कक्राझार
आव पुलिस नि एनकाउन्तार, थांनाय 22 जुन आव सासे बर सुबुं नि 6 लाख लुथिना लांनाय
सिखाव खौ नो गुलि गावनो हायो पुलिसफोरा, खौरां मोननाय बादिब्ला आयथें आव नांदों
गुलि आ। दायो देहाफाहामसालि आव दं। कक्राझार पुलिस नि गुलि आव जोखोम जानाय
दायनिगिरि सिखाव नि मुङा बिनय दास, थांनाय 22 जुन खालि एक्सिस बेंक नि मोखां
निफ्राय 6 लाख रां लुथिना लांदोंमोन बे बिनय दास आ नो, खौरां मोननाय बादिब्ला बिखौ
हमनानै नायबिजिरनो पुलिसफोरा लाना थांदोंमोन, बालाजान कारिगांव लामा याव पुलिस नि
पिस्तल सेनानै खारनो नागिरनाय समाव नो बिनय दास नि आयथें आव गुलि गावनांगौ जायो,
बेयावनो गाज्रियै जोखोम जायो, दायो कक्राझार आरएनबि देहाफाहामसालि आव फाहामथाय
होगासिनो दं होनना मिथिना मोनदों। नाथाय सोमोनांथाव बाथ्रा या बेसो दि बे सिखाव आ
आसामनि नङा, बियो बिहार नि सो थागिबि, बिहार नि कातिहार नि थागिबि आ आसाम आव
फैनानै बेबायदि सिखाव खामानि मावनाय आ सोमोनांथाव, बियो कक्राझार आव ल नङा,
गुवाहाति आरो मेघालय आव बो बेबायदि खालामदोंमोन, मेघालय आव रायजोफोरजों हमजायो,
बेनि उनाव मेघालय पुलिस आ हमनायनि उनाव नायबिजिरनानै गुवाहाति पानबाजार पुलिस आ
लाबोयो, बेनि उनाव थांनाय 2 जुलाई खालि पानबाजार थाना निफ्राय कक्राझार पुलिस आ
गावनि आखाय आव लाबोयो।
न
आव बाहायनाय एलपिजि सिलिन्दार नि बेसेन खौ बारायबाय।, खौरां मोननाय बादिब्ला
दिनैनिफ्राय 50 रां यै बारायदों बेसेन खौ, गुबुन गुबुन जायगा याव बेनि बेसेन आ
गुबुन गुबुन जायो, मिथिना मोननाय बादिब्ला दानि बेसेन आ गुवाहाति आव 11 जौ नि खाथि
आव मोनहैबाय। 14.2 केजि नि आव कलकाता नि आ 1079 रा जाहैबाय। 6 मे आव 1 रोजा नि खम
मोन बेनि बेसेन आ, नाथाय दायो बारा जालांगासिनो दं, रेगुलेतर नि बेसेन खौ बो
बारायदों नि खौरां मोनदों। 100 रां होनो नांगोन बेनि थाखाय। हादर आव गासैबो मुवा
बेसाद नि बेसेन फोरा बारा जालांनो हमगासिनो।
बाक्सा
जिला याव जाथाय। सारअन्थाय गावनाय आव सासे सुबुं नि जिउ गोमायो। बाक्सा जिला नि
बरमा नि खारुवाजान गामि आव सारअन्थाय गोलैनाय आव जायगा याव नो जिउ गोमायो 35 बोसोर
बैसो नि सन्तोस रामशियारि मुंनि सुबुंनि। सानफ्रोमबो नि बादि नो दिनैबो फोथार आव
खामानि मावनो थांदोंमोन सन्तोस आ, नाथाय दुखुनांथावै जिउ गोमायो। जाथायसालि आव
बरमा पुलिस आ थांनानै पस्त मर्तेम नि थाखाय मुशलपुर आव लांदोंमोन होनना खौरां
मोनदों, नखर नि सुबुंफोरा बिथांनि जिउ गोमानाय आव दुखु मोननाय खौ फोरमायदों। बेनि
सिगां बो बाक्सा नि नो अदालगुरि गामि आव बो सासे सुबुं नि जिउ गोमानायनि खौरां
मोनदों, जगदिश बसुमतारि मुंनि बर सुबुं आ सारअन्थाय गावजाना जिउ गोमायो, बिथाङा बो
फोथार आव खामानि मावनो नो थांदोंमोन।
तिनसुकिया
जिला नि आसाम अरुनाशल सिमना नि ओनसोलफोराव आरमि पुलिस आ आलफा नि बेरेखा अपारेशन
खालामगासिनो दं। ककापथार नि द पथार आव जाय जाथाय नि उनाव नो सिमना ओनसोल आव हर सान
आरमि पुलिस फोरा नायबिजिरगासिनो दं। बे नायबिजिरनायनि गेजेराव नो सिमना ओनसोल नि
बरदुमसा पुलिस थाना नि सिंनि रितु कथालगुरि निफ्राय आलफा उदांनि दोलो खौ थानो
जायगा होनायनि अजद आव अरुन गोहाई मुंनि सुबुं खौ हमदों, बे सुबुं नि न आव नो साननै
सिगाङाव जानाय गावलायनाय आलफा नि दोलो आ थादोंमोन, गुबुनफारसे बे अरुन गोहाई नि
बेंक एकाउन्त आव आलफा उदां नि सोरबा सुबुं आ 30 रोजा रां सोना होदोंमोन आरो बे रां
खौ रुपम असम नि दैदेननाय आलफा नि दोलो नो दिहुनना होदोंमोन होनना पुलिसफोरा
बुंदों, लोगोसे सासे सोद्रोमा नि मबाईल फन बो मोनदों होनना फोरमायो। मखजाथावदि सा
6 आलफा नि सासे थैदोंमोन आरो सा 5 या खारखुमायो, बे सा 5 खौ नो नायगिरगासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon