दिनै निफ्राय हादर
आव खनसेल बाहायनाय प्लास्तिक खौ आबुङै बेन खालामबाय। आगोलावनो 1 जुलाई निफ्राय
बन्ध खालामगोन होनना फोसावदोंमोन। खनसेल बाहायनाय प्लास्तिक आ बाहायजाथावना नहि
आरो गोबां गाज्रि खालामनायनि सम्भावना थानायनि थाखाय नो बेनि बानायनाय, आमदानि,
लाखिनाय, राननाय फाननाय बाहायनाय गासैखौबो बेन खालामो, गासै 19 ता जाथो नि
प्लास्किक खौ बेन खालामदों, ए.र बाद, बेलुन आव बाहायनाय स्तिक, फिरफिला, सामुस,
सकलेत नि थारि, आईसक्रिम नि थारि, थार्मकल प्लेत, काप, गिलास, हानाय सामुस, स्त्र,
त्रे, मिथाई नि थफ्ला बोननाय, लाईजाम, सिगारेत नि पेकेत 100 माईक्रन नि खम
प्लास्तिक एबा पिभिसि बेनार बायदिफोरखौ बेन खालामदों। बे बिथोन खौ मानियाब्ला
फालांगिरिफोरनि बेरेखा गोरा आयेन नि बेबस्था लागोन होनना बुंदों, फालांगियारि
फसंथानखौनो बन्ध खालामना होनो हागौ होनना वारनिं होदों।
तिनसुकिया नि काकपथार
आव आलफा आऱो आरमिफोरनि गेजेराव गुलि गावलायनाय जाथाय। आलफा उदां नि गिथावना
सोद्रोमा रुपम असम नि दैदेननाय सा 6 नि दोलो जों गुलि गावलानाय जाथाय जादोंमोन, ग्रेनेद
बेरफ्रुहोनाय जाथाय जायो, आलफा उदां नि सोद्रोमाफोर जोखोम जादों होनना साननाय
जादों, थैनायनिबो सन्देह खालामनाय जादों। खौरां मोननाय बादिब्ला भोला सांमाई मुंनि
सुबुं नि न आव थादोंमोन सा 6 नि दोलो आ, आरमिफोरा खौरां मोननाय लोगो लोगो नो
नायबिजिरनाय आव गावलायनाय जायो, गिबि आव आलफा नि दोलो आ ग्रेनेद खुबैहरग्रोदोंमोन
होनना बुंदों, नायबिजिरनाय आ सोलिगासिनो दं।
आखाय आखाय मबाईल
फन आरो ईन्तारनेत नि सुबिदा जानाय लोगो लोगो नो बारायलांगासिनो दं साईबार क्राईम आ
बो। हेकार फोरा साधारन सुबुंफोरखौ नोजोर होबाय नो थायो थगायनो थाखाय। बे बायदि थगायनायनि
बोलि जानाङो फावखुंगुर शान्तिलाल मुखार्जि आ। मोब्लिब बिल होनायनि मुङाव एकाउन्त
निफ्राय हेकार आ लुथिना लाना थांबाय 2.5 लाख फ्राम रां। मिथिना मोननाय बादिब्ला 13
जुन आव फावखुंगुर नि फन आ मेसेज मोनसे फैयो मोब्लिब बिल खौ होआब्ला हरसे नि
गेजेरावनो मोब्लिब फोनांजाब खौ दानना
होगोन होनना। मबाईल एसएमएस फैनाय लोगो लोगो नो मोब्लिब बिल खौ होयो फावखुंगुर आ,
बेनि दसे उनाव नो सिनायमोनि नम्बर नि मोनसे कल फैयो बेयाव मोब्लिब बिल होनायखौ
आपदेत खालामनो नांगौ होनना 11 रां सोनो नांगोन होनना बुङो आरो मोनसे मेसेज हरो
जेराव लिंक मोनसे हरो, थिननाय बादि नो लिंक आव क्लिक खालामो, नाथाय उनाव लोगो लोगो
2.5 लाख फ्राम रां लांजायो एकाउन्त निफ्राय। बेखायनो जोंनिफोरा सांग्रां जा,
मोब्लिब बिफान आ माब्लाबाबो बेफोरबायदि मेसेज हरा होनना आगोलनिफ्रायनो रोखा
खालामना होदों।
आसामनि गिबि
मन्थ्रि आ दिल्लि नि लेङाय गिबि मन्थ्रि मनिश सिसोदिया नि सिम मानहानि नि गसर
थिसनदों। थांनाय 4 जुन खालि दिल्लि नि लेङाय गिबि मन्थ्रि आ आसामनि गिबि मन्थ्रि
नि सायाव जाख्लनायनि अजद होदोंमोन आरो बे अजद खौ नंखाय होननानै नो बिथांनि बेरेखा
गसर थिसनदों। दायो गसर नि सायाव बिजिरसालि आ नतिस हरबाय होनना मिथिना मोनदों, मखजाथावदि
कभिद नि समाव गिबि मन्थ्रि नि नखर नि कम्पानि नो पिपिई कित नि थिका होदों होनना
खौरांमेल नि गेजेरजों बुंदोंमोन, गुबुनफारसे बे अजद फोरखौ गासैखौबो नंखाय होनना
उकिल देबजित शईकिया बिथाङा बुंदों, जेसिबि ईन्दास्त्रिस आ एनएईसएम निफ्राय जेबो
रां लायाखै, थिका नि थाखाय एप्लाई बो खालामाखैमोन, दिल्लि नि लेङाय गिबि मन्थ्रि आ
नंखाय खौरां फोसावदों, जुदि बे अजद आ नंखाय फोरमाव जायोब्ला 2 बोसोर नि जेल बो जानो
हागौ होनना बो बुंबावो बिथाङा, बेनि सिगां बो गिबि मन्थ्रि नि बिसि रिनिकि भुया
शर्मा या बो 100 कौति रां नि मानहानि नि गसर होदोंमोन।
हादोर आव जा
दुंहाव थासारि सोमजिदों बेनि दायनिगिरि आ नुपुर शर्मा या नो, बेखौ बुंदों जौसिन
बिजिरसालि आ। पयगम्बर बेरेखा बाथ्रा बुंनायनि थाखाय नो हादर नि गुबुन गुबुन जायगा
याव दुंहाव थासारि सोमजिगासिनो। बिजिरगिरि शुर्य कान्त आरो जेबि पादिवाल बिथांमोना
गोख्रों राव जों सोंखारिदों. दायो नुपुर शर्मा खौ माहारियारि खौरां बिजों नि
गेजेरजों निमाहा बिनो बिथोन होदों, मथजाथावदि बेबायदि बेरेखा बाथ्रा बुंनायनि उनाव
नो उदयपुर आव सासे दर्जि खौ बुथारनाय जाथाय जादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon