गोजोनथाव खौरां। थांनाय बोसोर नि बादि नो बे बोसोर आव बो हायार सेकन्दारि, ईउजि आरो पिजि नि फरायसाफोरनि थाखाय बेसेननाङै मुं थिसननाय आ थागोन। गोरिब नखर नि फरायसाफोरनो एदमिशन एबा मुं थिसननाय खौ फ्रि खालामना होदों सोलोंथाय बिफान आ। बेनि थाखाय रायजो नि बुहुमफरायसालि, कलेज नि गाहाय बिथांमोननि सिम लाईजाम हरदों होनना मिथिना मोनदों। गोजौ सोलोंथाय बिफान आ 2022-23 बोसोर नि थाखाय जाय फरायसाफोरनि नखर नि बोसोरारि आय आ 2 लाख नि खम बिसोरनो बे सुबिदा खौ होदों, बे सुबिदा खौ मोननो थाखाय सार्कल अफिसारनिफ्राय आय एबा ईन्काम नि फोरमान बिलाय खौ लायनो नांगोन, साख्रि थानाय बिमा बिफा नि फिसा या बे सुबिदा खौ मोननाय नङा, रेगुलार फरायसाफोरनि थाखाय सो बेयो। लोगोसे फरायसाफोरा थाखो आव 75 जौखोन्दो थानो नांगोन होनना मिथिना मोनदों। सोरबाफोर नंखाय आय नि फोरमान बिलाय होयोब्ला दानजागोन होनना मिथिना मोनदों।
गोजोनथाव खौरां, बर फिसा जमुना बर आ एलोरदा काप नि फाईनेल आव मोनहैबाय, देरहायोब्ला सना नि मेदेल मोनगोन, फाईनेल मोननाय लोगो लोगो खमावनो रुफा नि मेदेल मोनगोन आ रोखा जाखाबाय, आगोलाव बिथाङा वर्ल्द चेम्पियनशिप आव बो मेदेल मोननो हादोंमोन। मैया नि गेलेनाय आव बिथाङा 54 के जि नि आव बेरेखा हागोरनि गेलेगिरि खौ 5-0 जों फेजेनो। बिथांजों लोगोसे मैया गासै सा 4 भारत नि बक्सारफोरा बो फाईनेल मोननो हादों, कलाईवानि श्रिनावसन, 48 केजि आव, गितिका, 48 केजि आव आरो अल्फिया 81 केजि आव आ बो फाईनेल मोनदों। दिनै फाईनेल आ जागोन नि खौरां मोनदों, देरहायोब्ला 700 आमेरिकान दलार मोनगोन, रुफा नि मेदेल मोननाय आ 400 आरो ब्रन्ज नि आ 200 दलार मोनगोन होनना मिथिना मोनदों।
गुवाहाति नि बरबरि सिलसाको ओनसोल आव थांनाय मे दान आव गुवाहाति प्रसासन आ गोबां सुबुं नि न सिफायना होदोंमोन, बे सिफायजानाय नखरफोरा दासिमबो सोरखार निफ्राय जेबो रोखोमनि मदद एबा खहा सुफुंनाय मोनाखै होनना बुंदों, दासिमबो थि नङि केम्प बानायना नो गोबाङा थानो गोनां जादों, बेफोरनि गेजेरावनो गोबां आयजो आरो उन्दै गथ फोरा गुबुन गुबुन बेराम आव गोग्लैनानै देहा या गाज्रि जादों। गुवाहाटी जिल्ला बर' थुनलाइ आफाद, रेगा फाउनदेसन, कटनसा एलुमिनि मीट आरो बर' वमेन जासटिस फरामनि बानजायनायाव बे जायगायाव बेसेन नाङै सावस्रि बादा खुंफुंदों। मैया फुंनि 9 बाजि निफ्राय बेलासि नि 4 बाजि सिम खालामो। गुवाहाटी नोगोरमायाव थानाय आर्ज हस्पिटालनि डाक्टार आरो नार्सनि मोनसे हान्जाया बे हाफाफारियाव बाहागो लानानै हाबाफारिखौ जाफुंसार होयो। लोगोसे बे हाबाफारि आव बर थुनलाय आफाद नि बारग लेङाय आफादगिरि कमलाकान्त मुशाहारि, गुवाहाति जिला बर थुनलाय आफादनि आफादगिरि लोहित चन्द्र ब्रह्म, बर अमेन जास्तिस फराम नि डाँ अन्जालि दैमारि, रेगा फाउन्देशन नि सान्स्रि बसुमतारि जों लोगोसे गोबां सुबुंफोरा बाहागो लादोंमोन होनना मिथिना मोनदों।
पुलिस आ नो पुलिस जों हमजादों। पुलिस नि आखाय आव हमजानाय सुबुं नि मुङा कन्सतेबल मजिबुर रहमान, बङायगांव सदर पुलिस आ हमदों होनना मिथिना मोनदों, जाथाय नि सोमोन्दै मिथिनाय बादिब्ला सासे सुबुं निफ्राय बे कन्सतेबल आ माबा मोनसे रिपर्त बानायनायनि मुङाव रां दाबि खालामदोंमोन, रां दाबि खालामजानायनि मुहा सुखिराम भौमिक, जाथायनि उनाव सुखिराम आ कन्सतेबल नि बेरेखा एजाहार होदोंमोन, बे एजाहार नि सायाव नो बिखौ एरेस्त खालामनाय जायो।
सासे सोरखारि साख्रि मावनाय सुबुं आ सासे हिनजावसा खौ नंखाय मोजां मोनफ्लानानै जिनाहारि खालामनाय जाथाय, बागसा जिलानि सालबारि महकुमानि सिङाव थानाय माज्जाबारि गामियाव सोमजिदों मोनसे सोमोनांथाव जाथाय। देभिद दास मुंनि सासे आसाम राइफल आव साख्रि मावनाय आ नो बे गाज्रि खामानि खौ मावदोंमोन, बियो सासे नार्स सिख्लाखौ गोसो थोफ्लानानै जिनाहारी खालामनायनि अजद। हाबा खालामगोन होन्ना नंखाय रादाय होना नार्स सिख्लाखौ देहायारि सोमोन्दो लाखिनायनि उनाव भुगिनांनाय नार्स सिख्लाया आसाम राइफल जवान देभिद दासनि हेंथायै सालबारि पुलिस थानायाव मोनसे गसर थिसन्नायनि उनाव गासै जाथायफोरा सोरांआव फैयो।नार्स सिख्लाया गसर थिसन्नायनि उनाव बागसा पुलिसआ 36 नम्बर बेटालियान आसाम राइफल जवानखौ न आव फैनाय समाव ग्रेप्तार खालामो।
सासे बर आयजो खौ सिनायमोनि दुथांनि गाग्लोबनाय जाथाय, गाग्लोबनायजों लोगोसे लुथिनो बो नागिरदोंमोन। गसाईगाव नोगोरनि थागिबि अनिमा बसुमतारी मुंनि आयजोआ सापकाटानिफ्राय अट'जों गसाईगावआव थांबाय थानाय समाव गसाईगाव अभार ब्रिजनि गाहायनि लामायाव हरखाब सिगां फारसेनिफ्राय फैनानै अनिमा बसुमतारीनि आखायाव दानलाङो सिनाय मोनै सुबुंआ। मिथिना मोननाय बादिब्ला फिसायजों भिदिअ कल रायलायबाय थादोंमोन आरो थिग बे समावनो सोरबा सिनायमोनि दुथां आ बिखौ दानदों आरो बिनिफ्राय लुथिना लांनो नाजादोंमोन। दानजानायनि उनाव अनिमाया होख्रावो आरो गारिया जायगायावनो थाद'यो । दानजानायनि जाहोनाव अनिमानि आखाया बायो आरो फाहामथायनि थाखाय गसाईगाव आर एन बि देहा फाहामसालियाव थिस'न्दों। गाग्लोबनानै लुथिनो नाजादोंमोनब्लाबो जेबो लांनो हायासै होननानै आयजो आ फोरमायदों।
चिरां जिल्लानि बिजनीआव सासे सुबुंनि गोथै सह बोखांदों। मैया फुंआव बोखांनो हादों सासे सुबुंनि गोथै सह। बे जाथायखौ लाना ओनसोलाव दुंहाव थासारि सोमजिदों। बोखांनो हानाय गोथै सहखौ बिजनी नोगोरनि साहा फारसे थानाय 1 नं दङागाव गामिनि 50 बोसोर बैसोनि कमलाकान्त बसुमतारी होननानै सिनायथिनो हादों। खामारगुरियाव थानाय बिजनी-कुक्लुं र’ड साखाथिनि हाखराव गोग्लैना थानाय थासारियाव कमलाकान्त बसुमतारीनि गोथै सहखौ बोखांनो हादों। बबेखानि, कमलाकान्त बसुमतारीया थांनाय सुक्रबारखालि मोनाबिलिनिफ्रायनो गोमानानै दंमोन होननानै मिथिनो हादों। रिपर्ट बादुब्ला, दिनै फुंआव जायगानि सुबुंफोरा गोथै सहखौ नुस’ननानै पुलिसनो खौरां हरो आरो बर’बाजार आउट पष्टनि पुलिसा जाथायसालियाव थांना गोथै सहखौ बोखांनानै पष्ट मर्टेमनि थाखाय काजलगाव जे एस बि सिभिल हसपिटालाव दैथायहरो आरो बेनि उनाव सरसनस्रा नायबिजिरनायखौ जागायो। बबेखानि, बे जाथायनि सायाव पुलिसा नायबिजिरनो जागायबायब्लाबो बे खौरांखौ सुजुनाय समहालागै कमलाकान्त बसुमतारीया मा जाहोननि थाखाय थैनो गोनां जाखो बेयो दासिमबो सोराङाव फैयाखै।
रायजो सोरखार आ सानै एसिएस अफिसारफोरखौ सासपेन्द खालामदों, त्रेन्सफार खालामनायनि उनाव गोदान मासि होनाय आव जईन जायि नि दाय आव सासपेन्द खालामदों होनना मिथिना मोनदों। सानै एसिएस अफिसार नि मुङा अनुराग फुकन आरो हुमान गहाई बरुवा। अमुराग फुकन बिथांखौ जेनेरेल एदमिनिस्त्रेशन बिफान नि प्रतकल अफिसार नि मासि आव त्रेन्सफार खालामदोंमोन थांनाय 25 एप्रिल आव नो, नाथाय बिथाङा 13 मे सिम बो बे मासि आव जईन जायाखैमोन, सोरखार नि बिथोन खौ मानियैनि थाखाय बेखौ खालामो आरो गुबुनफारसे हुमान बिथांखौ बो एखे मासि आव नो त्रेन्सफार खालामदोंमोन, नाथाय बिथाङा बो 19 जुन सिम जईन जायाखैमोन, जायनि थाखाय नो सासपेन्द खालामो होनना मिथिना मोनदों।
दानिया जेबो हेंथा गैयालासैनो गुबुन हादरनिफ्राय सोरबा सुबुंङा 10 लाख रां सिम भारत आव हरनो हासिगोन। बोसोरसे आव 10 लाख सिम जेबो हेंथागैयालासैनो हरनो हागोन। बेखौ मिरु नखर बिफान आ बुंदों, लोगोसे 10 लाख नि बारा हरनो गोसोब्ला बेनि सायाव सोरखार नो फोरमायनो थाखाय 90 सान नि सम सिमा थागोन, आगोलाव 1 लाख रां सिम ल हरनो हायोमोन, आरो लोगोसे बेनि बारा हरनोब्ला 30 सान नि ल सम होयोमोन, नाथाय दायो बेखौ सोलायबाय होनना मिथिना मोनदों।
गहपुराव सिनायमोनि दुथांफोरा गंनै ट्राकखौ सावना होदों। अरुणाचलनि बिलाथि जौ लाबोनाय गंनै ट्राकखौ सिनायमोनि दुथांफोरा सावना होदों। हेलेम पुलिस थानानि बेन्दोंआव जादों बे जाथाया। मिथिनो हानाय बादिब्ला, गहपुरनि 15 नं हादरारि राजा लामायाव दिनै सिनायमोनि दुथांफोरा MN-01 9547, AS-01 NC-4286 नम्बरनि गंनै ट्राकआव अर लागायना होदों। सिनायमोनि दुथांफोरा सावना होजानाय गंनैबो ट्राकआव अरुणाचाल प्रदेशनि जौ लाबोदोंमोन। आयेन बेरेखायै अरुणाचलि जौ लाबोनायनि थाखायनो गंनै ट्राकखौ सावना होदों होननानै सन्देह खालामदों। जाथायनि बागै खौरां मोननाय लोगो लोगो पुलिसा जाथायसालियाव थांना नायबिजिरो। नाथाय बे खौरांखौ सुजुनाय समहालगै जौ रोगानाय ट्राकखौ सावग्रा दुथांफोर आरो बेनि जाहोननि बागै मिथिनो हायाखै। बबेखानि, बे जाथायाव जख’म जानायनि बागैबो जेबो खौरां मोनाखै।
मिरु
एबसु नि मोनसे समनि सोलोंथाय नेहाथारि आरो लोगो गाहाय नेहाथारि खास्तम बसुमतारि
बिथाङा मोनसे राजखान्थि दोलो आव हाबबाय। खौरां मोननाय बादिब्ला बिथाङा एजेपि एबा
असम जातिय परिषद दोलो आव हाबबाय होनना मिथिना मोनदों। एजेपि नि गाहाय नेहाथारि
लुरिनज्योति गगै बिथाङा बरायनाय हाबाफारि आव बेखेवो, मखजाथावदि सानसे समाव
लुरिनज्योति गगै आ बो सानसे सम आव फरायसा आफाद नि सोद्रोमा मोन, आसु नि
दैदेनगिरिमोन, खौरां मोननाय बादिब्ला बिथांनो मावफुं आफादगिरि नि बिबान बो होदों।
रपवे नि सानफ्रोमबो नि दावबायारिफोरनि थाखाय मोजां खौरां। दिनैनिफ्राय गुवाहाति नि रपवे आव जागायबाय स्पेशियेल रेहाई। गुवाहाति आरो उत्तर गुवाहाति नि रपवे आव सुबिदा होदों जिएमदिए आ। बुरलुंबुथुर नि दै नि आ बारा जालांनाय नि थाखाय फेरि नि सारभिस आ बन्ध जाना दं, फेरि सारभिस आ बन्ध जानाय नि फारसे नोजोर होनानै नो बे सुबिदा खौ होदों। फरायसाफोरा बांसिन सुबिदा मोनगोन। 50 रां आव नो थांलाय फैलाय खालामनो हागोन, फुंनि 8.30 निफ्राय 10.30 आरो बेलासि नि 4.30 निफ्राय 6 बाजि सिम बे सुबिदा या थागोन, रपवे आव 12 निफ्राय 60 बोसोर बैसो सिम 100 रां मोन, नाथाय दायो बेनि सोलाय 50 रां आव नो जासिगोन, बेनि सोलाय दावबायारिफोरनि आरो गुबुन सम नि थाखाय आगोलनिबादिनो थागोन बेसेन आ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon