23 July bodo news 2022 ~ Bodoinfo.com

आसाम सोरखार नि हान्थामेला बिफान आ मावखुलि आव थाङालासैनो गारि नि रेजिस्त्रेसन नि फोरमान बिलाय आरो लाईसेन्स नि ईशु नि थाखाय गोदान अनलाईन खालामनाय बेखेवदों, हान्थामेला बिफान नि कमिशनार आदिल खान बिथाङा किउआर कद थानाय आर सि आरो द्राईभिं लाईसेन्स ईसु खालामनायनि बाथ्रा फोसावदों, बियो मिरु लामा हान्थामेला बिफान नि नेम नि गेजेरजों नो जादों, बे गोदान नेम जों दितिअ अफिस आव कागज जमा होनाय, मासुल होनाय प्रिन्तेद द्राईभिं लाईसेन्स आरसि फोरखौ लानो थाखाय अफिस आव थांबाय थानांगौ नि गोनांथि गैया, बेयाव एम्बेदेद किउआरकद जों गोदान आरसि गिलोस पेतार्न, माऊक्रोलाईन, वातारमार्क आरो हलग्राम बायदि गुबुन रैखाथि नि सुबिदा थागोन, बिथाङा बुंदों द्राईभिं तेस्त आव पास जायोब्ला सासे सुबुं आ लाईसेन्स खौ मोननो दितिअ आव थांनांगौ नि गोनांथि गैया होनना बो बुङो।

पितिसिए एबा प्लेईन त्राईबेल्स काउन्सिल अफ आसाम नि आफादगिरि फारमिनास नार्जारि बिथाङा मैया खौरांमेल नि गेजेरजों उदयाशल आ थैखानाय, गोजाम, बेखौ होखांना मा जाबावनो होनना बुंनायनि सायाव बुंदों, बिथाङा रोखा खालामना होदों बे दाबिनायखौ दोनथदोंसो, हारि नि गेजेराव नांलायनाय जागोन सानना सो दोनथदोंमोन, 2020 आव खालामनाय कम्प्रेहेन्सिप एन्द फाईनेल सलुसन तु दियार दिमान्द होनना खालामनाय गोरोबथा बाथ्रा या सो गिदिर खोथा होनना बुंदों, जोंनि नोजोर आव थ बदलेन्द रायजो दानाय आ सो थैनायखौ नुनो मोनदों, मानोना बदलेन्द कनसेप आ थ एबसुनि मोन, जायफोर दायो बदलेन्द दाबिनो नागिरदों बिथांमोना नायनो हागोन होनना बुंदों बिथाङा।

सानफ्रोमबो बाहायनाय मुवा बेसाद, गेस बायदिफोरनि बेसेन आ बारा जालांनाय नि थाखाय भतार पार्ति ईन्तारनेशनेल एबा गुसुङै भिपिआई आ मैया धर्ना होदों। कक्राझार नि गान्धि पार्क नि मोखाङाव बे हाबाफारि खौ लायो, भिपिआई दोलो नि रायजो आफादगिरि ललित पेगु नि दैदेननाय आव बे हाबाफारि आव कक्राझार नि गुबुन गुबुन जायगा नि गोबां सुबुंफोरा बाहागो लादोंमोन, धर्ना होनायफोरा प्रमद बर, हाग्रामा भाई भाई, बिजेपि कंग्रेस भाई भाई, जिएसति खौ बोखार, बिजेपि हाय हाय बिजेपि खामानि गैया बायदि बायदि श्लगान होनानै दुंहाव खालामो थासारि खौ, आफादगिरि बिथाङा मुवा बेसाद नि बेसेन बारा जानायखौ होबथानो हायाखै आरो लोगोसे थांनाय बिसायखथि नि समाव प्रमद बर आरो आसामनि गिबि मन्थ्रि आ बेकार नि जेंना खौ फोजोबगोन होनना बुंदोंमोन बेखौ मावफुंनो हायाखै होनना अजद होदों, बेनि थाखायनो सोरखार नि थगायनायनि बेरेखा 1 आगस्त निफ्राय गिदिर धर्ना हाबाफारि लागोन होनना बुंदों।

मैया 68 थि नेशनेल फिल्म बान्था खौ फोसावना होबाय। गोदान दिल्लि आव मोनसे खौरांमेल नि गेजेरजों देरहानायनि फारिलायखौ फोसावो, मोजांसिन फावखुंगुर एबा best actor नि बान्था खौ अजय देबगान आरो सुरिया नो होनाय जायो, अजय नो तानहाजि आरो सुरिया नो सुराराई पतत्रु सावथुन नि थाखाय. होनाय जादों, फावखुंग्रि नि आव अपर्ना बालामुरालि आ मोनदों सुराराई पतत्रु नि थाखाय, मोजां सिन सावथुन नि खौ सुराराई पतत्रु आ नो मोनदों होनना खौरां मोनदों।

साननैसो सिगाङाव मुंदांखा फावखुंगुर सलमान खान खौ बुथारगोन होनना सिगिदोंमोन, बेनि उनाव नो पुलिस फोरा नायबिजिरनायखौ जागायदोंमोन, खौरां मोननाय बादिब्ला बे जाथायनि उनाव नो बिथाङा मैया पिस्तल नि लाईसेन्स नि थाखाय एप्लाई खालामदों, मैया मुम्बाई पुलिस नि मावखुलि आव गाहाय बिथांजों सावरायालायो, थांनाय दान आव लाईजाम नि गेजेरजों सलमान आरो बिफा सेलिम खौ पान्जाबि मेथाय खनगिरि सिधु मुशेवाला नि बादि बुथारगोन होनना वार्नि होदोंमोन, बे लाईजाम खौ मोननायनि उनाव न रैखाथि खौ बारायना होदोंमोन।

गोलाघात आव बो आफ्रिकान स्वाईन फिभार नि गोसारनाय, जिला नि सानजा जौगाखां खोन्दो पदुमनि नि सिंनि बरकछारि गामि निफ्राय आरो जाहाथे अमा नि बेराम आ गोसारा बेनि थाखायनो मोननैसो बेन खालामना होदों। बे हिसाबै गोलाघात जिला नि सानसेयारि-सप्तायारि बाजार फोराव जायखिजाया जायगा याव अमा, अमा फिसा, अमा बेदर बेन खालामदों, लामा सामा फोराव बो फाननो बायनो मोना होनना मिथिना मोनदों, 22 आगस्त सिम बे नेम खौ होदों होनना खौरां मोनदों।, नेम खौ मानियाब्ला आयेन बादियै साजा मोनगोन।

सुक्रबारखालि ईदि एबा एनफर्शमेन्त दायरेक्तरेत आ सोनाब बंग नि फरायासालि सार्भिस आयोग आरो गुदि सोलोंथाय बर्द नि साख्रि थिसननाय नि केलेंकारि जों सोमोन्दो थानायनि दाय आव गोबां जायगा याव नायबिजिरनानै गोबां बिबांनि नोगोद धोन जब्द खालामनो हादों, नागिरनाय आव ईदि आ सोनाब बंग नि बारग सोलोंथाय मन्थ्रि पार्थ चेतार्जि नि मोजां सोमोन्दो नि अर्पिता मुखार्जिनि न नि मोखां निफ्राय 20 कौति रां नोगोद मोनदों। मखजाथावदि सुक्रबारखालि फुंनिफ्राय नो पार्थ चेतार्जि नि न आव बो नागिरदोंमोन, बेनि उनाव नो देहा गाज्रि जादों पार्थ चेतार्जि नि।

मोनसे दुखुनांथाव खौरां। अरुनाशल प्रदेश आव गोमाना थानाय सा 2 बर सुबुंफोरजों लोगोसे गासै सा 4 नि गोथै देहा खौ मोनबाय। गंसे गारि जों सा 4 बो थांदोंमोन, दायो सुबुंफोर खौ 400 फुत गाहायाव गोग्लैनाय हालोद आव मोनदों। सन्देह खालामनाय बादिब्ला खुवा या बारा जानायनि थाखाय नो जाब्रबथाय आ जादों, अरुनाशल नि निसिफु नि अन्थाय हाजो निफ्राय 400 फुत सिङाव मोनदों गोथै देहा खौ। नगांव नि नयन बसुमतारि, बेदान्त बरमाहेला, सोनापुर नि हिरक बर आरो तेजपुर नि सन्जिब दास आ बेरायनो थांदोंमोन, थांनाय 19 जुलाई खालि नो थांदोंमोन, दायो एनदिआरएफ नि दोलो आ गोथै देहा खौ बोखांनो नाजागासिनो, गोबां सम लानो हागौ होनना साननाय जादों, जाथायसालि आव वेस्त कामें नि जिला बेंगिरि आ जायगा याव थांनानै नायहैदों, दिनै फुंनि 10 बाजि निफ्राय नो एनदिआरएफ नि दोलो आ खामानि मावगासिनो। गुबुनफारसे बे जायगा याव गारि गंसे बो बायफ्लेनाय हालोद आव मोनदों, गिबि आव बे गारि खौ बिसोर बाहायनाय होनना साननाय जादोंमोन, नाथाय बिसोरनि नङा होनना मिथिना मोनदों। दायो गोथै देहा फोरखौ बोखांना लाबोनो हानायनि उनाव पस्त मर्तेम नि उनाव सो मिथिसिगोन।

सिबिएसई आ थाखो 10 आरो 12 नि आनजाद नि रिजाल्त खौ फोसावबाय। दिनै फुङावनो थाखो 12 नि रिजाल्त खौ होग्रोदोंमोन, दायो थाखो 10 नि खौ बो होबाय, सोरबाफोर नायाखैब्ला cbse.nic.in आरो results.cbse.gov.in आव थांनानै नायनो हागोन, थाखो 12 नि आ 92.71 जौखोन्दो आ पास जादों, मखजाथावि सिबिएसई आ थाको 12 नि खौ मोननै तार्म नि खुंदोंमोन आनजादखौ, बेयो तार्म 2 नि फिथाय। तार्म 1 आरो 2 नि खौ लानानै नो गासैखौबो मोनगोन होनना मिथिना मोनदों, गुबुनफारसे थाखो 10 नि आव 94.40 जौखोन्दो पास जादों, बांसिन हिनजावसा एबा फरायसुलिफोरा पास जादों, थाखो 10 आरो 12 आव फेईल जानायफोरहा कम्पारमेन्तेल नि बो बेबस्था दं होनना खौरां मोनदों।

नगांव जिला याव मोनसे सोमोनांथाव जाथाय, बिफा या नो फिसाज्ला खौ बुथारदों, फिसाज्ला नि खस्त होनाय एबा अत्यासार खालामनायखौ सहायनो हायि आव बुथारो, सिखा जों दानना होनाय आव नो जिउ गोमायो, गोबाव सान निफ्राय नो जौ लोंना फैनानै नखर नि सुबुंफोरखौ खस्त होयोमोन, बेबायदि खालामबाय थानाय आ खाथि नि सुबुंफोरखौ बो गोबां अशान्ति खालामोमोन होनना बिफा या बुंदों, मैया फिसा या गिबि आव बिफा खौ गाग्लोबग्रोदोंमोन, गावनि रैखाथि नि थाखाय नो सिखा जो गाग्लोबो बिफा या, थैनाय फिसाज्ला नि मुङा बिजेन्द्र सिंह आरो बिफा नि मुङा सामशेर सिंह, दायो पुलिसफोरा हमबाय.

मैया भारत नि हादरगिरि नि बिसायखथि नि फिथायखौ फोसावबाय, त्राईबेल आयदो द्रोपदि मुर्मु बिथाङा देरहाबाय बिसायखथि आव, साननाय बादि नो बेरेखा दोलो नि एमएलए फोरा बो होनायखौ नुनो मोनदों। आसामनि खौ नायोब्ला गासै सै 126 एमएलए फोर दं, बेनिनो सा 2 एआईइउदिएफ नि एमएलए आ भत होआसै, बे हिसाबै नायोब्ला 124 एमएलए फोरा भत होदों, बेनिनो देरहानाय बिजाथि आ गासै 104 भत मोनदों, दायो आसामनि लोगो सोरखार दानायनि एमएलए फोरखौ नायोब्ला गासै 82 ल सो जायो, बे हिसाबै गुबुन 22 भत आ बेरेखा दोलो निफ्राय फैदों, बेबायदि जागोन खौ सानखादोंमोन, आसामनि गिबि मन्थ्रि आ आगोलनिफ्रायनो बुंबोगासिनोमोन, दिनै सा 15-16 सो कंग्रेस नि एमएलए आ भत होदों होनना खौरांगिरिफोरनि सिगाङाव फोरमायो। एमपि फोरनि आव बो गासैबो नि आव 17 ता बारा मोनदों होनना फोरमायो, गासै 523 मोननो हागौ होनना सानदोंमोन, नाथाय 540 मोनदों।