प्रग्यान भारति बिथांखि नि गेजेरजों रायजो नि आन्दार ग्रेजुवेत फरायसाफोरनो
बिजाब बायनायनि मुङाव रायजो सोरखार आ 1 रोजा रां यै होदों, राजो नि 3,54341
फरायसापोरनो दायरेक्त बेंक त्रेन्सफार खालामना होबाय होनना मैया आसामनि सोलोंथाय
मन्थ्रि आ फोसावना होबाय. बिथाङा बे रां खौ मोजां खामानि आव बाहायनो थाखाय गासैबो
फरायसाफोरखौ खावलायो। बिथाङा मैया जनता भवन आव खौरांमेल नि गेजेरजों बेखौ फोसावना
होदों, लोगोसे बिथाङा एलआईसि एजेन्त महरै खामानि मावनाय फोरोंगिरिफोरनि बेरेखा
बिफान आ गोरा जागोन होनना बो बुंदों। गिबि खोलोब आव स्क्रिनिं खालामबाय थानाय
जादों, एजेन्त नि मुंफोरखौ फोसावनाय जाबाय आरो उनाव बो फोसावनाय जाबावगोन होनना
बुंदों बिथाङा। नेम नि बेरेखा थांनायफोरनि बेरेखा गोरा जागोन सोरखार आ।
गौहाति मुलुगसोलोंसालि आ दिग्रि नि 6थि सेमिस्तार नि आनजाद खौ फावसायबाय।
25 जुन निफ्राय जानो गोनां आनजाद आ दायो 29 जुन निफ्राय जागायसिगोन। मैया
अफिसियेलि बेखौ फोसावनानै होबाय। गोदान रुतिनखौ बिथांमोना थाबैनो दिहुनना होगोन।
खौरां मोननाय बादिब्ला दैबाना नि थाखाय नो बेखौ खालामदों मुलुमगोसोंसालि आ। गोबां
जायगा याव नो दैबाना जानाय आव आनजाद खुंनो हानाय थासारि आव गैयामोन कलेजफोरा, दायो
25 जुन आव जानाय नंलिया आनजाद आ। बेनि सिगां बो पिजि नि खौ बो फावसायदोंमोन।
सांग्रां जा, नंखाय मोब्लिब बिफान नि मेसेज आ लुथिनो हागौ नोंथांखौ। साईबार
क्राईम नि गोदान जाथाय खौ गोबां नुनो मोनदों।, लुथिग्राफोरा मानसिखौ थगायनायनि
गोदान गोदान लामा दिहुनगासिनो। थगायग्राफोरा साधारन सुबुंफोरखौ जे आव खोख्लैनो
नाजागासिनो। थांनाय साननैसो बेबायदिनो पस्तफोर नुनो मोनगासिनो ससियेल मिदिया याव।
खौरां मोननाय बादिब्ला बिल नि मुङाव नंखाय मेसेज हरो लुथिग्राफोरा, जेराव बिल खौ
होआब्ला मोब्लिब फोनांजाब खौ दानना होगोन होनना वार्निं होयो। थगायग्राफोरा मेसेज
आव गावनि गुगल पे नम्बर आव रां खौ हरनो बिथोन होयो, बिसोर फन बो खालामो होनना
मिथिना मोनदों। बेखायनो सांग्रां जा, बेफोर गासैबो नंखाय, मोब्लिब बिफान निफ्राय
बेफोरबायदि जेबो मेसेज हरनाय जाया। जानला मानला हरना लाबा खहा जागोन।
बन्ध जाबाय आनन्द राम बरुवा बान्था या। आसामनि सोलोंथाय बिफान नि मन्थ्रि आ
फोसावना होनाय बायदि आ नो जाबाय। मैया फरायसालिपोरनि गरम बन्ध खौ 5 सान सिगां नो
फोसावना बोनायनि गेजेरावनो मोनसे गोदान फोसावनाय। आगोलाव मेत्रिक आव 75 जौखोन्दो मोननायफोरनो
लेपतप होयोमोन, नाथाय बे बोसोर आव बे बान्था या थाया, 75 जौखोन्दो मोननायनो होनाय
आ बोसोर4सो ल जादों, बेनि सिगां 60 जौखोन्दो मोनोब्ला नो होयोमोन सोरखार आ, लोगोसे
लेपतप लायाब्ला रां बेनि रां खौ होयोमोन। 2005 मायथाई आव गिबि खेब होदोंमोन लेपतप
खौ, बै बोसोरनिफ्राय नो बे बान्था खौ होबोबाय थादोंमोन। मेत्रिक आव मोजां फिथाय
मोननाय फरायसाफोरा मोना लेपतप। बे बोसोर आव बाजेत प्रभिजन गैया होनना बुंदों। गुबुनफारसे
मैया मन्थ्रि बिथाङा 25 जुन निफ्राय नो गरम बन्ध खौ फोसावो, बे बोसोर आव 25 जुन
निफ्राय 25 जुलाई सिम जागोन बन्ध आ।
बङायगांव नि देपुति रेजिस्त्रार जों लोगोसे गासै सा 3 खौ हमदों। हा बायनाय
फाननाय नि सायाव बेलेबेजे खालामनायनि दाय आव बङायगांव नि देपुति रेजिस्त्रार
कुलेन्द्र चन्द्र दास, हर नि सकिदार अनन्त राय आरो महरि गियाशुददिन आहमेद खौ हमदों
पुलिसफोरा, 2021 मायथाई आव बङायगांव सदर थानायाव सुङापुता नि बोसाक बिमुं नि सासे
आयजो आ एजाहार होदोंमोन, आयजो नि हा खौ बेलेबेजे खालामनानै फानदों होनना गसर होनाय
आव नायबिजिरो, उनाव पुलिसफोरा नायबिजिरनानै फोरमान बिलायफोरखौ फारेन्सिक लेब आव
दैथायहरो आरो दायो खौरां मोननाय बादिब्ला फारेन्सिक लेब नि रिपर्त आव साईन आ
गोरोबलाया। बेनि उनावनो सा 3 खौ बो पुलिसफोरा थाना याव लाङो आरो गोबाव सम सोंनायनि
उनाव सा 3 खौ बो एरेस्त खालामो। बेनि सिगां बो एखे गसर आव नो सा 4 खौ हमदोंमोन
पुलिसफोरा।
30 जुन आव हायार
सेकन्दारि नि जोबथा आनजाद नि फिथायखौ होगोन नामा, गोबाङानो सोंगासिनो, होगोन होआ
बेनि सोमोन्दै दासिमबो खौरां मोनाखै, दायो ओंखारनाय खौरां आ अफिसियेल नंगौ ना नङा
बेखौ मिथिया, अफिसियेलि फोसावनाय खौरां खौ मोनाखै, बेखायनो बेखौ दानो रोखायै बुंनो
हाया। नाथाय खौरां मोननाय बादिब्ला बे खनसे आव रिजाल्त होनाय आ 30 जुन नि बारनाय
नङा, 30 नङाब्ला बेनि सिगां नो होनो हागौ रिजाल्त खौ।
बि बय्स खौ थ नोंथांमोना सिनायखायो, बिथांनि मोनसे शर्त एक्सन मुभि
फैगासिनो, मुङा ऱ, 7 जुलाई खालि बेखौ रिलिज होगोन होनना खौरां मोनदों, बि बय्स आरो
रबिनसिं नि नाजानाय आव नो बेखौ दिहुननो हादों होनना खौरां मोनदों, बे सावथुन खौ बि
बय्स नि युतुब चेनेल आव नो होगोन होनना बुंदों बिथाङा। मैया बर फावखुंग्रि मिथि
नार्जारि आ बेखेवनानै होयो बेनि त्रेईलार खौ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon