सासे बर आयजो आ 71 रोजा रां लुथिजाबाय। एतिएम कार्द नि सिक्रेद नम्बर खौ
नायखुमानायनि उनाव कार्द खौ सिखाव खालामनानै गुबुन गुबुन एतिएम निफ्राय रां
दिहुनना लाङो। मिथिना मोननाय बादिब्ला गसाईगांव महकुमा नि सिंनि 4 नं वार्द नि
थागिबि गेवलांश्रि ब्रह्म मुंनि आयजो आ नो लुथिजादों रां। 10 जुन खालि खनब्रै जयनगर एतिएम निफ्राय,
बेबायदि नो श्रिरामपुर नि सिएसपि निफ्राय बो 20 रोजा आरो 11 जुन खालि आलिपुरदलार
निफ्राय 18 रोजा रां दिहुनना लांङो। एतिएम आव रां दिहुननाय समाव नो
नायखुमादोंमोन पिन खौ। नाथाय सोमोनांथाव बाथ्रा या बेसो दि रां दिहुननाय समाव
मोनसेबो मेसेज थाङाखैमोन लांजानायनि आव, साननै रां दिहुनदों, थेवब्लाबो मेसेज
मोनसेबो थाङाखैमोन। उनाव रां दिहुननो थांनाय आव सो जाथाय खौ मिथियो। दायो गसायगांव
सदर थाना याव एजाहार होबाय होनना खौरां मोनदों।
दैबाना नि गासैबो खौरां। रबिबार सिम रायजो नि गासै 33 जिला या दै नि सिङाव। फ्लाद रिपर्तिं एन्द ईन्फरमेशन मेनेजमेन्त सिस्तेम आ होनाय सानसे नि रिपर्त नि बादिब्ला बेकि, मानस, पागलादिया, पुथिमारि, कपिलि, सवनसिरि नि दै आ गिथावना सिमा नि गोजौ आव बोहैगासिनो। लोगोसे धुबुरि गोवालपारा, तेजपुर आरो निमाति घात आव बुरलुंबुथुर आ बो गिथावना सिमा नि सायाव बोहैगासिनो। दासिमबो 5137 गामि पोरा दै नि सिङाव, 4 लाख 22 रोजा नि बारा सुबुंफोरनियाव गोहोम खोख्लैदों, मैया सानसे आव नो हा गिसिखानाय आरो दैबाना नि थाखाय सा 9 सुबुंफोरनि जिउ गोमादों। दासिम रायजो नि 107370 हेक्तर आबाद हा नि खहा जादों, 1147 केम्प बानायनाय जादों, बेयाव दासिम 1 लाख 86 रोजा नि बारा सुबुंफोरा थादों। गुबुनफारसे सोरखार आ दैबाना जानाय ओनसोल आव सोरखार आ मदद बो होदों होनना खौरां मोनदों। मैया सानसे आव 9665 केजि मायरं, 1638 केजि दालि, 743 केजि संख्रि आरो 38953 लितार जानाय थाव होदों सोरखार आ, बेफोरनि अनगायैबो गथ फोरनो आदार आरो जुनारफोरनो बो जाग्रा आदार होदों होनना खौरां मोनदों। दैबाना नि थासारि आ गाज्रि जानाय आव गोबां जिला नि फरायसालि कलेज फोरखौ बन्ध फोसावदों। बजालि जिला नि जिला बेंगिरि आ गासैखौबो बन्ध, बेबायदि नो गोदान जिला तामुलपुर आव बो बन्ध, मंगलबार सिम, काछार जिला याव बो बन्ध। कामरुप रुराल, दरं आव बो बन्ध नि खौरां मोनदों।
अग्निपथ नि 4 बोसोर नि उनाव मा खालामगोन। मैया खौरां मेल नि गेजेरजों आरमि नि गाहाय आ बुंदों, गोबां जायगा याव नो हिंसायारि जाथायफोर जादों, बेनि सायाव नो मोन 3 बो भारत नि सारभिस नि खौरांमेल जादोंमोन मैया। बोसोरफ्रोमबो 17600 मावथिफोरा सम नि सिगाङाव नो आजिरा लायो आरमि आव, बेल नङा दि अग्निपथ आव ल आजिरा मोनगोन, जों रैखाथि हानजा नि बैसो नि ग्राफ खौ खम खालामनो थाखाय बेखौ लाबोदों, सासे सुबुं आ सोंदोंमोन 4 बोसोर नि उनाव मा जागोन होनना, 4 बोसोर नि उनाव 25 जौखोन्दो खौ लाखिगोन, 75 जौखोन्दो आ गुबुन जायगा याव साख्रि नि सुबिदा मोनगोन, जोबनाय आव बेखौबो बुङो दि बे बिथांखि खौ मोजाङै मावफुंनो हो, गासैबो जेंना नि समाधान थागोन एबा दिहुनगोन होनना बुंदों बिथाङा।
सोर सोर नबजित नो भत होआखै, भत होनाय आ खम जाबाय नामा बर फोरना, तप आव थानो हायाखै नि खौरां। बेखायनो जेसेबां हायो भत होदो बरफोरा। आसामनि आरो सासे आ बो दं, बेखायनो गुबुनफोरनिफ्राय मोनगोन खौ ईसे आसा खम खालामनो हायो। बेखायनो जोंनिफोरा गासैबो ज जानानै नो होनो नांगोन भत खौ। 9152915246 नम्बर आव मिस कल ल सो हरनो नांगौ, नोंथांनि मोन 1 भत आ नो बर फिसा खौ देरहासाद खालामनो हागौ।
मोजां मोननायनि थाखाय नो सासे सुबुं खौ बुथारदों। लोगो जानानै। दिब्रुगर नि नाहरकतिया याव जादों सोमोनांथाव जाथाय आ, सानै लोगो आ लोगो जानानै सासे सुबुं खौ गोदना सेरथेनानै बुथारनानै कबरस्थान आव गारना गालाङो, बे जाथाय खौ मिथिनानै रागा जोंनानै रायजोफोरा बुथारग्रा नि न खौ सिफायजोबो, 18 जुन खालि नो जादोंमोन जाथाय आ, नाहरकतिया नि रसिद आलि आरो आफताब आलि मुंनि सुबुं आ रियाज हुसेईन भुया मुंनि सुबुं खौ बुथारो, खौरां मोननाय बादिब्ला मोनाबिलि नि 7 बाजि सो आव ओंखारदोंमोन ननिफ्राय बे सुबुं आ, बेनि उनाव न आव थांफिनै आव सानसे उनाव पुलिस नि खाथि आव थाङो आरो सन्देह जानायखो खोन्थायो। उनाव पुलिस आ सोंनाय आव जाथाय आ सोराङाव फैयो। पुलिस फोरा बुंनाय बादिब्ला सानै सुबुं आ सासे हिनजावसा खौ नो मोजां मोनदोंमोन।
फेसबुक आव आलफा उदां खौ सापर्त खालामना लानानै हमजाबाय सा 4 सेंग्रा फोरा। लक्षिमपुर नि गासैबो, लोगोसे आलफा नि लिंकमेन सानै खौ बो हमदों होनना मिथिना मोनदों। लक्षिमपुर पुलिस आ मैया हमो गासैखौबो। हमजानाय सा 4 नि मुङा तपन फुकन उरफे भवानि खाख्लारि, प्रान्जल बरुवा, बैद्यनाथ देउरि आरो उत्पल गगै। गुबुनफारसे हमजानाय सा 2 लिंक मेन नि मुङा दिपक सईकिया आरो जितु मुदै। गासैखौबो लक्षिमपुर थानायाव लाखिनानै सोंगासिनो होनना खौरां मोनदों।
बिजनि आव जाथाय। बिजनि सोहोर आव हरखाब अर जोंबाय बाजाज पालसार बाईक आव। सालायग्रा या बारगयो। पालसार 180 नि रेजिस्तार नम्बर आ AS 26B 2546 होनना मिथिना मोनदों। हारसिंनो अर नांनाय आव बाईक आव नो माबा मोनसे जादोंमोन होनना सन्देह खालामनाय जादों, उनाव रायजोफोरनि मदद आव बाईक नि अर खौ खोमोरनो हायो।
रायजो नि गासैबो दैमा दैसा नि दै आ गिथावना सिमा नि साजों नो बोहैगासिनो दं, 32 जिला या दायो दै नि सिङाव। खौरां मेल नि गेजेरजों बेखौ बुंदों आसाम स्तेत दिजास्तार मेनेजमेन्त अथरिति नि गाहाय अफिसार ग्यानेन्द्र देब त्रिपाथि आ। 31 लाख सुबुंफोरा बाना नि थाखाय खहा जानांदों, 1.5 लाख सो सुबुंफोरा रिलिफ केम्प आव दं, एनदिआरएफ, एसदिआरएफ, भारत नि आरमि गासैबोआनो दैबाना नि समाव बासायदों सुबुंफोरखौ, 20 रोजा सो सुबुंफोरखौ बासायनो हादों, खौरां मोननाय बादिब्ला रायजो आव दासिम दैबाना आरो हा गिसिखानायनि थाखाय गासै सा 62 सुबुंफोरनि जिउ गोमादों। गुवाहाति नि 36 ओनसोलफोरखौ हा गिसिखानायनि गाहाय जायगा महरै सिनायनाय जादों।, भुतान आ दै हगारना होनायनि थाखाय नो दैबाना या बारा जादों होनना बो बुंबावो बिथाङा।
सा सानजा भारत आव दैबाना नि गिथावना महर,, गुबुनफारसे खोला भारत आव अग्निपथ बिथांखि नि बेरेखा नि गिथावना महर। मिरु सोरखार नि साननै सिगाङाव दिहुनना होनाय अग्निपथ बिथांखि नि बेरेखा जादों गोबां सुबुंफोरा नो। आग्निपथ नि अर जोंदों खोला भारत आव। तेलेंगाना नि सेकेन्द्राबाद आव जानाय हिंसायारि जाथाय जों सोमोन्दो थानाय सासे बारग आरमि नि जवान खौ एरेस्त खालामदों होनना खौरां मोनदों, बे रेल स्तेशन आव हिंसायारि जाथाय आव सासे सुबुंनि जिउ गोमादोंमोन आरो गोबां जोखोम जादोंमोन। तेलेंगाना पुलिस आ बुंदों आभुला सुब्बा राउ आ नो गाहाय मोन बे जाथायनि दायनिगिरि आ। बिनो सुबुंफोरखौ ज खालामनो ह्वात्सएप ग्रुप बानायदोंमोन, जेराव गोबां सुबुंफोरा नो रेल फोरखौ सावना होदोंमोन।
गिथावना जाथाय, अख्रां गेजेर आव नो अर नांना होनाय जाथाय होदोंमोन 185 दावबायारिफोर थानाय बिरखं नि ईन्जिन आ। दाउ जों सौग्रावलायनाय आव बे जाथाय आ जायो स्पाईसजेत बिरखं आ। बिरखं आव अर बो नांदोंमोन, खौरां मोननाय बादिब्ला बिहार पातना बिरखंगाथोन निफ्राय जादों होनना मिथिना मोनदों। पातना निप्राय दिल्लि सिम थांनाय बिरखं आव हरखाब अर नांदोंमोन, उनाव गोनांथारै गाहायाव ओंखारहोनांगौ जायो बिरखं खौ, दायो गासैबो दावबायारिफोरा नो मोजां देहा जों नो जायगा सोलायहोनो हायो। लोगो लोगो अर खोमोरग्राफोरखौ लिंहरो आरो अर खौ खोमोरो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon