रायजो नि 22 जिला याव आफ्रिकान स्वाईन फिभार नि गोसारनाय। रोजा रोजा अमा
फिसिनाय बिगोमा फोरखौ गोबां साननो गोनां खालामदों, गिहोदों, गोबां अमा फोर थैबाय
बो, बेनि गेजेरावनो रायजो नि मोननै जिला याव अमा फाननायखौ बेन खालामदों। बेनि
सायाव जुनार फिसिनाय बिफान नि मन्थ्रि अतुल बरा नि खौरांमेल, अमा फिसिनायफोरनि
थाखाय 148.08 लाख होनायनि खोथा फोसावो, जनता भवन आव खौरांमेल नि गेजेरजों गासै 72
जायगा खौ बेनि गोसारनायनि गुदि होनना सिनायदों, 14500 नखर नि अमा फोरा बेराम
जादों, 2020 मायथाइ नि मार्च निफ्राय नायोब्ला दासिम 40482 अमाफोर थैबाय रायजो आव।
मिथिना मोननाय बदिब्ला बे बेराम खौ फाहामनायनि जेबो लामा गैया जायनि थाखाय अमा
फोरखौ बुथारनाय जायो, 1921 मायथाई आव नो मोनदोंमोन बे बेराम नि केस खौ, 100 बोसोर
बारलायलांबाय, दायो अमा थैजानाय एबा बुथारजानायफोरनो सोरखार आ खहा सुफुंगोन होनना
बुंदों, बिथाङा बुंनाय बादिब्ला 15 केजि सिम नि अमा नि थाखाय सोरखार आ 2200 रां,
15 निफ्राय 40 केजि सिम नि थाखाय 5800 रां, 40 निफ्राय 70 केजि सिम नि थाखाय 8400,
70 निफ्राय 100 सिम नि थाखाय 12 रोजा आरो 100 नि बारा केजि नि अमा नि थाखाय 15
रोजा रां होगोन होनना बुङो, बेनि अनगायैबो दाना एबा आदार नष्त खालामनाय नि खहा
सुफुंनाय महरै 1 केजि आव 22 रां यै होगोन होनना बो बुङो।
मुंदांखा मेथायखनगिरि जुबिन गार्ग खौ देहाफाहामसालि आव लाना थांनांदों,
दिब्रुगर नि सन्जिवनि देहाफाहामसालि आव देहा गाज्रि जानाय एबा जोखोम जानायनि थाखाय
लांनांदोंमोन, जोनाय आव मोनसे हाबाफारि आव बाहागो लानानै दिब्रुगर नि मनोहारि
रिजर्त आव थादोंमोन बिथाङा, नाथाय रिजर्त आव थानाय समाव नो बाथरुम आव फिस्लायना
गोग्लैनाय आव जोखोम जायो, लोगो लोगो देहाफाहामसालि आव सोनो गोनां जायो, दायो देहा
या मोजांयैनो दं, बे खौरां खौ मोननानै गोबां सुबुंफोरा नो बे जायगा याव थांदों,
दायो खौरां मोननाय बादिब्ला बिथांखौ एयार एम्बुलेन्स नि गेजेरजों गुवाहाति आव लाना
फैबाय।
श्रिलंका नि गोदान हादरगिरि महरै सायखजाबाय रनिल बिक्रमसिंघा या, हादराव
रांखान्थियारि आरो राजखान्थियारि अलखद सोलिबाय थानाय समाव नो सायखयो। बिथाङा
आगोलाव श्रिलंका नि गाहाय मन्थ्रि बो जादोंमोन, 6 बार गाहाय मन्थ्रि महरै
सायखजादोंमोन, आगोलनि हादरगिरि गोतबाया रादपाक्शे आ खारखुमानायनि उनाव बिथाङा
बिबान आव दंथयोमोन साननै नि थाखाय। दिनै फुंनि 10 बाजि आव भत होनाय आ जादोंमोन,
बेयाव बिथाङा नो देरहायो।
भोपाल आव मोनदों बितिआर नि सासे सिख्ला खौ, थांनाय 30 जुन निफ्राय नो
गोमाना दंमोन, कक्राझार निफ्राय गोमाना दंमोन, दायो पुलिस फोरा नागिरना मोनबाय.
हिनजावसा जों लोगोसे सासे सेंग्रा खौ बो हमदों होनना मिथिना मोनदों, सानैखौबो
लानानै फैबाय दायो। मा जायगा नि आरो मा मुं बेफोरनि सोमोन्दै जेबो फोरमायासै
बिथांमोना।
सासे पाकिस्तान नि थागिबि खौ हमदों, साननैसो सिगांनिफ्राय बिजेपि नि
दैदेनगिरि नुपुर शर्मा नि मुश्लिम फोरखौ लानानै बुंनाय मोनसे बाथ्रा नि उनाव नो
हादोरनाङैनो दुंहाव थासारि सोमजिदोंमोन, बे पाकिस्तान नि थागिबि आ हादरनि सिमना खौ
बारनानै नुपुर शर्मा खौ बुथारनो फैदोंमोन होनना मिथिना मोनदों, थांनाय 16 जुलाइ नि
हरनि 11 बाजि आव बिखौ नुनानै बिएसएफ फोरा हमदोंमोन, बिनिफ्राय गोबौ हाथियार,
धोरोमारि लिरनाय, गाननाय जोमनाय फोर मोनदों, गावनि मुं खौ रिजवान आश्रफ होनना
बुंना लादों, दायो जायगा नि पुलिस नो हरनाय जाबाय बिखौ, नायबिजिरनाय आ सोलिगासिनो
दं।
गावनि बिबान खौ मोजाङै मावि नि थाखाय सासपेन्द खालामजाबाय हायलाकान्दि नि
दितिअ अपु मझुमदार आ। आगोलाव नो गनायति लायालासैनो जिला निफ्राय गुबुन रायजो आव थांनायनि
थाखायनो सासपेन्द खालामो, गाहाय मावखुलि खौ गारनानै हारियाना नि गुरुग्राम आव
थांदोंमोन, बेनि खौरां खौ मोननाय लोगो लोगो नो नेम बादियै सासपेन्द खालामो आरो
बिनि जायगा याव सासे अफिसार खौ थिसननो एबा बिबान होनो खावलायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon