फैगो 25 जुलाई खालि मोन6 हारि नो एसति होगोन होयि खौ लानानै
सावरायलायनाय जागोन, बेनि सायाव ससियेल मिदिया याव गोबां सावरायलायनाय नुनो
मोनदों, दिनै बितिआर नि गाहाय प्रमद बर बिथाङा बेयाव साननो गोनां जेबो गैया होनना
बुंदों, मानोना सोरनोबा एसति नो मोनथाय होनो होनबा नो होनो हाया, दाननो होनबानो दाननो
हाया, बे दाबि खालामनाय आ गोदान नङा, गोबाव सम निफ्राय नो सोलिगासिनो, दिनैसिमबो
मावनो हायाखै, संबिजिर आ जायखौ पारमिशन होयो बेखौसो मावनो हायो होनना बुंदों,
बेखायनो बिसोर दासिमबो एसति मोनाखै होनना बुंदों, बेखायनो बेफोर खोथा खौ लानानै
साननो गोनां गैया होनना रोखा खालामना होदों।
आसाम आव एलपिजि एबा ओंखाम संग्रा गेस सिलिन्दार नि आंखाल जानो
हागौ, 25 जुलाई निफ्राय गेस लांलाय लाबोलाय आ बन्ध जानो हागौ मानोना नर्थईस्त
पेक्द एलपिजि त्रेन्सपर्तार एशसियेशन आ मोनसे दाबि खालामदों, बेखौ मावफुंनो 24
जुलाई निफ्राय धर्ना हाबाफारि लानाय जादों, बेनि थाखायनो 7 ता प्लान्त्स एलपिजि
त्रेन्सपर्तार आ बन्ध खालामगोन, ईन्दियान अईल कर्परेशन लिमितेद आ लकेल
त्रेन्सपर्दार नि दाबिफोरखौ मावफुंनो हायाखै होनना अजद होदों।
फरायसालि आव सोबदोंमोन सिगारेत, बेनि सावगारि भाइरेल जानायनि
उनाव नो सासे फरायसुलि आ गावखौनो बुथारना लाबाय। जाथाय आ सोनाबबंग नि, केनिं थाना
नि सिंनि ईतखोला ओनसोल आव जादों, फरायसुलि आ थाखो 8 आव फरायोमोन।, साननैसो सिगाङाव
लोगोफोरजों सिगारेत सोबदोंमोन बियो, बेनि सावगारि आ ससियेल मिदिया याव भाईरेल जायो
आरो बेखौ ननि सुबुंफोरा नुयो, जायनि थाखाय ननि सुबुंफोरजों गोबां बुंजादोंमोन आरो
लोगोसे गुबुनफोरजोंबो गाज्रि नोजोरजों नायजादोंमोन, बे जाथायनि थाखायनो गावखौनो
बुथारना लायो।
बिहार आव जादों मोनसे सोमोनांथाव जाथाय। गावनि बिसि खौ
नागिरनानै पुलिस नि खाथि आव थांदों, नागिरना होनो खावलायदों, फिसाय नि अजद बिसि आ
कन्सतेबल नि साख्रि मोननाय नि उनाव नो लोगो लोगो फिसायखौ गारना थाङो आरो नम्बर खौ
ब्लक खालामो, बिहार नि समस्तिपुर आव जादों, मिथिना मोननाय बादिब्ला बिहार नि पतोरि
पुलिस थाना याव कन्सतेबल महरै साख्रि मोननाय हरप्रित कुमारि जों लोगोसे मोजां
मोनलायनानै हाबा जादोंमोन मिथुन कुमार मुंनि सुबुं आ। बेनि गेजेरावनो कन्सतेबल नि
साख्रि नि थाखाय एप्लाई खालामदोंमोन, फिसाय आ बो गनायथि होदोंमोन, बिसि नि साख्रि
नि थाखाय मिथुन आ 14 निफ्राय 15 लाख सो रां खरसा खालामदोंमोन होनना बुंदों, उनाव
बिसि आ त्रेईनिं नि थाखाय समस्तिपुर आव फैनाङो, त्रेइनिं नि थाखाय फैनायनि उनाव नो
सोमोनांथावै बन्ध खालामना लायो मबाईल खौ, फिसाय होनना सिनायथि होनायनिफ्रायबो
गोजानाव थायो होनना अजद, गुबुनफारसे फिसायनि बे अजद नि फिननाय होदों बिसि आ, बिसि
नि बादिब्ला फिसाय आ धोन दाबि खालामदोंमोन बिनिफ्राय, धोन होआब्ला बुथारगोन होनना
बो बुंदोंमोन होनना अजद होदों। सोरनिया सैथो बेखौ नायबिजिरनायनि उनाव सो मिथिगोन।
जारिमिन सोरजिबाय भारत नि जेभेलिन थ्र खालामग्रा अलिम्पिक आव
सना नि मेदेल मोननाय निरज शोप्रा या। दिनै ईउजिन आव जानाय वर्ल्द एथेलेतिक्स
चेम्पियनशिप आव हौवासाफोरनि जेभेलिन थ्र आव रुफा एबा सिलभार मेदेल मोननानै जारिमिन
सोरजियो, गासै 88.13 मितार गोजान खुबैनो हादोंमोन, बिथाङानो रुफा नि मेदेल मोननाय
भारत नि गिबिसिन तिरेक एन्द फिल्द एथएलेतिक्स, आरो वर्ल्द चेम्पियनशिप आव मेदेल मोननाय
अन्जु बबि जर्ज नि उनाव नैथि भारतारि जानो हादों
भारत आव मोनदों 4 थि मांकिपक्स बेराम जानाय सुबुं। राजधानि
दिल्लि आव सासे 31 बोसोर बैसो नि सेंग्रा नि देहा याव मोनदों, माहारियारि खौरां
बिजों नि बादिब्ला भारत नि गुबुन मोन 3 केस खौ केरला याव मोनदों, दिल्लि नि
सेंग्रा नि जेबो गुबुन हादोर आव दावबायनायनि रेकर्द गैया, नाथाय पितिआई नि
बादिब्ला साननैसो सिगाङाव हिमासल प्रदेश नि मानालि आव थांदोंमोन, पार्ति आव बाहागो
लादोंमोन, सेंग्रा नि देहा याव लैखोन नुनानै देहाफाहामसालि आव सोदोंमोन आरो
सनिबारखालि नमुना खौ नेशनेल ईन्सतितिउत अफ भाईरलजि आव दैथायहरदोंमोन, मांकिपक्स
बेराम आ बसन्त बेराम बायदिनो नुनायाव नाथाय एखे नङा बेराम आ। दासिम बुहुमनि 75
हादरफोराव 16 रोजा नि बारा सुबुंफोरनि देहा याव मांकिपक्स मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon