9 July bodo news 2022 ~ Bodoinfo.com

चिरां नि बिजनि आव सानै बुथारग्रा खौ जिउ जोबजासिम जेल नि साजा होदों।बिजनि नि कोर्त एन्द अफिस अफ दा एदिशनेल दिसत्रिक एन्द शेसन्स जाद्ज ईउशुफ आजाद नि बिजिरसालि आ बे राय खौ होयो। बिजनि थाना नि गसर बादिब्ला हमगार्द जावान ईयाद आलि नि बुथारगिरि लाल भानु आरो खन्दकार सफिउर रहमान खौ जिउ जोबजासिम साजा जों लोगोसे 20 रोजा रां नि जरिमाना होयो। बे बुथारनाय जाथाय आव सासे भारा थानाय बुथारग्रा या पुलिस नि गुलि आव जिउ गोमादों।

बर फोरा गोदोनिफ्राय नो गावबा गाव गावस्रानानै बाथौ, ख्रिस्तियान, ब्रह्म धोरोम लादोंब्लाबो बर फोरनि गेजेराव खौसेथि आव माब्लाबो गावस्रायाखै, बे सत्यरन्जन बरा नि बुंनाय आ बर फोरनि गेजेराव गावस्रालायनाय लाबोनो थाखायसो जादों। बेनि सायाव दुलाराय बाथौ गौथुम आ रोखा खालामना होनो नांगौ, बर फोरखौ गादबनो थाखाय सो बेबायदि खालामदों, गुबुन रायजो जेरै मेघालय बादिफोराव ख्रिस्तियान नि रायजो, नाथाय बिसोरहा थ ख्रिस्तियान जादों होनना एसति नि मोनथायखौ थ खोमाना लायाखै, बर फोरा गादबजागासिनो, आगोलाव अबर दिहुननानै एमपि नि मासि आ बो सेजाबाय, कक्राझार नि आ, पार्लियेमेन्त आव जेबो बुंनो हाला, बेबायदिनो 2020 आव बो गोरोबथा खालामबाय, थगायजाबाय बेखौ लानानै गोबाङानो गोजोनाखै। बेफोरबादिनो थगाय थगाय बरफोरखौ फोजोबस्रांनो नाजादों, खौसेथि खौ फोजोबस्रांनो नाजादों, जों सांग्रां जानो नांगौ, बेफोरनि अनगायैबो बाथौ महासभा या निमाहा बिनाय हाबाफारि लानाय खामानि मावनो नांगौ। बेबायदि बरफोरनि गेजेराव गुलाय गुजाय लाबोनो नागिरनाय मानसि या सोरबा ख्रिस्तियान सुबुं, सोरबा बाथौ सुबुं खौ बुथारनानै ख्रिस्तियान खौ बाथौ आ आरो बाथौ नि सुबुं खौ सोरबा ख्रिस्तियान आ बुथारदों होनना बुंनानै जोंनि गेजेराव गावस्रालायनाय लाबोनो हागौ होनना बिएसईउ नि आफादगिरि सोगोमसार बसुमतारि बिथाङा बुंदों।

ईद नि कुरबानि खौ लानानै रायजो सोरखार आ गोदान नेम दिहुनना होदों, रायजो नखर बिफान आ जिला फोरनि जिला बेंगिरि आरो एसपि नि सिम बिथोन खौ होदों। नेम बादियै ईद नि समाव मोसौ, उत आरो गुबुन जुनारफोरखौ आयेन बेरेखा यै बुथारनाय एबा कुरबानि खौ बन्ध खालामनो बिथोन होदों, लोगोसे ईद नि समाव जुनारनि आयेन खौ सिफायनायनि बेरेखा गोरा बेबस्था लानाय जागोन होनना बुंदों। मखजाथावदि साननैसो सिगाङाव एआईईउदिएफ नि दैदेनगिरि बदरुददिन आजमल आ बो गावनि धोरोमनि सुबुंफोरखौ बुथारनो होआखैमोन।

आसामनि दैबाना नि थासारि खौ गिथावना होनना फोसावनो खावलायदों आसामनि गिबि मन्थ्रि आ मिरु नखर मन्थ्रि खौ, मैया गोदान दिल्लि आव थांदों गिबि मन्थ्रि आ, मिरु नखर मन्थ्रि अमित शाह बिथांजों सावरायलायो, एसदिआरएफ नि फारिलाय निफ्राय 327 कौति रां दैबाना नि मदद महरै मोनदों, एनदिआरएफ नि फारिलाय निफ्राय बो मदद होनो खावलायो, गिबि मन्थ्रि बिथाङा बुंदों 30 निफ्राय 50 रोजा सुबुंफोरनि न नि खहा जादों, आगष्त नि गेजेराव एसदिआरएफ नि रां जों जों मदद होगोन, एसदिआरएफ नि एकाउन्त आ लाथिख जायोब्ला एनदिआरएफ निफ्राय रां मोनगोन।

सुक्रबारखालि सासे लिगेल मेत्रलजि नि कनत्रलार खौ घुस लानायनि दाय आव दायरेक्तरेत अफ भिजिलेन्स आरो एन्ति करापशन आ हमो, शसिन्द्र नाथ बैश्य आ 25 रोजा रा लानाय समाव नो हमजायो। खौरां मोननाय बादिब्ला गुवाहाति राम कृष्ण मिशन रोद आयनि मेत्रलजि मावखुलि आव नागिरनाय आव नो हमनो हायो।

फैगो हादरगिरि नि मासि नि बिसायखथि आव गन सुरक्सा पार्ति नि दोलो नि दैदेनगिरि आरो 5 नं कक्राझार लोकशभा बियाब नि एमपि द्रौपदि मुर्मु खौ मदद होगोन होनना खौरां मेल नि गेजेरजों मिथिहोयो। सुक्रबारखालि बरमा याव खौरांमेल आव सरनिया बिथाङा बुंदों सा सानजा भारत नि बिजाथि जों लोगोसे सासे आदिबासि सुबुं महरै बिथांनि सायाव गोबां फोथायनाय दं, दायो बिजेपि आरो लोगो दोलो एजिपि, ईउपिपिएल बिपिएफ दोलो आ द्रौपदि मुर्मु खौ मदद खालामदों। बिजेपि आरो ईउपिपिएल दोलो जों ईयुन आव लोगो जागोन नामा होनना सोंनायनि फिननाय याव बिथाङा बितिसि आव अबर फोरा रैखाथि गैया, बेबायदि थासारि आव लोगो जानायनि सोंनाय आ नो फैया, आलादा रायजो दाबि आव मुंख्लं जानाय नखर फोरनो दासिमबो मोननांगौ मदद खौ मोनाखै होनना बुंदों। मखजाथावदि फैगो 18 जुलाई आव जागोन बिसायखथि आ।

अमरनाथ आव गिथावना जोमै बेरफ्रुनायनि जाथाय जादों, मैया मोनाबिलि नि 5.30 सो आव गान्देरबाल जिला याव अमरनाथ दावबायारि फोरनि थाखाय थानायनि केम्प थानाय जायगा बालताल ओनसोल आव बेरफ्रुनाय जाथाय जानायनि उनाव नो दैबाना जायो, लोगो लोगो जाथायसालि आव रैखाथि बिफान जों लोगोसे पुलिस, एनदिआरएफ आरो एसदिआरएफ नि दोलो फोरा बासायनाय खामानि खौ मावगासिनो, दासिम गासै सा 16 नि जिउ गोमाबाय होनना मिथिना मोनदों होनना मिथिना मोनदों, थांनाय 30 जुन निफ्राय अमरनाथ दावबायनाय आ जागायदोंमोन। थैनायनि अनजिमा या बारा जानो हागौ।

मैया 09 जुलाइ, 2022 अक्ट'आव दुलाराय बर' फरायसा आफादनि मानिनां आफादगिरि मुस्री दिपेन बर' बिथाङा आसम एग्रीकल्चर यूनिवार्सिटी (AAU) नि Vice Chancellor ड० बिद्युत चन्द्र डेका, सिनियर साइंटिस्ट ड० सरत शईकीया आरो गोबां फेकालटिसफोरजों गुवाहाटीनि काहीकुसियाव थानाय Horticulture Research Centre आव मोनसे गोजौ थाखोनि सावरायनाय जायो। सावरायनायाव BTR हालाम आरो आसामनि गुबुन गुबुन ओनसोलाव मैखोमै जिउ खुंनाय बर' आरो गुबुन गुबुन थागिबि हारिफोरनि थाखाय आबादनि बिथिङाव जौगाखांहोनायनि सायाव गोथौ आरो गुवारै सावरायनाय जायो। बेनि अनगायैबो BTR गोजोन गोरोबथानि गेजेरजों गायसननो लानाय Organic Agricultural University नि सोमोन्दै गोबां बाथ्राखौ सावरायनाय जायो आरो बेखौ थाबैनो गायसननायनि सोमोन्दैबो गुवारै सावरायनाय जायो। सावरायनायनि गेजेरजों आबादनि बिथिङाव जौगाहोनायनि थाखाय गोबां गोनां गोनां आयदा आरो बिथिंखौ लानानै सावरायनाय जायो आरो फैबाय थानाय समाव आसाम एग्रीकल्चर यूनिवार्सिटी (AAU) आ दुलाराय बर' फरायसा आफादखौ हेफाजाब होलांबाय थागोन होननानै खोथा होयो। बे हाबाफारि आव नो आफादगिरि दिपेन बर बिथाङा बुंदों-

"बर'फोरनि थांना थानायनि गुबै राहायानो जाबाय आबाद। बुंनो थाङोब्ला 90 जौखोन्दोनिबो बांसिन बर' सुबुंफोरानो थोंजोङै आबादनि सायाव सोनारनानै जिउ खुङो। नाथाय, दासिमबो बांसिनखौनो आबादखौ गोदो-गोदायनि आदबजोंनो मावनायखौ नुनो मोनो। बेनिखायनो, गोदान आदब आरो बिरोंदामिननि हेफाजाबै बिगियानारिनि राहायै आबाद मावनानै रांखान्थि बिथिङाव जौगानाय लाबोनाय थांखिजों एबसुआ आजावनाय "बड'फा गोजोरथियारि सोलायनायनि मावथांखि" नि गेजेरजों बर'फोरनि गेजेराव आबादनि बिथिङाव जांख्रिखांनाय लाबोनो थाखाय एबसुआ खामानि मावबाय थादों। "