दैबाना नि
उनाव दायो रायजो आव जापानिस एनकेफेलाईतिस, गुबुन गुबुन जायगा याव गोबां सुबुंफोरनि
जिउ गोमानायनि खौरां मोनदों, बरपेता याव सासे सुबुं नि जिउ गोमानायनि खौरां
मोनदों, बरपेता सोहोर नि न सत्र नि उपेन्द्र मजुमदार, गुवाहाति जिएनआरसि आव
फाहामथाय लाबाय थादोंमोन, 65 बोसोर बैसो नि सुबुं आ 20 जुन निफ्राय ने लेमजानाय
जादोंमोन, 29 जुन खालि मोजां फाहामथाय नि थाखाय बरपेता नि देहाफाहामसालि निफ्राय
गुवाहाति आव लाना थांदोंमोन, गुबुनफारसे आरो सासे बरपेता नि नो पलाशमनि दास मुंनि
सुबुं आ बो बे बेराम जों गाग्लोबजाना दं, थाम्फैनिफ्राय गोजानाव था बेराम निप्राय बारगनोब्ला,
नगांव आव सानै नि जिउ गोमादों, हामिदुल ईश्लाम आऱो सदानन्द बरुवा मुंनि सानै,
दायरेया नि थाखाय बो सा 3 नि जिउ गोमादों, लोगोसे नगांव सावस्रि बिफान आ बुंनाय
बादिब्ला मंगलबारखालि सा 6 गोदान सुबुंफोरखौ जिएमसिएईस आव लाना थांदों, गासैबो
जापानिश एनकेफेलाईतिस जानाय।
भारत नि सिनियर आयजो फुतबल नि दोलो नि जानानै गेलेनो
मोननाय अपुर्ना नार्जारि आरो लोगोसे सासे बर गेलेगिरि माईदांश्रि नार्जारि नो रां
नि मदद। कक्राझार जिल्लानि बनरगाव खाग्राबारि गामिनि थरायना अपुरना नार्जारी आरो
फकिराग्राम लांदाफारा गामिनि थागिबि थरायना माइदांस्रि नार्जारीनो 50,000 रांनि सेक
होदों होनना खौरां मोनदों। कक्राझार जिल्ला गेलेमु गौथुमनि इन्डुर स्टुडियामाव
खुंफुंनाय मोनसे हाबाफारि खुंदोंमोन, बे हाबाफारि आव नो बिथांमोननो बेखौ होनाय
जायो। आसाम सोरखारनि गेलेमु बिफान डाइरेक्टर अफ स्पर्ट एन्ड इयुट वेलफेयार आ होदों।
सेक राननानै होयो आसाम फुटबल गौथुमनि गाहाइ नेहाथारि बारग एम एल ए हेमेन्द्र नाथ
ब्रह्म। बे हाबाफारियावनो कक्राझार जिल्ला गेलेमु गौथुमनि गाहाइ नेहाथारि प्रेमजित
नार्जारी आरो गुबुन गुबुन बिबाननि बिबानगिरिफोरा बाहागो लादोंमोन।
जौगा फ्लिम
प्रडाकसननि बेनार आव फैगासिनो दं डान्स बड’लेण्ड डान्स सिजन 1. सावथुन दिहुनगिरि
फावगिरि आरो देंखोगिरि मोकथांखोर बसुमतारी बिथांनि नाजानाय आव बिटिआर ओन्सोल जों
लोगोसे आसामनि रायजो राजाफोर आरो उन्दै उन्दै लाइमोनफोरनि रोंगौथिखौ दिन्थिफुंनो
थाखाय थांखि लादों। मैया कक्राझार सहरनि पि डब्लिउ डि आलासि नयुङाव खुंफुंनाय
मोनसे खौरांगिरि मेलनि गेजेरजों साफ्रोमबो हारिमु मोजां मोनग्रा लाइमोन फोरखौ
बाहागो लानो खावलायदों। फैगौ 15
जुलाइनिफ्राय चिरां जिल्लायाव
जागायगोन बिनि उनाव बितिआर नि गुबुन जिलाफोर बागसा उदालगुरी आरो कक्राझार
जिल्लायाव बो खुंफुंजागोन होन्ना खौरां मोनदों। बेयाव देरहासात बान्था महरै गिबि आ
30 रोजा नैथि देरहासातनो 20 रोजा आरो
थामथि देरहासातनो 10 रोजा बानथा होगोन होन्नानैबो बुंबावयो।
दैबाना जों हा
लांजानाय नखरफोरनो बितिआर सोरखार आ हा होगोन, बेखौ बुंदों बितिआर नि गाहाय प्रमद
बर बिथाङा। मैया गरेश्वर आव माथाउरि बायनाय आरो हा खुऱखानाय खौ नायदिंहैनानै
बिथाङा बेखौ फोसावना होदों, गरेश्वरनि बैग्रिबारि हा लांजानाय नखर नो हा होगोन
होनना बुङो, 6-8 सो नखर आ हा लांजाबाय बिसोरनो हा होगोन, लोगोसे सोरखारि न
मोनिफोरनो बो न खौ थाबैनो होगोन होनना बुंदों।। गोबां हा नि खहा जादों दैबाना नि
थाखाय. बाला जों फबजादों गोबां हा या नो, बे हा फोराव मा आबाद मावनो हायो बेनि
थाखाय आबाद बिफान जों सावरायलायनाय जाबाय होनना बो फोरमायो। सोरखारि रां जों नो
खामानि मावगोन, जायगा नि सुबुंफोरा जाहाथे गुबुन जायगा याव थांनानै खामानि
मावनांगौ जाया बेनि थाखाय बो बेबस्था खालामगोन होनना बुंनायजों लोगोसे तामुलपुर आव
गासैबो खामानि फोरा नो मोजां जागासिनो, गोख्रै नो मावगासिनो दं होनना बो बुंङो।
दिनै 6 जुलाइ, 2022 खालाराव गुवाहाटी नोगोरमानि स'नापुराव
बैसोगोरा आइजो थाग्रा थावनि (OLD AGE HOME) आव दुलाराय बर' फरायसा आफादनि
आफादगिरि मानगोनां मुस्रि दिपेन बर'आ गावनि नख'रनि सोद्रोमाजों लोगोसे खौरां लाहैयो। मख'नो गोनांदि
एबसुनि आफादगिरि मुस्रि दिपेन बर'आ बैसो जानाय आयजोफोरखौ खौरां लाहैनायजों
लोगोसे बिथांमोननि गोग्गो देहा आरो सावस्रिखौ जोथोनै लाखिनांगौनि थांखिजों
हानायबादियै गाननाय- जोमनाय आरो जाग्रा मुवा-बेसाद राननानै हैनाय जायो। मानोना
बैसो जानाय समाव सावस्रिखौ जोथोन लाखिनाया जोबोद गोनांथार लोगोसे गावनि गोसोआरि
थासारिखौ मोजां लाखिनो गोनां होन्नानैबो मिरु दुलाराय बर' फरायसा आफादनि
आफादगिरि मानगोनां मुस्रि दिपेन बर' बिथाङा बुङो।
कक्राझार आव थानाय BB Engineer फरायसालिमानि
सासे फरायसा या गौरां दैसा याव दुगैनो थांनानै गोमाना दं, केमिकेल इन्जिनियार नैथि सिमिस्टिरनि फरायसा Antariksha Sharma गौरां
दैसायाव दुगैनाय समाव गोमानानै दङ। गुवाहाटी मिरजानि थागिबि कक्राझार बिबि
इन्जिनियारिं फरायसालिमानि फरायसा अन्थरिक्सा शर्माया। खौरां मोननाय बादिब्ला सा 5 लोगोफोरजों
गौरां दैसायाव बेलासि समनि 4 रिंगायाव दुगै हैदोंमोन। दुगैनाय समावनो हर्खाबै गौरां दैसायाव
गलांङो होन्ना मिथिनो मोन्नाय जादों। जाथाय खौ लानानै लोगोलोगो दावराव जायो, उननि
समाव जाथाय खौ कलेज नि गाहाय नो खोन्थायो, जाथायसालि आव लोगो लोगो थाङो कलेज नि
बिबानगिरिफोरा। लोगोसे खौरां मोननाय लोगो लोगो पुलिस आरो एसदिआरएफ नि दोलो आ बो
थाङो, एसदिआरएफ नि दोलो आ नागिरदोंब्लाबो नागिरना मोनाखै होनना खौरां मोनदों।
आसाम पुलिस नि कन्सतेबल एबिईउबि नि आनजाद नि रिजाल्त खौ
फोसावबाय। 24 एप्रिल आव जादोंमोन आनजाद आ, एसएलपिआरबि नि वेबसाईत आव थांनानै नायनो
हागोन रिजाल्त खौ, अरेल नङाब्ला भाईभा या 11 जुलाई निफ्राय जागोन, बेनि थाखाय 7
जुलाई निफ्राय एदमित दाउनलद खालामना लानो हागोन होनना खौरां मोनदों, गासैखौबो
बिथांमोननि वेबसाईत slprbassm.in आव
मोनगोन। आनजाद खौ होदोंमोनब्ला सायखजादोंना जायाखै खनसे नायोब्ला नो जाबाय।
नगांव आव हिन्जावसा जों लोगोसे सा 5 द्राग्स लानाय सुबुंफोरखौ
हमदों, मैया पुलिसफोरा हमनो हायो होनना मिथिना मोनदों, हमजानायफोरनि मुङा अबिनाश
सिंह 21, भबेश बरा 22, रत्न रुमार नाथ 25, बिकाश रय 23 आरो निमिशा बरा, अबिनास,
भबेस आरो बिकास नि न आ दिफलु आव, रत्न नि न आ होजाई आव आरो निमिशा नि न आ दिमगुरि
आव। पुलिसफोरा बिसोरखौ हमनो हादोब्लाबो सासे आ खारखुमानो हायो, जायगा नि सुबुंफोरा
बिसोरखौ द्राग्स लानाय नुनाय आव हमनानै पुलिसनो खौरां हरो, बिसोरखौ उनाव सावस्रि
तेस्त खालामनायनि उनाव निशामुक्त केन्द्र आव हरगोन होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon