय जानो गोनां मोन, गोदान खालारखौ फोसावना होआखै,
गोदान खालार एबा जायखिजाया आपदेत नि थाखाय dme.assam.gov.in,dhs.assam.gov.in, dhsfw.assam.gov.in &
ayush.assam.gov.in आव थांनानै नायबाय थानो खावलायदों।
दायो थि गैयि सम सिम आनजाद खौ बन्ध लाखिथदों। 3 जुलाई नि सिगाङाव 19 जुन आव जानो
गोनां मोन आनजाद आ, दायो नैथि खेब फावसायबाय।
बिजाब बायनायनि मुङाव सोरखार नि 1 रोजा रांखौ मोनाखै नामा, एबा मोननो लुबैदोंनामा, 1 रोजा रां खौ मोननो थाखाय बेंक नि दितेईल्स खौ आपदेत खालामनो नांगौ। दिनै जोबथा सान, dheonlineadmission.amtron.in आव थांनानै ईउनिक आयदि आरो जोनोम सान खौ होनानै लग ईन खालामनानै गावनि दितेईल्स खौ आपदेत खालामना ला।
महारास्त्र सोरखार आ बायबाय। गिबि मन्थ्रि उद्धब थाकरे आ बिबान एंगारबाय। खौरां मोननाय बादिब्ला मैया फेसबुक लाईभ नि गेजेरजों गावनि बिबान एंगारनायखौ फोसावो आरो लोगोसे राज्यपाल नि सिम बो बिबान एंगारनायनि लाईजाम खौ हरो। बिबान एंगारनायनि सिगां जौसिन बिजिरसालि आ दिनै फ्लर तेस्त खालामनायनि बिथोन होदोंमोन। नाथाय दायो जानायनि सम्भावना गैलिया, दायो सोर माबोरै सोरखार दायो बेखौ उनाव सो मिथिसिगोन।
हादोरनाङै नो गाबोन 1 जुलाई निफ्राय सिंगल ईयुज प्लास्तिक एबा खनसेल बाहायनो हानाय प्लास्तिक खौ बेन खालामनायनि थिरांथा। मिरु आबहावा बिफान आ बेखौ बेन खालामनायनि थिरांथा, बेफोरखौ बाहायनायजों लोगोसे बानायनाय, फाननाय, होनाय बन्ध, शेम्पु, साबोननि, सिप्स पेकेत बायदि फोरनि प्लास्तिक खौ बेन, बेफोर लासै लासै आबहावा खौ गाज्रियै गुबुंले खालामगासिनो दं, 100 माईक्रन नि सिंनिफोरखौ नो बेन खालामजोबदों, प्लास्तिक प्लेतफोर, काप फोर, सिगारेत नि पेक फोरखौ बो बेन खालामदों सोरखार आ।
कक्राझार सहरनि साखाथि सान्दामारियाव थानाय बडफा कालसारेल कमफ्लेक्सजों नांजाबनानै थानाय बातारमारि गामिनि 36 बिघा आबाद मावनानै जाग्रा हाखौ कक्राझार जिल्ला खुंथाया Integrated Circuit house लुफुंनो थिरांथा खालामनाय उनाव बातारमारि गामिनि थागिबि रायजो राजाफोरा गोख्रों खुद्रिसारनायखौ दिन्थिबोगासिनो दं, बेनि गेजेरावनो कक्राझार जिल्ला एबसु आरो ट्राइबेल संघआ मैया ओनसोलनि थागिबि रायजो राजाफोरजों गुवार सावरायज्लायो, कक्राझार जिल्लानि एबसुनि आफादगिरि ख्रीपेस्त दैमारीजों लोगोसे ट्राइबेल संघ कक्राझार जिल्ला कमिटिनि आफादगिरि अनिल चन्द्र औवारी नि दैदेननाय दोलो आ जायगा याव थांनानै धर्ना हैदों, बिथांमोना बुंदों जेब्लाबो ट्राइबेल फोरनि हा हु रैखाथिनि थाखाय एबसु आरो ट्राइबेल संघा खामानि मावगोन होननानै। ख्रिपेश दैमारि बिथाङा बुंदों अफिसार बिथांमोना बे हा याव नोंथांमोननि जेबो अधिकार गैया बायदि बायदि बुंनानै गामि नि सुबुंफोरखौ गाज्रियै बुंदों होनना फोरमायो। बेफोरनि गेजेराव नो ससियेल मिदिया याव हा हगारना होनायनि फोरमान बिलाय गांसे भाइरेल जादों, बेसेबां सैथो बेखौ मिथिया, बे फोरमान बिलाय आ थार ना नंखाय बेखौ नायबिजिरोब्ला सो मिथिगोन, नाथाय गोबां दानि सोरखार नि दैदेनगिरिफोरा हा खौ होआखै होनना बुंबोगासिनो, बितिआर नि गाहाय प्रमद बर बिथांजों लोगोसे ईएम रन्जित बसुमतारि बिथाङा बो हा खौ होआखै होनना बुंदों। फारसेथिं बेरेखा आन्दोलन, फारसेथिं अग्निबिर जानो थाखाय एप्लाई खालामनायनि दोहौ, गाहाय मन्थ्रि नरेन्द्र मोदि नि अग्निपथ बिथांखि नि फारसे बेसेबां गोसो दं बेखौ एप्लाई खालामनाय आव नो मिथिदों। एप्लाई खालामनाय आ जागायनानि उनाव नो 6 सान आव नो 2 लाख नि बारा सुबुंफोरा एप्लाई खालामदों, नाथाय मासि आ 3 रोजा ल दं, फैगो 5 जुलाई आव एप्लाई आ जोबगोन, मखजाथावदि एयारफर्स आ नो गिबि अग्निबिर खौ सोनायनि थिरांथा लादोंमोन, साननैसो उनाव ईन्दियान आरमि आव साख्रि थिसननाय आ जागोन होनना बुंदों।
फैगो 6 आगस्त आव लेङाय हादरगिरि नि बिसायखथि आ जागोन। बै सानखालि नि बेनि फिथायखौ मोनगोन, बिसायखथि आयोग आ फोसावना होबाय खालारखौ, दानि लेङाय हादरगिरि एम भेंकया नायदु नि बिबान आ 10 आगष्त सिम थागोन, खौरां मोननाय बादिब्ला 19 जुलाई सिम नमिनेशनलाय गथायनो हागोन, आरजलाई खौ लाफिननायनि जोबथा खालार आ 22 जुलाई, लोकशभा आरो राज्यसभा नि सोद्रोमाफोरा भत खौ होगोन।
एबसुनि बानजाइनायाव जिल्ला जिल्ला UPSC ORIENTATION हाबाफारि लानाया दिनै बाथि सानाव आगान होबाय ।थिखानाय खालार बादियै दिनै सनितपुर जिल्लानिखौ तेजपुराव थानाय बान थियेतार नयुंङाव सानसेनि मेहेरगोनां हाबाफारिजों खुंफुंङो ।हाबाफारिनि आलारि बाथिखौ फोजोंजेनो एबसुनि बोसोनगिरि मानगोनां मुस्रि खुंख्रा सर्गियारीया आरो UPSC ORIENTATION हाबाफारिखौ बेखेवनानै होयो सनितपुर जिल्लानि लोगो जिल्ला बेंगिरि कबिता फांसु(ए.चि.एस)आ । हाबाफारिखौ मासि लानानै दैदेनो मिरु एबसुनि लेङाइ आफादगिरि मानगोनां मुस्रि खोरोमदाव वारीया । दिनैनि सनितपुर जिल्लानि UPSC ORIENTATION हाबाफारियाव गाहाइ आलासि महरै बाहागो लायो एबसुजों हांख्राइनानै लाबोजानाय दिल्ली बिकन आइ.ए.एस एकाडेमिनि बिथोनगिरि मुस्रि जितेन्दर कुमारा । गाहाइ आलासि महरै बाहागो लानानै बिथाङा फरायसाफोरा बोरैहाय UPSC आनजादखौ उथ्रिसारनो हागोन बिनि सायाव गोथौयै आरो गुवारै बिबुंथि लाखियो गोसोगोनां आरो गावखौ बाउसोमग्रा बिजाथिफोरनि थाखाय UPSC आनजादा गोराद्रायबो नङा होन्नानै एबसुनि बेफोरबादि हाबाफारिफोरा सानसे बर' हारिखौ जोबोद गोजौआव लांगोन जायखौ बड'फाया हास्थायोमोन होननानै गावनि बेसेन गोनां बिबुंथियाव दाजाबदेरनानै बुंबावो । मिरु एबसुनि लोगो आफादगिरि मानगोनां मुस्रि खोरोमदाव वारीया दैदेननाय दिनैनि हाबाफारियाव मुस्रि रन्जन कुमार बरुवा( फाउण्डार, नर्ट इस्ट इउट फाउण्डेसन)याबो बुंथिगिरि महरै बाहागो लायो ।
जाख्लनायनि दाय आव सासे एसआई आ हमजाबाय। जोनमनि राभा नि उनाव दायो आरो सासे एसआई रायजो आव हमजालायबाय। नगांव जिला नि कावैमारि पुलिस आउकपस्त अफिसार हायदार हुसेईन आ हमजादों। हा हु नि मोनसे गसर आव हमनानै लाबोनाय सासे सुबुं खौ गाज्रियै बुदोंमोन बे पुलिस अफिसार आ, नगांव जिला एसपि नि बिथोन आव हमनाय जादोंमोन, बुबुल आलि मुंनि सुबुं खौ हमनानै बुनानै घुस बिदोंमोन, दायो गावनो हमजानानै सोंजागासिनो पुलिसफोरजों। बाबुल आलि नि अजद आव नो आगोलावबो खनसे रिजार्भ क्लस खालामनाय जादोंमोन हाईदार हुसेईन खौ, मखजाथावदि दानसे सिगां आव ल सो नगांव पुलिस नि एसपि जोनमनि राभा खौ जाख्लनायनि अजद आव माजुलि पुलिस आ हमदोंमोन दायो आरो बेबायदि नो एखे जाथाय आ नो जाफिननायनि खौरां मोनलायबाय।
Please do not enter any spam link in the comment box. ConversionConversion EmoticonEmoticon