दिनै हादर नि
सुबुंफोरा मोनगोन गोदान हादरगिरि। बिसायखथि नि भत साननाय आ सोलिगासिनो दं। दिनै
सायखजानाय बिजाथि आ भारत नि 15 थि हादरगिरि जागोन। गासै 4796 एमएलए एमपि फोरा भत
खौ होनो मोनो, बेनिनो 99 जौथोन्दो भत होनाय आ जादोंमोन बिसायखथि नि आ। गासै 771
एमपि फोर आरो 4025 एमएलए फोरा भत होनो मोनो। खौरां मोननाय बादिब्ला एनदिए नि
बिजाथि द्रोपदि मुर्मु बिथाङा नो भारत नि हादरगिरि जानो हागौ, बिथांनि देरहानायनि
चान्स आ नो बारा दंखायो, बेरेखा दोलो नि खौ नायोब्ला भत बादियै गासैबो जुदि बेरेखा
दोलो नि आ बेरेखा दोलो नि बिजाथि यशवन्त शिन्हा नो नो होजोबोमोनब्ला देरहागौमोन,
नाथाय बेरेखा दोलो नि आ बो एनदिएन नि बिजाथि नो गोबाङानो होनायनि सम्भावना दं
होनना खौरां मोनदों, बे हिसाबै द्रोपदि मुर्मु बिथाङा नो जानो हागौ हादरगिरि,
हादरगिरि जायोब्ला बिथाङा नो गिबिसिन त्राईबेल आयजो जागोन। खौरां लिरनाय सम सिम
एमपि फोरनि भत साननाय आव गासै 748 भत नि 540 खौ द्रौपदि मुर्मु आ मोनदों आरो 208
खौ यशवन्त सिनहा बिथाङा मोनदों. दायो एमएलए फोरनि भत साननाय आ जागोन।
सोमोनांथाव, बोसोरसे आव नो भारत हादरखौ गारनानै
गुबुन हादर नि नोगोरारि जाहैबाय 1 लाख नि बारा सुबुंफोरा, मिरु नखर राज्य मन्थ्रि
नित्यानन्द राय बिथाङा बुंनाय बादिब्ला 2021 मायथाइ आव गासै 1,63,370 सुबुंफोरा
भारत हादरनि नोगोरारि खौ गारदोंस 2020 आव 85,256 मोन आरो 2019 आव 1,44,017 मोन, मा
जाहोननि थाखाय बेबायदि खालामदों होनना सोंनायनि फिननाय महरै बिथाङा गावनि पार्शनेल
जाहोन नि थाखाय गारदों होनना बुङो, मन्थ्रि बिथाङा बुंनाय बादिब्ला 103 हादरफोरनि
नोगोरारि जाहैदों, हादर हिसाबै नायोब्ला आमेरिका नि नो बांसिन जाहैदों, कानादा या
नैथि, बेनि उनाव फारियै अष्त्रेलिया, बृतेईन, ईतालि, निउजिलेन्द बायदि बायदि, बेल
नङा, पाकिस्तान नि बो नोगोरारि जाहैदों गासै सा 48 आ, बेयो थांनाय 3 बोसोर नि
रिपर्त नि बादिब्ला।
सासे आयजो आ सा 3 गथ जोनोम होदों आसाम नि
लक्षिमपुर आव। सापरि गामि नि फरिदा मुंनि आयजो आ जिला नि गंसे सोरखारि नङि
देहाफाहामसालि आव सा 3 हौवासा गथ जोनोम होदों। अपारेशन नि गेजेरजों गथ आ जोनोम
जायो, आयजो नि बैसो आ 24, बिफा जमिर आ बुंदों- सोरखारि नखर नि नेम बादियै सानै गथ
खौ नो लाखिगोन सानदोंमोन, नाथाय आल्ला या मानियासै होनना। मोजां देहा जों जोनोम
जानाय गथ सा 3 खौ गामि नि सुबुंफोरा नायनो नेगासिनो।
जापानिस एनकेफेलाईतिस बेराम जों गाग्लोबजानानै
आरोबाव सा 3 नि जिउ गोमाबाय रायजो आव. दासिम सा 35 जाहैबाय थैनाय आ, लोगोसे मैया
नि गेजेराव गोदान 24 केस बो मोनदों होनना खौरां मोनदों, बाक्सा आरो चिरां आव गोदान
मोनसे मोनसे केस मोनदों, दासिम जागायनायनिफ्राय मोननाय केस आ गासै 226 जाहैबाय।
सांग्रां जा, थाम्फै अरजानायनिफ्राय गोजानाव थानो नाजा।
नंखाय आनजाद होगिरि हमदों, साननै सिगाङाव नित
आनजाद आ जादोंमोन, बेयाव गिदिर लेनदेन नि खौरां मोनदों, सिबिआई आ नायबिजिरनानै सा
8 सुबुंफोरखौ हमदों, मेदिकेल नि आनजाद आव पास खालामनायनि मुङाव रां होदोंमोन।
मोनफ्रोमबो मासि नि थाखाय 20 लाख सिम रां नि लेनदेन नि खौरां, दिल्लि आव सिबिआई आ
हमदों सा 6 खौ, बिसोर गुबुन फरायसाफोरनि महर लानानै आनजाद खौ होयो, रां लानानै
फिननाय लिरो, बेनि गुबै दायनिगिरि खौ सिनायबाय, मुङा शुसिल रन्जन, दिल्लि नि नो।
दायो बेबायदि गाज्रि खामानि मावनाय सा 11 सुबुंफोरनि मुङा ओंखारदों, जाय फरायसा नि
थाखाय बेखौ खालामदोंमोन बिखौ बो पुलिसफोरा सोंगासिनो होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon