रायजो आव फिन स्वाईन फिवार नि गिथावना महर, बे खनसे आव दरं जिला याव गोबां अमा फोर थैदों, दरं नि पाथरिघात, कमारपारा आरो गधियापारा याव अमा नि देहा याव स्वाईन फ्लु मोनदों। दैबाना नि उनाव जिला याव अमा नि देहा याव बे बेराम खौ मोननायनि उनाव नो थियारि जादों दरं जिला प्रसासन आ। मंगलदै नि खाथि नि कमारपारा याव स्वाईन फ्लु नि गोसारनाय आव प्रसासन आ सानसे आव नो 150 अमा फोरखौ बुथारदों आरो फबदों, दायो बे जाथायनि थाखाय गोबां साननो गोनां जादों अमा फिसिग्रा फोरा, गुबुनफारसे अमा नि देहा याव मोनदोंब्लाबो सुबुंफोरखौ जेबो साननो गोनां गैया होनना बुंदों प्रसासन आ।
चिरां नि दैबाना जों खहा जाजानाय ओनसोल आव थांदों आसामनि गिबि मन्थ्रि आ, सिदलि बिधानसभा बियाब नि लाउख्रिगुरि आव थांनानै ओनसोल खौ नायदिंहैयो आरो रिलिफ केम्प आव थानाय सुबुंफोरजोंबो रायलायो, गिबि मन्थ्रि आ आय दैसा जों लोगोसे गुबुन दैसाफोरनि हा खुरखानायफोरखौ फोजोबस्रांगोन होनना सुबुंफोरनो फोरमायो, खाथि नि भुतान नि ओनसोल नि रैखाथि नि थाखाय 5 किमि नि बान्दो बानायनायनि फारसे सानदों होनना बो फोरमायो, लोगोसे हा खुरखानाय नि नखर नो स्पेशियेल बेबस्था खालामगोन होनना बुंदों, थांनाय 15 जुन निफ्राय 23 जुन सिम जानाय दैबाना याव गासै 115 गामि आव 20431 सुबुंफोरनि गोबां खहा जादों उन्दै गथफोरनो सोलोंथाय बेबस्था खौ खालामनायजों लोगोसे गासै 11 ता अंगनबारि मिरु बानायगोन होनना ससियेल मिदिया नि गेजेरजों फोसावो। गिबि मन्थ्रि आ बिथांजों लोगोसे मन्थ्रि ईउजि ब्रह्म, एमएलए जयन्त बसुमतारि आरो अजय रय बिथांमोना थांफादोंमोन।
रायजो नि प्रसासन आव गोबां सोलायनाय, दैबाना नि समाव खामानि नि थाखाय गोबां मोजां मुं मोननाय काछार नि दिसि कृति जलि खौ कामरुप नि दिसि महरै सोलायो, कामरुप नि खौ सुबुं सावस्रि बिफान नि गाहाय बानायो, पि बिजया भास्कर रेद्दि बिथांखौ चिरां नि जिला बेंगिरि बानायो, माशान्दा माकदालिन पेरतिन खौ बाक्सा नि दिसि बानायो, बाक्सा नि दिसि आयुश गार्ग खौ बरपेता नि दिसि बानायो, बरपेता नि दिसि तेश प्रसाद भुशाल खौ बो सोलायदों, चिरां नि आगोलनि दिसि नरेन्द्र कुमार शआह खौ नगांव नि दिसि बानायो बेबायदिनो गुबुन गुबुन बिफान निखौ गुबुन गुबुन बिफान आव सोलायदों होनना खौरां मोनदों।
मोजां मोननाय आ खाना बुंनाय आ नंमारगौ नामा, सानै बर सेंग्रा सिख्ला फोरा दौलें लागायनानै गावनि जिउखौ फोजोबना लादों, जाथाय आ कक्राझार नि, कक्राझार जिला नि बिसमुरि भनद्रापुर गामि नि सानै मोजां मोनलायनाय सेंग्रा सिख्ला फोरा गावनि जिउ खौ फोजोबना लायो। हौवासा नि मुङा चरन बसुमतारि आरो हिनजावसा नि आ बिदिन्था बसुमतारि। ननि सुबुंफोरा फुङाव हिनजावसा खौ फोजादोंमोनब्लाबो हिनजावसा नि उन्दुनाय खथा निफ्राय जेबो खोनायिखाय गर खेवना नायनाय आव हिनजावसा या गैयि खौ मिथियो, उनाव न आव नो थानाय मबाईल आव ह्वात्स एप आव नायनाय आव थैगोन होनना लिरनायखौ नुनो मोनदोंमोन होनना फोरमायो। बे जाथाय आ थारैनो सोमोनांथाव।
एनएलएफबि आफाद आ गोरिब नखर नि सासे फरायसा नो मुं थिसननाय आव मदद खालामदों। उदालगुरि जिला नि बरगुरुं गामि नि अजित बसुमतारि नि फिसाजो आ HS आनजाद खौ उथ्रिसारनायनि उनाव कलेज आव फरायनायनि सुबिदा खालामना होयाखैमोन, फरायसुलि नि मुङा आशा बसुमतारि। बिमा गैजायि फरायसुलि आ रां नि आंखाल नि थाखाय फरायनो हानाय थासारि आव गैयामोन, बेनि थाखायनो बे मोजां खामानि खौ मावो। बे मदद खौ मोननानै फरायसुलि आ गोजोननाय मोननायखौ फोरमायो
बि टि आर हालामनि हाग्रा आरो आबहावा संरैखाथिनिफारसे खौरां लाफैनो थाखाय दिनै आसामनि मन्थ्रि चन्द्र महन पाठवारिआ कक्राझारआव दावबाय फैना बड’फा नोगोराव थानाय सेक्रेथारिएथ मावखुलिनि सावराय नब्लांआव मोनसे सावरायनाय हाबाफारि लायो। बे हाबाफारिआव बिथां चन्द्र महन पाठवारिजों लोगोसे आसामनि आबहावा आरो हाग्रा बिफाननि ADDL CHIEF SCRETARY IAS रबिसंकर प्रसादआबो बाहागो लाफैयो बेनि अनगायैबो बि टि आर हालामनि गाहाय खुंगिरि प्रमद बर’जों लोगोसे बि टि आरनि हाग्रा बिफाननि मावफुं सोद्रोमा रनजिद बसुमतारी,रेवरेवा नारजिहारि ,एम एल ए जिरन बसुमतारी आरो कक्राझारनि जिल्ला बेंगिरि बरनालि देखा, कक्राझारनि एस पि प्रतिक भिजय ठुबे आरो गुबुन गुबुन बिफाननि बिबानगिरि फोरा बे सावराय हाबाफारिआव बाहागो लायो। खौरांगिरिनि सिगांआव हालामनि हाग्रा ओनसोलखौ जौगा होनाय आरो हाग्रानि मैदेरा मानसिनि थाग्रा जायगायाव उथखार खालामनायखौ गैया खालामनो हाग्रा ओनसोलफोराव नांगौ बादि आदार बिफां गायनाय आरो उलथाफानि हाग्रा ओनसोलखौ जोबस्रां नायनिफ्राय रैखाथि होनायनि गोनांथार बाथ्रा बुंथियो आसामनि हाग्रा आरो आबहावा बिफाननि मन्त्री चन्द्र महन पाठवारि बिथांआ।
बरमा दख'रा दुलाराय बर' फरायसा आफाद आरो बरमा गुदि बर' थुनलाइ आफादनि जथायै बानजायनायाव दिनै बर' बिजोंजों फरायनानै मेट्रिक आनजादाव सेथि थाखोआव उथ्रिसार जानो हानाय आरो एइस.एस.(HS) ( Arts, Science and Commerce) याव सेथि मासि मोन्नाय फरायसाफोरखौ बरमानि बाथौ आस्रम गोजौ फरायसालियाव सानसेनि मेहेरगोनां हाबाफारिजों बरायो ।
बरायनाय हाबाफारिखौ बेखेवनानै होयो बरमा समस्टिनि एम.एल.ए. मुस्रि भुपेन बर'आ आरो हाबाफारियाव गाहाइ आलासि महरै बाहागो लायो मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीया ।गाहाइ आलासि महरै बाहागो लानानै मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीया हारिनि सार्थआव गथ'फोरखौ बर' बिजोंङाव फोरोंनानै नाजाबथाना सेथि थाखोआव उथ्रिसार जाहोनो हानायनि साफ्रोमबो बिमा बिफाफोरनिसिम साबायखर बाउओ ।फरायसा समखौ आद्रि खालामा लाबानो फरायसाफोरा जेब्लाबो गुन गोनां सोलोंथाइ लानायावसो गोसो होथारनांगौ होननानै फरायसाफोरनि थाखाय रांनि जेंनाया माब्लाबाबो फरायनायनि जेंना जाथावा होनना आथिखालाव मोजां फरायसाफोरनि थाखाय गोबां मोजां मोजां खाबु दङसै होननानै गावनि बेसेनगोनां बिबुंथियाव दाजाबदेरनानै बुंबावो ।बे हाबाफारियावनो बुंथिगिरि महरै बुद्द बर'( आफादगिरि, बरमा गुदि बर' थुनलाइ आफाद), देवबार रामचियारी(गाहाइ फोरोंगिरि, बरमा होनजावसा गोजौ फरायसालि), रनिस सांग्रां रामचियारी(गोरायुं,आथियाबारि ओइस.एस. फरायसालि) आरो हांगामा बर' (लोगो आफादगिरि, बागसा जिल्ला एबसु)या बाहागो लायो ।लोगोसे बे हाबाफारियावनो बागसा जिल्ला एबसुनिफ्राइ फारियै नेहाथारि अनसुमा नार्जारी, सोलोंथाइ नेहाथारि नितु कुमार ब्रह्म आरो रांखान्थि नेहाथारि बिरखां बर'आबो बाहागो लायो ।
गुबुन रायजो आव खामानि मावनो थांनानै पाकिस्तान आव सो मोनहैबाय आसामनि सासे सुबुं आ, सनारि नि काकतिबारि पुलिस थाना नि सिंनि सेलें गामि नि थागिबि मनोजज अजा मुंनि सुबुं आ थांनाय सप्तासे निफ्राय गोमाना थानायनि खौरां मोननाय आव नखर नि जों लोगोसे गामि नि सुबुंफोरा गिखांनाय मोनदोंमोन। खौरां मोननाय बादिब्ला थांनाय 1 दान सिगां आव राजस्थान आव खामानि मावनो होनना ननिफ्राय थांदोंमोन, राजस्थान नि मोनसे प्लाईउद नि फेक्तरि आव खामानि मावदोंमोन, बेनि उनाव थांनाय 7 जुलाई खालि न आव फैनो होनना जयपुर रेल स्तेशन आव थांदोंमोन, नाथाय बे सुबुं आ मिथियालासै पाकिस्तान फारसे थांनाय त्रेईन आव सो गाखोयो आरो लोगोसे गंसे बेग आ स्तेशन आव नो थालाङो, उनाव स्तेशन नि सुबुं आ बिनि आधार खौ लानानै न आव खौरां हरो, बेनि उनाव थांनाय 8 जुलाईखालि मनोज अजा या गुबुननि फन खौ लानानै फन हरो आरो पाकिस्तान नि सिमना याव दं होनना खोन्थाहरो।
आनजाद
आव खम नम्बर मोननायफोरनि जेबो खामानि गैया नामा, गोबां सुबुंफोरा नो सानो नम्बर खम
मोनोब्ला जेबो खामानि जानाय नंला होनना। नाथाय सिबसागर पुलिस आ मोनसे मोजां खामानि
मावदों, आनजाद आव 3थि थाखो एबा थार्द दिभिजन मोननाय फरायसा फोरनि गेजेराव केरियार
सांग्रांथि मेल सिबसागर नि अएनजिसि अदितरियाम आव मैया बेलासि समाव खुङो, गाहाय
आलासि महरै बाहागो लायो दिजिपि भास्करज्योति महन्त बिथाङा, लोगोसे जिला नि जिला
बेंगिरि मेघनिधि दाहाल एसपि शुभ्रजित बरा बिथांमोना बो बाहागो लादोंमोन। खम नम्बर
मोननाय फरायसाफोरखौ समाज आव खम गोसो होनाय आ मोजां नङा होनना बुङो दिजिपि बिथाङा,
नम्बर खौ नङा, समाज नि थाखाय माबाफोर खालामदोंना, मानसि समाज नि थाखाय माबाफोर
खालामदोंना बेखौसो बांसिन गोसो होनो नांगौ, नाथाय सुबुं समाज आ बेफोरखौ सोङा।
गुबुनफारसे आनजाद आव फेईल जादों बिसोरनि थाखाय मोनसे आनजाद आव पेईल जानाय आ जिउखौ
फोजोबनो हाया, जिउ आ जागायदोंसो, साननो गोनां जेबो गैया, गिनांगौ जेबो गैया, गोदान
बाथ्रा सोलोंनो लाजिनो नाङा, जागायनाय समाव आंबो फरायनाय आव मोजां नङामोन होनना
बुंदों बिथाङा। गुबुनफारसे गेलेनायनि सोमोन्दै बुङो- फुतबल गेलेब्लानो ल जाया,
मोजां गेलेनो नांगोन. रायजो नि गेजेराव जायगा मोननाय बायदियै गेलेनो नांगोन होनना
बो बुङो।
Please do not enter any spam link in the comment box. ConversionConversion EmoticonEmoticon